Biofizika İnstitutunda magistrantın məruzəsi dinlənilib

Dekabrın 6-da AR Elm və Təhsil Nazirliyinin Biofizika İnstitutunda Təhsil şöbəsinin və Gənc Alim və Mütəxəssislər Şurasının (GAMŞ) təşkilatçılığı ilə növbəti distant elmi seminar keçirilib.

Seminarı giriş sözü ilə institutun Təhsil və beynəlxalq əlaqələr şöbəsinin müdiri, a.ü.f.d., dosent Həmayil Adıgözəlzadə açaraq tədbir iştirakçılarına magistrant barədə məlumat verib.

Seminarda institutun “Biofizika” ixtisası üzrə I kurs magistrantı Məhəmməd Mirzəyev "EPR metodu və onun tətbiq sahələri" mövzusunda çıxış edərək Elektron paramaqnit rezonansı metodu, onun tətbiq sahələri, mahiyyəti, tarixi, EPR spektrometri cihazının quruluşu haqqında geniş məlumat verib.

Gənc alim çıxışının sonunda mövzu ətrafında sualları cavablandırıb.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

06 Dekabr 2022

Paylaş