Biofizika İnstitutunda “Şuşa - elm, mədəniyyət tariximizin beşiyi, dünən, bu gün, sabah” mövzusunda seminar keçirilib

Elm və Təhsil Nazirliyinin Biofizika İnstitutunda Şuşa şəhərinin 2023-cü il üçün “Türk dünyasının mədəniyyət paytaxtı” elan edilməsi ilə bağlı  elmi-populyar seminar keçirilib.

Seminarda institutun I və II kurs magistrantları “Şuşa - elm, mədəniyyət tariximizin beşiyi, dünən, bu gün, sabah” mövzusunda çıxış edərək Şuşanın tarixi keçmişi, zəngin mədəniyyəti, dahi şəxsiyyətləri, memarlığı, hərbi-strateji əhəmiyyəti və işğaldan azad edildikdən sonra həyata keçirilən bərpa və yenidənqurma işləri barədə məlumat veriblər.

Bildirilib ki, Azərbaycan Prezidenti, Müzəffər Ali Baş Komandan İlham Əliyevin rəhbərliyi ilə 2020-ci il noyabrın 8-də Azərbaycan Ordusu tərəfindən 30 ildən sonra düşmən əsarətindən azad olunan Şuşa şəhəri günü-gündən abadlaşdırılır, şəhər ənənəvi dolğun mədəni həyatına qayıdır.

08 May 2023

Paylaş