2 saylı Uşaq-Gənclər İnkişaf Mərkəzində elmi işçi Arzu Aydəmirovanın “Müasir dünyaya açılan pəncərə: İnternet” mövzusunda çıxışı oldu

28.11.2023 tarixində Azərbaycan Respublikası Elm və Təhsil Nazirliyinin dəstəyi ilə Bakı şəhəri 2 saylı Uşaq-Gənclər İnkişaf Mərkəzində AR ETN Biofizika İnstitutunun Biomolekulların strukturu, dinamikası və funksiyası laboratoriyasının elmi işçisi Arzu Aydəmirovanın “Müasir dünyaya açılan pəncərə: İnternet” mövzusunda maarifləndirici seminar əsasında çıxışı oldu.

Seminarı giriş sözü ilə mərkəzin metodisti Sevda Bəybalayeva açdı. Mövzu əsasında Arzu Aydəmirova internetin üstünlüklərindən, eyni zamanda müxtəlif yan təsirlərindən, eləcə də, insanlar arasında virtual internet alətləri vasitəsilə sosial ünsiyyətin yaradılmasında və məlumatların paylaşılmasında sosial mediaların xüsusi rolundan, Vikipediaya məqalə yerləşdirilmə imkanlarından və  təşkilat tərəfindən nümayəndə qismində iştirak etdiyi Web of Science platformasının elm cəmiyyətinə bəxş etdiyi töhfələrdən danışdı.

     Təlim böyük maraqla qarşılandı və mövzu ətrafında geniş müzakirələr aparıldı. Eləcə də seminara dəvət almış müxtəlif filial rəhbərləri bu cür mövzuların uşaqların və gənclərin sosiallaşmasında mühüm təsirini vurğulayaraq gələcəkdə silsilə tədbirlərin keçirilməsində maraqlı olduqlarını bildirdilər.

29 Noyabr 2023

Paylaş