26 fevral, 2021

AMEA-nın gənc alimləri “Ana harayı” abidəsini ziyarət ediblər

Xocalı soyqırımının 29-cu ildönümü ilə əlaqədar AMEA-nın Gənc Alim və Mütəxəssislər Şurasının üzvləri faciə qurbanlarının xatirəsinə ucaldılmış “Ana harayı” abidəsini ziyarət ediblər.

Gənc alimlər abidə önünə gül dəstələri düzüb, soyqırımı qurbanlarının xatirəsinə dərin ehtiramlarını bildiriblər.

Mənbə: www.science.az.

26 fevral, 2021

Xocalı faciəsindən 29 il ötür

“Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-insani cəza üsulları ilə bəşər tarixində bir vəhşilik aktıdır. Bu soyqırım, eyni zamanda, bütün bəşəriyyətə qarşı tarixi bir cinayətdir.”

Heydər Əliyev, Azərbaycan xalqının ümummilli lideri

Bəşər tarixinin ən qanlı səhifələrindən olan Xocalı soyqırımından 29 il ötür. Bu dəhşətli hadisənin növbəti ildönümü günlərində faciəni törədənlərin məkrli xislətini bir daha açıb göstərmək, erməni vandalizmini, Azərbaycan həqiqətlərini dünya ictimaiyyətinə çatdırmaq böyük əhəmiyyət kəsb edir. Ermənistanın Azərbaycana qarşı işğalçılıq siyasətinin tərkib hissəsini təşkil edən, beynəlxalq hüququn norma və prinsiplərinin, uzun illərdən bəri insan hüquq və azadlıqlarının kütləvi şəkildə kobudcasına pozulması ilə nəticələnən Xocalı faciəsi erməni millətçilərinin və onların havadarlarının apardığı etnik təmizləmə və soyqırımı siyasətinin daha bir müdhiş nümunəsidir.

Bu faciə zamanı 613 nəfər dinc əhali xüsusi amansızlıqla qətlə yetirilib, əksəriyyəti yaşlılar, qadın və uşaqlar olmaqla 1275 nəfər əsir götürülüb, onlardan 150 nəfərin taleyi isə bu günə kimi məlum deyil.

Tarix boyu erməni millətçiləri tərəfindən Azərbaycan xalqına qarşı qanlı cinayətlər, terror və soyqırımı aktları törədilmişdir. Lakin Azərbaycan xalqı və dövləti bu çətin sınaqlardan mətanətlə keçdi və Müzəffər Ali Baş Komandanın rəhbərliyi ilə rəşadətli Azərbaycan Ordusu böyük şücaət və yüksək döyüş hazırlığı göstərərək 44 günlük Vətən müharibəsində 30 ilə yaxın işğal altında olan torpaqlarımızı geri qaytardı. Bu haqq döyüşündə tarix yazan Azərbaycan ordusu tərəfindən məhv edilən düşmən qüvvələri içərisində Xocalı soyqırımının cəlladları da vardı. Tarixi qələbə qazanan ordumuz bu qətliamın günahsız qurbanlarının qisasını aldı. Xocalıda, eləcə də Qarabağ uğrunda həlak olan bütün şəhidlərimizin ruhu əbədi rahatlığa qovuşdu.

Biofizika İnstitutu kollektivi olaraq Xocalı soyqırımının günahsız qurbanlarının əziz xatirəsini ehtiramla yad edir, bütün şəhidlərimizə Allahdan rəhmət diləyirik!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

24 fevral, 2021

Biofizika İnstitutunun Elmi şurasının iclasında bir sıra məsələlər müzakirə olunub

24 fevral 2021-ci il tarixində AMEA Biofizika İnstitutunun Elmi şurasının onlayn iclası keçirilib.

Elmi şuranın sədri, institutun baş direktoru, AMEA-nın müxbir üzvü Oktay Qasımov iclası açaraq şura üzvlərini gündəlikdəki məsələlərlə tanış edib.

İclasda ilk olaraq fəlsəfə doktoru hazırlığı üzrə doktorantların qəbul imtahanlarının verilməsi ilə bağlı “Genetika” ixtisası üzrə proqram müzakirə olunaraq təsdiq edilib.

Gündəlikdə yer alan növbəti məsələ 8 fevral 2021-ci il tarixində Ali Attestasiya Komissiyasından gələn məktub üzrə  “Elmi müəssisələrin (təşkilatların) akkreditasiyasının keçirilməsinə dair Təlimat” layihəsi haqqında olub. Məsələ ilə bağlı institutun elmi katibi, b.ü.f.d. Florida Mehrəliyeva çıxış edərək, sözügedən sənəddən irəli gələn məsələlər barədə məlumat verib.

Sonda müzakirə olunan məsələlərə dair müvafiq qərarlar qəbul edilib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

22 fevral, 2021

Elan

24 fevral 2021-ci il tarixində saat 11:00-da Elmi Şuranın növbəti iclası keçiriləcək.

İclasda aşağıdakı məsələlərə baxılacaq:

1. Fəlsəfə doktoru hazırlığı üzrə doktorantların qəbul imtahanlarının verilməsi ilə bağlı Genetika ixtisası üzrə proqramın müzakirəsi və təsdiqi.

2. 8 fevral 2021-ci il tarixində AAK-dan gələn 04/12-6/3 №-li məktub üzrə  “Elmi müəssisələrin (təşkilatların) akkreditasiyasının keçirilməsinə dair Təlimat” layihəsi haqqında. (Əlavə

3. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

19 fevral, 2021

AMEA Rəyasət Heyətinin iclası keçirilib

Fevralın 19-da Azərbaycan Milli Elmlər Akademiyası Rəyasət Heyətinin növbəti iclası keçirilib.

Tədbirdə AMEA-nın prezidenti, akademik Ramiz Mehdiyev, Rəyasət Heyətinin üzvləri və aidiyyatı məsələlər üzrə dəvət olunmuş şəxslər iştirak ediblər.

İclası giriş sözü ilə açan AMEA-nın prezidenti, akademik Ramiz Mehdiyev gündəlikdəki məsələləri iştirakçıların diqqətinə çatdırıb.

İlk olaraq akademik Ramiz Mehdiyev AMEA Botanika İnstitutunun direktoru, akademik Validə Əli-zadəyə 75 illik yubileyi, AMEA-nın müxbir üzvü İbrahim Cəfərova 65 illik yubileyi, Polimer Materialları İnstitutunun direktoru, AMEA-nın müxbir üzvü Bəxtiyar Məmmədova 80 illik və AMEA-nın müxbir üzvü Elşad Qurbanova 70 illik yubileyləri münasibətilə AMEA-nın Fəxri fərmanını təqdim edib. Yubilyarları təbrik edən AMEA rəhbəri onlara gələcək fəaliyyətlərində uğurlar arzulayıb.

Gündəliyə çıxarılan növbəti məsələlər – Azərbaycan Respublikası Səhiyyə Nazirliyi Milli Onkologiya Mərkəzinin Baş direktoru, Azərbaycanda müasir klinik onkologiyanın və süd vəzi xərçənginin diaqnostikası və müalicəsi üzrə məktəbin banilərindən olan akademik Cəmil Əliyevin 75 illik, AMEA-nın vitse-prezidenti, “Azərbaycan Milli Ensiklopediyası” Elmi Mərkəzinin direktoru, tanınmış kimyaçı alim, akademik Tofiq Nağıyevin 80 illik və Azərbaycanda iqtisadi kibernetika sahəsinin inkişafında xidmətləri olan AMEA-nın müxbir üzvü Qorxmaz İmanovun 80 illik yubileylərinin qeyd olunması üçün müvafiq dövlət qurumları qarşısında vəsatət qaldırılması ilə bağlı olub.

Sonra AMEA-nın Torpaqşünaslıq və Aqrokimya İnstitutunda aparılan elmi tədqiqatların monitorinqi üzrə komissiyanın yaradılması barədə məsələ müzakirəyə təqdim olunub. Məsələ ilə bağlı çıxış edən akademik Ramiz Mehdiyev sosial-iqtisadi problemlərin həlli baxımından önəmli tədqiqatlar aparan bu institutun işində mövcud olan nöqsanların aradan qaldırılması məqsədilə yeni komissiyanın müxtəlif sahələr üzrə fəaliyyət göstərəcəyini, komissiyaya sədrliyin AMEA-nın I vitse-prezidenti, akademik Dilqəm Tağıyev tərəfindən həyata keçiriləcəyini diqqətə çatdırıb. AMEA-nın fəaliyyət proqramının əsasən insanların elmi yaradıcılıqlarının inkişafına istiqamətlənməli olduğunu deyən AMEA rəhbəri bildirib ki, alimlərin elmi potensialının yüksəldilməsi ilə əlaqədar əməli addımlar atılmalıdır.

İclasda AMEA-nın Riyaziyyat və Mexanika, İdarəetmə Sistemləri və İnformasiya Texnologiyaları institutlarında aparılmış yoxlamaların nəticələri barədə hazırlanan arayışı AMEA Rəyasət Heyəti aparatının Hüquq və kadrlar idarəsinin rəisi, hüquq üzrə fəlsəfə doktoru Rasim Ağasiyev Rəyasət Heyətinin diqqətinə çatdırıb.

Məsələ ətrafında aparılan müzakirələrdə AMEA-nın akademik-katibi, akademik Adil Qəribov, AMEA-nın vitse-prezidenti, akademik Rasim Əliquliyev, akademik Əli Abbasov və başqaları çıxış ediblər. İnstitutların fəaliyyəti AMEA-da yenidənqurma və optimallaşdırma üzrə aparılan islahatların ruhuna uyğun olaraq müsbət xarakterizə olunub. Müəssisələrin kadr və kargüzarlıqla bağlı sənədlərinin qanunvericiliyin tələblərinə, eləcə də dövlət başçısı tərəfindən qəbul olunan qərarlara müvafiq tərtib edilməsi, əmək və icra intizamının təmin edilməsi məqsədilə əməkdaşlar üçün onlayn seminarların təşkili məqsədəuyğun hesab edilib.

Sonda çıxış edən AMEA prezidenti, akademik Ramiz Mehdiyev müzakirəyə çıxarılan məsələlərə münasibət bildirərək Azərbaycan elminin nüfuzunun artırılması üçün Akademiyanın institutları ilə ali təhsil müəssisələri arasında əlaqələrin gücləndirilməsinin vacibliyindən söz açıb. Buna dair xüsusi proqramların tərtib olunmasının əhəmiyyətini vurğulayan akademik müəssisələrin öz elmi prioritetlərində dünya standartlarına, müasirliyə və yeni aktual elmi istiqamətlərin seçilməsinə üstünlük verməli olduqlarını qeyd edib.

Mənbə: www.science.az

13 fevral, 2021

AMEA-nın Fizika-Riyaziyyat və Texnika Elmləri Bölməsinin elmi müəssisələrində islahatlara start verildi

12 fevral 2021-ci il tarixində Azərbaycan Milli Elmlər Akademiyasının (AMEA) Fizika-Riyaziyyat və Texnika Elmləri Bölməsinin (FRTEB) Ümumi Yığıncağının onlayn iclası keçirilib.

Tədbirdə AMEA-nın vitse-prezidenti, FRTEB-in rəhbəri, akademik Rasim Əliquliyev, Bölmə üzrə AMEA-nın həqiqi və müxbir üzvləri, elmi müəssisələrin rəhbərləri, direktor müavinləri, elmi katibləri, təhsil, beynəlxalq və ictimaiyyətlə əlaqələr şöbələrinin rəhbərləri, eləcə də gənc alim və mütəxəssislər şuralarının sədrləri iştirak ediblər.

Gündəliyə əsasən, əvvəlcə Azərbaycanın işğaldan azad edilmiş ərazilərinə dair elmi tədqiqat işləri ilə bağlı AMEA-nın vəzifələri haqqında Fəaliyyət Proqramı və Tədbirlər planından irəli gələn tapşırıqlar müzakirəyə çıxarılıb.

Bu barədə çıxış edən akademik Rasim Əliquliyevin vurğulayıb ki, ölkəmizin Prezidenti cənab İlham Əliyevin qeyd etdiyi kimi, II Qarabağ müharibəsindən sonra qarşıda duran prioritet məsələ işğaldan azad olunmuş ərazilərin planlı şəkildə bərpasıdır. Alim vurğulayıb ki, son zamanlar cənab Prezidentin birbaşa rəhbərliyi ilə bu istiqamətdə kompleks tədbirlər həyata keçirilir.

Rasim Əliquliyev bildirib ki, haqqında söhbət açılan Tədbirlər planı FRTEB-in elmi müəssisələrinin qarşısında işğaldan azad edilmiş ərazilərin kompleks şəkildə bərpası üçün elmi tədqiqatların aparılması, o cümlədən əkin sahələrinin peyk verilənlərinə görə monitorinq sistemlərinin işlənilməsi, ərazilərin ekoloji vəziyyətinin qiymətləndirilməsi, radiasiya fon durumunun tədqiqi, logistika layihələrinin modelləşdirilməsi, Elektron Qarabağ konsepsiyasının işlənilməsi və reallaşdırılması, eləcə də onlayn platformada Qarabağ ensiklopediyasının hazırlan-ması işlərinə elmi-metodoloji dəstəyin təmin edilməsi məsələləri və bu kimi digər mühüm vəzifələri qoyur.

Məsələ ilə bağlı çıxış edən Fizika İnstitutunun baş direktoru, akademik Arif Həşimov diqqətə çatdırıb ki, rəhbərlik etdiyi elmi qurumda artıq AzərEnerji ASC ilə birlikdə Dağlıq Qarabağ və ətraf rayonların bərpa olunan enerji mənbələrinin qiymətləndirilməsi üzrə tədqiqat işlərinə başlanılıb.

Onlayn iclasda müzakirəyə çıxarılan digər məsələ FRTEB-in elmi müəssisələrinin 2021-ci il üzrə elmi tədqiqat planları olub. Elmi müəssisələrin rəhbərləri öz fəaliyyət planlarını tədbir iştirakçılarının diqqətinə çatdırıblar. Aparılan geniş müzakirələrdən sonra FRTEB-in elmi müəssisələrinin cari ildə qarşıya qoyduqları elmi fəaliyyət planları yekdilliklə qəbul edilib.

Ümumi yığıncağın onlayn iclasında müzakirə olunan digər məsələ 2021-ci il, eləcə də 2021-2025-ci illər üzrə elmi tədqiqat planlarına, prioritet elmi istiqamətlərə, xüsusilə də müasir dünyanın çağırışları və ölkəmizin milli maraqlarına müvafiq olaraq, FRTEB-in elmi müəssisələrinin yeni strukturlarının təsdiq edilməsi olub. Qeyd olunub ki, elmi müəssisələrin yeni strukturları bu gün üçün aktuallığını itirən elmi problemlərdən imtina olunması, müasir və aktual elmi istiqamətlərə uyğun strukturların yaradılmasını zəruri edib. Aparılan geniş müzakirələrdən sonra FRTEB-in elmi müəssisələrinin yeni strukturları təsdiq edilməsi üçün AMEA Rəyasət Heyəti qarşısında vəsatət qaldırılması qərara alınıb.

Gündəlik üzrə FRTEB-in elmi müəssisələrinin Elmi şuralarının yeni tərkibi müzakirə olunub. Bununla bağlı çıxış edən akademik Rasim Əliquliyev qeyd edib ki, son dövrlərdə cənab Prezidentin sosial, iqtisadi, diplomatik və digər bu kimi çoxsaylı sferalarda apardığı islahatlar AMEA-nın fəaliyyət istiqamətlərinin müəyyənləşdirilməsində də əsas rol oynayır. Bu baxımdan son dövrlərdə AMEA-nın prezidenti, akademik Ramiz Mehdiyevin rəhbərliyi ilə elmi-təşkilati fəaliyyətdə idarəetmənin optimallaşdırılması, əldə olunan innovativ potensiallı elmi nəticələrin istehsalatda çevik tətbiqi, gənc kadrların hazırlanması məqasədilə bir sıra istiqamətlərdə islahatlar həyata keçirilir. Onun sözlərinə görə, aparılan müvafiq struktur islahatları nəticəsində elmi tədqiqat müəssisələrinin Elmi şuralarının tərkibinin yenidən müəyyənləşdirilməsi zərurəti yaranıb.

FRTEB-in Elmi şurasının üzvləri yekdilliklə məsələnin lehinə səs verərək müvafiq müəssisələrin Elmi şuralarının yeni tərkibini təsdiq ediblər.

Daha sonra AMEA-nın akademik-katibi, akademik Adil Qəribov AMEA-nın elmi müəssisələrinin büdcədən maliyyələşdirilməsi və təchizatı məsələləri ilə bağlı çıxış edib.

Bu və digər məsələlərlə bağlı aparılan müzakirələrdə akademiklər Telman Əliyev, Əli Abbasov, Yusif Məmmədov, Nazim Məmmədov, Fikrət Əliyev, Ənvər Nəhmədov, AMEA-nın müxbir üzvləri Misir Mərdanov, Oqtay Qasımov, Afiq Həsənov, Namiq Cəlilov, Ramiz Alıquliyev, Bilal Bilalov, Əminağa Sadıqov, Vəli Hüseynov, Qeylani Pənahov, Vaqif İbrahimov, yaxından iştirak ediblər, rəy və təkliflərini səsləndiriblər.

FRTEB-in Ümumi Yığıncağı, həmçinin bir sıra kadr məsələsi ilə bağlı müvafiq qərarlar qəbul edib.

Sonda bir sıra həlli vacib olan məsələlər müzakirə olunub, suallar cavablandırılıb.

 

Mənbə: frteb.science.gov.az

10 fevral, 2021

Doktoranturaya imtahan verənlərin nəzərinə

Dövlət İmtahan Mərkəzi (DİM) fevralın 14-də doktoranturaya xarici dil üzrə qəbul və fəlsəfə doktoru, fevralın 15-də isə əcnəbilər və vətəndaşlığı olmayan şəxslər üçün Azərbaycan dili üzrə fəlsəfə doktoru imtahanları keçirəcək.

Doktoranturaya qəbul olunmaq istəyən namizədlər və fəlsəfə doktoru iddiaçıları üçün xarici dil üzrə imtahanın məzmununu və məqsədini müəyyənləşdirən imtahan proqramları, həmçinin xarici dillər üzrə imtahanın strukturu və məzmunu haqqında məlumatlar, tövsiyələr və qiymətləndirmə meyarları DİM-in internet saytında yerləşdirilərək namizədlərə və iddiaçılara təqdim edilib.

Məlumat verildiyi kimi, həm doktoranturaya xarici dil üzrə qəbul, həm də xarici dil və Azərbaycan dili üzrə fəlsəfə doktoru imtahanlarında toplanıla biləcək maksimal bal 50-yə bərabərdir və dinləmə, oxu, dildən istifadə və yazı bloklarının hər biri üzrə balların minimum 20 faizini, ümumilikdə imtahandan isə minimal keçid balını toplamaq tələb olunur. Müvafiq qurumlarla razılaşdırılmaqla doktoranturaya xarici dillər üzrə qəbul imtahanı üçün minimal keçid balı 25, xarici dil üzrə fəlsəfə doktoru imtahanı üçün minimal keçid balı 35, əcnəbi və vətəndaşlığı olmayan iddiaçıların Azərbaycan dili üzrə fəlsəfə doktoru imtahanı üçün isə 25 bal müəyyənləşdirilib.

Qeyd edək ki, doktoranturaya qəbul imtahanında yazılan esselər və fəlsəfə doktoru imtahanında yazılan vizual məlumatın təsviri maksimum 10 balla qiymətləndirilir. İki və daha artıq balla qiymətləndirilən esselər və yazılı təsvirlər məqbul hesab olunur.

Xatırladırıq ki, namizədlərin doktoranturaya qəbul və iddiaçıların fəlsəfə doktoru imtahanlarında xarici dilə yiyələnmə səviyyəsini yoxlayıb-qiymətləndirmək üçün sınaq imtahanında olduğu kimi aşağıdakı bloklar təqdim ediləcək:

1. Dinləyib-anlama bloku;

2. Oxuyub-anlama bloku;

3. Dildən istifadə bloku (leksik-qrammatik tapşırıqlar);

4. Yazı bloku (doktoranturaya qəbul imtahanı verənlər – esse yazısı və fəlsəfə doktoru imtahanı verənlər – vizual məlumatın (cədvəl, qrafik, diaqram və s) təsviri).

Əcnəbilər üçün Azərbaycan dili üzrə fəlsəfə doktoru imtahanında da eyni test blokları üzrə tapşırıqlar təqdim olunacaq.

Namizədlərin və iddiaçıların yuxarıdakı ilk üç blok üzrə onlara təqdim olunacaq 40 ədəd test tapşırığının hər birinə düzgün cavabı bir balla qiymətləndirilir, səhv cavablar düzgün cavabların nəticəsinə təsir göstərmir. Doktoranturaya qəbul və fəlsəfə doktoru imtahanlarında sualların cavablandırılmasına və essenin (və ya vizual məlumatın təsvirinin) yazılmasına ümumilikdə 2 saat 30 dəqiqə (o cümlədən test tapşırıqlarının cavablandırılmasına 1 saat 30 dəqiqə, yazılı tapşırığa isə 1 saat) vaxt ayrılır.

DİM akademik yazı bacarıqlarının elmi kadrlar üçün böyük əhəmiyyətini nəzərə alaraq, imtahanın yazı bloku (esse yazısı və vizual məlumatın təsviri) barəsində bəzi tövsiyələri, yoxlanılıb qiymətləndirilməsi nəzərdə tutulan bacarıqları imtahan iştirakçılarının diqqətinə bir daha çatdırır.

Qəbul imtahanında namizədlərin və iddiaçıların aşağıdakı xüsusiyyətlərə əməl etməklə “Xarici dillərə yiyələnmə səviyyəsinin müəyyənləşdirilməsi üzrə ümumavropa tövsiyə çərçivə sənədi”nin (CEFR) B2 səviyyəsinin meyarlarına cavab verən esse və vizual məlumatın təsvirini yazma bacarığı yoxlanılacaq:

– Yazının məzmunu, əhatəliliyi və həcmi;

– Yazının məntiqi strukturu;

– Nitqin rabitəliliyi və tamlığı;

– Qrammatik minimumdan düzgün istifadə;

– Lüğət ehtiyatının zənginliyi və səlisliyi;

– Yazı savadı.

Məlumat verildiyi kimi, doktoranturaya qəbul olmaq istəyən namizədlər üçün yazı bloku bir tapşırıqdan ibarətdir: verilmiş sərbəst mövzu əsasında giriş, əsas hissə və nəticədən ibarət olan essenin yazılması (həcmi 200-250 söz). Xarici dildən fəlsəfə doktoru imtahanı verəcək iddiaçılar və Azərbaycan dilindən fəlsəfə doktoru imtahanı verəcək əcnəbilər isə yazı blokunda giriş, əsas hissə və nəticədən ibarət olmaqla həcmi 200-250 söz vizual məlumatı təsvir edəcəklər (həcmi 200-250 söz).

Hər bir yazı işi azı iki marker tərəfindən qiymətləndirmə meyarlarına əsasən yoxlanılır və onların verdiyi qiymətlər əsasında yekun qiymət çıxarılır. Yazılı işlər yoxlanılarkən onun mövzuya (vizual məlumata) uyğunluğu, həcmi, tərkib hissələrinin (giriş, əsas hissə və nəticə (yekun)) mövcudluğu və onlar arasında məntiqi rabitə, mövzunun və ya vizual məlumatın düzgün şərhi və əhatə səviyyəsi, fikirlərin məntiqli və düzgün ifadə olunması, essedə əks fikirlərin inandırıcı şəkildə təkzibi, fikirlərin sitatlarla, nümunə, təcrübə, fakt və başqa sübutedici mənbələrdən istifadə etməklə əsaslandırılması, vizual məlumatın təsvirində isə təqdim edilən statistik göstəricilərin, rəqəmlərin düzgün təsviri və müqayisəsi, hər iki yazı növündə söz ehtiyatının zənginliyi, səlisliyi, ifadəlilik, ədəbilik, üslubun neytrallığı və orijinallığı, habelə yazı savadı (yol verilmiş səhvlərin (orfoqrafik, leksik, qrammatik, durğu işarəsi, faktoloji) ümumi sayı) nəzərə alınır.

Yerinə yetirilməmiş, yazı müəllifini tanıtmaq məqsədilə hər hansı işarə vurulmuş, namizədin və ya iddiaçının özü və ya yaxınları, müəllimləri və s. barəsində məlumat yazılmış və ya təqdim olunan mövzulardan biri və ya vizual məlumat əvəzinə, hər hansı digər mövzuda və ya seçilmiş dil əvəzinə digər dildə yazılmış, həmçinin tələb olunan minimal həcmdən (minimum 180 sözdən) az həcmdə yazılmış, eləcə də oxunulması və anlaşılması mümkün olmayan yazı işləri “0” (sıfır) balla qiymətləndirilir.

Onu da nəzərə almaq lazımdır ki, yazının həcmi 200-250 sözdən ibarət olmalıdır. Həcm tələb olunan minimum 200 sözdən 10 faiz az (ən azı 180 söz) və ya maksimum 250 sözdən 10 faiz çox (ən çoxu 275 söz) ola bilər. Minimal həcmdən (180 sözdən) az olan yazılar “0” (sıfır) balla qiymətləndirilir, yazının maksimal həcmdən (275 sözdən) artıq olan hissəsi isə qiymətləndirmə zamanı nəzərə alınmır. Yazı işi səliqəli və aydın olmalıdır ki, onu oxuyub-qiymətləndirmək mümkün olsun.

Mənbə: http://dim.gov.az

9 fevral, 2021

Magistraturaya sənəd qəbulu elan edilir

Dövlət İmtahan Mərkəzi (DİM) 2021/2022-ci tədris ili üçün Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının magistraturalarına qəbul elan edir.

Qəbul imtahanında iştirak etmək üçün bakalavrların ərizələrinin qəbulu internet vasitəsilə aparılır. İmtahanda iştirak etmək üçün bakalavr 2021-ci il fevralın 9-dan 18-dək Mərkəzin internet saytının ekabinet.dim.gov.az səhifəsində “Şəxsi kabinet” yaratdıqdan sonra ərizə vermək üçün tələb olunan məbləği (50 AZN) “Şəxsi kabinet”indəki hesabına əlavə edir. Hesaba məbləği əlavə etmək üçün ödəniş üsulları ilə epayment.dim.gov.az internet səhifəsində tanış olmaq mümkündür.

Bakalavr “Şəxsi kabinet”inin istifadəçi adı və parolundan istifadə etməklə fevralın 9-u saat 10:00-dan fevralın 18-i saat 23:59-dək Mərkəzin internet saytının müvafiq səhifəsinə (http://eservices.dim.gov.az/erizemag/erize) daxil olub “Bakalavrın elektron ərizəsi” formasını doldurur və təsdiq edir.

Azərbaycan Respublikasında yerləşən ali təhsil müəssisələrini bitirən və Azərbaycan Respublikasının vətəndaşı olan bütün bakalavrlar, həmçinin Təhsil Nazirliyi tərəfindən verilən, ixtisasın tanınmasını və ekvivalentliyinin müəyyən edilməsini təsdiqləyən sənədləri olan xarici ölkələrdə ali təhsil almış şəxslər qəbul imtahanında iştirak etmək üçün ərizə qəbulu müddətində Mərkəzin rəsmi internet saytında “Bakalavrın elektron ərizəsi”ni doldurmalı və özləri təsdiq etməlidirlər.

Digər bakalavrlar həmin müddət ərzində sənədlərini Mərkəz tərəfindən yaradılmış sənəd qəbulu komissiyalarına şəxsən təqdim etməklə ərizələrini təsdiqləməlidirlər.

Magistraturaya qəbul imtahanı Mərkəz tərəfindən mərkəzləşdirilmiş qaydada bakalavrların ümumi intellekt səviyyəsinin (məntiqi təfəkkürünün), informatika və xarici dil biliklərinin qiymətləndirilməsi üzrə keçirilir.

İmtahan 2021-ci il fevralın 28-də (respublikamızda sanitar-epidemioloji vəziyyətdən asılı olaraq imtahanın vaxtı dəyişdirilə bilər) keçiriləcək və bakalavrlara ümumi intellektin (məntiqi təfəkkürün) inkişaf səviyyəsinin yoxlanılması üçün 50 (o cümlədən açıq formalı 5), informatika üzrə 25 (o cümlədən açıq formalı 5) və xarici dil üzrə 25 (o cümlədən açıq formalı 5) test tapşırığı təqdim olunacaq. Sualların cavablandırılmasına 3 saat vaxt ayrılacaq.

Qeyd edək ki, cari ildə magistraturaya qəbul imtahanının iki dəfə keçirilməsi nəzərdə tutulur. İkinci qəbul imtahanının keçirilmə vaxtı və sənəd qəbulu koronavirus pandemiyası ilə əlaqədar respublikamızda sanitar-epidemioloji vəziyyətdən asılı olaraq müəyyənləşdiriləcək və bu barədə əlavə məlumat veriləcək.

Qəbul imtahanındakı, bəzi ixtisaslaşmalar üçün, həmçinin qabiliyyət imtahanındakı nəticələri Mərkəz tərəfindən Təhsil Nazirliyi ilə razılaşdırılmaqla müəyyən edilən müsabiqə şərtini ödəyən bakalavrlar ixtisaslaşma seçiminə buraxılır.

Xüsusi qabiliyyət tələb edən ixtisaslar üzrə ixtisas magistraturasının ixtisaslaşmalarına və jurnalistika üzrə magistratura ixtisaslaşmalarına qəbul olmaq istəyən və qəbul imtahanındakı nəticələri Mərkəz tərəfindən Təhsil Nazirliyi ilə razılaşdırılmaqla müəyyən edilən müsabiqə şərtini ödəyən bakalavrlar qəbul imtahanını verdikdən sonra Mərkəz tərəfindən elan edilən müddətdə qabiliyyət imtahanı verməlidirlər.

Magistraturaya qəbul olmaq üçün proqram və ixtisaslaşma seçimi qəbul və qabiliyyət imtahanlarının nəticələri elan olunduqdan sonra DİM tərəfindən elan olunan müddətdə aparılır. İxtisaslaşma seçimi “Magistratura səviyyəsi üzrə ixtisaslaşma seçimi cədvəli” ilə tənzimlənir (həmin cədvəl “Magistr” jurnalının növbəti sayında dərc ediləcək).

İxtisaslaşma seçiminə qəbul və qabiliyyət imtahanlarında göstərdikləri nəticə Mərkəz tərəfindən Təhsil Nazirliyi ilə razılaşdırılmaqla müəyyən edilən müsabiqə şərtlərinə uyğun olan bakalavrlar buraxılırlar.

Qəbul elanının tam mətni “Magistr” jurnalının 2-ci sayında dərc olunub. Jurnalın bu sayında bakalavrlara kömək məqsədilə ümumi intellektin (məntiqi təfəkkürün) inkişaf səviyyəsini, informatika üzrə bilikləri, xarici dilləri bilmə səviyyəsini yoxlayan test tapşırığı nümunələri təqdim olunub. “Magistr” jurnalının bu sayında, eyni zamanda, müsabiqə şərtləri, “Bakalavrın elektron ərizəsi”nin doldurulma qaydası və onun nümunəsi də dərc edilib.

Mənbə: http://dim.gov.az

5 fevral, 2021

Gənc alimin məruzəsi dinlənilib

Fevralın 5-də AMEA Biofizika İnstitutunun İnteqrativ biologiya laboratoriyasının təşkilatçılığı ilə “Annotation of alternative proteomes derived from alternative splicing and frameshifting” mövzusunda onlayn elmi seminar keçirilib.

“Zoom” platforması üzərindən təşkil olunan seminarda AMEA və Fransanın Monpelye Universitetinin 2019-2022-ci tədris illəri üzrə birgə təşkil etdiyi ikili doktorantura proqramının qalibi olan və təhsilini hazırda MU-da davam etdirən, institutun İnteqrativ biologiya laboratoriyasının kiçik elmi işçisi Zərifə Osmanlı mövzu üzrə çıxış edib.

O, ikili doktorantura proqramı çərçivəsində hal-hazırda işlədiyi Struktur Bioinformatikası və Molekulyar Modelləşdirmə laboratoriyasının (Hüceyrə Biologiyası İnstitutu, CNRS) əsas tədqiqat istiqamətinin zülalların quruluş və funksiyalarının onların amin turşu ardıcıllığına əsasən bioinformatik proqramlarla öyrənilməsi olduğunu bildirib. Məruzəçi zülalların iki əsas rayonunun, qlobulyar və qeyri qlobulyar rayonlarının olduğunu vurğulayaraq göstərib ki, qeyri qlobulyar zülal rayonları öz növbəsində aqreqasiya etməyə meyilli olan, daxilən nizamsız və tandem təkrarlanan yarımqruplara bölünür. “Hazırda laboratoriyada sadalanan rayonların və yarımqrupların geniş miqyasda analizi üçün bioinformatik proqramlar yaradılır, təkmilləşdirilir və mövcud proqramların inteqrasiyası işləri aparılır” – deyə bildirən gənc alim əlavə edib ki, onun doktorantura tezisində əsas istiqamət mövcud olan bioinformatik proqramlardan istifadə edərək, yeni proqramlar yazaraq qaranlıq proteomların öyrənilməsidir.

Məruzəçinin sözlərinə görə, bir çox transkripsiya və post-transkripsiya mexanizmləri yeni zülalların və bu zülalların izoformlarının əmələ gəlməsinə səbəb olur. Bu mexanizmlər sırasında “Alternative splicing” və “frameshifting” (çərçivə sürüşməsi) mexanizmləri xüsusi yer tutur. Bu mexanizmlərlə əldə olunan alternativ proteomların struktur-funksiya analizi işin əsas hissəsini təşkil edir. Pro-mRNT transkriptlərinin alternativ splaysinqi eukariot orqanizmlərdə zülal müxtəlifliyini əmələ gətirən geniş yayılmış mexanizmdir. Eyni kodlaşdırma regionundan yaranan bir neçə zülalın/izoformanın əldə edilmə ehtimalını nəzərə alaraq izoforma və referens zülal ardıcıllıqlarının müqayisəli analizi aparılır. Alternativ proteomların annotasiyası genomların kodlaşdırma rayonlarının dərindən öyrənilməsinə, potensial yeni zülalların aşkar olunmasına, təkamül prosesində daha çox təsirə məruz qalan genom bölgələrinin tanınmasına xidmət etməkdədir. Məruzəçi yaxın zamanlara qədər yalnız mutant zülalların yaranmasına və ya vaxtından əvvəl stop kodonun yaranmasına səbəb olan “çərçivə sürüşməsinin” (frameshift) artıq təkamül prosesində yeni zülalların yaranmasında istifadə edilən bir yol olduğunun aşkar edilməsini də vurğulayıb.

Məruzə dinlənildikdən sonra Biofizika İnstitutunun baş direktoru, AMEA-nın müxbir üzvü Oktay Qasımov, elmi işlər üzrə direktor müavini, b.e.d. Kərim Qasımov, İnteqativ biologiya laboratoriyasının müdiri, AMEA-nın müxbir üzvü İlham Şahmuradov, AMEA-nın A.İ.Qarayev adına Fiziologiya İnstitutunun İnteqrativ fəaliyyətin molekulyar əsasları laboratoriyasının rəhbəri, b.e.d. Arif Mehdiyev və digərləri çıxış edərək mövzu ilə bağlı sual və fikirlərini bildiriblər.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

4 fevral, 2021

FRTEB-in rəhbərliyi dahi alimin qəbirüstü abidəsini ziyarət edib

AMEA-nın Fizika-Riyaziyyat və Texnika Elmləri Bölməsinə (FRTEB) daxil olan institutların rəhbərliyi dünya şöhrətli alim, qeyri-səlis çoxluqlar nəzəriyyəsi və qeyri-səlis məntiqin banisi Lütfi Zadənin 100 illik yubileyi münasibətilə onun qəbirüstü abidəsini ziyarət edib, məzarı önünə əklil qoyublar.

2021-ci il fevralın 4-də Azərbaycan Milli Elmlər Akademiyasının fəxri üzvü, professor Lütfi Zadənin anadan olmasının 100 ili tamam olur.

Azərbaycan Respublikasının Prezidenti İlham Əliyev elm və texnologiyaların inkişafına misilsiz töhfələr vermiş məşhur alim Lütfi Zadənin anadan olmasının 100-cü ildönümünün qeyd olunmasını təmin etmək məqsədilə cari il yanvarın 25-də Sərəncam imzalayıb.

Sərəncamda qeyd olunub ki, Lütfi Zadə dünya miqyasında əsərlərinə ən çox istinad olunan alimlərdəndir. Onun yaratdığı elmi məktəb və laboratoriyalar bir sıra ölkələrdə yarım əsrdən artıqdır ki, uğurla fəaliyyət göstərməkdədir. Azərbaycanlı olduğunu fəxrlə bildirən və ürəyi daim doğma Vətəni ilə bir döyünən Zadə elm və texnologiyaların inkişafında, eləcə də mədəniyyətlərarası dialoqun qurulmasında misilsiz xidmətlərinə görə Azərbaycan Respublikasının ali mükafatlarından olan “Dostluq” ordeninə layiq görülüb.

Lütfi Zadə həm də AMEA İnformasiya Texnologiyaları İnstitutunun “İnformasiya Cəmiyyəti Problemləri” və “İnformasiya Texnologiyaları Problemləri” junallarının Fəxri baş redaktoru idi.

Qeyd edək ki, dünya şöhrətli alim 2017-ci il sentyabrın 6-da ABŞ-da 96 yaşında vəfat edib. Sentyabrın 29-da onun nəşi öz vəsiyyətinə uyğun olaraq, Azərbaycana gətirilib və I Fəxri xiyabanda dəfn edilib.

Mənbə: www.science.az

4 fevral, 2021

AMEA-nın Biofizika İnstitutu vakant vəzifələri tutmaq üçün müsabiqə elan edir

Azərbaycan Milli Elmlər Akademiyasının Biofizika İnstitutu aşağıdakı vakant vəzifələri tutmaq üçün müsabiqə elan edir:

Biomolekulların strukturu, dinamikası və funksiyası” laboratoriyası üzrə:

Elmi işçi – 3 yer;

Kiçik elmi işçi – 3 yer;

Mühəndis – 1 yer;

“Molekulyar və hüceyrə biokimyası” laboratoriyası üzrə:

Kiçik elmi işçi – 1 yer;

“İnteqrativ biologiya birgə” laboratoriyası üzrə:

Kiçik elmi işçi – 1 yer.

Müsabiqədə elmi işçi vəzifəsi üzrə böyük təcrübəsi olan işçilər iştirak edə bilərlər. Sənədlər müsabiqənin müvafiq tələblərinə uyğun olaraq elan çap olunduğu gündən etibarən 1 (bir) ay müddətində aşağıda göstərilən ünvana göndərilməlidir:

Ünvan: Bakı ş., Z.Xəlilov küç., 117.

Əlaqə nömrələri: (+994 12) 432 67 14, 432 37 60

E-poçt: florida.r.yahyayeva@mail.ru

Müsabiqə 6 aprel 2021-ci il tarixində keçiriləcəkdir.

Müsabiqədə iştirak etmək istəyən iddiaçılar aşağıdakı sənədləri təqdim etməlidir:

– Ərizə (ərizənin forması);

– İddiaçının şəxsiyyət vəsiqəsinin surəti;

– Kadrların şəxsi uçot vərəqi;

– Tərcümeyi-hal;

– Əmək kitabçasının iş yerində və ya notarial qaydada təsdiq olunmuş surəti (əmək fəaliyyətinə yeni baş­layanlar istisna olmaqla);

– Magistratura və ona bərabər tutulan ali təhsil haqqında sənədin notarial qaydada və ya kadrlar şöbəsi tərəfindən təsdiq olunmuş surəti;

– Elmi dərəcə (elm sahələri üzrə fəlsəfə doktoru və elmlər doktoru), elmi ad (dosent, professor) və elmi rütbə (AMEA-nın həqiqi, müxbir üzvü) haqqında sənədlərin notarial qaydada təsdiq olunmuş surətləri;

– Yerinə yetirilmiş elmi-tədqiqat və təcrübi-axtarış işləri, həmçinin elmi və elmi-texniki layihə, müsabiqə, qrant və proqramlarda iştirak haqqında məlumat;

– Müəlliflik hüququ və ya patent hüququ ilə qorunan əqli mülkiyyət obyektlərinin qeydiyyatı haqqında şəhadətnamələrin surəti;

–Elmi əsərlərin elmi müəssisə və təşkilatın elmi katibi tərəfindən təsdiq olunmuş siyahısı.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

3 fevral, 2021

Onlayn elmi seminar keçiriləcək

5 fevral 2021-ci il tarixində saat 11:00-da “Annotation of alternative proteomes derived from alternative splicing and frameshifting” mövzusunda onlayn elmi seminar keçiriləcək.

Mövzu ilə bağlı İnstitutun İnteqrativ biologiya birgə laboratoriyasının kiçik elmi işçisi Zərifə Osmanlı çıxış edəcək.

Zoom platforması üzərindən təşkil olunacaq seminara aşağıdakı hiperkeçid və identifikasiya nömrəsi vasitəsilə qoşulmaq mümkündür:

İştirak üçün hiperkeçid: https://us04web.zoom.us/j/76783067480?pwd=bkxaVFppbWd4UzdRczZGSFBpV21nUT09

İdentifikasiya nömrəsi: 767 8306 7480

Şifrə: 6M9MVp

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

2 fevral, 2021

AMEA-da işçilərin attestasiyasının keçirilməsinə həsr olunan seminar-məşğələ keçirilib

AMEA-nın elmi müəssisə və təşkilatlarında işləyən işçilərin attestasiyasının keçirilməsinə metodiki köməkliyin göstərilməsi üçün AMEA Rəyasət Heyəti aparatının Hüquq və kadrlar idarəsinin təşkilatçılığı ilə onlayn seminar-məşğələ keçirilib.

Tədbirdə AMEA-nın elmi müəssisə və təşkilatların direktorları, eləcə də kadrlar şöbələrinin müdirləri iştirak ediblər.

Seminarı giriş sözü ilə AMEA-nın vitse-prezidenti, akademik Rasim Əliquliyev açaraq AMEA-nın prezidenti, akademik Ramiz Mehdiyevin salamlarını tədbir iştirakçılarına çatdırıb, bu gün ölkəmizdə geniş iqtisadi-siyasi, mədəni, o cümlədən elmi islahatların həyata keçirildiyini bildirib. AMEA-nın ölkəmizdə elm sahəsində dövlət siyasətini həyata keçirən ali qurum olduğunu deyən R.Əliquliyev vurğulayıb ki, bu gün alimlərimizin apardığı tədqiqatlar prioritet istiqamətləri əhatə etməklə Azərbaycan dövlətinin maraqlarına xidmət etməli, eləcə də hazırda dünyada gedən çağırışlara cavab verməlidir.

Akademik Rasim Əliquliyev AMEA-nın elmi müəssisə və təşkilatlarının fəaliyyət planlarının, o cümlədən stukturlarının yeniləndiyini, nəticədə işçilərin attestasiyasının keçirilməsinə ehtiyac yarandığını söyləyib. Diqqətə çatdırıb ki, AMEA Rəyasət Heyətinin 28 yanvar 2021-ci il tarixli qərarı ilə AMEA-nın elmi müəssisə və təşkilatlarında işləyən işçilərin attestasiyasının keçirilməsi qərara alınıb. Onun sözlərinə görə, attestasiya zamanı insan resurslarına və onların qarşısına qoyulan vəzifələrə yenidən baxılmalı, potensialları aşkarlanmalı, qabiliyyətləri ön plana çəkilməlidir. Attestasiyanın keçirilməsində əsas məqsədin cəmiyyətdə aparılan islahatlara akademiyanın dəstəyini ifadə etmək olduğunu deyən R.Əliquliyev bu prosesdə elmi müəssisə və alimlərin yaxından iştirakının vacibliyini vurğulayıb.

O, seminarın attestasiya öncəsi elmi müəssisə və təşkilatların rəhbərlərini normativ-hüquqi sənədlərlə tanış etmək məqsədilə təşkil olunduğunu, həmçinin onlayn məşğələnin mütəmadi keçiriləcəyini söyləyib.

Tədbirdə çıxış edən AMEA Rəyasət Heyəti aparatının Hüquq və kadrlar idarəsinin rəisi, hüquq üzrə fəlsəfə doktoru, dosent Rasim Ağasiyev bildirib ki, AMEA Rəyasət Heyətinin 28 yanvar 2021-ci il tarixli qərarı ilə ilkin olaraq AMEA-nın elmi müəssisə və təşkilatlarında işləyən işçilərin attestasiyasının keçirilməsinin qərara alındığını bildirib. Qeyd edib ki, sözügedən qərara əsasən, AMEA-nın elmi müəssisə və təşkilatlarında işləyən işçilərin peşəkarlıq səviyyəsi yoxlanılmalı, ixtisasının tutduğu vəzifəyə uyğunluğu, həmçinin işinin səmərəliliyi müəyyən edilməlidir. R.Ağasiyevin sözlərinə görə, Nazirlər Kabinetinin 23 may 2001-ci il tarixli 97 nömrəli qərarı ilə təsdiq edilmiş “Azərbaycan Respublikasında işçilərin attestasiyasının keçirilməsi Qaydaları” və Əmək Məcəlləsinin 65-67-ci maddələrinin tələblərinə əsasən, elmi müəssisə və təşkilatlarda attestasiya komissiyası yaradılmalıdır.

Əmək Məcəlləsinin müvafiq maddələrinin tələblərini diqqətə çatdıran R.Ağasiyev vurğulayıb ki, işəgötürənin əmri ilə işçilərin attestasiyasının keçirilməsi üçün təcrübəli, yüksək peşəkarlıq qabiliyyətinə malik, obyektivliyi və qərəzsizliyi ilə seçilən nüfuzlu şəxslərdən, habelə həmkarlar ittifaqları təşkilatının nümayəndəsindən ibarət attestasiya komissiyası yaradılır: “İşəgötürən attestasiya komissiyasının üzvü ola bilməz. Attestasiya komissiyası azı beş nəfərdən ibarət olmaqla bütün hallarda onun say tərkibi təkrəqəmli olmalıdır. Attestasiya komissiyasının üzvləri tərəfindən işçiyə yalnız tutduğu vəzifəyə, əmək funksiyasına, ixtisasına dair, yerinə yetirdiyi işlər və onların nəticələri barədə suallar verilə bilər. Attestasiya komissiyasının işi obyektiv, qərəzsiz və qanunvericiliyin tələblərinə əməl edilməklə aparılmalıdır. Attestasiya komissiyası qərarını gizli və ya açıq səsvermə yolu ilə səs çoxluğu ilə qəbul edir”.

R.Ağasiyev Əmək Məcəlləsinə əsasən, vətənin müdafiəsi, azadlığı və ərazi bütövlüyü uğrunda hərbi əməliyyatlarda xəsarət almış və əlilliyi müəyyən edilmiş işçilərin, ölkəmizin müstəqilliyinin və ərazi bütövlüyünün müdafiəsi zamanı göstərdiyi şücaətlərə görə dövlət təltiflərinə və fəxri adlarına layiq görülmüş əməkdaşların, bir vəzifədə faktik olaraq bir ildən az müddətdə çalışan işçilərin, hamilə və sosial məzuniyyətdə olan qadınların attestasiyasının keçirilmədiyini söyləyib. Elmi müəssisə və təşkilatlarda işləyən işçilərin hər üç ildən, elmi işçilərin isə beş ildən bir dəfədən çox olmayaraq attestasiyadan keçirilə biləcəyini diqqətə çatdırıb.

İdarə rəisi bildirib ki, AMEA-nın elmi müəssisə və təşkilatlarında çalışan işçilərin işlədiyi müddət nəzərə alınmaqla, onların siyahısı tutulmalı, müvafiq məlumatlar verilməli, attestasiya vərəqi və qrafiki tərtib olunmalı, xüsusi karantin rejiminin qaydalarına əməl etməklə attestasiyanın keçirilməsinə başlanılmalıdır.

Daha sonra mövzu ətrafında suallar səsləndirilib, müzakirələr aparılıb, çıxışlar dinlənilib.

Mənbə: www.science.az

2 fevral, 2021

Biofizika İnstitutunun 2021-ci il üçün elmi tədqiqat işlərinin əhatəli planı təsdiq edilib

Fevralın 2-də AMEA-nın Biofizika İnstitutunun Elmi şurasının növbəti iclası keçirilib.

Karantin rejiminin tələblərinə uyğun olaraq təşkil olunan tədbiri institutun baş direktoru, AMEA-nın müxbir üzvü Oktay Qasımov açaraq şura üzvlərini gündəlikdəki məsələlərlə tanış edib. Qeyd edib ki, Elmi şuranın gündəliyinə 2021-ci il üçün İnstitutun elmi-tədqiqat işlərinin əhatəli planının müzakirəsi və digər vacib məsələlər daxil edilib.

Sonra O.Qasımov müəssisənin əsas elmi istiqamətlərini və 2021-ci il üçün elmi-tədqiqat işlərinin əhatəli planının layihəsini təqdim edib. Bildirib ki, cari ildə “Zülal və hüceyrə sistemlərində struktur-dinamika-funksiya arasında əlaqələr” və “Hüceyrə-ətraf mühit əlaqələrinin struktur-funksional xüsusiyyətlərinin molekulyar-genetik əsasları” mövzuları üzrə elmi-tədqiqat işlərinin aparılması nəzərdə tutulub. Bəzi dəyişiklik və təkliflər nəzərə alınaraq qoyulmuş mövzular Elmi şuranın üzvləri tərəfindən müzakirə edilərək təsdiqlənib.

Sonra gündəlikdəki digər məsələlər, o cümlədən Elmi şuranın tərkibində qismən dəyişikliklərin edilməsi, institutun strukturunun daha da təkmilləşdirilməsi və s. haqqında məsələlər müzakirə olunub və müvafiq qərarlar qəbul edilib.

Müzakirələrdə Milli Onkologiya Mərkəzinin laboratoriya müdiri, biologiya üzrə fəlsəfə doktoru Leylaxanım Məlikova, Biofizika İnstitutunun laboratoriya müdiri, AMEA-nın müxbir üzvü İlham Şahmuradov və başqaları çıxış edərək mövzularla bağlı fikir və təkliflərini bildiriblər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

1 fevral, 2021

Beynəlxalq radioaktiv tullantıların idarəedilməsinə həsr olunan konfrans keçiriləcək

Atom Enerjisi üzrə Beynəlxalq Agentliyinin (AEBA) təşkilatçılığı ilə 1-5 noyabr 2021-ci il tarixlərində “Beynəlxalq radioaktiv tullantıların idarəedilməsi: Davamlı gələcək üçün həll yolları” adlı konfrans keçiriləcək.

Avstriyanın Vyana şəhərində təşkil olunacaq konfrans radioaktiv tullantıların idarəedilməsi sahəsindəki mövcud vəziyyət və həll yolları haqqında fikir və informasiya mübadiləsini təşviq etmək məqsədi daşıyır. Konfransda məruzə və ya poster təqdimatla iştirak etmək istəyənlər 5 mart 2021-ci il tarixinə qədər konfransın veb əsaslı sənəd göndərmə sistemi olan IAEA – INDICO vasitəsilə elektron formatda xülasə təqdim etməlidir.

Qeyd edək ki, konfrans çərçivəsində bu sahədə təcrübə qazanmış ölkələrdən olan alim və mütəxəssislərin iştirakı ilə “Milli proqramatik perspektivlər”, “Tullantıların idarəedilməsi strategiyalarının tətbiqi”, “Müvafiq tullantılar üzrə həll yolları”, “Radioaktiv tullantıların idarəedilməsinin dəstəklənməsində təhlükəsizlik vəziyyətinin yaxşılaşdırılmasının rolu”, “Radioaktiv tullantıların idarəedilməsi proqramlarının sosial-iqtisadi tərəfləri”, “İnteqrasiya edilmiş tullantıların idarəedilməsi” və “Radioaktiv tullantıların idarəedilməsində ölkələrarası əməkdaşlıq” mövzuları üzrə panel müzakirələrin aparılması, eləcə də əlavə tədbir və sərgilərin təşkili nəzərdə tutulub.

Mənbə: www.science.az

29 yanvar, 2021

Elan

2 fevral 2021-ci il tarixində saat 11:00-da Elmi Şuranın növbəti iclası keçiriləcək.

İclasda aşağıdakı məsələlərə baxılacaq:

1. AMEA Biofizika İnstitutunun yeni strukturu haqqında.

2. AMEA Biofizika İnstitutunun 2021-ci il üçün elmi tədqiqat işlərinin əhatəli planına yenidən baxılması və təsdiqi haqqında.

3. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

29 yanvar, 2021

Biofizika İnstitutunda prioritet istiqamətlər üzrə tədqiqatlar aparılacaq

Yanvarın 29-da AMEA-nın Biofizika İnstitutunun El­mi şurasının növbəti iclası keçirilib.

İclası institutun baş direktoru, El­mi şuranın sədri, AMEA-nın müxbir üzvü Oktay Qasımov açaraq tədbirin gündəliyindəki məsələləri şura üzvlərinin diqqətinə çatdırıb.

Sonra 2021-2025-ci illərdə müəssisədə aparılacaq elmi-tədqiqat işlərinin planı müzakirə olunub. O.Qasımov elmi-tədqiqat işlərinin müasir və aktual prioritet istiqamətlər üzrə həyata keçirilməsini davam etdirmək üçün laboratoriya rəhbərlərinə müvafiq tapşırıq və tövsiyələrini çatdırıb. Bildirib ki, fəaliyyət planı müasir dünya elminin inkişaf tendensiyaları ilə uzlaşmalıdır. Alim Azərbaycan elminin inkişafına töhfə verə bilən tədqiqatların daha da genişləndirilməsinin vacibliyini vurğulayıb.

Sonda bir sıra cari məsələlər müzakirə olunub.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

28 yanvar, 2021

AMEA Rəyasət Heyətinin növbəti iclası keçirilib

Yanvarın 28-də Azərbaycan Milli Elmlər Akademiyasının Rəyasət Heyətinin növbəti iclası keçirilib.

Tədbirdə AMEA-nın prezidenti, akademik Ramiz Mehdiyev, Rəyasət Heyətinin üzvləri və digər şəxslər iştirak ediblər.

İclası akademik Ramiz Mehdiyev açaraq yığıncağın gündəliyindəki məsələləri tədbir iştirakçılarının diqqətinə çatdırıb.

Müzakirəyə çıxarılan ilk məsələ Azərbaycan Respublikası Elmi Tədqiqatların Əlaqələndirilməsi Şurasının tərkibində problem şuralarının təşkili haqqında olub. Problem şuralarının AMEA-nın elmi bölmələri üzrə təşkil edilməsi və onlara rəhbərliyi bölmələr üzrə vitse-prezidentlərin etməsi qərarlaşdırılıb.

Bundan əlavə, AMEA-da elmi, texniki və idarəetmə sistemində işləyən əməkdaşların attestasiyasının aparılması üçün müvafiq normativ və zəruri sənədlərin hazırlanması qərara alınıb.

İclasda AMEA-nın Mərkəzi Elmi Kitabxanasının fəaliyyətinin təkmilləşdirilməsi haqqında qərar qəbul olunub, eləcə də Molekulyar Biologiya və Biotexnologiyalar İnstitutunun strukturunda qismən dəyişiklik edilib.

Tədbirdə, o cümlədən dünya şöhrətli alim, qeyri-səlis məntiq nəzəriyyəsinin banisi, Azərbaycan Milli Elmlər Akademiyasının fəxri üzvü, professor Lütfi Zadənin anadan olmasının 100 illiyi ilə bağlı Tədbirlər planı təsdiqlənib. Eyni zamanda akademik Validə Əlizadənin 75, AMEA-nın müxbir üzvləri Bəxtiyar MəmmədovElşad Qurbanovun 70, İbrahim Cəfərovun isə 65 illik yubileyləri barədə qərar qəbul edilib.

Sonda bir sıra kadr məsələlərinə baxılıb. AMEA-nın müxbir üzvü Oktay Qasımov Biofizika İnstitutunun, tarix elmləri doktoru, professor Kərim Şükürov isə A.A.Bakıxanov adına Tarix İnstitutunun baş direktoru vəzifələrinə təsdiqləniblər.

Mənbə: www.science.az

27 yanvar, 2021

Bölmənin Elmi şurasında Lütfi Zadənin 100 illik yubileyinə dair tədbirlər planı müzakirə olunub

Yanvarın 26-da Azərbaycan Milli Elmlər Akademiyasının (AMEA) Fizika-Riyaziyyat və Tex­nika Elmləri Bölməsinin (FRTEB) El­mi şurasının növbəti iclası keçirilib.

Onlayn tədbirdə FRTEB El­mi şurasının üzvləri, elmi müəssisələrin rəh­­bər­ləri, direktor müavin­lə­ri, elmi katibləri, təh­sil, bey­nəlxalq və icti­maiy­yət­lə əlaqələr şö­bə­lə­ri­nin rəhbərləri, eləcə də Gənc alim və mü­tə­xəs­sis­lər şu­ra­la­rının sədrləri işti­rak ediblər.

İclasın gündəliyində olan ilk məsələ – Azərbaycan Respublikasının Prezidenti cənab İlham Əliyevin “Görkəmli elm xadimi Lütfi Zadənin 100 illiyinin qeyd edilməsi haqqında 25 yanvar 2021-ci il tarixli Sərəncamının icrasından irəli gələn vəzifələrə həsr olunub.

Məsələ ilə bağlı çıxış edən AMEA-nın vitse-prezidenti, FRTEB-in Elmi şurasının sədri, akademik Rasim Əliquliyev vurğulayıb ki, bu ilin fevral ayının 4-də dünya şöhrətli alim, qeyri-səlis məntiq nəzəriyyəsinin banisi, Azərbaycan Milli Elmlər Akademiyasının fəxri üzvü, professor Lütfi Zadənin anadan olmasının 100 illiyi tamam olur.

Prezident İlham Əliyevin müvafiq Sərəncamında qeyd edildiyi kimi, “Lütfi Zadə dünya miq­ya­sında əsərlərinə ən çox istinad olunan alimlərdəndir. Onun yaratdığı elmi məktəb və labora­to­ri­ya­lar bir sıra ölkələrdə yarım əsrdən artıqdır ki, uğurla fəaliyyət göstərməkdədir. Azərbaycanlı olduğunu fəxrlə bildirən və ürəyi daim doğma Vətəni ilə bir döyünən Lütfi Zadə elm və texnologiyaların inkişafında, eləcə də mədəniyyətlərarası dialoqun qurulmasında misilsiz xidmətlərinə görə Azərbaycan Respublikasının ali mükafatlarından olan “Dostluq” ordeninə layiq görülmüşdür”.

Lütfi Zadənin Soft Computing nəzəriyyəsi qeyri-səlis məntiq, süni neyron şəbəkələri, genetik alqo­ritmlər, xaos nəzəriyyəsi və ehtimal nəticəçıxarma paradiqmlərinin intellektual kombina­si­ya­la­rı­nı özündə əks etdirərək yeni texnologiyaların əsasını təşkil edir.

Rasim Əliquliyevin sözlərinə görə, cənab Prezident tərəfindən Azərbaycan Milli Elmlər Akademiyasının qarşısında Azərbaycan Respublikasının Təhsil Nazirliyi ilə birlikdə görkəmli elm xadimi Lütfi Zadənin 100 illik yubileyinə dair tədbirlər planı hazırlayıb həyata keçirilməsi barədə tapşırıq qoyulub.

Onlayn tədbirdə FRTEB-in Elmi şurasının üzvləri və elmi müəssisələrinin direktorlarının iştirakı ilə dünya şöhrətli alimin 100 illik yubileyinə dair tədbirlər planının hazırlanması istiqamətində geniş fikir mübadiləsi aparılıb. Akademiklər Adil Qəribov, Əli Abbasov, Arif Həşimov, Cavad Abdinov, Fikrət Əliyev, AMEA-nın müxbir üzvləri Misir Mərdanov, Afiq Həsənov, Əminağa Sadıqov, Bilal Bilalov, Namiq Cəlilov, Fizika İnstitutunun innovasiya və transfer üzrə direktor müavini, fizika-riyaziyyat elmləri doktoru Ayaz Bayramov və digərləri öz təkliflərini irəli sürüblər.

Aparılan geniş müzakirələrdən sonra FRTEB-in Elmi şurası tədbirlər planın hazırlanması məqsədilə irəli sürülən təkliflər haqqında AMEA-nın Rəyasət Heyəti qarşısında vəsatət qaldırılması barədə müvafiq qərar qəbul edib.

Sonda bir sıra digər məsələlər müzakirə olunub, suallar cavablandırılıb və müvafiq qərarlar qəbul edilib.

Mənbə: www.science.az

26 yanvar, 2021

Görkəmli elm xadimi Lütfi Zadənin 100 illiyinin qeyd edilməsi haqqında Azərbaycan Respublikası Prezidentinin Sərəncamı

2021-ci ilin fevral ayında dünya şöhrətli alim, qeyri-səlis məntiq nəzəriyyəsinin banisi, Azərbaycan Milli Elmlər Akademiyasının fəxri üzvü, professor Lütfi Zadənin (Lütfəli Rəhim oğlu Ələsgərzadənin) anadan olmasının 100 illiyi tamam olur.

Lütfi Zadə fundamental nəzəriyyələri ilə elm tarixində ciddi dəyişikliklərə yol açmış görkəmli şəxsiyyətlərdəndir. Alimin ardıcıl tədqiqatlarının nəticəsi olaraq irəli sürdüyü qeyri-səlis məntiq nəzəriyyəsi müxtəlif elm sahələrinin müasir mərhələdə inkişafında dərin iz qoymuş və yeni yanaşma üsulları meydana gətirmişdir. Bu nəzəriyyə üstün intellektual texnologiyalara güclü təsir göstərmiş, müasir idarəetmə və informasiya-kommunikasiya sistemlərinin əsaslarının formalaşdırılmasında mühüm rol oynamışdır.

Lütfi Zadə dünya miqyasında əsərlərinə ən çox istinad olunan alimlərdəndir. Onun yaratdığı elmi məktəb və laboratoriyalar bir sıra ölkələrdə yarım əsrdən artıqdır ki, uğurla fəaliyyət göstərməkdədir. Azərbaycanlı olduğunu fəxrlə bildirən və ürəyi daim doğma Vətəni ilə bir döyünən Lütfi Zadə elm və texnologiyaların inkişafında, eləcə də mədəniyyətlərarası dialoqun qurulmasında misilsiz xidmətlərinə görə Azərbaycan Respublikasının ali mükafatlarından olan “Dostluq” ordeninə layiq görülmüşdür.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, elm və texnologiyaların inkişafına misilsiz töhfələr vermiş məşhur alim Lütfi Zadənin anadan olmasının 100-cü ildönümünün qeyd olunmasını təmin etmək məqsədilə qərara alıram:

1. Azərbaycan Milli Elmlər Akademiyası Azərbaycan Respublikasının Təhsil Nazirliyi ilə birlikdə görkəmli elm xadimi Lütfi Zadənin 100 illik yubileyinə dair tədbirlər planı hazırlayıb həyata keçirsin.

2. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 25 yanvar 2021-ci il.

23 yanvar, 2021

AMEA Rəyasət Heyətinin iclasında bir sıra məsələlər müzakirə olunub

Yanvarın 22-də Azərbaycan Milli Elmlər Akademiyası Rəyasət Heyətinin növbəti iclası keçirilib.

Tədbirdə AMEA-nın prezidenti, akademik Ramiz Mehdiyev, Rəyasət Heyətinin üzvləri, aparatın idarə və şöbə rəhbərləri iştirak ediblər.

İclası akademik Ramiz Mehdiyev açaraq yığıncağın gündəliyindəki məsələləri tədbir iştirakçılarının diqqətinə çatdırıb.

İclasın gündəliyinə çıxarılan ilk məsələ – AMEA-nın Radiasiya Problemləri İnstitutunda keçirilmiş yoxlamanın nəticələrilə bağlı çıxış edən AMEA Rəyasət Heyəti aparatının Hüquq və kadrlar idarəsinin rəisi, hüquq üzrə fəlsəfə doktoru Rasim Ağasiyev bildirib ki, AMEA Rəyasət Heyətinin 11 dekabr 2020-ci il tarixli qərarı ilə yaradılmış Komissiya tərəfindən Radiasiya Problemləri İnstitutunda 2018-2020-ci illər üzrə kadr, kargüzarlıq, maliyyə, əmək və icra intizamı, habelə elmi cihaz və avadanlıqların mövcud vəziyyətinin öyrənilməsi məqsədilə 2021-ci ilin 7-12 yanvar tarixlərində yoxlama aparılıb. O, yoxlama zamanı bir sıra nöqsan və çatışmazlıqların aşkarlandığını söyləyib.

Diqqətə çatdırıb ki, Komissiya tərəfindən tərtib edilmiş yoxlama arayışı ətrafında müəssisənin rəhbərliyi və aidiyyatı şöbə müdirləri ilə müzakirələr aparılıb. Qeyd edilənləri nəzərə alaraq, Radiasiya Problemləri İnstitutunun direktoru, AMEA-nın müxbir üzvü Oqtay Səmədov və institutun ümumi işlər üzrə direktor müavini Hökmən Mahmudov işlərində yol verdikləri ciddi nöqsanlara görə vəzifələrindən azad ediliblər. Oqtay Səmədovun Radiasiya Problemləri İnstitutunda rəhbərlik etdiyi laboratoriyada elmi fəaliyyətini davam etdirməsi qərara alınıb. Həmçinin müəssisənin bir sıra əməkdaşları barəsində əmək intizamı tədbirləri görülüb.

Tədbirdə müzakirə edilən növbəti məsələ AMEA-nın Biofizika İnstitutunda keçirilmiş yoxlamanın nəticələri haqqında olub. Yoxlamanın nəticələrini təqdim edən hüquq üzrə fəlsəfə doktoru Rasim Ağasiyev diqqətə çatdırıb ki, Biofizika İnstitutunda 2018-2020-ci illər üzrə kadr, kargüzarlıq, maliyyə, əmək və icra intizamı, habelə elmi cihaz və avadanlıqların mövcud vəziyyətinin öyrənilməsi məqsədilə 2021-ci ilin 15 və 18 yanvar tarixlərində yoxlama aparılıb.  Yoxlama zamanı müəssisənin kadr və kargüzarlıq fəaliyyətində kiçik nöqsanlar aşkarlanıb. 2016-cı ildə yaradılan bu institutun fəaliyyətində heç bir maliyyə pozuntusunun olmadığını deyən Rasim Ağasiyev sənədlərin qanunvericiliyin tələblərinə uyğun, düzgün tərtib edilməsi üçün müəssisə əməkdaşlarına qısa müddətli seminar təşkil olunduğunu bildirib.

Rəyasət Heyəti tərəfindən müəssisənin direktoru, AMEA-nın müxbir üzvü Oktay Qasımova qeyd olunan nöqsanların aradan qaldırılması tapşırılıb.

İclasda AMEA-nın Ümumi yığıncağının keçirilməsinə hazırlıq məsələsi də müzakirə olunub.

Rəyasət Heyətinin müzakirəsinə çıxarılan növbəti məsələlər akademiyanın Nizamnaməsinə əlavə və dəyişikliklərin edilməsi, dövlət büdcəsindən AMEA-ya ayrılan maliyyə vəsaitindən  effektiv və səmərəli istifadə olunması və düzgün maliyyələşdirmə mexanizmlərinin tətbiqini özündə əks etdirən AMEA-nın 2021-ci il üçün dövlət büdcəsi ilə əlaqədar olub.

İclasda bir sıra kadr məsələlərinə də baxılıb. Akademik Arif Həşimovun Fizika İnstitutunun, akademik Əli Abbasovun isə İdarəetmə Sistemləri İnstitutunun baş direktoru vəzifələrinə təsdiq edilmələri haqqında qərarlar qəbul olunub. Bundan əlavə, fizika elmləri doktoru Anar Rüstəmov Fizika İnstitutunun, AMEA-nın müxbir üzvü Əminağa Sadıqov isə İdarəetmə Sistemləri İnstitutunun icraçı direktoru vəzifələrinə təyin olunublar. Bildirilib ki, AMEA-nın Abbasqulu Ağa Bakıxanov adına Tarix İnstitutunun direktoru, akademik Yaqub Mahmudov öz ərizəsi ilə institutun direktoru vəzifəsindən azad edilib və onun AMEA prezidentinin müşaviri vəzifəsinə təyin olunması qərara alınıb.

Gündəlikdə duran məsələlərlə bağlı müzakirələrdə akademiklər – Dilqəm Tağıyev, Adil Qəribov, Rasim Əliquliyev, Əli Abbasov, Arif Həşimov, müxbir üzvlər – Oktay Qasımov, Oqtay Səmədov, Əminağa Sadıqov və başqaları çıxış ediblər.

Sonda çıxış edən akademik Ramiz Mehdiyev institutlarda keçirilən yoxlamalara münasibət bildirərək baş verən nöqsanların yolverilməz olduğunu, elmi-tədqiqat müəssisələrində tətbiqi və fundamental tədqiqatlara, həmçinin idarəçilik məsələlərinə ciddi diqqət yetirilməsinin vacibliyini xüsusi vurğulayıb. Akademiyanın fəaliyyətinin bütün istiqamətlərdə dövlətin qarşıya qoyduğu vəzifələrin həllinə yönəldilməsinin və Azərbaycan elminin dünya elminə, o cümlədən elmi qurumların bir-birlərinə inteqrasiyasında fəal iştirakının təmin edilməsinin, hazırda Akademiyada yaradılan münbit mühitdən elmin inkişafı üçün istifadəsinin vacibliyini diqqətə çatdırıb. Elmi nəticələr və onların tətbiqi, eləcə də fundamental elmlə tətbiqi elmin qarşılıqlı əlaqəsinin zəruriliyindən söz açan akademik Ramiz Mehdiyev elmi müəssisələrin yeni təyin olunmuş rəhbərlərinə öz elmi potensiallarından istifadə edərək rəhbərlik etdikləri institutları aparıcı elm müəssisələrinə çevirəcəklərinə və Azərbaycan elminin dünyaya inteqrasiyası istiqamətində qarşıya qoyulan hədəflərə doğru uğurla irəliləyəcəklərinə əminliyini ifadə edib.

Mənbə: www.science.az

22 yanvar, 2021

Elmi Şuranın növbəti iclası keçiriləcək

29 yanvar 2021-ci il tarixində saat 10:00-da Biofizika İnstitutunun Elmi Şurasının növbəti iclası keçiriləcək.

İclasda aşağıdakı məsələlərə baxılacaq:

1. AMEA Biofizika İnstitutunda 2021-2025-ci illərdə aparılacaq elmi-tədqiqat işlərinin planı haqqında.

2. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

21 yanvar, 2021

AMEA-nın Fizika-Riyaziyyat və Texnika Elmləri Bölməsinin Elmi şurasının cari ildə ilk iclası keçirilib

Yanvarın 21-də Azərbaycan Milli Elmlər Akademiyasının (AMEA) Fizika-Riyaziyyat və Tex­nika Elmləri Bölməsinin (FRTEB) El­mi şurasının cari ildə ilk iclası keçirilib.

Onlayn tədbirdə FRTEB El­mi şurasının üzvləri, elmi müəssisələrin rəh­­bər­ləri, direktor müavin­lə­ri, elmi katibləri, təh­sil, bey­nəlxalq və icti­maiy­yət­lə əlaqələr şö­bə­lə­ri­nin rəhbərləri, eləcə də Gənc alim və mü­tə­xəs­sis­lər şu­ra­la­rının sədrləri işti­rak ediblər.

İclasın gündəliyində olan ilk məsələ – AMEA Rəyasət Heyətinin “AMEA-nın Fizika-Ri­ya­ziy­­­yat və Texnika Elmləri Bölməsinin 2020-ci il üzrə elmi və elmi-təşkilati fəaliyyəti haqqında” qə­­­ra­rın­dan irəli gələn vəzifələrə həsr olunub.

Məsələ ilə bağlı çıxış edən akademik Rasim Əliquliyev qeyd edib ki, yanvar ayının 19-da AMEA-nın Rəyasət Heyətinin növbəti iclasında FRTEB-in 2020-ci il üzrə elmi və elmi-təşkilati fəaliy­yəti haqqında hesabatı dinlənilib.

Azərbaycan Respublikasının Prezidenti cənab İlham Əliyevin “Dördüncü Sənaye İn­qi­la­bının Təh­­lili və Koordinasiya Mərkəzi” publik hüquqi şəxsin yaradılması haqqında 06 yan­var 2021-ci il ta­rixli Fərmanından danışan Rasim Əliquliyev vurğulayıb ki, ölkə rəhbərinin yük­sək tex­no­lo­gi­ya­la­rın formalaşması istiqamətində qarşıya qoyduğu yeni fəaliyyət is­ti­qa­mət­ləri, eləcə də Dördüncü Sə­na­ye inqilabının çağırışları FRTEB-in elmi müəssisələrinin fəaliyyət is­tiqamətlərində yeni üfüqlər açır.

Alim süni intellekt texnologiyaları, kiberfiziki sistemlər, proqram mühəndisliyi, Big Data, in­­for­masiya və radiasiya təhlükəsizliyi, sosial-iqtisadi, siyasi və texnoloji sistemlərin idarə olun­ma­sı, tət­biqi riyaziyyat, riyazi kriptoqrafiya, riyazi statistika, diskret riyaziyyat, hesablama riyaziyyatı is­­ti­qa­mətində görülməli olan vacib işlərdən, multidissiplinar və tətbiqi tədqiqatların ge­niş­lən­di­ril­mə­sinin zə­ruriliyindən danışıb.

Rasim Əliquliyevin sözlərinə görə, qarşıda duran prioritet vəzifələrdən biri də Respub­li­ka El­mi Təd­qiqatların Əlaqələndirilməsi Şurasının müvafiq elmi şuralarının yenidən for­ma­laş­dırılmasının tə­min edil­məsi məsələsidir.

Elmi şuranın sədri bildirib ki, son dövrlərdə cənab Prezidentin sosial, iqtisadi, dip­lo­ma­­tik və di­gər bu kimi çoxsaylı sferalarda apardığı islahatlar AMEA-nın fəaliyyət istiqamətlərinin müəyyənləşdirilməsində rəhbər tutulmuşdur. Bu baxımdan son dövr­lər­də AMEA-nın prezidenti, akademik Ramiz Mehdiyevin rəhbərliyi ilə elmi-təşkilati fəaliyyətdə ida­rə­et­mə­nin op­ti­mal­laş­dı­rıl­ma­sı, əldə olunan innovativ po­ten­sial­lı el­mi nə­ti­cə­lə­rin istehsalatda çevik tətbiqi, gənc kadr­la­rın ha­zırlanması məqasədilə bir sıra istiqamətlərdə islahatlar həyata ke­çirilir.

Rasim Əliquliyev, həmçinin akademik Ramiz Mehdiyevin FRTEB-in elmi müəssisələrinin fəa­liyyət istiqamətlərinə müvafiq olaraq irəli sürdüyü mühüm tövsiyələrini diqqətə çatdırıb.

Onlayn iclasda çıxış edən AMEA-nın akademik-katibi, FRTEB-in Elmi şurasının üzvü, aka­de­­mik Adil Qəribov, öz növbəsində 2019-cu ilin dekabrında AMEA-nın Ümumi yığıncağında “AMEA-nın 2020-2025-ci illər üçün inkişaf proqramı”nın qəbul olunduğunu xatırladıb. Alim elmin in­kişafının və aparılan tədqiqatların Azərbaycan Respublikasının milli mənafeyinə uyğunlaşdırılmasının, ida­rə­et­­mə­nin op­ti­mal­laşdırılmasının, elmlə təhsilin inteqrasiyasının vacibliyinə toxunub.

Akademik Adil Qəribov, həmçinin AMEA-nın qurumlarında aparılan daxili yoxlamalar haqqında da ətraflı mə­lumat verib.

Onlayn iclasın gündəliyində yer alan növbəti məsələ – Fizika-Riyaziyyat və Texnika Elmləri Böl­məsinin elmi müəssisələrinin 2021-ci il üzrə elmi-tədqiqat planlarının hazırlanması geniş mü­za­ki­rə olunub və elmi müəssisələrə tapşırılıb ki, ölkəmizin milli mənafeyi və dünyanın müasir ça­ğı­rış­la­rına müvafiq olaraq, AMEA-da son dövrlərdə aparılan islahatların fonunda elmi tədqiqat plan­la­rı­na yenidən baxılsın və müzakirəyə təqdim edilsin.

Bölmənin Elmi şurası akademik Hacıbəy Sultanovun 100 illik, AMEA-nın müxbir üzvü Qorx­maz İmanovun 80 illik yubileylərinin ke­çirilməsi ilə bağlı AMEA Rəyasət Heyəti qarşısında vəsatət qaldırılması barədə müvafiq qərarlar qəbul edib.

Onlayn iclasda, həmçinin bir sıra kadr məsələləri barədə də qərarlar qəbul edilib. Akademik Rasim Əli­quliyev bildirib ki, Azərbaycan Milli Elmlər Akademiyasının prezidenti akademik Ramiz Mehdiyevin təqdimatına və AMEA Rəyasət Heyətinin 08 yanvar 2021-ci il tarixli qərarına müvafiq olaraq, akademik Əli Abbasovun AMEA-nın İdarəetmə Sistemləri İns­titutunun, akademik Arif Həşimovun isə Fizika İnstitutunun baş direktoru vəzifəsinə na­mi­zəd­lik­­ləri irəli sürülüb.

Elmi şuranın üzvləri – akademiklər Telman Əliyev, Fikrət Əliyev, Yusif Məmmədov, Na­zim Məmmədov, Cavad Abdinov, AMEA-nın müxbir üzvləri Mi­sir Mərdanov, Əminağa Sa­dı­qov, Namiq Cəlilov, eləcə də professor Ayaz Bayramov çıxış edərək FRTEB-in iki elmi müəs­si­sə­sinin baş direktoru vəzifəsinə namizədlər haqqında rəy və fikirlərini diqqətə çatdırıblar. Daha sonra on­layn iclasda keçirilən açıq səsverməyə əsasən, akademik Əli Abbasovun AMEA-nın İda­rəet­mə Sistemləri İnstitutunun, akademik Arif Həşimovun Fizika İnstitutunun baş direktoru və­zi­fə­sinə yekdilliklə seçilməsi barədə AMEA Rəyasət Heyəti qarşısında vəsatət qaldırılması üçün müvafiq qərarlar qəbul edilib.

Sonda bir sıra həlli vacib olan məsələlər müzakirə olunub, suallar cavablandırılıb.

Mənbə: www.science.az

21 yanvar, 2021

20 yanvar hadisələrindən 31 il keçir

Qanlı Yanvar hadisələrindən 31 il keçir. 1990-cı il yanvarın 20-si Azərbaycanın müasir tarixinə ən faciəli günlərdən biri, eyni zamanda, xalqımızın qəhrəmanlıq səhifəsi kimi daxil olub, milli müstəqillik, azadlıq uğrunda mübarizəsinin və yenilməz iradəsinin rəmzinə çevrilib. Xalqımızın taleyini dəyişən, əliyalın əhalinin qalib gəldiyi 20 yanvar gecəsi hər bir azərbaycanlının qəlbində xüsusi yer tutur.

Otuz bir il əvvəl yanvarın 20-də ölkəmizə ərazi iddiaları irəli sürən Ermənistanın təcavüzkarlığından və keçmiş SSRİ rəhbərliyinin onlara havadarlığından hiddətlənən, Bakının küçə və meydanlarına axışaraq buna qəti etirazını bildirən xalq kütlələrinə qarşı sovet ordusunun döyüş hissələrinin yeridilməsi Azərbaycanda misli görünməyən faciəyə gətirib çıxardı. O qaranlıq gecədə silahsız azərbaycanlılar təpədən-dırnağadək silahlanmış keçmiş sovet ordusu qarşısında müstəqillik hüquqlarını müdafiə etdilər. Doğma Vətəninin, xalqının azadlığını, şərəf və ləyaqətini hər şeydən uca tutan vətənpərvər Azərbaycan övladları həmin gecədə canlarından keçərək şəhidlik zirvəsinə ucaldılar.

Tək silahı öz canı olan şəhidlərimizi ehtiramla anırıq! İnanılmaz qəhrəmanlıq, cəsarət, əzm və iradə göstərərək Vətənimizin azadlığı və müstəqilliyi naminə canlarından keçən bütün şəhidlərimizin qarşısında baş əyirik! Allah rəhmət eləsin!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

19 yanvar, 2021

AMEA-nın elmi bölmələri hesabat verib

Fizika-Riyaziyyat və Texnika, Kimya və Gəncə bölmələrinin 2020-ci ildəki elmi və elmi-təşkilati fəaliyyətlərinin yekunlarına həsr olunan iclası keçirilib.

Tədbirdə AMEA-nın prezidenti, akademik Ramiz Mehdiyev və Rəyasət Heyətinin üzvləri, hesabatları təqdim edilmiş müəssisələrin direktorları, aparatın idarə və şöbə müdirləri də iştirak ediblər.

İclası akademik Ramiz Mehdiyev açaraq yığıncağın gündəliyindəki məsələləri tədbir iştirakçılarının diqqətinə çatdırıb.

Rəyasət Heyətinin iclasına çıxarılan ilk məsələ AMEA-nın Kimya Elmləri Bölməsinin 2020-ci il üzrə elmi və elmi-təşkilati fəaliyyəti barədə olub. Mövzu ətrafında çıxış edən AMEA-nın birinci vitse-prezidenti, akademik Dilqəm Tağıyev bildirib ki, hesabat ilində “Аzərbаycаn Rеspublikasındа sənayenin inkişafına dair 2015-2020-ci illər üçün Dövlət Proqramı”, “Azərbaycan Respublikasında informasiya cəmiyyətinin inkişafına dair Milli Strategiyanın həyata keçirilməsi üzrə 2016-2020-ci illər üçün Dövət Proqramı”, “Azərbaycan Respublikasında biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması ilə bağlı əlavə tədbirlər haqqında” ölkə başçısının Sərəncamından və digər sənədlərdən irəli gələrək bir sıra mühüm tədqiqatlar həyata keçirilib.

Onun sözlərinə görə, 2020-ci ildə bölmənin institutlarında 12 problemi əhatə edən 42 mövzu üzrə tədqiqatlar aparılıb, 25 mövzu tamamlanıb və 26 mühüm elmi nəticə əldə edilib. Akademik qeyd edib ki, hesabat ilində institutlar tərəfindən təklif edilən 10 tətbiqi xarakterli iş müxtəlif təşkilatlarda sınaqdan keçirilib və müsbət nəticələr əldə olunaraq istehsalına başlanılıb. D.Tağıyev bölmənin əməkdaşları tərəfindən “AzofosK” kompleks gübrəsinin, “Biosanis” dezinfeksiyaedici vasitənin, üzvi-mineral kompleks gübrənin, xüsusi təyinatlı motor və sürtkü yağlarının, Naftalan neftinin tullantılarından əldə olunan yağ və digər məhsulların hazırlandığını diqqətə çatdırıb.

Aparılan tədqiqatlar nəticəsində 19 monoqrafiya, kitab, dərslik və biblioqrafik-göstəricinin, 622 məqalə və tezisin (345-i xaricdə, 177 məqalə “Web of Science” və “Scopus” bazasına düşən jurnallarda) hazırlandığını deyən akademik bölmənin institutlarında 55 Azərbaycan və bir Avrasiya patentinin alındığını söyləyib. Azərbaycanın müxtəlif elmi istiqamətlər üzrə reytinq cədvəllərindəki yerini qiymətləndirən birinci vitse-prezident kimya sahəsində Cənubi Qafqaz üzrə ölkəmizin ikinci yerdə qərarlaşdığını diqqətə çatdırıb.  Akademik D.Tağıyev, həmçinin bölmədə elektron elmin vəziyyəti, qrant layihələri, elm və təhsilin inteqrasiyası, beynəlxalq əlaqələr və laboratoriyalar, konfranslar, seminar və yubileylər, təltiflər haqqında da geniş məlumat verib.

İclasda müzakirəyə çıxarılan növbəti məsələ AMEA-nın Fizika-Riyaziyyat və Texnika Elmləri Bölməsinin (FRTEB) 2020-ci ildəki elmi və elmi-təşkilati fəaliyyəti haqqında olub. Məsələ ilə bağlı çıxış edən AMEA-nın vitse-prezidenti, bölmənin Elmi şurasının sədri, akademik Rasim Əliquliyev bildirib ki, hesabat ilində aparılan tədqiqatlar zamanı ölkə başçısının, Nazirlər Kabinetinin, AMEA-nın Ümumi yığıncağının, akademiyanın Rəyasət Heyətinin qərarları, eləcə də “Azərbaycan Milli Elmlər Akademiyasının 2020-2025-ci illər üçün inkişaf proqramı” əsas götürülüb. Qeyd edib ki, “Azərbaycan Respublikasında informasiya cəmiyyətinin inkişafına dair 2014-2020-ci illər üçün Milli Strategiya”, “Azərbaycan Respublikasında informasiya cəmiyyətinin inkişafına dair Milli Strategiyanın həyata keçirilməsi üzrə 2016-2020-ci illər üçün Dövlət Proqramı”, “Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi (2017-2025)”, “Azərbaycan Respublikasında peyk vasitəsilə Yerin məsafədən müşahidəsi xidmətlərinin inkişafına dair 2019-2022-ci illər üçün Dövlət Proqramı” və digər proqramlardan irəli gələn tapşırıqlar üzrə işlər həyata keçirilib.

Akademik Rasim Əliquliyev bölmənin müəssisələrində 29 problemə aid 111 mövzu üzrə 301 tədqiqat işinin aparıldığını, 61 mövzu və 187 işin tamamlandığını, bu tədqiqatlardan 45-nin mühüm nəticə kimi dəyərləndirildiyini söyləyib. Onun sözlərinə görə, bölmə əməkdaşları tərəfindən “Elmi kadrlar” Milli İnformasiya Sistemi və Milli Transliterasiya Sistemi hazırlanaraq istismara verilib, “Hüceyrə texnologiyalarının inkişafı proqramı” hazırlanıb, o cümlədən Azərbaycanın mədəniyyət sahəsini və məkan məlumatlarını əhatə edən coğrafi informasiya sistemləri (GİS) və elektron xəritə üzərindən naviqasiya portalı (culturemap.az) yaradılıb, həmçinin Ceyranbatan su anbarındakı suyun fiziki, kimyəvi, mikrobioloji və orqonoleptik parametrlərinin etalon və cari bazalarının müqayisəsi əsasında intellektul informasiya sistemi işlənilərək təhvil verilib.

Qrant layihələri, elm və təhsilin inteqrasiyası, beynəlxalq əlaqələr, konfranslar, seminar və yubileylər, təltiflər haqqında da məlumat verən akademik aparılan tədqiqatların 2 monoqrafiya, 25 kitab (9-u xaricdə), 18 dərslik, dərs vəsaiti, elmi-kütləvi nəşr və 937 məqalədə (554-ü nüfuzlu xarici elmi jurnallarda) əksini tapdığını söyləyib. O, məqalələrdən 460-nın “Web of Science” və “Scopus” bazalarına daxil olan impakt faktorlu jurnallarda dərc olunduğunu, əməkdaşların əsərlərinə 14 min 211 istinad edildiyini vurğulayıb.

Bundan əlavə, e-elmin formalaşması və inkişafı istiqamətində elmin informasiya təminatının formalaşdırılması istiqamətində işlərin davam etdirildiyi, müxtəlif təyinatlı informasiya sistemləri və veb-saytların istifadəyə verildiyi, e-elm mühitinə kiber-fiziki sistemlərin inteqrasiyası məsələlərinin tədqiq edildiyi və effektiv həllərinin təqdim olunduğu diqqətə çatdırılıb.

Həmçinin çıxışının sonunda akademik Rasim Əliquliyev süni intellekt texnologiyaları, kiberfiziki sistemlər, proqram mühəndisliyi, Big Data, informasiya və radiasiya təhlükəsizliyi, sosial-iqtisadi, siyasi və texnoloji sistemlərin idarə olunması, tətbiqi riyaziyyat, riyazi kriptoqrafiya, riyazi statistika, diskret riyaziyyat, hesablama riyaziyyatı istiqamətində görülməli olan vacib işlərdən, multidissiplinar və tətbiqi tədqiqatların genişləndirilməsinin zəruriliyindən danışıb.

İclasda AMEA-nın Gəncə Bölməsinin 2020-ci ildəki elmi və elmi-təşkilati fəaliyyəti də müzakirə edilib. Bölmənin sədri, akademik Fuad Əliyev hesabat ilində texniki, humanitar və ictimai elm sahələrində tədqiqatların davam etdirildiyini bildirib. Onun sözlərinə görə, ötən il Gəncə Bölməsinin elmi müəssisələri “Azərbaycan-2020: gələcəyə baxış İnkişaf Konsepsiyasının”, “AMEA-nın 2020-2025-ci illər üçün inkişaf proqramı”nın, “Azərbaycan Elminin İnkişaf Doktrinası”nın, Azərbaycan Milli Elmlər Akademiyasının Ümumi yığıncağının təsdiq etdiyi müddəaların və Dövlət proqramlarının əsasında elmi tədqiqat işlərini həyata keçirib. Qeyd edib ki, bölmənin institutlarında 4 problemə aid 20 mövzu üzrə 33 elmi tədqiqat işi aparılıb, 1 mövzu, 14 iş və 42 mərhələ tamamlanıb, 2 patent və 4 mühüm nəticə alınıb. Həmçinin aparılan tədqiqatlar nəticəsində 2 kitab, 2 monoqrafiya, 3 dərslik, 46 məqalə (31-i xaricdə, onlardan 17-si impakt faktorlu jurnallarda), 26 tezis (19-u xaricdə) dərc edilib, elmi işçilərin əsərlərinə 138 istinad qeydə alınıb.

Mühüm nəticələri təqdim edən akademik ekoloji problemləri həll etmək məqsədilə işlədilmiş polietilendən istifadə etməklə müxtəlif növ kompozisiya materialları almaq üçün müxtəlif dolduruculardan istifadə olunduğunu, Göygöl Milli Parkının ərazisinin çöküntülərində mamır biomonitorinqi ilə 44 elementin konsentrasiyasının təyin edildiyini diqqətə çatdırıb. Bundan əlavə, Qərb regionunda geniş yayılmış bitki kataloqunun hazırlanması, alternativ enerji mənbəyi kimi aqrotullantılardan yağların, eləcə də təmizlənmiş Naftalan nefti əsasında müxtəlif tərkibli müalicəvi əhəmiyyətə malik maddələrin alınması istiqamətində tədqiqat işlərinin də aparıldığını söyləyib. Eyni zamanda Ekologiya və Təbii Ehtiyatlar İnstitutunda Naftalan nefti və tullantılarını mexaniki və kanserogen birləşmələrdən təmizləmək üçün yerli xammal əsasında adsorbentlərin hazırlandığını, Qərb bölgəsinin sənaye tullantılarının pasportlaşdırılması və təkrar emalı texnologiyasının tədqiq olunduğunu söyləyib. Hesabat ilində, eləcə də Nizami Gəncəvi Mərkəzində dahi Azərbaycan şairi və mütəfəkkiri Nizami Gəncəvinin yaradıcılığının mövzu, ideya və tarixilik baxımından öyrənildiyi vurğulanıb.

Daha sonra hesabatlar ətrafında müzakirələr aparılıb. Müzakirələrdə akademiklər – İsa Həbibbəyli, İbrahim Quliyev, Adil Qəribov, Vaqif Fərzəliyev, Vaqif Abbasov, Fikrət Əliyev, müxbir üzvlər Misir Mərdanov və Əminağa Sadıqov çıxış edib, təklif və mülahizələrini, suallarını səsləndiriblər. Sonda müvafiq qərar qəbul olunub.

Fizika-Riyaziyyat və Texnika Elmləri, Kimya Elmləri və Gəncə Elmi bölmələrinin 2020-ci ildəki elmi və elmi-təşkilati fəaliyyəti haqqında hesabat AMEA Rəyasət Heyəti tərəfindən qəbul olunub.

Sonda Akademiyanın institutlarında ötən il ərzində aparılan tədqiqatlara dair dinlənilən hesabatları Azərbaycan elminin inkişafının təzahürü kimi qiymətləndirən AMEA-nın prezidenti, akademik Ramiz Mehdiyev Azərbaycanda müxtəlif istiqamətlər üzrə mühüm elmi nəticələrin əldə edildiyini bildirib. Akademiya rəhbəri bölmələr üzrə aparılan elmi tədqiqat işlərində ayrı-ayrı nazirliklərin və elm müəssisələrinin yaxından iştirakının zəruriliyini ifadə edib. Akademiyanın institutları arasında prioritet məsələlər və müxtəlif problemlərlə bağlı inteqrasiyanı təmin edən qrupların yaradılmalı olduğunu diqqətə çatdıran AMEA rəhbəri ölkə başçısının son çıxışlarına da toxunaraq alimlərin ölkədə aparılan sosial-iqtisadi və siyasi proseslərdə, ölkə həyatında baş verən hadisələrdə yaxından iştirak etmələrini və elmi fəaliyyətlərini bu istiqamətə yönəltmələrinin vacibliyini diqqətə çatdırıb. Eyni zamanda xaricdə yaşayan azərbaycanlı alimlərlə əlaqələrin qurulmasının Azərbaycan elminin inkişafına töhfə olacağını da xüsusi vurğulayıb.

Mənbə: www.science.az

19 yanvar, 2021

AMEA-da struktur islahatlarına həsr olunan mətbuat konfransı keçirilib

Yanvarın 18-də Azərbaycan Milli Elmlər Akademiyasının Rəyasət Heyətində AMEA-nın akademik-katibi, akademik Adil Qəribovun mətbuat konfransı keçirilib.

Tədbir son aylarda Akademiyada aparılan strukturun təkmilləşdirilməsi və idarəetmənin optimallaşdırılmasına həsr edilib.

Mətbuat konfransında çıxış edən akademik Adil Qəribov bildirib ki, son illərdə Prezident İlham Əliyevin apardığı məqsədyönlü siyasət nəticəsində ölkəmizdə bütün sahələrdə çox yüksək səviyyədə inkişaf əldə olunub. Azərbaycanın kiçik dövlət olmasına baxmayaraq, ən müasir texnologiyalarla təchiz olunduğunu deyən akademik bunun öz bəhrəsini 44 günlük Vətən müharibəsində verdiyini söyləyib. Qeyd edib ki, Ali Baş Komandanın rəhbərliyi altında elmtutumlu yüksək texnologiyalara əsaslanan hərbi texnika ilə təchiz olunmuş Azərbaycan ordusu tarixi torpaqlarımızı işğaldan azad etdi və xalqımızın qalib statusunu özünə qaytardı.

Akademik Adil Qəribov Azərbaycan xalqının elmə və texnologiyaya əsrlər boyu diqqət yetirdiyini, hətta klassiklərimizin əsərlərində bunun öz əksini tapdığını vurğulayıb.

75 il bundan öncə yaranmış AMEA-nın çox sürətli inkişaf yolu keçdiyini xatırladan akademik-katib Azərbaycan elminin bu müddət ərzində görkəmli alimlər yetişdirdiyini, həmin alimlərin keçmiş sovet dövründə SSRİ miqyaslı bir çox layihələrə rəhbərlik etdiklərini bildirib. Onun sözlərinə görə, həmin illərdə Azərbaycan EA-nın Fizika, Neft-Kimya Prosesləri və Riyaziyyat və Mexanika institutları SSRİ-nin aparıcı elmi qurumları sırasında yer alırdı. Azərbaycan alimlərinin sözügedən uğurlarının əldə olunmasında ulu öndər Heydər Əliyevin mühüm xidmətləri olduğunu deyən A.Qəribov diqqətə çatdırıb ki, məhz ümummilli liderin təşəbbüsü ilə SSRİ EA-nın prezidenti dəfələrlə Azərbaycana səfər edib, eləcə də Bakıda fizika və digər sahələrdə önəmli tədbirlər keçirilib.

Akademik Adil Qəribov müstəqilliyimizin ilk illərində AMEA-nın yeni dövrə qədəm qoyduğunu, maliyyə çatışmazlığına görə bir sıra alimlərin xaricə üz tutduqlarını söyləyib. Ulu öndərin yenidən hakimiyyətə gəlişi ilə ölkəmizdə elmə, texnologiyaya göstərilən diqqətin artdığını bildirən A.Qəribov ümummilli liderin ilk görüşünü məhz akademiyada alimlərlə keçirdiyini, növbəti illərdə də onların qayğısına qaldığını vurğulayıb.

AMEA rəsmisi bu siyasətin Prezident İlham Əliyev tərəfindən də davam etdirildiyini, ölkə başçısının akademiyanın 70 illiyinə həsr olunmuş tədbirdə çıxışı zamanı Azərbaycan elmi qarşısında mühüm vəzifələr qoyduğunu deyib.

Görkəmli siyasi xadim, peşəkar təşkilatçı və tanınmış alim akademik Ramiz Mehdiyevin 2019-cu ilin oktyabr ayından etibarən AMEA-ya rəhbərlik etdiyini xatırladan akademik Adil Qəribov həmin ilin dekabrında R.Mehdiyevin təşəbbüsü ilə AMEA-nın Ümumi yığıncağının keçirildiyini və “AMEA-nın 2020-2025-ci illər üçün inkişaf proqramı”nın qəbul olunduğunu bildirib.

“Ötən illər ərzində dövlət büdcəsindən AMEA-ya ayrılan vəsaitlər artırılsa da, akademiya özü qazanc əldə etməyib. Rusiya Elmlər Akademiyasına (REA) dövlət büdcəsindən 1,5 faiz həcmində maliyyə ayrılır və bunun əvəzində rusiyalı alimlər ölkə ÜDM-nin 1 faizi həcmində büdcəyə geri ödəniş edirlər. Hazırda REA rəhbərliyi geri ödənişlərin həcminin artırılması istiqamətində daha çox səy göstərilməsinin tərəfdarıdır. Belarus Elmlər Akademiyasının 60 faizi özü tərəfindən, 40 faizi isə dövlət büdcəsindən maliyyələşir. Özbəkistan Elmlər Akademiyasında isə bu göstərici yarı-yarıyadır”, – deyə akademik Adil Qəribov diqqətə çatdırıb.

Azərbaycanda elmə ayrılan vəsaitin 81-82 faizinin əməkhaqlarının ödənişinə sərf olunduğunu deyən natiq qalan vəsaitin isə müəssisələrin gündəlik tələbatlarına xərcləndiyini deyib. Bundan əlavə, Elmin İnkişafı Fondu və SOCAR-ın Elm Fondundan qazanılan qrantlar hesabına alınan cihazların səmərəli istifadə göstəricisinin 20 faizi ötmədiyini vurğulayıb: “Son illərin təhlili göstərir ki, bir neçə institut xaricində heç bir əməli işlər aparılmayıb. AMEA-da yeni, gənc kadrların yetişdirilməsinə ehtiyac var. İnstitutlarda gənclərin sayı 10-20 faizdən çox deyil. Akademiyada fundamental sahə yetəri qədər inkişaf etməyib”.

əsinin yenidən işlənməsi istiqamətində tədbirlər həyata keçiriləcək”.

Alim islahatların davamı olaraq hazırda Akademiyanın qurumlarında daxili yoxlamaların aparıldığını diqqətə çatdırıb. Bildirib ki, yoxlama ilkin olaraq Fizika İnstitutunda aparılıb və nöqsanlar aşkar edilərək müəyyən qərar qəbul olunub.

Akademik Adil Qəribov AMEA-nın ictimaiyyətlə əlaqələrə və KİV nümayəndələri ilə münasibətlərə daim önəm verdiyini deyib və bu cür görüşlərin mütəmadi keçirilməsinin vacibliyini bildirib.

Mənbə: www.science.az

09 yanvar, 2021

Akademiyada həyata keçirilən islahatlar Azərbaycan elminin dünyaya inteqrasiyasına böyük töhfə olacaq

Yanvarın 8-də Azərbaycan Milli Elmlər Akademiyasının Rəyasət Heyətinin cari ildə ilk iclası keçirilib.

İclasda AMEA-nın prezidenti, akademik Ramiz Mehdiyev, Rəyasət Heyətinin üzvləri – AMEA-nın birinci vitse-prezidenti, akademik İsa Həbibbəyli, AMEA-nın vitse-prezidentləri, akademiklər – Dilqəm Tağıyev, Tofiq Nağıyev, İradə Hüseynova, Rasim Əliquliyev, akademiyanın akademik-katibi, akademik Adil Qəribov və Rəyasət Heyətinin digər üzvləri, akademiklər – Cəmil Əliyev və Gövhər Baxşəliyeva iştirak ediblər.

Tədbiri akademik Ramiz Mehdiyev açaraq iclasın gündəliyindəki məsələləri tədbir iştirakçılarının diqqətinə çatdırıb.

Rəyasət Heyətinin iclasına çıxarılan ilk elmi-təşkilati məsələ AMEA-nın Fizika İnstitutunda aparılmış yoxlamanın nəticələri haqqında olub.

Məsələ ilə bağlı çıxış edən yoxlama komissiyasının sədri, AMEA Rəyasət Heyəti aparatının Hüquq və kadrlar idarəsinin rəisi, hüquq üzrə fəlsəfə doktoru Rasim Ağasiyev bildirib ki, AMEA Rəyasət Heyətinin 11 dekabr 2020-ci il tarixli qərarı ilə yaradılmış komissiya tərəfindən AMEA-nın Fizika-Riyaziyyat və Texnika Elmləri Böl­mə­sinin tərkibinə daxil olan Fizika İnstitutunda 2018-2020-ci illər üzrə kadr, kar­güzarlıq, maliyyə, əmək və icra intizamı, habelə elmi cihaz və avadanlıqların mövcud vəziyyətinin öyrənilməsi məqsə­dilə 2020-ci ilin 17- 25 dekabr tarixlərində yoxlama aparılıb.

Onun sözlərinə görə, Fizika İnstitutunda mükafatların verilməsi, ezamiyyə xərclərinin qanunvericiliyin tələblərinə uyğun ödənilməməsi, institutun fəaliyyəti üçün dövlət büdcəsindən ayrılmış pul vəsaitlərinin qanunsuz və əsassız olaraq başqa təşkilatlara ödənil­məsi, büdcədə qalan artıq pul vəsaitlərinin əsassız silinməsi, kadr fəaliyyəti üzrə əmək qanunvericiliyinin tələblərinin kobud şəkildə pozulması, qanunsuz və əsassız əmrlərin verilməsi, kargüzarlıq fəaliyyətinin qanunauyğun aparıl­maması, habelə əmək və icra intizamının kobud şəkildə pozulması aşkar olunub.

Mövzu ilə bağlı münasibət bildirən AMEA-nın prezidenti, akademik Ramiz Mehdiyev vurğulayıb ki, bir zamanlar görkəmli alim Həsən Abdullayevin rəhbərlik etdiyi Fizika İnstitutu öz elmi nəticələri ilə keçmiş sovet məkanında böyük nüfuz qazanmışdı və Azərbaycan elminin flaqmanlarından hesab olunurdu. Akademik qeyd edib ki, dövlət büdcəsindən ayrılan maliyyə qarşılığında müəssisədə müstəqillik dövründə heç bir ciddi tətbiqi və fundamental tədqiqatlar aparılmayıb. AMEA prezidenti institutda yaranmış mövcud vəziyyətin akademiyanın və Azərbaycan elminin nüfuzuna mənfi təsir etdiyini bildirib.

Qeyd olunanları nəzərə alaraq, Fizika İnstitutunun direktoru, akademik Nazim Məmmədov, institutun elmi işlər üzrə direktor müavini, akademik Cavad Abdinov, həmin institutun baş mühasibi İradə Qulubəyova və Kadrlar şöbəsinin müdiri Pərvanə İsgəndərova vəzifələrindən azad ediliblər. Həmçinin akademik Nazim Məmmədov Azərbaycan Respublikasının Rusiyanın Dubna şəhərindəki Birləşmiş Nüvə Tədqiqatları İnstitutu ilə əlaqələndiricisi vəzifəsindən də azad olunub, bununla bağlı müvafiq dövlət qurumuna müraciət olunacağı bildirilib. Bundan əlavə, institutun bir sıra əməkdaşları işlərində yol verdikləri nöqsanlara görə barələrində intizam tənbehi tətbiq edilib.

Fizika İnstitutunun direktoru vəzifəsinin səlahiyyətləri müvəqqəti olaraq akademik Adil Qəribova tapşırılıb.

Gündəlikdə duran digər məsələ AMEA-da strukturun təkmilləşdirilməsi və idarəetmənin optimallaşdırılması haqqında olub. Məsələ ilə bağlı çıxış edən AMEA-nın akademik-katibi, akademik Adil Qəribov sözügedən qərar layihəsinin AMEA prezidentinin tapşırığı əsasında hazırlandığını və bu barədə AMEA Rəyasət Heyətinin ötən iclasında müzakirələrin aparıldığını söyləyib. Qərar layihəsində AMEA Rəyasət Heyətinin, o cümlədən elmi müəssisə və təşkilatlarının idarəetməsinin optimallaşdırılması üzrə müvafiq qərarlar qəbul olunub. Belə ki, institutlarda baş direktor və icraçı direktor, böyük və xüsusi məqsədli avadanlıqların mövcud olduğu müəssisələrdə baş mühəndis vəzifələrinin təsisi, eləcə də əldə olunan innovativ potensiallı elmi nəticələrin sosial fəaliyyət sahələrində və istehsalatda çevik tətbiqinə nail olmaq üçün elmi müəssisələrin ştat cədvəlinə tətbiq üzrə menecer ştatlarının daxil edilməsi qərara alınıb.

İclasda AMEA Rəyasət Heyətinin tərkibinin formalaşdırılması istiqamətində birinci vitse-prezident vəzifələri ləğv olunaraq yalnız bir vitse-prezident vəzifəsi təsis olunub. Akademik Dilqəm Tağıyev AMEA-nın birinci vitse-prezidenti, akademiklər – İsa Həbibbəyli və İbrahim Quliyev isə AMEA-nın vitse-prezidentləri seçiliblər. Eyni zamanda akademik Vaqif Fərzəliyev AMEA-nın Kimya Elmləri Bölməsinin Elmi Şurasının sədri seçilib.

Sonra yığıncaqda AMEA-da 2021-2025-ci illər üçün elmi tədqiqat işləri planlarının hazırlanması haqqında məsələ müzakirəyə çıxarılıb. Akademik Adil Qəribov yeni elmi tədqiqat işlərinin seçilməsi, planlaşdırılması, icra mexanizmi və nəticələrinin qiymətləndirilməsi ilə bağlı yeni tələb və normaların işlənildiyini nəzərə çatdırıb.

İclasda AMEA-ya dövlət büdcəsindən ayrılmış pul vəsaitlərinin AMEA-nın elmi müəssisə və təşkilatları arasında bölüşdürülməsinə, habelə AMEA-nın İnnovasiya Fondunun fəaliyyətinin təkmilləşdirilməsi və fondda toplanmış vəsaitin təyinatı üzrə istifadə edilməsinə nəzarətin həyata keçirilməsi haqqında qərar qəbul edilib.

Tədbirdə “Azərbaycan Milli Elmlər Akademiyası və İtaliya Respublikası Xarici İşlər və Beynəlxalq Əməkdaşlıq Nazirliyi arasında Elmi və Texnoloji Əməkdaşlıq üzrə 2021-2023-cü illər üçün İcra Proqramı” haqqında AMEA Rəyasət Heyəti aparatının Xarici əlaqələr idarəsinin rəisi, biologiya üzrə fəlsəfə doktoru Esmira Əlirzayeva çıxış edib. O, 2019-cu ildə elan edilmiş birgə layihə müsabiqəsi çərçivəsində biotibb, yer elmləri və mədəni irs sahələrini əhatə edən 4 layihənin qalib seçildiyini diqqətə çatdırıb. Onun sözlərinə görə, qalib layihələr “Azərbaycanda dəqiq onkologiya üçün mükəmməllik mərkəzinin təşkili”, “Baş və boyun xərçəngi üçün (IMRT, VMAT və 3D-konformal planlaşdırma metodları) uyğunlaşdırılmış radioterapiya”, “Böyük Qafqazda (Azərbaycan) və Apennində (İtaliya) CH4 və CO2 ilə zəngin olan fluid təzahürlərinin geokimyası və geoloji-struktur nəzarəti: geodinamik təsirlər” və “Torpaq tikinti materiallarının konsolidasiyası üçün yeni məhsullar və protokolların inkişaf etdirilməsi”dir.

Məsələyə münasibət bildirən akademik İsa Həbibbəyli qeyd edib ki, Arxeologiya və Etnoqrafiya İnstitutunun əməkdaşları italiyalı həmkarları ilə birlikdə ekspedisiyalar aparıb, o cümlədən hazırda Memarlıq və İncəsənət, Fəlsəfə və Sosiologiya institutları İtaliyanın elmi qurumları ilə əməkdaşlıq müqaviləsi həyata keçirirlər. Bundan əlavə, filologiya elmləri doktoru, professor İdris Abbasovun italyan aristokrat Pietro della Vallenin “Türk dilinin qrammatikası”nın tərcümə, tədqiq və şərhi” (Azərbaycan dilinin orijinal qrammatikası) monoqrafiyasının mühüm əhəmiyyətə malik olduğunu və ilk dəfə italyancadan Azərbaycan dilinə tərcümə edildiyini xüsusi vuğulayan akademik İsa Həbibbəyli gələcəkdə Humanitar və İctimai Elmlər bölmələrinin də İtaliya ilə birgə layihələrdə iştirakının vacibliyini ifadə edib.

Azərbaycan Respublikasının Prezidenti İlham Əliyevin “2021-ci ilin Azərbaycan Respublikasında “Nizami Gəncəvi İli” elan edilməsi haqqında” Sərəncamına dair tədbirlərin icra vəziyyəti və qarşıda duran vəzifələr haqqında da müzakirələr aparılıb. Akademik İsa Həbibbəyli diqqətə çatdırıb ki, sözügedən Sərəncam Azərbaycanın ədəbi-tarixi keçmişinin, milli ədəbiyyatımızın görkəmli yazıçı və şairlərinin tədqiq edilib öyrənilməsinə, dünyada daha geniş miqyasda tanıdılmasına və yeni nəsillərə çatdırılmasına dövlət səviyyəsində göstərilən böyük qayğının əməli ifadəsidir.

Onun sözlərinə görə, mühüm tarixi-siyasi və elmi əhəmiyyətə malik olan Prezident Sərəncamı AMEA-nın Humanitar və İctimai Elmlər bölmələrinin əməkdaşları qarşısında məsul vəzifələr qoyur. Akademik elmi tədqiqat müəssisələrində bu Sərəncamla əlaqədar indiyə qədər görülmüş işlərin təhlil edilməsinin, bundan sonra həyata keçirilməsi zəruri olan tədbirlərin müəyyən edilərək icrasının təmin olunmasının önəmini vurğulayıb: “Böyük Azərbaycan şairi Nizami Gəncəvinin həyatı və yaradıcılığı azərbaycançılıq və müstəqillik baxımından yenidən öyrənilməli, sənətkarın bu vaxta qədər lazımi səviyyədə tədqiq olunmamış nəsil səcərəsi, elmi tərcümeyi-halı, poemalarının ideya sənətkarlıq xüsusiyyətləri, lirikası, mühiti və müasirləri yeni təfəkkür istiqamətində tədqiq olunmalıdır. Nizami Gəncəvi kimi qüdrətli sənətkarı dünyaya daha yaxşı tanıtmaq üçün xarici dillərdə kitablar hazırlanıb nəşr edilməlidir”.

İclasda qeyd olunan məsələlər ətrafında akademiklər – Dilqəm Tağıyev, İradə Hüseynova, Rasim Əliquliyev və Gövhər Baxşəliyeva da çıxış edərək fikir və təkliflərini səsləndiriblər.

Mənbə: www.science.az

07 yanvar, 2021

Biofizika İnstitutunun 2021-ci il üçün elmi tədqiqat işlərinin planı təsdiq edilib

Yanvarın 7-də AMEA Biofizika İnstitutunun Elmi Şurasının cari ildə ilk iclası keçirilib.

Pandemiya şəraitinə uyğun olaraq, Elmi şuranın digər üzvlərinin onlayn iştirakını təmin etməklə təşkil olunan iclası institutun direktoru, AMEA-nın müxbir üzvü Oktay Qasımov açaraq Şura üzvlərini gündəlikdəki məsələlərlə tanış edib.

2021-ci ildə görüləcək işlərin planı və cari məsələlərin müzakirəsi ilə bağlı çıxış edən şuranın sədri O.Qasımov vurğulayıb ki, cari ildə “Bioloji sistemlərin fiziki-kimyəvi əsasları” istiqamətində 2 mövzu üzrə 5 elmi-tədqiqat işlərinin aparılması nəzərdə tutulub. Professor əməkdaşlara dünya elminin tələblərinə cavab verən elmi istiqamətlərdə tədqiqatlar aparmaq, mövzuların aktuallığına və elmi əhəmiyyətinə diqqət yetirmək, eləcə də tədqiqatların elmi səmərəliyini artırmaqla bağlı tövsiyələrini verib. Qeyd edib ki, cari ildə nəzərdə tutulan konkret hədəflərə çatmaq üçün elmi tədqiqat institutu olaraq daha çox prioritet istiqamətlər üzrə elmi tədqiqat işi aparmalı, cəmiyyətə töhfə verməliyik.

Daha sonra cari ildə müəssisədə aparılacaq elmi tədqiqat işlərinin əhatəli planı barədə müzakirələr aparılıb. Müzakirələrdə müəssisənin laboratoriya müdirləri b.e.d., professor Tokay Hüseynov, b.e.d. Kərim Qasımov, b.e.d. İlham Sahmuradov çıxış edərək öz təkliflərini bildiriblər. Müzakirələr nəticəsində Biofizika İnstitutunun 2021-ci il üçün tədqiqat işlərinin planı Elmi şuranın qərarı ilə təsdiq edilib.

Sonda institutun 2021-ci il üçün əhatəli planının hazırlanaraq Fizika-Riyaziyyat və Texnika Elmləri Bölməsinə təqdim olunmasına qərar verilib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

05 yanvar, 2021 

Azərbaycan Respublikasında 2021-ci ilin “Nizami Gəncəvi İli” elan edilməsi haqqında Azərbaycan Respublikası Prezidentinin Sərəncamı

Dünya ədəbiyyatının görkəmli nümayəndəsi, dahi Azərbaycan şairi və mütəfəkkiri Nizami Gəncəvi bəşəriyyətin bədii fikir salnaməsində yeni səhifə açmış nadir şəxsiyyətlərdəndir. Nəhəng sənətkarın xalqımızın mənəviyyatının ayrılmaz hissəsinə çevrilmiş parlaq irsi əsrlərdən bəri Şərqin misilsiz mədəni sərvətlər xəzinəsində özünəməxsus layiqli yerini qoruyub saxlamaqdadır.

Nizami Gəncəvi ömrü boyu dövrün mühüm mədəniyyət mərkəzlərindən olan qədim Azərbaycan şəhəri Gəncədə yaşayıb yaradaraq, Yaxın və Orta Şərq fəlsəfi-ictimai və bədii-estetik düşüncə tarixini zənginləşdirən ecazkar söz sənəti incilərini də məhz burada ərsəyə gətirmişdir. Nizami Gəncəvinin geniş şöhrət tapmış “Xəmsə”si dünya poetik-fəlsəfi fikrinin zirvəsində dayanır. Mütəfəkkir şair çox sayda davamçılarından ibarət böyük bir ədəbi məktəbin bünövrəsini qoymuşdur. Nizaminin ən məşhur kitabxana və muzeyləri bəzəyən əsərləri Şərq miniatür sənətinin inkişafına da təkan vermişdir.

Nizami dühası hər zaman dünya şərqşünaslığının diqqət mərkəzində olmuşdur. Ölkəmizdə Nizami sənətinin öyrənilməsi və tanıdılması sahəsində xeyli iş görülmüş, əsərlərinin nizamişünaslıqda yüksək qiymətləndirilən elmi-tənqidi mətni hazırlanmış, kitabları nəfis tərtibatda və kütləvi tirajla nəşr edilmişdir. Nizaminin ədəbiyyatda və incəsənətdə yaddaqalan obrazı yaradılmışdır. Mütəfəkkir şairin doğma şəhəri Gəncədə məqbərəsi, Bakıda, Sankt-Peterburqda və Romada heykəlləri ucaldılmışdır. Azərbaycan Milli Elmlər Akademiyasının Ədəbiyyat İnstitutu və Milli Azərbaycan Ədəbiyyatı Muzeyi Nizami Gəncəvinin adını daşıyır. Böyük Britaniyanın Oksford Universitetinin Nizami Gəncəvi Mərkəzi uğurla fəaliyyət göstərir.

Nizami Gəncəvinin yubileyləri ölkəmizdə hər zaman təntənə ilə keçirilmişdir. Dahi şairin 800 illik yubileyi onun irsinin tədqiqi və təbliğində əsaslı dönüş yaratmışdır. Azərbaycanın klassik ədəbi-mədəni irsinə həmişə milli təəssübkeşlik və vətənpərvərlik mövqeyindən yanaşan ümummilli lider Heydər Əliyev Nizami irsinə də xüsusi diqqət yetirmişdir. Heydər Əliyevin təşəbbüsü ilə 1979-cu ildə qəbul olunmuş “Azərbaycanın böyük şairi və mütəfəkkiri Nizami Gəncəvinin irsinin öyrənilməsini, nəşrini və təbliğini daha da yaxşılaşdırmaq tədbirləri haqqında” qərar Nizami yaradıcılığının tədqiqi və təbliği üçün yeni perspektivlər açmışdır. Ölməz sənətkarın 1981-ci ildə Ulu Öndərin bilavasitə təşəbbüsü və iştirakı ilə keçirilən 840 illik yubiley mərasimləri ölkənin mədəni həyatının əlamətdar hadisəsinə çevrilmişdir. 2011-ci ildə Nizami Gəncəvinin 870 illiyi dövlət səviyyəsində silsilə tədbirlərlə geniş qeyd edilmişdir.

2021-ci ildə dahi şair və mütəfəkkir Nizami Gəncəvinin anadan olmasının 880 illiyi tamam olur. Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyətini nəzərə alaraq qərara alıram:

1. 2021-ci il Azərbaycan Respublikasında “Nizami Gəncəvi İli” elan edilsin.

2. Azərbaycan Respublikasının Nazirlər Kabineti “Nizami Gəncəvi İli” ilə bağlı tədbirlər planı hazırlayıb həyata keçirsin.

İlham Əliyev

Azərbaycan Respublikasının Prezidenti

Bakı şəhəri, 5 yanvar 2021-ci il.

30 dekabr, 2020

Elan

07 yanvar 2021-ci il tarixində saat 10:00-da Biofizika İnstitutunun Elmi Şurasının növbəti iclası keçiriləcək.

İclasda aşağıdakı məsələlərə baxılacaq:

  1. Biofizika İnstitutunun nəzdindəki laboratoriyaların iş proqramlarının və fərdi iş planlarının müzakirəsi və təsdiqi.
  2. Biofizika İnstitutunun 2021-ci il üçün elmi tədqiqat işlərinin əhatəli planının təsdiqi.
  3. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

28 dekabr, 2020

FRTEB-in növbəti iclasında daha 3 elmi müəssisə hesabat verib

AMEA-nın Fizika-Riyaziyyat və Tex­­nika Elmləri Bölməsinin (FRTEB) Ümu­­mi yığıncağının illik hesabatlara həsr olunmuş növbəti onlayn iclası keçirilib.

Tədbirdə AMEA-nın birinci vit­se-prezidenti, akademik İbrahim Quliyev, vit­se-prezident, akademik Rasim Əli­qu­li­yev, bölmənin Ümumi yığıncağının üzvləri, elmi müəs­sisələrin rəh­­bər­ləri, direktor müavinləri, elmi katibləri, həm­çi­nin əldə olunmuş mühüm elmi nə­ti­cə­lə­rin müəllifləri, İcti­maiy­yət­lə əlaqələr, Təhsil və Beynəlxalq əlaqələr şö­bə­lə­ri­nin rəhbərləri, eləcə də gənc alim və mütəxəssislər şuralarının sədr­lə­ri və həm­karlar təşkilatla­rı­nın nü­ma­yən­də­ləri iştirak ediblər.

Öncə tədbirdə AMEA-nın İnformasiya Texnologiyaları İnstitutunun 2020-ci il üzrə hesabatı dinlənilib.

AMEA-nın vitse-prezidenti, FRTEB-in sədri, institutun direktoru, akademik Rasim Əliquliyev hesabatı təqdim edərək 2020-ci il ərzində rəhbərlik etdiyi qurumun qarşısına qoyulan vəzifələr barədə ümumi məlumat verib.

İnstitutun elmi-nəzəri fəaliyyətindən söz açan alim cari ildə qurumda 2 – informasiya texnologiyaları və informasiya cəmiyyətinin elmi-nəzəri problemləri istiqaməti üzrə Big Data analitikası, Data Mining, informasiya təhlükəsizliyi, intellektual elektron dövlətin formalaşması və inkişafı, Industry 4.0 platformasında kiberfiziki sistemlərin analizi və sintezi, bulud sistemlərinin analizi və sintezi, proqram mühəndisliyi, elektron tibbin formalaşması, e-elm və elmmetriya, informasiya və bilik iqtisadiyyatı, virtual mühitdə Azərbaycan dili və terminoloji informatika problemləri ilə bağlı araşdırmaların aparıldığını bildirib.

Akademik R.Əliquliyev qeyd edib ki, institut əməkdaşları tərəfindən 2020-ci ildə 100 məqalə, 2 kitab və 8 ekspres-informasiya nəşr olunub, beynəlxalq və respublika səviyyəli konfranslarda 64 məruzə ilə iştirak edilib. Cari ildə çap olunmuş 174 elmi əsərdən 37-si nüfuzlu bazalara (WoS, Scopus və s.) daxil edilib, institut əməkdaşlarının məqaləsinə hesabat ilində 1979, ümumilikdə isə 13460 istinad qeydə alınıb.

Direktor cari il üzrə institutda əldə olunan mühüm elmi nəticələri də diqqətə çatdırıb. O, prioritet istiqamətlərdə aparılan tədqiqatlar nəticəsində rəhbərlik etdiyi qurumun alim və mütəxəssisləri tərəfindən Milli informasiya təhlükəsizliyi sisteminin təkmilləşdirilməsi üçün yeni nəsil təhdidlərin aşkarlanması və qiymətləndirilməsi modellərinin təklif olunduğunu, Mobil bulud resurslarının optimal paylanma infrastrukturunun sintezi üçün metod və alqoritmlərin işlənildiyini, Böyük həcmli verilənlərin (Big Data) intellektual analizi üçün konsensus çəkili klasterləşdirmə metodu və paralelləşdirilmiş k-means alqoritminin işlənildiyini, Neft-qaz sənayesində mədən avadanlıqlarında qəzaların proqnozlaşdırılması üçün hibrid dərin neyron şəbəkə arxitekturları və müvafiq təlim alqoritmlərinin hazırlandığını bildirib.

Alim, həmçinin tibbi sosial media resurslarının kontent-statistik analizi əsasında həkim-pasiyent fəallığının qiymətləndirilməsi və səmərəli tibbi qərarların qəbulunu dəstəkləyən konseptual modelin təklif olunduğunu, Əhali rəylərinin intellektual analizi əsasında elektron dövlət xidmətlərinin vətəndaş məmnuniyyəti meyarına görə qiymətləndirilməsi üçün bir sıra metodların işlənildiyini, Proqram məhsullarının çoxmeyarlara görə seçilməsi, səmərəliliyinin artırılması və idarə olunmasının optimallaşdırılması üçün metodların işlənildiyini nəzərə çatdırıb.

AzScienceNet elm-kompüter şəbəkəsinin fəaliyyətindən söz açan R.Əliquliyev bildirib ki, e-elmin informasiya təminatının formalaşdırılması işləri davam etdirilib, müxtəlif təyinatlı informasiya sistemləri, e-resurslar və veb-saytlar işlənilib. AMEA-nın elmi müəssisə və təşkilatlarının resurslarının Data Mərkəzdə saxlanılması və hostinq xidmətlərinin dəstəklənməsi, istifadəçilərə e-xidmətlərin təqdim olunması, həmçinin Avropanın onlayn elm və təhsil mühitinə inteqrasiyası davam etdirilib.

İnstitutun Tədris-İnnovasiya Mərkəzinin fəaliyyəti barədə də məlumat verən akademik bildirib ki, AMEA-nın magistrləri üçün ümumi və seçmə fənlərin (xarici dil, fəlsəfə, psixologiya və pedaqogika) tədrisi və imtahanların qəbulu işləri, eləcə də institutun magistrləri üçün ixtisas fənlərinin tədrisi və imtahanların qəbulu işləri yerinə yetirilib. Bundan başqa, il ərzində müxtəlif kompüter proqramları (proqramlaşdırma dilləri, 1C, MatLab, MS Offise proqramları, Help Desk, magistraturaya hazırlıq və s.) üzrə kurslar təşkil olunub.

Direktor institutun beynəlxalq elmi əməkdaşlıq çərçivəsində həyata keçirdiyi tədbirlər haqqında məlumat verərək, 2020-ci il ərzində müəssisənin müxtəlif təşkilat və elmi qurumlarla əməkdaşlıq etdiyini, beynəlxalq layihələrdə, regional telekommunikasiya şəbəkəsinin inkişaf etdirilməsində iştirak etdiyini, xarici alimlərlə birgə elmi tədqiqatların aparıldığını, səfərlərin, görüşlərin keçirildiyini qeyd edib.

O, həmçinin AMEA-nın müxbir üzvü Ramiz Alıquliyevin Stenford Universitetinin tərtib etdiyi dünyanın ən nüfuzlu 2% aliminin reytinq siyahısına daxil edildiyini söyləyib.

R.Əliquliyev elmi biliklərin təbliği və populyarlaşdırılması ilə bağlı görülmüş işlərdən söz açaraq, kütləvi informasiya vasitələri (KİV) ilə işgüzar əməkdaşlıq əlaqələrinin qurulduğunu, müəssisənin rəhbər şəxslərinin, aparıcı alim və mütəxəssislərinin mütəmadi KİV-də çıxışlarının təşkil edildiyini bildirib. Alim institutun rəsmi www.ikt.az veb-saytının və İnfoTV İnternet televiziyasının istismarı və kontent təminatının həyata keçirildiyini diqqətə çatdırıb, bəzi statistik göstəriciləri təqdim edib.

Akademik institutun Azərbaycanın Qarabağla bağlı apardığı informasiya müharibəsinə dəstək verilməsində fəal iştirak etdiyini vurğulayıb. Bildirib ki, bu istiqamətdə KİV-də çıxışlar edilib, Vikipediyaya məlumatlar, multimedia faylları daxil edilib, müxtəlif petisiyalar imzalanıb, saytlarda və sosial şəbəkələrdə münaqişə ilə bağlı obyektiv məlumatlar paylaşılıb, əcnəbi alim və mütəxəssislər münaqişə ilə bağlı məlumatlandırılıblar.

Sonra tədbirdə AR Nəqliyyat, Rabitə və Yüksək Texnologiyalar Nazirliyi tabeliyində “Milli Nüvə Tədqiqatları Mərkəzi (MNTM)” QSC-nin 2020-ci ildə elmi-tədqiqat və kadr hazırlığı istiqamətlərində fəaliyyəti üzrə hesabat dinlənilib.

AMEA-nın akademik-katibi, mərkəzin sədri, akademik Adil Qəribov hesabatı təqdim edərək bildirib ki, müəssisəyə məxsus imkanlar, ikitərəfli müqavilə və memorandumlar əsasında, beynəlxalq kollaborasiyaların imkanları daxilində elmi tədqiqatların aparılması, “MNTM” QSC-nin doktoranturası, beynəlxalq kollaborasiyalar və ikitərəfli əlaqələr üzrə kadr hazırlığı, infrastrukturun formalaşdırılması qurumun əsas fəaliyyət istiqamətləridir.

“MNTM” QSC-yə məxsus imkanlar daxilində “Mürəkkəb nüvə çevrilmələri proseslərinin tədqiqi”, “Nano-materiallarda neytronların təsiri altında baş verən nüvə qarşılıqlı təsir proseslərinin onların fiziki xassələrinə təsiri”, “Nüvə və radioaktiv materialların analizi, identifikasiyası”, “CERN-in ALICE təcrübələrində qurğuşun nüvələrinin toqquşması zamanı proton-antiproton paylanma qanunauyğunluqlarının tədqiqi”, “Kollaborasiya proqramı çərçivəsində alınmış mikropikselli silisium əsasında müxtəlif cihazların hazırlanması” və digər mövzularda elmi araşdırmalar aparılıb”, – deyə sədr bildirib.

Akademik A.Qəribov hesabat ili ərzində yüksək enerjili hissəciklər fizikası, nüvə fizikası, nüvə spektroskopiyası və radiokimya, radiasiya materialşünaslığı və radiasion nanotexnologiya, innovasiya və cihazqayırma, eləcə də tədqiqat nüvə reaktoru kompleksi üzrə əldə olunmuş mühüm elmi nəticələri diqqətə çatdırıb. O, mərkəzin əməkdaşları tərəfindən respublika daxilində 12 dövlət və özəl qurumla ikitərəfli müqavilələr əsasında analitik xidmətlərin həyata keçirildiyini söyləyib.

Alimin sözlərinə görə, cari ildə mərkəzin əməkdaşları tərəfindən 148 məqalə çap olunub. Yüksək impakt faktorlu xarici jurnallarda nəşr olunmuş məqalələrin 112-si Web of Science, 36-sı isə SCOPUS beynəlxalq elmi bazasına daxil edilib. 2020-ci ilin 10 dekabr tarixinə olan göstəricilərə əsasən, bu məqalələrə 1128 istinad qeydə alınıb.

Bakı Dövlət Universitetinin (BDU) Tətbiqi Riyaziyyat Elmi Tədqiqat İnstitutunun 2020-ci il üzrə hesabatını institutun direktoru, akademik Fikrət Əliyev təqdim edib. Cari ildə aparılmış elmi-tədqiqat işlərinin yekunlarından söz açan alim rəhbərlik etdiyi qurumda mürəkkəb diferensial tənliklərlə təsvir olunan sistemlərin idarəetmə və optimallaşdırma məsələləri, qeyri-xətti tənliklərlə təsvir olunan texnoloji, iqtisadi proseslərin modelləşdirilməsi, fizika, geofizika, texnika və elmin digər sahələrinə tərs məsələlərin tətbiqi, eləcə də harmonik analizin aktual məsələləri istiqamətləri üzrə elmi tədqiqatların aparıldığını diqqətə çatdırıb. Bildirib ki, hesabat ilində institutun əməkdaşları tərəfindən 4 mövzu üzrə 2-ci mərhələ üçün 17 elmi iş yerinə yetirilib.

F.Əliyev qeyd edib ki, hesabat ili ərzində əməkdaşlar tərəfindən 100 məqalə, beynəlxalq konfransda 5 tezis nəşr edilib, 4 beynəlxalq və 2 respublika daxili qrant layihəsi yerinə yetirilib.

Cari ildə institutda əldə edilmiş mühüm elmi nəticələrdən bəhs edən direktor bildirib ki, ilk dəfə olaraq maye dempferli rəqsvari sistemlərdə kəsr tərtibin təyini üçün yeni tərs məsələyə baxılıb, uyğun ədədi alqoritm təklif olunub. Həmçinin dinamik sistemlərə daxil olan qeyri-səlis parametrlərin təyin edilməsi, uyğun riyazi aparat üçün yeni nəzəri üsulların təklif olunması məsələlərinin tədqiqi, həll alqoritmlərinin işlənməsi və tətbiqləri məsələləri nəzərdən keçirilib.

Alim institutun beynəlxalq elmi əməkdaşlıq çərçivəsində həyata keçirdiyi tədbirlər barədə də məlumat verərək, hesabat ili ərzində dünyanın müxtəlif ölkələrinin tanınmış elm və təhsil müəssisələri ilə səmərəli əməkdaşlıq əlaqələrinin qurulduğunu deyib.

Direktor müəssisədə nəşr olunan impakt faktorlu jurnallardan danışıb, onların statistik göstəricilərini diqqətə çatdırıb.

Akademik F.Əliyev bildirib ki, 26 avqust 2020-ci il tarixində AR Nəqliyyat, Rabitə və Yüksək Texnologiyalar Nazirliyinin dəstəyi və institutun təşkilatçılığı ilə onlayn formatda Sənaye Tətbiqli İdarəetmə və Optimallaşdırma 7-ci beynəlxalq konfransı (Control and Optimization with Industrial Applications – COIA-2020) keçirilib. Konfransın saytında dünyanın müxtəlif ölkələrindən 476 alim və tədqiqatçı qeydiyyatdan keçib, 256 məqalə konfransın materiallarında dərc olunub. İştirakçılar Azərbaycan, Türkiyə, Ukrayna, Rusiya, İran, Hindistan, Şimali Kipr Türk Cümhuriyyəti, Meksika, Qazaxıstan, Qırğızıstan, Almaniya, Özbəkistan, İtaliya və Küveyti təmsil ediblər.

Aparılan müzakirələrdə akademiklər Adil Qəribov, Nazim Məmmədov, Telman Əli­yev, Əli Abbasov, Fikrət Əli­yev, Yusif Məmmədov, AMEA-nın müxbir üzvləri Misir Mər­da­nov, Əminağa Sadıqov, Ramiz Alıquliyev, Bilal Bilalov, Əyyub Quliyev, Vaqif Quliyev, Qeylani Pənahov, Qorxmaz İmanov iştirak edərək fikir və suallarını səsləndiriblər.

Sonda FRTEB-in Ümumi yığıncağı İnformasiya Texnologiyaları İnstitutu, “Milli Nüvə Tədqiqatları Mərkəzi” QSC və  BDU-nun Tətbiqi Riyaziyyat Elmi Tədqiqat İnstitutunun 2020-ci ildə apa­rıl­mış elmi tədqiqat işlə­ri­nin ye­kunlarına dair hesabatların qəbul olunaraq AMEA-nın Rəyasət Heyətinə təqdim edilməsinin lehinə yekdilliklə səs verib.

Mənbə: www.science.az

24 dekabr, 2020

Fizika-Riyaziyyat və Texnika Elmləri Bölməsinin illik hesabatlara həsr olunmuş növbəti onlayn iclası keçirilib

Dekabrın 23-də AMEA-nın Fizika-Riyaziyyat və Tex­­nika Elmləri Bölməsinin (FRTEB) Ümu­­mi yığıncağının illik hesabatlara həsr olunmuş növbəti onlayn iclası keçirilib.

Tədbirdə AMEA-nın birinci vit­se-prezidenti, akademik İbrahim Quliyev, vit­se-prezident, akademik Rasim Əli­qu­li­yev, bölmənin Ümumi yığıncağının üzvləri, elmi müəs­sisələrin rəh­­bər­ləri, direktor müavinləri, elmi katibləri, həm­çi­nin əldə edilmiş mühüm elmi nə­ti­cə­lə­rin müəllifləri, icti­maiy­yət­lə əlaqələr, təhsil və beynəlxalq əlaqələr şö­bə­lə­ri­nin rəhbərləri, eləcə də həm­karlar təşkilatla­rı­nın nü­ma­yən­də­ləri, gənc alim və mütəxəssislər şuralarının sədr­lə­ri iştirak edib­lər.

Tədbiri giriş nitqi ilə açan AMEA-nın vitse-prezidenti, FRTEB-in sədri, akademik Rasim Əliquliyev iclasın Biofizika, Riyaziyyat və Mexanika, İdarəetmə Sistemləri institutlarının 2020-ci ildə aprılmış elmi tədqiqat işlə­ri­nin ye­kunlarına həsr olunduğunu bildirib.

Öncə Biofizika İnstitutunun direktoru, AMEA-nın müxbir üzvü Oktay Qasımov institutun illik hesabatını təqdim edərək cari ildə elmi müəssisədə aparılan elmi-tədqiqat işləri, nəşr olunmuş məqalələr, institutun beynəlxalq əlaqələri barədə məlumat verib. Bildirib ki, bu il müəssisə əməkdaşları tərəfindən “Bioloji sistemlərin fiziki-kimyəvi əsasları” istiqamətində 2 mövzu üzrə 5 elmi-tədqiqat işi aparılıb və onlardan 2-si başa çatdırılıb. Əldə olunmuş nəticələr 1 monoqrafiya, 7 tezis, 12 məqalədə əksini tapıb. Bu məqalələrin 4-ü xarici elmi jurnallarda dərc olunub. 2020-ci ildə institut əməkdaşlarının nəşrlərinə 172 istinad qeydə alınıb. Alim əlavə edib ki, cari ildə müəssisədə 6 qrant layihəsi çərçivəsində tədqiqatlar aparılıb.

İnstitutun direktoru, həmçinin rəhbərlik etdiyi elmi müəssisədə 2020-ci ildə aparılan elmi-tədqiqat işlərinin nəticələri, koronavirus pandemiyası ilə mübarizə tədbirləri çərçivəsində görülən işlərin elmi əhəmiyyəti və əldə edilən nailiyyətlər barədə ətraflı məlumat verib. Bildirib ki, müəssisədə COVID-19 pandemiyası ilə əlaqədar aparılan araşdırmalar TƏBİB-in müalicə protokoluna daxil edilib.

Sonra  Riyaziyyat və Mexanika İnstitutunun direktoru, AMEA-nın müxbir üzvü Misir Mərdanov rəhbərlik etdiyi qurumun cari ildəki hesabatını təqdim edib. Elmi müəssisdə 248 tədqiqat işinin aparıldığını deyən M.Mərdanov əldə olunmuş nəticələrin 3 kitab, 68 tezis, 163 məqalədə əksini tapdığını vurğulayıb. Alim bu məqalələrdən 129-nun  nüfuzlu “Web of Science” (WOS), 31-nin  “Scopus” bazalarına daxil olan jurnallarda dərc olunduğunu diqqətə çatdırıb. Bildirib ki, bu il alimlərimizin əsərlərinə 2415 istinad qeydə alınıb.

AMEA-nın müxbir üzvü vurğulayıb ki, rəhbərlik etdiyi elmi müəssisədə cari ildə 6 qrant layihəsi çərçivəsində tədqiqat işləri aparılıb: “Hesabat ilində WOS-un bazasına daxil olan jurnallarda institutun hər bir aliminə bir məqalə düşür. İnstitutda ingilis dilində hazırlanan 4 jurnal çap olunur. Onlardan institutun “Elmi Əsərləri”, “AMEA-nın Xəbərləri -Riyaziyyat” bölməsi və “Azərbyacan Riyaziyyat jurnalı” jurnalları “Scopus”un bazasına daxil edilib və impakt faktora malikdir”.

İdarəetmə Sistemləri İnstitutunun 2020-ci ildəki hesabatını müəssisənin direktoru vəzifəsini icra edən, AMEA-nın müxbir üzvü Əminağa Sadıqov təqdim edib. Alim bildirib ki, müəssisədə hesabat ilində elmi-tədqiqat işləri AMEA-nın “2020-2025-ci illər üçün inkişaf proqramı”nın icrasından  irəli gələn qeyri-neft sektorunun inkişafında elmin yaxından iştirakı, elmi nəticələrin kommersiyalaşdırılması, innovasiya fəaliyyətinin genişləndirilməsi, elmi nəticələrin tətbiqi, informasiya texnologiyaları və informasiya cəmiyyətinin formalaşmasının elmi-nəzəri problemlərinin araşdırılması ilə bağlı səmərəli metodların işlənməsi istiqamətində aparılıb.

Qeyd olunub ki, hesabat ilində institut alimləri tərəfindən 2-si kitab olmaqla 276 elmi əsər işıq üzü görüb. Onlardan 59-u “Web of Science” bazasında, 23-ü isə “Scopus” bazasında çap olunub. Çapdan çıxan elmi əsərlərə il ərzində WOS-da 389, “Google Scholar”da isə 1321 istinad olunub. Hesabat ilində institut tərəfindən 6 Avrasiya, 2 Respublika patenti alınıb və müəssisədə aparılan elmi-tədqiqat işlərinin nəticələri əsasında 6 iş tətbiq edilib.

Ə.Sadıqov institut alimləri tərəfindən Azərbaycanın işğaldan azad edilmiş ərazilərinə dair elmi tədqiqat işləri ilə bağlı AMEA-nın vəzifələri haqqında tədbirlər planına dair 14 təklifin irəli sürüldüyünü qeyd edib. O, həmçinin 2020-ci ildə institutun təqdim etdiyi 2 layihənin qranta layiq görüldüyünü iclas iştirakçılarının diqqətinə çatdırıb.

Əlavə olaraq Ə.Sadıqov 11 mart 2020-ci il tarixində Türkmənistan Prezidenti Qurbanqulu Berdıməhəmmədovun ölkəmizə rəsmi səfəri zamanı Azərbaycan Respublikasının Prezidenti İlham Əliyevin və Türkmənistanın Prezidenti Qurbanqulu Berdıməhəmmədovun iştirakı ilə “Azərbaycan Milli Elmlər Akademiyasının İdarəetmə Sistemləri İnstitutu ilə Türkmənistan Elmlər Akademiyasının Seysmologiya və Atmosfer Fizikası İnstitutu arasında Anlaşma Memorandumu”nun Azərbaycanın Xarici işlər və Türkmənistanın Təhsil nazirləri tərəfindən imzalandığını və bu sənədin icrası ilə əlaqədar birgə layihənin yerinə yetirilməsinin nəzərdə tutulduğunu bildirib.

Sonra AMEA-nın müşaviri, akademik Telman Əliyev çıxış edərək institutun əməkdaşları tərəfindən “Şərq-Qərb” beynəlxalq nəqliyyat dəhlizi boyunca “Dəmir yolu yatağının təhlükəsizliyi”, “Öncədən seysmik xəbərdarlıq sistemi” layihələri üzrə hazırlıq işlərinin aparıldığını bildirib. O, AMEA-nın İdarəetmə Sistemləri İnstitutunda bir neçə yüksək tətbiqi əhəmiyyətli elmi nəticələrin alındığını və onların xarici ölkələr tərəfindən də maraqla qarşılandığını qeyd edib. Akademik T.Əliyev iclasda iştirak edən digər elmi müəssisələrin alimlərini də bu layihələrdə yaxından iştirak etməyə dəvət edib.

Daha sonra çıxış edən akademik Rasim Əliquliyev biofizika sahəsində aparılan araşdırmaların daha da genişləndirilməsi, eləcə də bölmənin digər institutları ilə birgə multidissiplinar tədqiqatların aparılmasının vacibliyini qeyd edib. Vitse-prezident riyazi kriptoqrafiya, kvant kriptoqrafiyası və hesablama riyaziyyatı istiqamətində görülməli olan vacib işlərdən, eləcə də ölkəmizin orta və ali təhsil sistemində riyazi təhsilin keyfiyyətinin müasir dövrün çağırışları və tələblərinə uyğunlaşdırılmasının zəruriliyindən danışıb.

Aparılan müzakirələrdə AMEA-nın akademik-katibi, akademik Adil Qəribov, akademiklər – Nazim Məmmədov, Telman Əli­yev, Əli Abbasov, Fikrət Əli­yev, Yusif Məmmədov, müxbir üzvlər – Misir Mər­da­nov, Əminağa Sadıqov, Ramiz Alıquliyev, Bilal Bilalov, Əyyub Quliyev, Vaqif Quliyev, Qeylani Pənahov, Qorxmaz İmanov yaxından iştirak edərək fikir və suallarını səsləndiriblər.

Sonda FRTEB-nin Ümumi yığıncağı Biofizika, Riyaziyyat və Mexanika, İdarəetmə Sistemləri institutlarının 2020-ci ildə apa­rıl­mış elmi tədqiqat işlə­ri­nin ye­kunlarına dair hesabatların qəbul olunaraq AMEA-nın Rəyasət Heyətinə təqdim edilməsinin lehinə yekdilliklə səs verib.

Mənbə: www.science.az.

21 dekabr, 2020

Fizika-Riyaziyyat və Texnika Elmləri Bölməsinin onlayn iclası keçirilib

AMEA-nın Fizika-Riyaziyyat və Tex­­nika Elmləri Bölməsinin (FRTEB) Ümu­­mi yığıncağının illik hesabatlara həsr olunmuş on­layn ic­­­­lası keçirilib.

Tədbirdə AMEA-nın vit­se-prezidenti, bölmənin Elmi şurasının sədri, akademik Rasim Əli­qu­li­yev, Bakı Dövlət Universitetinin (BDU) rektoru, fizika-riyaziyyat üzrə fəlsəfə doktoru Elçin Babayev, bölmənin Ümumi yığıncağının üzvləri, elmi müəs­sisələrin rəh­­bər­ləri, direktor müavinləri, elmi katibləri, həm­çi­nin əldə edilmiş mühüm elmi nə­ti­cə­lə­rin müəllifləri, icti­maiy­yət­lə əlaqələr, təhsil və beynəlxalq əlaqələr şö­bə­lə­ri­nin rəhbərləri, həm­karlar təşkilatla­rı­nın nü­ma­yən­də­ləri, gənc alim və mütəxəssislər şuralarının sədr­lə­ri iştirak edib­lər.

Öncə AMEA-nın 2020-ci ildə vəfat edən həqiqi və müxbir üzvlərinin xatirəsi yad edilib.

Daha sonra akademik Rasim Əliquliyev akademik Telman Əliyevi AMEA pre­zi­den­ti­nin müşaviri, akademik Adil Qəribovu AMEA-nın akademik-katibi, müxbir üzv Əminağa Sa­dı­qo­vu İdarəetmə Sistemləri İnstitutunun direktoru vəzifəsini icra edən təyin olunmaları münasibəti ilə onlayn iclas iştirakçılarının adından təbrik edib, onlara gələcək fəaliyyətlərində uğurlar arzu edib.

Ümu­­mi yığıncağın illik hesabatlara həsr olunmuş ilk on­layn ic­­­­lasında AMEA-nın Fizika, Ra­diasiya Problemləri (RPİ) ins­­titutlarının və Şamaxı Astrofizika Rəsədxanasının 2020-ci  ildə apa­rıl­mış elmi tədqiqat işlə­ri­nin ye­kunlarına dair hesabatları müzakirə olunub.

Fizika İnstitutunda aparılmış elmi tədqiqat işlərinin ye­kunlarına dair məlumat verən müəs­si­sə­­nin rəhbəri, akademik Nazim Məmmədov vurğulayıb ki, hesabat ilində müəssisənin bir qrup alimi “Ma­teriyanın yeni kvant halı – antiferromaqnit topoloji izolyator: dizayn, əsas elektron xassələri və tətbiq perspektivləri” mövzusunda elmi məqalələr toplusuna görə 2020-ci il üçün elm sahə­sin­də Azərbaycan Respublikasının Dövlət mükafatına, akademik Təyyar Cəfərov Azərbaycan el­mi­nin inkişafında xidmətlərinə görə “Şöhrət” ordeninə layiq görülüblər.

Alimin sözlərinə görə, 2020-ci ildə Fizika İnstitutunda elmi tədqiqat işləri üç istiqamət üzrə apa­­rılıb, 29 mühüm nəticə əldə olunub. Həmçinin adıçəkilən elmi müəssisənin əməkdaşlarının he­sa­bat ilində yüksək impakt faktorlu məcmuələrdə 132 məqaləsinin işıq üzü gördüyü qeyd olunub. Akademik Nazim Məm­­mədov iclas iştirakçılarının diqqətinə çatdırıb ki, ötən il ərzində alimlərimizin mə­qa­lə­lə­rinə, ümu­­milikdə 5667 istinad olub. Hesabat dövründə müəssisənin alimləri Azərbaycan Res­pub­li­ka­sı­nın 4 patentini alıblar.

İnstitutun direktoru, həmçinin rəhbərlik etdiyi elmi müəssisədə Rusiyanın Dubna şəhərində yerləşən Birləşmiş Nüvə Tədqiqatları İnstitutu və digər xarici ölkələrin elmi tədqiqat mərkəzləri ilə aparılan əməkdaşlıq fəaliyyəti, magistratura və dok­to­rantura pilləsi üzrə kadr məsələlərinə də to­xu­nub.

2020-ci ildə Radiasiya Problemləri İnstitutunda aparılan elmi təd­qi­qat­la­­rın bir qis­mi nüvə və radiasiya təhlükəsizliyinin elmi əsaslarının işlənməsi, respublikanın pers­pek­­tiv ener­ji təhlükəsizliyinin təmini məqsədi ilə alternativ enerji mənbələrinin ehtiyatlarının qiy­mət­lən­di­ril­mə­si, enerji çevrilmələrinin effektiv üsullarının işlənilməsi məqsədlərinin həllinə yönəlib. Aparılan tədqiqatlar nəticəsində əldə edilmiş mühüm nəticələr ba­rə­də məlumat verən institutun elmi işlər üzrə direktor müavini, fizika-riyaziyyat üzrə fəlsəfə doktoru, dosent Rəvan Mehdiyeva bildirib ki, ümumilikdə alimlərimiz tərəfindən 4 problem üzrə 23 elmi-tədqiqat işi aparılıb. Eyni zamanda, alim vurğulayıb ki, hesabat ilində Radiasiya Problemləri İnstitutunun əməkdaşlarının “Web of Science” bazasında indeksləşən jurnallarda 64 məqaləsi dərc edi­lib.

Alimin sözlərinə görə, müəssisədə Atom Enerjisi üzrə Beynəlxalq Agent­li­yin nüvə enerjisinin dinc məqsədlərlə istifadəsi və Dünya ölkələrinin Nüvə Təhlükəsizliyi sa­mmit­lə­­rinin qətnamələri, həmçinin Azərbaycan Respublikasının Pre­zidenti cənab İlham Əliyevin mü­va­fiq sərəncamları ilə təsdiq olunmuş Dövlət proq­ramları, eyni zamanda Nazirlər Kabinetinin və AMEA Rəyasət Heyə­tinin qərar və sərəncamları əsasında işlər görülüb.

R.Mehdiyeva vurğulayıb ki, müəssisənin əməkdaşları he­sa­bat ilin­də beynəlxalq əməkdaşlıq fəaliyyətində də mühüm uğurlar qazanıblar. Onlar Rusiya, Al­ma­­ni­ya, Bö­­yük Britaniya, ABŞ, Çin, Ukrayna, Qazaxıstan və digər ölkələrdə keçirilən onlayn konfrans və si­m­po­zium­larda, elə­cə də digər beynəlxalq səviyyəli tədbirlərdə iştirak ediblər. Həmçinin onların əsər­lə­ri­­nə is­ti­nad­ların sayı 2207 olub.

Direktor müavini qrantlara əsasən görülən işlər, elektron elmin vəziyyəti, fundamental elm­lə təhsilin əlaqəsi, innovasiya və nəşriyyat fəaliyyəti, kadr hazırlığı istiqamətində əldə edilmiş nə­ti­cə­lərdən danışıb. O, “müəssisədə yaradılan “Vikipediya” işçi qrupu tərəfindən onlayn ensiklopediyada mü­vafiq elmi istiqamətlər üzrə Azərbaycan seqmentində 84, rus və ingilis seqmentində müvafiq ola­raq 91 və 97 məqalə yerləşdirilib”  – deyə vurğulayıb.

RPİ-də çalışan alimlərin 2020-ci ildə əldə etdikləri uğur­lar­dan bəhs edən məruzəçi müəssisənin rəhbəri, AMEA-nın müxbir üzvü Oqtay Səmədovun “Bakı Dövlət Uni­ver­si­te­tinin 100 illiyi (1919-2019)” yubiley medalına layiq görüldüyünü, professor Rəhim Mədətovun Türk Dünyası Araş­dır­ma­ları Beynəlxalq Elmlər Akademiyasının üzvü seçildiyini, həmçinin bu qurumun “Bey­nəl­xalq qızıl ulduz” medalı və diplomu ilə təltif edildiyni qeyd edib.

Nəsrəddin Tusi adına Şamaxı Astrofizika Rəsədxanasının (ŞAR) elmi və elmi-təşkilati fəaliy­yətinə dair hesabatı müəssisənin direktoru, AMEA-nın müxbir üzvü Namiq Cəlilov təqdim edib. O bil­di­rib ki, rəhbərlik etdiyi müəssisədə 14 mövzu üzrə aparılan tədqiqatlar yekunlaşdırılıb. 2020-ci ildə astro­­navt alimlərimizin “Web of Science” və “Scopus” beynəlxalq elmi bazasında indeksləşən jur­nal­lar­­da 14 məqaləsi işıq üzü görüb. Eyni zamanda ŞAR-ın əməkdaşlarının məqalələrinə 150-dən çox istinad olunub.

Namiq Cəlilov beynəlxalq əməkdaşlıq istiqamətində Avropa Birliyinin “HORİZON-2020” me­qa­­qrantı çərçivəsində, eləcə də GAIA missiyasının OPTIKON tədqiqat qrupu ilə GRANDMA bey­­nəl­­­xalq layihəsi əsasında görülən işlərdən, İsrail, Bolqarıstan, Al­ma­ni­ya, Bel­çi­ka­, Ru­­si­ya və Uk­ray­­nanın aparıcı elmi təşkilatları ilə birgə həyata keçirilən tədqiqatlardan danışıb. ŞAR əməkdaşları AMEA-nın TÜBİTAK ilə birgə elmi qrant layihəsi üzrə müsabiqəyə bir, AR Prezidenti yanında Elmin İnkişafı Fondu tərəfindən elan olunmuş qrant müsabiqəsinə beş layihə təqdim ediblər.

Onlayn iclasda ŞAR-da elmlə təhsilin inteqrasiyası, elektron elmin və aparılan kadr ha­zır­lı­ğı­nın cari vəziyyəti, nəşriyyat və sosial sferada, o cümlədən “Vikipediya” elektron ensiklo­pe­di­ya­sın­da fəaliyyət istiqamətində əldə edilmiş nailiyyətlər haqqında da məlumat verilib.

Ümumi yığıncağın onlayn iclasında COVID-19 pandemiyası ilə mübarizə istiqamətində apa­rı­lan işlər, Vətən müharibəsində Azərbaycan Silahlı Qüvvələrinə dəstək, eləcə də Azərbay­ca­n hə­qi­qətlərinin dünya elmi ictimaiyyətinə çatdırılması məqsədi ilə görülən işlər bir daha diqqətə çat­dı­rı­lıb, Qarabağda və ətraf ərazilərdə bərpa işlərinin görülməsi ilə bağlı qarşıda duran prioritet və­zifələr səsləndirilib.

Onlayn iclasda çıxış edən AMEA-nın vitse-prezidenti, akademik Rasim Əliquliyev ölkəmizin milli təhlükəsizliyinin mühüm komponenti kimi radiasiya təhlükəsizliyinin təmin edilməsi, bu istiqamətdə problemlərin araşdırılması, eləcə də astrofiziki tədqiqatlarda süni intellekt texnologiyalarından istifadə olunması ilə bağlı bir sıra təklifləri irəli sürüb.

Aparılan müzakirələrdə BDU-nun rektoru Elçin Babayev, akademiklər – Telman Əli­yev, Adil Qəribov, Fikrət Əli­yev, AMEA-nın müxbir üzvləri – Misir Mər­da­nov, Əminağa Sadıqov, Bilal Bilalov, Əyyub Quliyev, Afiq Hə­sə­nov, Qeylani Pənahov, Vəli Hü­sey­nov yaxından iştirak edərək fikir və suallarını səsləndiriblər.

Sonda FRTEB-in Ümumi yığıncağı Fizika, Ra­diasiya Problemləri ins­­titutlarının və Şamaxı Astrofizika Rəsədxanasının 2020-ci ildə apa­rıl­mış elmi tədqiqat işlə­ri­nin ye­kunlarına dair hesabatların qəbul olunub AMEA-nın Rəyasət Heyətinə təqdim edilməsinin lehinə yekdilliklə səs verib.

Mənbə: www.science.az.

18 dekabr, 2020

“Elm” qəzetinin cari ildə 26-cı nömrəsi işıq üzü görüb

AMEA Rəyasət Heyətinin həftəlik mətbu orqanı olan “Elm” qəzetinin “Qarabağ Azərbaycandır” şüarı ilə bu il 26-cı nömrəsi işıq üzü görüb.

Qəzetin ilk səhifəsində Azərbaycan vətəndaşları, eləcə də xaricdə yaşayan soydaşlarımızın rəşadətli ordumuzun Vətən müharibəsində qazandığı tarixi Qələbə münasibətilə Prezident, Müzəffər Ali Baş Komandan İlham Əliyevə ünvanladıqları minnətdarlıq məktubları yer alıb.

Nəşrin növbəti səhifələrində Azərbaycan Respublikası Prezidentinin 2020-ci il 27 iyul tarixli 2178 nömrəli Sərəncamı ilə təsdiq edilmiş “Su ehtiyatlarından səmərəli istifadənin təmin edilməsinə dair 2020–2022-ci illər üçün Tədbirlər Planı”nda dəyişiklik edilməsi haqqında Sərəncam, AMEA-nın prezidenti, akademik Ramiz Mehdiyevin Ümummilli lider Heydər Əliyevə həsr olunmuş müsahibəsi, AMEA Rəyasət Heyətinin iclası, akademik İsa Həbibbəylinin görkəmli qazax şairi Abay Kunanbayevə həsr edilən tədbirdə çıxışı, Biofizika İnstitutu tərəfindən “YAŞAT” fonduna köçürülən ianə, eləcə də Naxçıvan Bölməsində gənclərlə görüş haqqında məlumatlar oxuculara təqdim olunur.

Bundan əlavə, “Haqq işi qalib gəldi”, “Azərbaycanın ərazi bütövlüyünün təmin edilməsi tarixi ədalətin bərpası deməkdir” sərlövhəli məqalələr, nəşrlər, elmi yeniliklər və digər xəbərlərlə də tanış ola bilərsiniz.

12 səhifəlik qəzetdə, o cümlədən rus dilində materiallar öz əksini tapıb.

Mənbə: www.science.az.

15 dekabr, 2020

Biofizika İnstitutunun elmi nəticələri müzakirə olunub

AMEA-nın Biofizika İnstitutunun Elmi şurasının müəssisənin 2020-ci ildəki elmi və elmi-təşkilati fəaliyyətinin yekunlarına həsr olunan iclası keçirilib.

Tədbiri institutun direktoru, Elmi şuranın sədri, AMEA-nın müxbir üzvü Oktay Qasımov açaraq bildirib ki, müəssisənin cari ildəki elmi-təşkilati fəaliyyətində Azərbaycan Respublikası Prezidentinin fərman və sərəncamları, Nazirlər Kabineti və AMEA Rəyasət Heyətinin qərarları, AMEA prezidentinin sərəncamları əsas götürülüb, habelə dövlət proqramlarının icrasından irəli gələn işlər yerinə yetirilib.

Onun sözlərinə görə, bu il müəssisə əməkdaşları tərəfindən “Bioloji sistemlərin fiziki-kimyəvi əsasları” istiqamətində 2 mövzu üzrə 5 elmi-tədqiqat işi aparılıb və onlardan 2-si başa çatıb. Əldə olunmuş nəticələr 1 monoqrafiya, 7 tezis, 11 məqalədə əksini tapıb. Bu məqalələrin 4-ü xarici elmi jurnallarda dərc olunub. 2020-ci ildə institut əməkdaşlarının nəşrlərinə 172 istinad qeydə alınıb. Alim qeyd edib ki, cari ildə müəssisədə 6 qrant layihəsi çərçivəsində tədqiqatlar aparılıb.

Bundan əlavə, institutda 2020-ci il üzrə aparılan elmi-tədqiqat işlərinin nəticələri, koronavirus pandemiyası ilə mübarizə tədbirləri çərçivəsində görülən işlərin elmi əhəmiyyəti və əldə edilən nailiyyətlər haqqında geniş məlumat verilib. Qeyd olunub ki, aparılan elmi tədqiqatlar nəticəsində ANS flüoressent zondundan istifadə etməklə zülal təbəqələrinin hidrofob klasterlərini xarakterizə etməyin mümkünlüyü göstərilib. Fibroin zülalı misalında təbəqələrdə hidrofobluq dərəcəsinə görə bir-birindən fərqlənən iki fazanın olduğu müəyyənləşdirilib və onlar ANS flüoressensiyasının yaşama müddətinə görə xarakterizə edilib.

Daha sonra qurumun elmi işlər üzrə direktor müavini, biologiya elmləri doktoru Kərim Qasımov çıxış edərək bildirib ki, müəssisədə COVID-19 pandemiyası ilə əlaqədar aparılan tədqiqatların nəticələri “Life Sciences and BioMedicine” elmi-tədqiqat jurnalında çapa qəbul edilib.

Sonda institutda əldə edilən mühüm nəticələrin Fizika-Riyaziyyat və Texnika Elmləri Bölməsinə təqdim olunmasına qərar verilib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

12 dekabr, 2020

Biofizika İnstitutu “YAŞAT” Fonduna vəsait köçürüb

AMEA Biofizka İnstitutunun Həmkarlar Təşkilatı ölkəmizin ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək məqsədilə yaradılmış “YAŞAT” Fonduna 1000 manat məbləğində vəsait köçürüb.

Qeyd edək ki, Fond Azərbaycan Respublikasının Prezidenti İlham Əliyevin 8 dekabr 2020-ci il tarixli fərmanı əsasında yaradılıb. Əsas məqsəd şəhid ailələrinin və hərbi əməliyyatlar nəticəsində əlilliyi müəyyən olunmuş şəxslərin sosial müdafiəsi sahəsində dövlət tərəfindən həyata keçirilən tədbirlərə əlavə dəstək verilməsi istiqamətində vətəndaş cəmiyyəti təşəbbüslərinin reallaşdırılması üçün müvafiq platformanın yaradılması, bu sahədə şəffaflığın, hesabatlılığın və ictimai nəzarətin təmin edilməsidir.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

12 dekabr, 2020

AMEA-nın kollektivi Fəxri xiyabanda ulu öndər Heydər Əliyevin məzarını ziyarət edib

Dekabrın 12-də AMEA Rəyasət Heyətinin üzvləri və aparatın struktur bölmələrinin rəhbərləri, o cümlədən institut və təşkilatların nümayəndələri müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin vəfatının 17-ci ildönümü ilə əlaqədar Fəxri xiyabanda ulu öndərin məzarını ziyarət ediblər.

Elmi ictimaiyyətin nümayəndələri dahi lider Heydər Əliyevin unudulmaz xatirəsinə bəslədikləri dərin hörmət və ehtiramın ifadəsi olaraq ulu öndərin məzarı üzərinə gül dəstələri qoyub, ruhu qarşısında baş əyiblər.

Ulu öndərin ömür-gün yoldaşı, görkəmli oftalmoloq alim, akademik Zərifə xanım Əliyevanın da xatirəsi anılıb, məzarı üzərinə tər çiçəklər düzülüb.

Mənbə: www.science.az.

10 dekabr, 2020

AMEA ilə İtaliyanın Xarici İşlər və Beynəlxalq Əməkdaşlıq Nazirliyi arasında əməkdaşlıq sənədi imzalanıb

Dekabrın 9-da AMEA-nın Rəyasət Heyətində “İtaliya Respublikası Xarici İşlər və Beynəlxalq Əməkdaşlıq Nazirliyi ilə Azərbaycan Milli Elmlər Akademiyası arasında 2021-2023-cü illər üçün Elmi və Texnoloji Əməkdaşlıq üzrə İcra Proqramı”nı nəzərdə tutan sənədin imzalanma mərasimi keçirilib.

Mərasimi AMEA-nın prezidenti, akademik Ramiz Mehdiyev açaraq İtaliya nümayəndə heyətini akademiyada görməkdən məmnunluğunu dilə gətirib, qonaqların ölkəmizə səfərinin Azərbaycanın ərazi bütövlüyünün bərpa olunduğu əlamətdar günlərə təsadüf etdiyini bildirib. Qeyd edib ki, italiyalı rəsmilərin belə bir dövrdə Azərbaycanı ziyarət etməsi ölkələrimiz arasındakı əlaqələrin, dostluq münasibətlərinin yüksək səviyyədə olmasından xəbər verir. Akademik Ramiz Mehdiyev bu gün Azərbaycanla İtaliya arasında iqtisadi, siyasi, sosial, humanitar, elm, təhsil, mədəniyyət sahələrində güclü tərəfdaşlıq münasibətlərinin olduğunu və hər keçən gün daha da dərinləşdiyini söyləyib. İtaliyanın Azərbaycanın neft-qaz sektoruna da böyük maraq göstərdiyini deyən AMEA prezidenti TAP layihəsinin istifadəyə verilməsi ilə ikitərəfli münasibətlərin genişlənəcəyini diqqətə çatdırıb.

Prezident İlham Əliyevin bu ilin fevral ayında İtaliyaya səfərini xatırladan akademik Ramiz Mehdiyev ölkə başçısının sözügedən ziyarəti çərçivəsində Bakıda İtaliya-Azərbaycan Universitetinin yaradılması ilə bağlı razılığın əldə olunduğunu bildirib. Vurğulayıb ki, yeni yaradılacaq ali təhsil ocağında fəaliyyət göstərəcək fakültələr artıq müəyyənləşdirilib və universitet üçün xüsusi binanın inşa edilməsi də planlaşdırılır. AMEA prezidenti İtaliya-Azərbaycan Universitetinin nəzərdə tutulan fakültələri sırasında Memarlıq fakültəsinin olmasından məmnunluğunu dilə gətirib, yetişdiriləcək gənc kadrların Ermənistanın işğalı nəticəsində məhv edilmiş Azərbaycan rayonlarının bərpasına öz töhfələrini verəcəklərini söyləyib.

Azərbaycanın Dağlıq Qarabağ və ətraf rayonlarının 30 il ərzində Ermənistanın işğalı altında qaldığını deyən akademik R.Mehdiyev bu müddət ərzində tarixi ərazilərimizdəki mədəniyyət nümunələrinin bədnam qonşularımız tərəfindən talan edildiyini, şəhər və rayonlarımızın məhv olunduğunu qeyd edib, ermənilərin faşistlərin siyasətini davam etdirdiklərini vurğulayıb. 44 günlük Vətən müharibəsi ilə ölkəmizin ərazi bütövlüyünün bərpa edildiyini diqqətə çatdıran natiq bildirib ki, İkinci Qarabağ müharibəsi ərzində Ermənistan tərəfindən Azərbaycanın mülki əhalisi məqsədli şəkildə hədəf alınıb, Gəncə, Bərdə, Tərtər şəhərləri qadağan olunmuş silahlardan atəşə məruz qalıb. Akademik məlumat verib ki, ümumilikdə düşmənin mülki vətəndaşlarımızı atəşə tutması nəticəsində 94 nəfər həlak olub, 400-dən çox insan yaralanıb. AMEA prezidenti müharibədən sonra bütövlükdə Cənubi Qafqazda yeni vəziyyətin yarandığını deyib, bu gün Azərbaycanın regionun iqtisadi gücünün 70-75 faizini təşkil etdiyini diqqətə çatdırıb.

“İtaliya Respublikası Xarici İşlər və Beynəlxalq Əməkdaşlıq Nazirliyi ilə Azərbaycan Milli Elmlər Akademiyası arasında 2021-2023-cü illər üçün Elmi və Texnoloji Əməkdaşlıq üzrə İcra Proqramı”nı nəzərdə tutan sənədə toxunan akademik sözügedən müqavilənin iki ölkə arasında elm-təhsil üzrə əməkdaşlıq əlaqələrini dərinləşdirəcəyini bildirib, tədricən birgə həyata keçiriləcək layihələrin genişləndirəcəyini söyləyib.

Sonra çıxış edən İtaliyanın Xarici İşlər və Beynəlxalq Əməkdaşlıq Nazirliyinin dövlət katibi Manlio Di Stefano qonaqpərvərliyə görə AMEA rəhbərliyinə minnətdarlığını bildirib. Bu gün iki ölkə arasında mövcud olan tərəfdaşlıq əlaqələrindən məmnunluq hissi duyduğunu deyən M.D.Stefano elmi-texniki-innovasiya sahələri üzrə münasibətlərimizin inkişaf etdiyini qeyd edib, bu istiqamətdə “Azərkosmos” ASC ilə İtaliya Aerokosmik Agentliyi arasında Anlaşma Memorandumunun imzalandığını xatırladıb.

İtaliya-Azərbaycan Universitetinin layihəsi üzrə aparılan işlərdən məmnunluğunu dilə gətirən qonaq iki ölkə arasında elmi sahədə də protokolun imzalanmasının təqdirəlayiq hal olduğunu diqqətə çatdırıb. İtaliyada gənclərin elmə, təhsilə böyük önəm verdiklərini deyən Manlio Di Stefano Əməkdaşlıq üzrə İcra Proqramının imzalanmasının dostluq münasibətlərimizi zənginləşdirəcəyini bildirib. O, ilkin olaraq 4 layihə üzrə tədqiqatların aparılacağını və gələcəkdə mərhələli şəkildə birgə araşdırmaların genişləndiriləcəyini söyləyib.

Daha sonra “İtaliya Respublikası Xarici İşlər və Beynəlxalq Əməkdaşlıq Nazirliyi ilə Azərbaycan Milli Elmlər Akademiyası arasında 2021-2023-cü illər üçün Elmi və Texnoloji Əməkdaşlıq üzrə İcra Proqramı” imzalanıb. Sözügedən sənədi AMEA-nın prezidenti, akademik Ramiz Mehdiyev və İtaliyanın Xarici İşlər və Beynəlxalq Əməkdaşlıq Nazirliyinin dövlət katibi Manlio Di Stefano imzalayıblar.

Sonda tərəflər qarşılıqlı hədiyyələr təqdim ediblər.

Tədbirdə AMEA tərəfdən akademiyanın prezidenti, akademik Ramiz Mehdiyev, AMEA-nın birinci vitse-prezidentləri, akademiklər İsa Həbibbəyli, İbrahim Quliyev, AMEA Prezidentinin katibliyinin rəisi, siyasi elmlər üzrə fəlsəfə doktoru, dosent Eldar Əmirov və Rəyasət Heyəti aparatının Xarici əlaqələr idarəsinin rəisi, biologiya üzrə fəlsəfə doktoru, dosent Esmira Əlirzayeva iştirak ediblər.

İtaliyanın nümayəndə heyətinin tərkibində isə bu ölkənin Xarici İşlər və Beynəlxalq Əməkdaşlıq Nazirliyinin dövlət katibi, Azərbaycan və İtaliya arasında İqtisadi Əməkdaşlıq üzrə birgə Hökumətlərarası Komissiyanın həmsədri Manlio Di Stefano, Dövlət katibinin aparat rəhbəri Sergio Maffettone, köməkçisi Vittorio Maiorana, Xarici İşlər Nazirliyinin Rusiya Federasiyası, Qafqaz, Şərqi Avropa və Mərkəzi Asiya Bölməsinin rəhbəri Fabrizio Di Michele, İtaliyanın ölkəmizdəki fövqəladə və səlahiyyətli səfiri Augusto Massari, səfirin müavini Umberto Boeri və səfirliyin iqtisadi məsələlər üzrə attaşesi Lorena Maschietto təmsil olunub.

Qeyd edək ki, 1 iyun 2002-ci il tarixində Bakıda imzalanmış və 2005-ci ildə qüvvəyə minmiş “Azərbaycan Respublikası Hökuməti ilə İtaliya Respublikası Hökuməti arasında təhsil, mədəniyyət, elm və texnologiya sahələrində əməkdaşlıq haqqında Saziş” çərçivəsində 2018-ci ildə İtaliya tərəfindən Elmi və Texnoloji Əməkdaşlıq üzrə İcra Proqramının hazırlanması təklif olunub. Bu məqsədlə 2019-cu ildə AMEA və İtaliya Respublikası Xarici İşlər və Beynəlxalq Əməkdaşlıq Nazirliyi tərəfindən tədqiqatçıların mübadiləsini nəzərdə tutan müştərək layihə müsabiqəsi elan edilib.

Müsabiqə yer elmləri, tibb və biotibb, fizika və astrofizika, mədəni irsə tətbiq olunan texnologiyalar kimi prioritet tədqiqat sahələrini əhatə edirdi və hər iki ölkənin tədqiqat, təhsil və səhiyyə müəssisələrinin iştirakını nəzərdə tuturdu. İki ölkənin alimləri tərəfindən müştərək təqdim edilmiş 20 layihə arasından Azərbaycan və İtaliya tərəfinin ekspertiza qiymətləndirməsi nəticəsində 2 biotibb, 1 yer elmləri və 1 mədəni irsin mühafizəsi üzrə layihə qalib olub. Bu layihələrin icrası üzrə “İtaliya Respublikası Xarici İşlər və Beynəlxalq Əməkdaşlıq Nazirliyi ilə Azərbaycan Milli Elmlər Akademiyası arasında 2021-2023-cü illər üçün Elmi və Texnoloji Əməkdaşlıq üzrə İcra Proqramı” hazırlanıb.

Mənbə: www.science.az.

09 dekabr, 2020

Elan

15 dekabr 2020-ci il tarixində saat 10:00da Biofizika İnstitutunda Elmi Şuranın növbəti iclası keçiriləcək.

İclasda aşağıdakı məsələlərə baxılacaq:

1. Biofizika İnstitutunun 2020-ci ildəki elmi və elmi-təşkilati fəaliyyəti haqqında direktor hesabatı.

2. Biofizika İnstitutunun 2020-ci il üzrə mühüm elmi nəticələrinin müzakirəsi və təsdiqi.

3. Biofizika İnstitutunun 2021-ci ildə görülməsi nəzərdə tutulan elmi işlər haqqında (yeni Fəaliyyət Planı üzrə tövsiyyələr və təkliflər).

4. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

02 dekabr, 2020

Biofizika İnstitutu beynəlxalq əlaqələrini genişləndirir

AMEA-nın Biofizika İnstitutu, Bakı Dövlət Universitetinin Nanoaraşdırmalar Mərkəzi və İsveçrənin Cenevrə Universitetinin nümayəndələri arasında onlayn görüş keçirilib.

Görüşdə Biofizika İnstitutunun elmi işlər üzrə direktor müavini, b.ü.e.d. Kərim Qasımov, Nanoaraşdırmalar Mərkəzinin direktoru, f-r.e.d. Mustafa Muradov və Cenevrə Universitetinin professoru, Dr. Vera Slaveykova iştirak ediblər.

Onlayn görüş zamanı üç təşkilat arasında ortaq istiqamətlərdə səmərəli əməkdaşlığın təşkilinə və birgə layihələrin həyata keçirilməsinə dair qarşılıqlı fikir mübadiləsi aparılıb, “Improvement of nanotechnology techniques that can synergize cell behavior in organisms from different phyla” mövzusu ətrafında beynəlxalq layihələrdə birgə iştirak ilə bağlı məsələlər geniş müzakirə olunub.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

26 noyabr, 2020

“Akademiya ciddi addımlar atmalı, erməni saxtakarlıqları ilə dolu “faktların” qarşısının alınması istiqamətində tədqiqatları gücləndirməlidir” – akademik Ramiz Mehdiyev

“Azərbaycan xalqı onu yaxşı bilir və bütün dünya bilməlidir ki, Kəlbəcərdə mövcud olan kilsələr qədim Qafqaz Albaniyası dövlətinə məxsusdur. Bunu təsdiqləyən bir çox tarixi sənədlər var. Bu, heç kəsə sirr deyil. Sadəcə olaraq, erməni “tarixçiləri” və saxtakarlar qədim alban kilsələrini saxtakarlıqla erməniləşdiriblər, öz yazılarını oraya əlavə ediblər və bu kilsələri özününküləşdiriblər. Tarixə baxmaq kifayətdir, hər kəs görsün ki, 1830-cu illərdə çar Rusiyası alban kilsəsini ləğv etdi, alban kilsəsinin bütün mülkiyyətini erməni Qriqoryan kilsəsinə verdi və erməni keşişləri, onların havadarları bu kilsələri mənimsəməyə başladılar”.

Azərbaycan Respublikasının Prezidenti İlham Əliyev

Noyabrın 25-də Azərbaycan Milli Elmlər Akademiyasının Rəyasət Heyətinin nəzdində Albanşünaslıq Elmi Mərkəzinin yaradılması ilə bağlı iclas keçirilib.

Tədbiri giriş sözü ilə açan AMEA-nın prezidenti, akademik Ramiz Mehdiyev Azərbaycan tarixinin, onun dövlətçiliyinin təşəkkülünün bir hissəsi olan Qafqaz Albaniyasının araşdırılmasının daha mütəşəkkil təşkilinə, sovet dövründən daim maneələrlə qarşılaşan alban kilsələrinin tədqiqinə hər zaman ciddi ehtiyac olduğunu vurğulayaraq ölkə başçısı cənab İlham Əliyevin “Azərbaycanda Qafqaz Albaniyasilə bağlı kifayət qədər böyük elmi baza var, əsərlər var. Bu əsərlər nəinki elm ictimaiyyətinə, bütövlükdə dünya ictimaiyyətinə çatdırılır və çatdırılmalıdır” – çağırışına cavab olaraq tədqiqatçıların maddi mədəniyyət nümunələrimizin ölkəmizə məxsusluğunun sübut edilməsi və tarixi həqiqətlərimizin daha geniş ictimaiyyətə çatdırılması istiqamətində araşdırmaların genişləndirilməsinin və bu məqsədlə Albanşünaslıq Elmi Mərkəzinin yaradılmasının vacibliyini diqqətə çatdırıb. Akademik Ramiz Mehdiyev tariximizə aid dəqiq faktların üzə çıxarılması, maddi mədəniyyətimizin iddiasında olan ermənilərin sahiblənmək istədikləri alban abidələrinin Azərbaycan tarixinə məxsusluğunu sübut edəcək tədqiqatların genişləndirilməsi ilə əlaqədar olaraq aparılan işlərin bir sistem şəklində həyata keçirilməsinin önəmini ifadə edib. Akademik Ramiz Mehdiyev çıxışında “kommersant.ru” saytında dərc olunan “Ziyarətgah bütün hallarda qorunmalıdır” adlı rusiyalı sülhməramlıların bölük komandirinin müsahibəsinə toxunaraq qeyd edib ki, həmin yazıda Xudavəng monastırı erməni Dadivank monastırı kimi təqdim olunub. Bundan başqa, akademik “Artsaxın” mənəvi və mədəni irsinin tədqiq edilməsi üçün erməni katolikosunun sərəncamı ilə Üçmüədzində dəftərxananın fəaliyyətə başlaması, Qaragin Ambarsumyanın həmin dəftərxanaya rəhbər təyin edilməsi ilə bağlı əmri tədbir iştirakçılarının diqqətinə çatdırıb. AMEA rəhbəri vurğulayıb ki, bu kimi faktlarla mübarizə aparmaq üçün ölkənin əsas elm mərkəzi olan Akademiya ciddi addımlar atmalı, erməni saxtakarlıqları ilə dolu “faktların” qarşısının alınması istiqamətində tədqiqatları gücləndirməlidir.

Tədbirdə AMEA-nın müxbir üzvü, Abbasqulu Ağa Bakıxanov adına Tarix İnstitutunun əməkdaşı, Albaniyada feodal münasibətlərinin genezisi probleminin ilk tədqiqatçısı, professor Fəridə Məmmədova çıxış edərək yeni yaradılacaq mərkəzlə bağlı fikirlərini bölüşüb, qədim fars, gürcü və latın dillərini bilən kadrlara və tarixin Qafqaz Albaniyası dönəminin araşdırılmasında bu dillərə ciddi ehtiyac olduğunu bildirib.

Sonra çıxış edən AMEA-nın Arxeologiya və Etnoqrafiya İnstitutunun əməkdaşı, tarix üzrə fəlsəfə doktoru Təvəkkül Əliyev arxeologiya elminin bu araşdırmalardakı rolundan bəhs edib. Albaniyanın yaşayış yerlərinin tam olaraq öyrənilmədiyini deyən T.Əliyev Azərbaycanın işğaldan azad olunan bölgələrində kifayət qədər tədqiqatların aparılmadığını qeyd edib, Gəncəsar və Xudafərin abidələri kimi tanıdılmağa ehtiyacı olan digər maddi mədəniyyət nümunələrimizdən də danışıb: “Kəlbəcər, Laçın və Qubadlı ilə bağlı yetəri tədqiqat yoxdur. Gəncəsar və Xudafərini tanıyırıq, amma digər tanımadığımız abidələr var ki, onların araşdırılması mütləqdir”.

Tədbirdə yeni mərkəzlə bağlı öz təkliflərini səsləndirən AMEA-nın Arxeologiya və Etnoqrafiya İnstitutunun əməkdaşı, tarix üzrə fəlsəfə doktoru Qoşqar Qoşqarlı alban abidələrinin siyasi, iqtisadi, sosial, dini-konfessial, o cümlədən arxeoloji, memorioloji və mədəni baxımdan da tədqiqinin vacibliyindən danışıb.

Sonra AMEA-nın Arxeologiya və Etnoqrafiya İnstitutunun əməkdaşı, tarix üzrə fəlsəfə doktoru Ülviyyə Hacıyeva çıxış edərək mərkəzin həyata keçirdiyi tədbirləri geniş ictimaiyyətə çatdırmaq məqsədilə xəbərlər, monoqrafiyalar və arxeoloji-etnoqrafik hesabatlar adlı nəşrlər, digər ölkə alimləri ilə birgə təşkil olunacaq ekspedisiyalar, arxivlərlə iş və kadr hazırlığı kimi istiqamətlərdən ibarət olacağını tədbir iştirakçılarının diqqətinə çatdırıb.

Daha sonra Azərbaycan Respublikasının Alban-Udi Xristian Dini icmasının sədri Robert Mobili Qafqaz Albaniyasında alban kilsələrinin mövcudluğunu sübut edən elmi əsaslı faktların genişləndirilməsi məqsədilə Alban Apostol kilsəsinin yaradılması və əsasnaməsinin hazırlanmasının mühüm olduğunu vurğulayıb. Dünyada müstəqil olan mədəni xristian irsini müdafiə edən kilsələrin Azərbaycanda da mövcudluğunun önəmindən bəhs edən  Robert Mobili qeyd edib ki, bu kilsənin yaradılması dini icmalarla əlaqələrin qurulması və ölkədə olan alban kilsələrinə aid faktların dünyaya çatdırılması baxımından əhəmiyyətlidir: “Məsələn, Türkiyədə Konstantinopol kilsəsinin rəhbəri o ərazinin və mədəni irsin sahibidir. Onun müdaxiləsi sayəsində oraya nə suriyalılar, nə ermənilər, nə gürcülər, nə də yunanlar gedə bilirlər”.

Mənbə: www.science.az.

17 noyabr, 2020

AMEA alimlərinin nüfuzlu bazalara daxil olan jurnallarda 2020-ci ildə dərc edilmiş elmi əsərlərinin xülasələri

Son illər AMEA əməkdaşlarının nüfuzlu elmmetrik bazalara daxil olan jurnallarda dərc edilən elmi əsərlərinin sayında müsbət dinamika müşahidə olunur.

Alimlərimizin nəşr fəaliyyəti və bu sahədəki nailiyyətləri AMEA rəhbərliyinin daim diqqət mərkəzindədir. Təqdim olunan məlumatda AMEA-nın Fizika-Riyaziyyat və Texnika Elmləri, Kimya Elmləri, Yer Elmləri, Biologiya və Tibb Elmləri bölmələrinin əməkdaşlarının nüfuzlu bazalara daxil olan jurnallarda 2020-ci ildə işıq üzü görmüş elmi əsərlərinin xülasələri əksini tapıb.

Qeyd edək ki, AMEA-nın Humanitar və İctimai Elmlər bölmələrinin əməkdaşlarının bu bazalara daxil olan jurnallarda dərc edilən məqalələrinin xülasələri də əlavə olunacaq.

Mənbə: www.science.az.

17 noyabr, 2020

17 Noyabr – Milli Dirçəliş Günüdür

Xalqımızın azadlıq mübarizəsinin əsas mərhələlərindən birini təşkil edən 17 Noyabr – Milli Dirçəliş Günü Azərbaycanın müstəqilliyinin bərpa edilməsində tarixi rol oynayıb.

Mənəvi əsaslarını və başlanğıcını ötən əsrin 60-cı illərindən götürən bu tarix sonralar ulu öndər Heydər Əliyevin siyasi uzaqgörənliyi və müdrikliyi ilə dönməz xarakter aldı, müstəqil Azərbaycan müasir inkişaf yoluna qədəm qoydu.

XX əsrin əvvəllərində istiqlalın ləzzətini dadan xalq bu dəfə müstəqillik arzularını reallaşdırmaq üçün tarixi bir fürsətin yarandığını hiss etdi. 1988-ci ildən başlayaraq Azərbaycanda milli istiqlal hərəkatı geniş vüsət aldı. Milyonlarla insanın toplaşdığı Azadlıq meydanında səslənən tələblərin mahiyyəti getdikcə dəyişərək müstəqil dövlət qurmaq ideyası milli düşüncəyə hakim kəsildi.

Hakimiyyətə gəlişi ilə xalqa sağlam ruh və özünüdərk gətirən ümummilli lider Heydər Əliyev sovet ideologiyasının sərt qadağalarına baxmayaraq, milli-mənəvi dəyərlərə, Azərbaycan elminin və mədəniyyətinin dirçəlişinə xüsusi önəm verdi. Bütün sahələrdə inkişaf və oyanış müşahidə olunmağa başladı. Azərbaycan əsl intibah və dirçəliş dövrünə qədəm qoydu. Məhz ulu öndər Heydər Əliyevin təşəbbüsü ilə dünyanın müxtəlif ölkələrində təhsil alan milli ruhlu alimlər və ziyalılar ordusu yetişdi. Dahi şəxsiyyət Heydər Əliyevin respublikada yaratdığı bu mənəvi-psixoloji və iqtisadi baza təxminən 20 il sonra Sovet İttifaqı dağılmağa başlayanda xalqın dayağı oldu.

1990-cı il noyabrın 17-də Naxçıvan Muxtar Respublikasının Ali Sovetinin yeni tərkibdə ilk sessiyası keçirildi. Ümummilli lider Heydər Əliyevin sədrliyi ilə keçirilən həmin tarixi sessiyada muxtar respublikanın dövlət rəmzləri haqqında məsələ də müzakirə olundu. Xalq deputatlarının müzakirəsindən sonra üçrəngli bayrağın dövlət rəmzi kimi qəbulu ilə əlaqədar təklif irəli sürüldü. Azərbaycan Xalq Cümhuriyyətinin üçrəngli bayrağının bərpa olunması barədə qərar çıxaran sessiya onun dövlət bayrağı kimi qəbul edilməsi ilə əlaqədar Azərbaycanın Ali Soveti qarşısında vəsatət qaldırdı. Beləliklə, milli dirçəlişdən milli tərəqqiyə doğru uzanan tarixi yolun başlanğıcı qoyuldu.

Mənbə: www.science.az.

12 noyabr, 2020

Biofizka İnstitutunda tarixi qələbəmiz qeyd olunub

Noyabrın 12-də AMEA-nın Biofizika İnstitutunda  Azərbaycanın Ermənistan üzərində tarixi qələbəsinə həsr olunan tədbir keçirilib.

Əvvəlcə müstəqil Azərbaycanın suverenliyi və ərazi bütövlüyü uğrunda həlak olmuş şəhidlərimizin ruhu bir dəqiqəlik sükutla yad edilib.

Qələbə tədbirində kollektiv qarşısında çıxış edən, Biofizka İnstitutunun direktoru, AMEA-nın müxbir üzvü Oktay Qasımov şanlı qələbəmiz münasibətilə hər kəsi təbrik edib. Qeyd edib ki, Ali Baş Komandanın rəhbərliyi ilə Azərbaycan Ordusunun canı-qanı bahasına əldə etdiyi tarixi qələbə xalqımızın yaddaşında əbədi olaraq həkk olunacaq. Professor əldə olunan böyük qələbənin müzəffər ordumuzun mütəşəkilliyinin və Ali Baş Komandanın apardığı güclü ordu quruculuğu strategiyasının məntiqi nəticəsi olduğunu diqqətə çatdırıb: “Azərbaycan ordusu 44 gün ərzində 30 ilin həsrətinə son qoyaraq  Ermənistanı diz çökməyə və kapitulyasiyaya məcbur etdi. Prezident İlham Əliyevin diplomatiyası faktlarla sübut etdi ki, Qarabağ əzəli Azərbaycan torpağıdır və Azərbaycanın razılığı olmadan Dağlıq Qarabağla bağlı heç bir qərar qəbul edilə bilməz. Azərbaycan öz gücünü bütün dünyaya göstərmiş oldu. Tarixi ədalət bərpa olundu!”.

Tədbirdə digər çıxış edənlər də Ali Baş Komandanın rəhbərliyi ilə bu tarixi qələbə sevincini bizə yaşadan müzəffər ordumuza sonsuz təşəkkürlərini ifadə ediblər.

Tədbirin sonunda “Yaşasın rəşadətli  Azərbaycan Ordusu!”, “Yaşasın Ali Baş Komandanımız!”, “Yaşasın Azərbaycan xalqı!” şüarları səsləndirilib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

10 noyabr, 2020

AMEA Rəyasət Heyətinin bəyanatı

2020-ci ilin 10 noyabr tarixində Azərbaycan Respublikasının Prezidenti İlham Əliyev, Ermənistanın baş naziri Nikol Paşinyan və Rusiya Federasiyasının Prezidenti Vladimir Putin tərəfindən Qarabağda hərbi münaqişənin başa çatdığını ehtiva edən birgə bəyanat imzalanmışdır. Fatiki olaraq Ermənistanın kapitulyasiyası mənasını verən bəyanat, heç şübhəsiz ki, istər hərbi, istərsə də siyasi baxımdan Azərbaycan xalqının 30 ildən bəri davam edən haqlı mübarizədəki şanlı qələbəsini rəsmiləşdirmiş oldu. Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin qətiyyəti və ordumuzun şücaəti nəticəsində 1994-cü ildən bəri Ermənistanın işğalı altında olan rayonlarımız, həmçinin Qarabağın incisi Şuşa şəhəri düşmən tapdağından azad edilmiş, BMT Təhlükəsizlik Şurasının 4 qətnaməsinin icrası və ölkəmizin ərazi bütövlüyü təmin olunmuşdur.

Heç şübhəsiz ki, Azərbaycanın qazandığı bu əhəmiyyətli siyasi və hərbi qələbə onun tarixində yeni mərhələnin başlanğıcı deməkdir. Ölkə başçısının göstərdiyi iradə və şəhidlərimizin qanı bahasına biz bu yeni tarixi mərhələyə qalib xalq, müzəffər ölkə kimi qədəm qoyuruq. 30 ildən bəri hər bir azərbaycanlının daşıdığı məğlubiyyət yükü artıq xalqımızın çiyinlərindən götürülmüşdür. Yeni tarixi mərhələdə Azərbaycanı fərqli çağırışlar və məqsədlər, irimiqyaslı quruculuq işləri gözləyir. Ölkəmizin cənab Prezidentin rəhbərliyi altında bu vəzifələrin də öhdəsindən şərəflə gələcəyinə əminlik ifadə edirik. AMEA kollektivi olaraq həmişəki kimi bundan sonra da dövlət başçısının hər bir tapşırığını icra etməyə hazır olduğumuzu bəyan edirik. Qazanılmış bu tarixi qələbədə Elmlər Akademiyasının da payının olması hər birimizi qürurlandırır. Heç kəsin şübhəsi olmasın ki, alimlərimiz Qarabağın bərpası prosesində də eyni əzmlə, iradə ilə iştirak etməyə, öz bilik və bacarıqlarını bu işə yönəltməyə hazırdırlar.

AMEA kollektivi olaraq ölkəmizin ərazi bütövlüyü uğrunda canından keçmiş vətən övladlarının əziz xatirəsi önündə ehtiramla baş əyir, yaralılara Allahdan şəfa diləyir, vətənimiz Azərbaycana isə davamlı sülh, aydın və işıqlı səma diləyirik.

Eşq olsun Azərbaycan Prezidentinə, eşq olsun Azərbaycan əsgərinə, eşq olsun Azərbaycan xalqına!

Qarabağ Azərbaycandır və Azərbaycan olaraq da qalacaqdır!

Mənbə: www.science.az.

04 noyabr, 2020

AMEA-nın Fizika-Riyaziyyat və Texnika Elmləri Bölməsinin Elmi şurasının onlayn iclasında prioritet məsələlər müzakirə olunub

Noyabrın 3-də AMEA-nın Fizika-Riyaziyyat və Texnika Elmləri Bölməsinin (FRTEB) Elmi şurasının növbəti onlayn iclası keçirilib.

Tədbirdə AMEA-nın vitse-prezidenti, Elmi şuranın sədri, akademik Rasim Əliquliyev, “Azərkosmos” ASC-nin sədri Rəşad Nəbiyev, şura üzlə AMEA-nın Rəyasət Heyətinin bir neçə gün öncə keçirilən iclasında da xüsusi diqqət mərkəzində olub. Bildirib ki, Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi altında müzəffər Azərbaycan ordusu erməni işğalına məruz qalan ərazilərimizi azad edir. Erməni vandalizminin nəticəsində viran qalan yaşayış məntəqələrimizin, sənaye infrastrukturunun, kommunikasiya və nəqliyyat xətlərinin, kənd təsərrüfatının, ekologiyanın, su ehtiyatlarının, flora və faunanın, eləcə də Qarabağ mədəni mühitinin – tarixi memarlıq və dini abidələrinin, folklorunun və s. bərpa olunması istiqamətində işğaldan azad edilmiş ərazilərdə müasir texnologiyalar əsasında yeni elmi infrastruktur layihələrinin həyata keçirilməsi və burada informasiya texnologiyalarının geniş tətbiq edilməsi, həmçinin Elektron Qarabağ çərçivəsində müəyyən işlərin görülməsi yaxın gələcək üçün FRTEB-in elmi müəssisələri qarşısında duran mühüm vəzifələrdəndir.

Elmi şuranın iclasının gündəliyində yer alan növbəti məsələ Bakıda keçiriləcək 73-cü Beynəlxalq Astronavtika Konqresində Bölmənin elmi müəssisələrinin iştirakı haqqında olub.

Akademik Rasim Əliquliyev 1973-cü ildə Ulu öndər Heydər Əliyevin dəstəyi ilə Azərbaycanda Beynəlxalq Astronavtika Konqresinin keçirilməsinin ölkəmizdə kosmik sənayenin əsasının qoyulması və inkişafı üçün tarixi nailiyyət olduğunu vurğulayıb.

Onlayn iclasda çıxış edən “Azərkosmos” ASC-nin  sədri Rəşad Nəbiyev diqqətə çatdırıb ki, 2019-cu ildə Vaşinqton şəhərində keçirilən Astronavtika Federasiyasının Baş Assambleyasında Bakı şəhəri 2023-cü ildə Beynəlxalq Astronavtika Konqresinə ev sahibliyi etmək hüququnu qazanıb. Onun sözlərinə görə, 73-cü Beynəlxalq Astronavtika Konqresinə namizəd ev sahibləri arasında Nyu-Delhi, Rio-de-Janeyro kimi dünya texnologiya sənayesinin qabaqcıl şəhərləri olub. “Doğma Bakımızın bu cür mötəbər tədbirə ev sahibliyi etmək hüququnu qazanması ölkəmizin kosmik sənaye, innovasiyalar, İKT sahəsində Azərbaycan Respublikasının Prezidenti cənab İlham Əliyevin rəhbərliyi və uzaqgörən siyasətinə söykənən uğurlarına, onun beynəlxalq nüfuzuna verilən mühüm qiymətdir”.

Elmi şuranın üzvləri tərəfindən ölkəmizdə kosmik tədqiqatlar sahəsində beynəlxalq əmək-daşlığın perspektivləri, “Azərkosmos” ASC ilə yeni elmi əlaqələrin qurulması və s. müzakirə edilib, həmçinin xarici ölkə alimləri ilə birgə tədqiqatların aparılması, xüsusilə, bu sahədə gənc kadrların hazırlanması barədə təkliflər irəli sürülüb.

Daha sonra AMEA-nın vitse-prezidenti, akademik Rasim Əliquliyev FRTEB-in elmi müəs-sisələrinin Azərbaycan Respublikasının Silahlı Qüvvələrinə dəstəyi haqqında məlumat verib, qeyd edib ki, bölmənin alim və mütəxəssisləri xalqımızın haqq mübarizəsində böyük əzmkarlıq nümayiş etdirirlər. Alimin sözlərinə görə, FRTEB-in elmi müəssisələri işğal altında olan torpaqlarımızın azad olunması uğrunda Milli Ordumuzun əks-hücum əməliyyatlarının, həmçinin ölkəmizin ədalətli mübarizəsinin regional və dünya səviyyəli aparıcı elm və media qurumlarında obyektiv şəkildə işıqlandırılması, mənfur düşmənin əsl simasının dünya ictimaiyyətinə tanıdılması istiqamətində cənab Prezidentin apardığı ardıcıl və məqsədyönlü siyasəti tam dəstəkləyir, milli maraqların qorunması, ərazi bütövlüyümüzün təmin edilməsi üçün həm ön, həm də arxa cəbhədə əllərindən gələni əsirgəmirlər.

Daha sonra Elmi şuranın üzvləri AMEA Rəyasət Heyətinin 30 oktyabr 2020-ci il tarixli “AMEA-nın elmi müəssisələrində 2020-ci ildə aparılmış elmi tədqiqat işlərinin yekunlarına dair hesabatlar haqqında” qərarından irəli gələn məsələləri müzakirə ediblər.

Onlayn iclasın gündəliyində yer alan məsələlər içərisində AMEA-nın Fizika İnstitutunun Elmi şurasının tərkibində, eləcə də İdarəetmə Sistemləri İnstitutunun strukturunda qismən dəyişiklik olunması, Biofizika İnstitutunda doktorantura və magistratura təhsilinin təşkil edilməsi də olub.

Bölmənin Elmi şurası AMEA-nın müxbir üzvü Aydın Kazımzadənin 70 illik yubileyinin keçirilməsi, Radiasiya Problemləri İnstitutunun əməkdaşı Səbinə Məhərrəmovanın Norveçin Oslo Universitetinə ezam edilməsi haqqında müvafiq qərarlar qəbul edib.

Sonda bir sıra həlli vacib olan məsələlər müzakirə olunub, suallar cavablandırılıb.

 

Mənbə: www.science.az.

04 noyabr, 2020

Biofizika İnstitutu Azərbaycan Silahlı Qüvvələrinə dəstəyini davam etdirir

AMEA-nın Biofizika İnstitutunun rəhbərliyi və əməkdaşları işğal altında olan torpaqlarımızın azad edilməsi və ərazi bütövlüyümüz uğrunda mübarizə aparan Azərbaycan Ordusuna dəstək məqsədilə Silahlı Qüvvələrə Yardım Fonduna növbəti dəfə ianə edib. Ümumilikdə İnstitutun kollektivi tərəfindən fonda 2095 manat məbləğində vəsait köçürülüb.

Cəbhədə mənfur düşmənlə üz-üzə duran, gecə-gündüz şücaətlə döyüşən Azərbaycan Ordusuna dəstək hər bir vətəndaşın borcudur.

Bizim gücümüz birliyimizdədir! Qarabağ Azərbaycandır!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

29 oktyabr, 2020

AMEA Biofizika İnstitutunun Elmi şurasının iclası keçirilib

29 oktyabr 2020-ci il tarixində AMEA Biofizika İnstitutunun Elmi Şurasının növbəti iclası keçirilib.

Karantin rejiminin tələblərinə uyğun və sosial məsafə gözlənilməklə baş tutan tədbiri institutun direktoru, AMEA-nın müxbir üzvü Oktay Qasımov açaraq şura üzvlərini gündəlikdəki məsələlərlə tanış edib.

İclasda ilk olaraq qurumun nəzdindəki Biomolekulların strukturu, dinamikası və funksiyası, Ekoloji biofizika, Molekulyar və hüceyrə biokimyası, İnteqrativ biologiya və Molekulyar və hüceyrə onkologiyası laboratoriyalarının 2020-ci ildəki elmi və elmi-təşkilati fəaliyyətləri haqqında illik hesabatları dinlənilərək təsdiq olunub.

Sonra Biofizika İnstitutunun elmi işçisi, dissertant Arzu Aydəmirovanın fəlsəfə doktorluğu dissertasiyasında edilmiş dəyişiklikliyə uyğun olaraq ikinci elmi rəhbərin təyin olunması haqqında məsələ müzakirəyə çıxarılıb. Şura üzvlərinin qərarına əsasən, ikinci elmi rəhbər AR Səhiyyə Nazirliyinin Milli Onkologiya Mərkəzinin baş direktoru, AMEA Rəyasət Heyətinin üzvü v.i.e., akademik Cəmil Əliyev təyin edilib.

Sonda bir sıra cari məsələlər müzakirə olunub.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

28 oktyabr, 2020

AMEA Biofizika İnstitutunun alimləri zülalları bərk cisim halında xarakterizə etmək üçün metod hazırlayıblar

Biofizika İnstitutunun gənc alimi, dissertant Aytac Məmmədova  və institutun direktoru, AMEA-nın müxbir üzvü, Oktay Qasımovun həmmüəllifi olduqları məqalə nüfuzlu “Elsevier” nəşriyyatının “Biochemistry and Biophysics Reports” jurnalında çapa qəbul edilib.

“ANS fluorescence: Potential to discriminate hydrophobic sites of proteins in solid states” adlı məqalədə ilk dəfə olaraq ANS (1-anilino-8-naphthalenesulfonate) molekulunun flüoressensiya xüsusiyyətlərindən istifadə etməklə zülalın bərk cisim halında hidrofob klasterlərini xarakterizə etməyin mümkünlüyü, eləcə də flüoressensiaya spektrlərinə bağlı olan yaşama müddətlərinin qiymətinin birbaşa ətraf mühitin hidrofobluq dərəcəsi ilə müəyyən olduğu göstərilib.

Tədqiqatın nəticələri göstərib ki, ANS-dən istifadə etməklə Altsheymer, Parkinson və prion xəstəliklərində müşahidə olunan quru və hidratasiya olunmuş zülal aqreqatlarını, amiloidləri xarakterizə etmək olar.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

26 oktyabr, 2020

AMEA-nın Fizika-Riyaziyyat və Texnika Elmləri Bölməsinin elmi müəssisələri xalqımızın haqq mübarizəsində böyük əzmkarlıq nümayiş etdirirlər

Bütün dünya ictimaiyyətinə məlum olduğu kimi, sentyabrın 27-si səhər saat­la­rın­da Er­mənistan silahlı qüvvələri bir neçə istiqamətdən müxtəlif növ silahlardan, o cüm­lə­dən ağır ar­til­leriyadan istifadə edərək Azərbaycanın yaşayış məntəqələrini və hərbi möv­qe­lə­ri­ni atəşə tutub. Düşmənə cavab olaraq, Azərbaycan Res­pub­li­ka­sının Prezidenti, Silahlı Qüvvələrin Ali Baş Komandanı cənab İlham Əliyevin əmri ilə şanlı Azərbaycan Ordusu tərəfindən bü­tün təmas xətti boyu əks-hücum əməliyyatlarına başlanılıb.

Elə həmin gün xalqa müraciət edən ölkəmizin başçısı bəyan edib ki, Azərbaycan dövləti, Azərbaycan xalqı, şanlı Azərbaycan ordusu işğal edilmiş torpaqlarımızın azad olunması uğrunda haqq mübarizəsini əzmlə davam etdirəcəkdir. Azərbaycan xalqı torpaqlarının işğal edilməsi faktı ilə heç vaxt barışmayacaqdır.

Azərbaycan Milli Elmlər Akademiyasının Fizika-Riyaziyyat və Texnika Elm­ləri Böl­­mə­sinin elmi-tədqiqat müəssisələri işğal altında olan torpaqlarımızın azad olunması uğ­­runda Mil­li Ordumuzun əks-hücum əməliy­yat­­ları­nın, həmçinin öl­kəmizin ədalətli mübarizəsinin regional və dünya səviyyəli aparıcı elm və me­dia qu­rumlarında obyektiv şəkildə işıqlandırılması, mənfur düşmənin əsl simasının dünya icti­maiy­­­yə­ti­nə tanıdılması isti­qa­mə­tində cənab Prezidentin apardığı ar­dıcıl və məqsədyönlü si­­ya­sə­ti­ tam dəstəkləyir, milli maraqların qorunması, ərazi bütövlüyümüzün təmin edilməsi üçün həm ön, həm də arxa cəbhədə əllərindən gələni əsirgəmirlər.

Vətənin azadlığı uğrunda döyüşlər başladığı gündən FRTEB-in elmi-tədqiqat müəs­si­sələrinin 8 nə­fər xüsusi hərbi bilik və bacarığa malik əməkdaşı kö­nül­­lü olaraq ön cəb­hə­yə yollanmış, hazırda ordumuzun qələbəsinə öz töhfələrini verməkdədirlər.

Bölmənin bir sıra əməkdaşları yara­la­nan hərbi qulluqçularımıza dəstək məq­sədi ilə Azərbaycan Respublikası Səhiyyə Na­zirliyinin təşkil etdiyi qanvermə aksiyalarında fəal iştirak edirlər.

FRTEB-in elmi-tədqiqat müəssisələrində çalışan alim və mütəxəssislər tərəfindən Azərbay­can Respublikasının Silahlı Qüvvələrinə Yardım Fonduna ümumilikdə 67 000 manat vəsait köçürülüb. Hazırda yardım kampaniyası fasiləsiz olaraq davam etdirilməkdədir.

AMEA-nın vitse-prezidenti, FRTEB-in rəhbəri, akademik Rasim Əliquliyev bu günlərdə işğal altında olan torpaqlarımızın azad edilməsi istiqamətində Azərbaycan Ordusu­nun apardığı uğurlu əmə­liy­yat­larla bağlı keçirilən AMEA-nın İnformasiya Texnologiyaları İnstitu­tunun onlayn toplantısında vur­ğu­layıb ki, bu gün cəmiyyətin bütün təbəqələri, hər bir peşə sahibi öz im­kan­ları çərçivəsində ar­xa cəbhədə Qarabağ uğrunda mübarizə aparan ordumuza dəstək ver­mə­li­dir. Elə bu məqsədlə də rəşadətli ordumuzun Qarabağ uğrunda gedən döyüşlərdə ard-arda mühüm qələ­bə­lər qazan­dı­ğı günlərdə alimlərimiz arxa cəbhənin müsəlləh əsgəri kimi çiyinlərinə düşən və­zi­fələrin öhdəsindən layiqincə gəlməyə çalışırlar. Onlar xarici həmkarları, eləcə də müxtəlif ölkə­lə­rin elm və media qurumları ilə mütəmadi virtual görüşlər keçirərək məqsədyönlü informasiya siya­sətinin tərkib hissəsi kimi bu işə öz töhfələrini verməyə çalışırlar.

Belə ki, AMEA-nın Riyaziyyat və Mexanika İnstitutunun alimləri Ermənistanın Azərbay­ca­na qarşı yürütdüyü haqsız ərazi iddiaları, eləcə də son günlər ərzində döyüş bölgəsindən xeyli uzaq­da yaşayan dinc əhaliyə qarşı törətdiyi terror əməlləri ilə bağlı ətraflı məlumat vermək məqsədi ilə dünyanın müxtəlif ölkələrində çalışan 60-dan çox riyaziyyatçı alimə elektron müraciət ediblər.

Həmçinin N.Tusi adına Şamaxı Astrofizika Rəsədxanasının mütəxəssisləri bu günədək 200-dən çox bey­nəl­xalq təşkilata, 700-dən çox xarici elmi əməkdaşa rəsmi elektron məktub ünvanlayaraq, münaqişənin real as­pektləri haqqında dolğun və obyektiv məlumatı onların diqqətinə çatdırıblar.

Ümumiyyətlə, AMEA-nın Fizika-Riyaziyyat və Texnika Elmləri Bölməsinin elmi müəs­sisələrində çalışan alim və mütəxəssisləri müxtəlif elmi platformalarda, eləcə də yerli və xarici küt­ləvi informasiya vasitələrində Ermənistanın Azərbaycana qarşı hərbi təxribatları, Gəncədə və öl­kə­nin digər şəhər və rayonlarında dinc əhaliyə qarşı törətdikləri terror aktları, həmçinin rəşadətli Azər­baycan ordusunun düşmənə verdiyi layiqli cavab, 30 ilə yaxın düşmən tapdağında olan ata-ba­ba torpaqlarımızın Ali Baş Komandanın rəhbərliyi altında azad edilməsi barədə çıxışlar edir, mü­­sa­­hibələr verirlər.

İnformasiya Texnologiyaları İnstitutunda informasiya müharibəsinə dair komp­leks tədbirlərin həyata keçirilməsi məqsədi ilə Operativ Qərargah yaradılıb.

Son günlərdə düşmən tərəfindən korporativ elektron poçt xidməti istifadəçilərinə qarşı küt­lə­vi “fişinq” (“qarmağa salma”) hücumlarının həyata keçirilməsi ilə əlaqədar olaraq, AzScienceNet şəbəkəsinin ad­mi­nis­trasiyası istifadəçilərə müraciət edərək diqqətli olmağı, tanımadıqları şəxslər tərəfindən gön­dərilən heç bir linkə daxil olmamağı və ya çübhəli faylları yükləməməyi tövsiyə ediblər. Həmçinin Dövlət Təh­lükəsizliyi Xidmətinin Ermənistan xüsusi xidmət orqanları tərəfindən Azərbaycanın böyük şəhərlərində insanların sıx cəmləşdiyi yerlərdə terror-təxribat aktlarını həyata keçirmək niyyətləri barədə vətəndaşlara ünvanlandığı xəbədarlıqla bağlı da saytın izləyicilərini məlumatlandırıblar.

FRTEB-in elmi müəssisələrində çalışan alimlər “Vikipediya” açıq ensiklopediyasında işğaldan azad olunmuş Azərbaycan torpaqlarının tarixi-coğrafi adlarının bərpa oluunması, eləcə də dünya ictimaiyyətinə düzgün şəkildə tanıdılması istiqamətində də fəal iş aparırlar.

Bu yaxınlarda Ağ Evin rəsmi saytının “Biz xalqıq” (We the People) bölməsində Prezident Donald Tramp administrasiyasının diqqətini Ermənistan tərəfindən Azərbaycanın ərazi bütöv­lü­yü­nə edilən təcavüzə və erməni silahlı qüvvələri tərəfindən Azərbaycan ərazilərinin işğal olunması fak­tı­na cəlb etməyə yönəlmiş petisiya yerləşdirilib. Petisiyada, həmçinin Ermənistanın BMT Təh­lü­kəsizlik Şurasının bu dövlətin Azərbaycan ərazilərini qeydsiz-şərtsiz azad etməsi ilə bağlı qəbul edil­miş qətnamələrinə əməl etmədiyi bildirilib. Bununla yanaşı, diqqətə çatdırılıb ki, Ermənistan Haa­qa konvensiyasının qaydalarını pozaraq Gəncədə, Tərtərdə, Xızıda və Bərdədə mülki əhalini ra­ket hücumuna məruz qoyur. AMEA-nın İnformasiya Texnologiyaları İnstitutunun, eləcə də FRTEB-in digər elmi-tədqiqat müəssisələrinin  alim və mütəxəssisləri bu müraciətə qoşulub və pe­ti­siyanı imzalayaraq ABŞ-ın Ermənistana sanksiya tətbiq etməsini dəstəkləyiblər.

FRTEB-in elmi müəssisələrində çalışan alim və mütəxəssislər keçirilən onlayn təd­bir­lərdə, görüşlərdə, eləcə də kütləvi informasiya vasitələrində çıxış və müsahibələri zamanı tarixi zə­fərlərin əldə olunmasında dövlət başçısı, Ali Baş Komandan İlham Əliyevin qətiyyətli iradəsi və onun Azərbaycan dövlətinin haqlı mövqeyini böyük məharətlə ifadə etməsinin əvəzsiz rolundan bəhs edir, vətənimizin ərazi bütövlüyünün bərpa olunması naminə cənab Prezidentin apardığı ar­dı­cıl və məqsədyönlü siyasəti dəstəklədiklərini izhar edirlər.

Tanrı bu yolda Ali Baş Komandana, xalqımıza və onun hər bir əsgərinə yar olsun!

Qarabağ Azərbaycandır!

Mənbə: www.science.az.

23 oktyabr, 2020

Professor Tokay Hüseynovu 75 illik yubileyi münasibətilə təbrik edirik!

Bu gün AMEA Biofizika İnstitutunun “Ekoloji biofizika” laboratoriyasının müdiri, biologiya elmləri doktoru, professor Tokay Hüseynovun 75 yaşı tamam olur.

Tokay Məhərrəm oğlu Hüseynov 1945-ci il oktyabrın 23-də Bakı şəhərində anadan olub. İlk təhsilini 1952-1962-ci illərdə Bakı ş. Səbail rayonu 3 nömrəli orta məktəbində alıb. O, 1962-1969-cu illərdə Azərbaycan Dövlət Universitetinin (indiki Bakı Dövlət Universitetinin) fizika fakültəsində təhsilini davam etdirib.

Alim 1980-ci ildə “Canlı və konservləşmiş toxumalarda sərbəst radikallı oksidləşmə prosesləri” mövzusunda namizədlik, 1994-cü ildə “Selenin ekologiyası və antioksidləşmə amil kimi onun funksional rolu” mövzusunda doktorluq dissertasiyalarını müdafiə edib, 2015-ci ildə professor elmi adını alıb.

T.Hüseynov 1971-ci ildən Azərbaycan SSR Elmlər Akademiyasının Fizika İnstitutunda kiçik elmi işçi, 1981-ci ildən isə baş elmi işçi vəzifəsində çalışıb. 1987-ci ildən Azərbaycan SSR EA “Biotex” Elmi İstehsalat Birliyində (EİB) yaradıcı qrup rəhbəri kimi işləyib. 1989-1997-ci illərdə Molekulyar Biologiya İnstitutunda laboratoriya müdiri, 1998-ci ildə həmin  institutun Biotexnologiya şöbəsində aparıcı elmi işçi, 2000-ci ildən Fizika İnstitutunda aparıcı elmi işçi, sonra laboratoriya rəhbəri vəzifələrində fəaliyyət göstərib, hazırda isə Biofizika İnstitutunda laboratoriya müdiridir.

O, 100-dən artıq elmi məqalənin müəllifidir. Onun rəhbərliyi ilə 5 namizədlik dissertasiyası müdafiə olunub.

Professor dəfələrlə beynəlxalq konfrans və konqreslərdə iştirak edərək Azərbaycan elmini ölkəmizin hüdudlarından kənarda layiqincə təmsil edib.

Tokay Hüseynovu 75 illik yubileyi münasibətilə səmimi qəlbdən təbrik edirik, ona uzun ömür, möhkəm can sağlığı, elmi fəaliyyətində yeni-yeni uğurlar arzulayırıq!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

21 oktyabr, 2020

Elan

29 oktyabr 2020-ci il tarixində saat 10:00-da Biofizika İnstitutunda Elmi Şuranın növbəti iclası keçiriləcək.

İclasda aşağıdakı məsələlərə baxılacaq:

  1. İnstitutun nəzdindəki laboratoriyaların elmi və elmi-təşkilati fəaliyyəti haqqında illik hesabatlarının müzakirəsi.
  2. AMEA Biofizika İnstitutunun elmi işçisi, dissertant Arzu Aydəmirovanın dissertasiya mövzusunda edilmiş dəyişikliyə uyğun olaraq elmi rəhbərlərinin təyin olunması haqqında.
  3. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20 oktyabr, 2020

Alimlər sümük toxumasının bərpası üçün yeni material yaradıblar

Rusiyanın S.P.Korolyov adına Samara Universitetinin bioloqları osteoporozun müalicəsi üçün yeni unikal biomaterial hazırlayıb.

RİA novosti saytının verdiyi xəbərə görə, sözügedən materialın tətbiqi sümük toxumasında təkcə itirilmiş mineral komponentləri deyil, üzvi tərkibi də bərpa etməyə imkan yaradacaq. Tədqiqatın nəticələri “Journal of Optical Technology” nəşrində dərc edilib.

Alimlərin fikrincə, osteoporoz insanların əziyyət çəkdiyi ürək-damar, onkoloji xəstəliklər və şəkərli diabetdən sonra dördüncü yerdədir.

Samara Universiteti, Samara Tibb Universiteti və “Toxuma mühəndisliyi” ali məktəblərarası beynəlxalq laboratoriyanın elmi kollektivi osteoporozun müalicəsində korreksiya üçün material – hidroksiapatit hazırlayıblar.

Tədqiqatçıların sözlərinə görə, yeni materialın unikallığı ondan ibarətdir ki, onun tərkibində təkcə mineral deyil, üzvi komponentlər də olur. Bu, osteoporozun müalicəsində sümük toxumasının korreksiyası üçün itirilmiş mineral komponentləri, həmçinin üzvi tərkibi bərpa etməyə imkan yaradır ki, sonuncu da bütün biotoxumanın “karkası” hesab edilir.

Alimlər, həmçinin məlumat veriblər ki, osteoporozda sümük toxuması tərkibinin tədqiqi üzrə eksperiment aparılıb: xəstəliyin müxtəlif variantlarında sümük toxumasında dəyişikliyin xüsusiyyəti qiymətləndirilib. Əldə edilmiş nəticələr klinikəqədər mərhələdə osteorezorbsiyanın qarşısının alınması üçün yeni biomaterialın tətbiqində sümük toxumasının fərdi olaraq kompleks qiymətləndirilməsi metodunu işləyib hazırlamağa imkan verəcək. Bu, həm yerüstü, həm də mikroqravitasiya şəraitinə aiddir. Belə ki, kosmik uçuşdakı çəkisizlik sümük kütləsinin spesifik itməsinə səbəb olur ki, bu da osteoporozun yaranmasına gətirib çıxarır.

19 oktyabr, 2020

AMEA-nın müxbir üzvü Oktay Qasımov “Elm” qəzetinə müsahibə verib

Biofizika İnstitutunun direktoru, AMEA-nın müxbir üzvü, professor Oktay Qasımov Azərbaycan Milli Elmlər Akademiyasının “Elm” qəzetinə müsahibə verib.

Alim “Bəşəriyyətin yeni gündəmi” başlığı ilə çap olunmuş müsahibəsində biotexnologiya, müəssisədə onkoloji və neyrodegenerativ istiqamətində aparılan elmi tədqiqatlar, Biofizika İnstitutunun Milli Onkologiya Mərkəzi ilə birlikdə fəaliyyəti barədə geniş məlumat verib.

Müsahibənin tam versiyasını buradan oxuya bilərsiniz.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

16 oktyabr, 2020

“Elm” qəzetinin yeni sayı çap olunub

AMEA Rəyasət Heyətinin həftəlik mətbu orqanı olan “Elm” qəzetinin “Qarabağ Azərbaycandır!” şüarı ilə cari ildə 17-ci nömrəsi işıq üzü görüb.

Qəzetin ilk səhifəsində Prezident İlham Əliyevin “Kiber Kosmos buraxılışı” mövzusunda virtual 71-ci Beynəlxalq Astronavtika Konqresinin açılış mərasimindəki müraciəti yer alıb.

Mətbu orqanın növbəti səhifələrində akademik Ramiz Mehdiyevlə müsahibə, AMEA prezidentinin Azərbaycanın elmi ictimaiyyəti adından dünya birliyinə, aparıcı beynəlxalq təşkilatların rəhbərlərinə müraciəti, həmçinin dünyanın bir sıra elmlər akademiyalarının və elmi mərkəzlərinin rəhbərlərinə ünvanladığı məktublar, eləcə də akademiya rəhbərliyinin Molekulyar Biologiya və Biotexnologiyalar İnstitutunun maddi-texniki bazası və burada yaradılan şəraitlə tanışlığı öz əksini tapıb.

Bundan əlavə, AMEA-nın elmi müəssisə və təşkilatlarının Silahlı Qüvvələrin Yardım Fonduna köçürdüyü vəsait, akademiklər İsmayıl Hacıyev, Fuad Əliyev, Nazim Məmmədov və AMEA-nın müxbir üzvü Bəxtiyar Məmmədovun ölkə başçısına ünvanladığı məktublar, rusiyalı alimlər Nəbiyula Qiçiev, Sergey Kirsanov və çinli alim Yang Jinin Azərbaycanın ərazi bütövlüyünü dəstəkləyən və Ermənistanın işğalçılıq siyasətini pisləyən açıqlamaları ilə tanış ola bilərsiniz.

Eyni zamanda, “XIX əsrin axırlarında İrəvan şəhərinin Azərbaycan mühiti və məhəllə adları”, “Azərbaycan arxeologiyasının fəaliyyət istiqamətlərinin təkmilləşdirilməsinə yeni baxış”, “Xocalının əsir abidələri” sərlövhəli məqalələr, Biofizika İnstitutunun direktoru, AMEA-nın müxbir üzvü Oktay Qasımovla müsahibə, yeni nəşrlər və digər xəbərlər də oxuculara təqdim olunur.

16 səhifəlik qəzetdə, o cümlədən rus dilində maraqlı yazılar da yer alıb.

Mənbə: www.science.az.

14 oktyabr, 2020

Yaşasın Azərbaycan Ordusu!

30 ilə yaxındır ki, Azərbaycanın Dağlıq Qarabağ və onun ətrafındakı 7 rayonu işğal altındadır. BMT Təhlükəsizlik Şurasının məlum dörd qətnaməsindən tutmuş müxtəlif beynəlxalq təsisatlara qədər, bütün sivil dünya Qarabağın Azərbaycanın ərazisi olduğunu və Ermənistan tərəfindən işğal edildiyini dəfələrlə rəsmi hüquqi sənədlərdə açıq mətnlə təsbit edib.  Bütün bunlara baxmayaraq, beynəlxalq müqavilələrdən irəli gələn və üzərinə düşən öhdəlikləri yerinə yetirməli olduğu halda bunu icra etməyən Ermənistan dövlətinin silahlı qüvvələri təcavüzkar siyasətinə sadiq qalaraq 27 sentyabr 2020-ci il tarixindən başlayaraq beynəlxalq hüquq normalarını növbəti dəfə kobud şəkildə pozmaqla cəbhə bölgəsi və buradan uzaq ərazilərdəki mülki əhalinin sıx məskunlaşdığı yaşayış məntəqələrini, tarixi-mədəni binaları və strateji əhəmiyyətli digər obyektləri ağır artilleriya qurğularından, aviasiyadan, xüsusi raket sistemlərindən və qadağan olunmuş silahlardan istifadə etməklə intensiv şəkildə atəşə tutur. Erməni təxribatına cavab olaraq  Azərbaycan Ordusu Prezident, Ali Baş Komandan İlham Əliyevin başçılığı ilə torpaqlarımızın azad olunması uğrunda mübarizəyə qalxıb.  Əks-hücum əməliyyatları nəticəsində işğal altındakı bir sıra kəndlərimiz və strateji yüksəkliklər düşməndən azad edilib.

Hər birimiz bu ağır gündə birləşib bir yumruq olmalı, dövlət başçımız, Ali Baş Komandan cənab İlham Əliyevə dəstəyimizi ifadə etməliyik. “Böyük Qələbə gününü yaxınlaşdırmaq üçün əlimizdən gələni etmək bizim hər birimizin borcudur!”, – Azərbaycanın Birinci vitse-prezidenti Mehriban Əliyevanın bu sözləri bütün vətəndaşlarımıza ünvanlanıb. Bu həssas və məsuliyyətli dönəmdə hər bir azərbaycanlı kimliyindən və çalışdığı sahədən aslı olmayaraq vətəninə faydalı olmağa çalışmalıdır. Bu gün biz düşmənin informasiya müharibəsinə qarşı  bir nəfər kimi səfərbər olmalı, yerli və xarici kütləvi informasiya vasitələrində, sosial şəbəkələrdə dayanmadan Qarabağ həqiqətlərini yaymalı, Ermənistan tərəfindən yayılan dezinformasiya ilə mübarizə aparmalı, Azərbaycanın haqq səsini bütün dünyaya çatdırmalıyıq. Çünki bizim işimiz haqq işidir! Biz öz torpaqlarımızı azad etmək uğrunda savaş veririk, bizə aid olanı geri alırıq və alacağıq!

AMEA-nın Biofizika İnstitutunun kollektivi Ermənistan silahlı qüvvələri tərəfindən işğal olunmuş Azərbaycan torpaqlarının düşmən tapdağından azad edilməsi istiqamətində Ali Baş Komandanımız cənab İlham Əliyevin rəhbərliyi altında uğurlu hərbi əməliyyatlar həyata keçirən rəşadətli ordumuzun yanındadır və bu haqq yolunda ordumuza yeni qələbələr arzu edir.

Zəfər bizimlədir! Qarabağ Azərbaycandır!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

13 oktyabr, 2020

AMEA-nın prezidenti, akademik Ramiz Mehdiyevin müraciəti

Məlum olduğu kimi, 2020-ci ilin 27 sentyabr tarixindən etibarən Azərbaycan Silahlı Qüvvələri Ermənistan ordusunun cəbhəboyu zonada dinc əhaliyə, həmçinin   hərbi obyektlərə qarşı həyata keçirdiyi silsilə təxribatlara cavab olaraq 30 ilə yaxındır ki, erməni işğalı altında olan Dağlıq Qarabağda və rayonlarda qəsbkara qarşı anti-terror əməliyyatına başlamışdır. Azərbaycan Ordusu əməliyyatın ilk günlərindən etibarən misilsiz rəşadət, yüksək peşəkarlıq nümayiş etdirərək təcavüzakara ağır zərbələr endirmiş, Ermənistan hərbçilərinin nəzarətindəki bir çox yaşayış məntəqələrini, həmçinin strateji yüksəklikləri işğaldan azad etmişdir. Belə ki, 27 sentyabr – 9 oktyabr tarixlərində aparılan əməliyyatlar nəticəsində Azərbaycan Cəbrayıl şəhəri  və onun 6 kəndi, Füzuli rayonunun 7 kəndi, Suqovuşan və Talış kəndləri, Xocavəndin Sur kəndi və Hadrut qəsəbəsi, həmçinin Murovdağdakı strateji yüksəkliklər üzərində öz suverenliyini bərpa etmişdir.

Təəssüf ki, Ermənistanın hərbi-siyasi rəhbərliyi döyüş meydanında uğradığı rüsvayçı məğlubiyyətlərin qisasını dinc azərbaycanlılardan almaq qərarına gəlmiş və Azərbaycanın cəbhə bölgəsindən kənarda yerləşən Gəncə, Bərdə, Ağcabədi, Naftalan, Mingəçevir və digər şəhərlərində yaşayan mülki əhalini, infrastruktur obyektlərini hədəfə almaqla öz terrorçu mahiyyətini bir daha nümayiş etdirmişdir. 27 sentyabr – 11 oktyabr tarixlərində Ermənistanın Azərbaycanın mülki əhalisinə qarşı həyata keçirdiyi hücumlar nəticəsində 40-a qədər dinc insan öldürülüb, onlarla şəxs yaralanıb, şəxsi və dövlət mülkiyyətinə külli miqdarda zərər dəyib.

2020-ci ilin 10 oktyabr tarixində Moskvada Rusiyanın vasitəçiliyilə Azərbaycan və Ermənistan xarici işlər nazirləri arasında imzalanmış humanitar atəşkəsə baxmayaraq, erməni tərəfi bu günədək dinc sakinlərə, həmçinin ordumuzun bölmələrinə qarşı hücum əməliyyatlarını dayandırmamışdır. Bu azmış kimi, Moskva danışıqlarından dərhal sonra Ermənistan rəhbərliyi bütün dünyanın Azərbaycan ərazisi kimi tanıdığı Dağlıq Qarabağın heç vaxt ölkəmizə məxsusluğunu qəbul etməyəcəklərinə dair aqressiv bəyanatlar vermiş, sülh tərəfdarı olmadıqlarını etiraf etməkdən çəkinməmişlər.

Bu, Ermənistanın dünya birliyinin və Azərbaycanın 30 il ərzində göstərdiyi sülh təşəbbüslərinə qarşı yönələn cinayətkar etinazlığının, hörmətsizliyinin ilk nümunəsi deyil. Təkcə bir faktı xatırlatmaq kifayətdir ki, BMT Təhlükəsizlik Şurasının Dağlıq Qarabağa dair qəbul etdiyi 4 qətnamə bu günədək icra olunmayıb.

Mən AMEA kollektivi, həmçinin Azərbaycanın elmi ictimaiyyəti adından dünya birliyinə, aparıcı beynəlxalq təşkilatların rəhbərlərinə müraciət edərək, onlardan  Ermənistanın ölkəmizin dinc vətəndaşlarına qarşı həyata keçirdiyi etnik terrora siyasi-hüquqi qiymət verilməsini tələb edirəm. XXI əsrdə Ermənistanın həyata keçirdiyi dövlət terroruna susmaq, onu görməzdən gəlmək bəşəriyyətin indiyədək əldə etdiyi bütün insani dəyərləri, hüquqi normaları tapdalamaq  deməkdir. Dünya birliyi başa düşməlidir ki, Ermənistanın hərbi-siyasi rəhbərliyinin cinayətkar fəaliyyəti dayandırılmayacağı təqdirdə, Cənubi Qafqaz böyük və dəhşətli müharibənin meydanına çevrilə bilər. İnanmaq istərdim ki, dünya ictimaiyyəti ikili standartları, yersiz təəssübü bir kənara qoyub vicdanı və ədalət hissini rəhbər tutaraq işğalçı Ermənistan rəhbərliyinin törətdiyi hərbi cinayətlərin beynəlxalq aləmdə ifşası məqsədilə əməli addımlar atacaq. Bölgədə davamlı sülhün bərqərar olması bundan çox asılıdır.

Haqqın, sağlam təfəkkürün və insanpərvərliyin təntənəsi ümidilə,

AMEA-nın prezidenti, akademik Ramiz Mehdiyev

Mənbə: www.science.az.

09 oktyabr, 2020

Dövlət İmtahan Mərkəzi 2020-2021-ci tədris ili üçün doktoranturaya və dissertanturaya xarici dil üzrə qəbul imtahanında iştirak etmək üçün qeydiyyat elan edir

İmtahanda iştirak etmək üçün qeydiyyat oktyabrın 9-dan 20-dək aparılacaq

Azərbaycan Respublikası Nazirlər Kabinetinin “Doktoranturaların yaradılması və doktoranturaya qəbul Qaydaları”nda dəyişiklik edilməsi barədə 13 noyabr 2019-cu il tarixli 443 nömrəli qərarına uyğun olaraq, Dövlət İmtahan Mərkəzi 2020-ci il oktyabrın 9-dan 20-dək 2020-2021-ci tədris ili üçün doktoranturaya və dissertanturaya xarici dil üzrə qəbul imtahanında iştirak etmək üçün namizədlərin qeydiyyatını elan edir. Bu müddət ərzində 2020-ci ilin sentyabr-oktyabr aylarında ali təhsil müəssisələrində, elmi müəssisə və təşkilatlarda keçirilən sənəd qəbulu kampaniyası dövründə doktorantura və dissertanturaya qəbul olunmaq üçün sənədlərini Azərbaycan Respublikasının doktoranturalar yaradılan ali təhsil müəssisələrinə, elmi müəssisə və təşkilatlarına təqdim etmiş iddiaçılar DİM-in internet saytında (http://ekabinet.dim.gov.az) “Şəxsi kabinet”in yaradılması və istifadə qaydası”na müvafiq olaraq “Şəxsi kabinet” yaratmalı və xarici dil üzrə imtahanda iştirak etmək üçün qeydiyyatdan keçməlidirlər. Qeydiyyat linki sabah gün ərzində aktiv ediləcək.

İmtahanda iştirak ödənişlidir. Namizədlər ekabinet.dim.gov.az internet səhifəsində “Şəxsi kabinet” yaratdıqdan sonra həmin kabinetin pul hesabına imtahanda iştirak üçün tələb olunan 90 (doxsan) manat məbləğində pul vəsaitini (xarici dil imtahanından azad olunanlar istisna olmaqla) əlavə etməlidirlər. Qüvvədə olan müvafiq xarici dil sertifikatına malik namizədlər xarici dil imtahanından azad olunur və ərizənin təsdiqi zamanı heç bir ödəniş etmirlər. Digər namizədlər ərizələrini təsdiq edərkən onların şəxsi kabinetinin pul hesabından tələb olunan məbləğ (90 manat) silinir.

Müqayisə üçün bildiririk ki, respublikamızda müvafiq xarici dil imtahanlarında iştirak üçün iddiaçılar aşağıdakı məbləğdə ödəniş etməli olurlar: IELTS – 350 manat, TOEFL – 306 manat, TestDaF – 290 manat, DELF – 115 manat, DALF – 130 manat.

Namizədlərin imtahan verəcəkləri xarici dilin seçiminə qoyulan tələbləri nəzərinizə çatdırırıq.

Xarici dil seçiminə qoyulan tələblər

Doktoranturaya və dissertanturaya qəbul imtahanı keçirilən hər hansı bir xarici dil (ingilis, alman və ya fransız dili) üzrə aşağıda göstərilən hər hansı bir magistratura ixtisaslaşmasını (filologiya (xarici dil və ədəbiyyat üzrə dilşünaslıq və ya ədəbiyyatşünaslıq), xarici dil və ədəbiyyat müəllimliyi, xarici dil müəllimliyi və tərcümə ixtisasları üzrə ixtisaslaşmaları) bitirən namizədlər doktoranturaya və dissertanturaya qəbul zamanı ixtisaslaşma dilini xarici dil kimi seçə bilməzlər:

060102 Dil və ədəbiyyat müəllimliyi

– Dil və ədəbiyyatın tədrisi metodikası və metodologiyası (ingilis, alman və ya fransız dili və ədəbiyyatı)

060103 Xarici dil müəllimliyi

– Xarici dilin tədrisi metodikası və metodologiyası (ingilis, alman və ya fransız dili)

060201 Filologiya

– Ədəbiyyatşünaslıq (ingilis, alman və ya fransız ədəbiyyatı)

– Ədəbiyyatşünaslıq (Amerika və Böyük Britaniya ədəbiyyatı)

– Ədəbiyyatşünaslıq (xarici ölkə xalqlarının ədəbiyyatı, Amerika ədəbiyyatı)

– Dilşünaslıq (ingilis, alman və ya fransız dili)

060203 Tərcümə

– Tərcümə (ingilis, alman və ya fransız dili)

– Sinxron tərcümə (ingilis, alman və ya fransız dili)

Yuxarıda qeyd olunan hər hansı bir magistr ixtisaslaşmasını bitirən namizədlər ixtisaslaşma dili olmayan digər iki dildən birini xarici dil kimi seçməli və həmin dildən qəbul imtahanı verməlidirlər.

Digər magistr ixtisaslaşmalarını bitirən şəxslərin xarici dil seçiminə məhdudiyyət qoyulmur, yəni onlar doktoranturaya və dissertanturaya qəbul zamanı xarici dil kimi ingilis, alman və ya fransız dilini seçə bilərlər.

Qeyd: Sənəd qəbulu zamanı xarici dil seçimini düzgün etməyən və ya seçdikləri xarici dili və ya bölməni dəyişmək istəyən, həmçinin məlumatlarında hansısa uyğunsuzluq və ya səhv olan şəxslər xarici dil imtahanına qeydiyyat aparılan müddət ərzində (şənbə və bazar günləri istisna olmaqla) sənəd verdikləri ali təhsil müəssisəsi, elmi müəssisə və ya təşkilata müraciət edərək, seçimlərini dəyişdirə və ya müvafiq düzəliş etdirə bilərlər.

Xarici dil üzrə qüvvədə olan və CEFR-in B2 və ya daha yüksək səviyyəsinə müvafiq beynəlxalq dil sertifikatına (IELTS, TOEFL, TestDaF, DELF, DALF) malik olanlar DİM-in internet saytında şəxsi kabinet yaratdıqdan sonra şəxsiyyət vəsiqələrinin, sertifikatlarının və magistr təhsili haqqında diplomlarının əslini və surətini 2020-ci il oktyabr ayının 13-dən 15-dək olan müddət ərzində hər gün saat 10-dan 17-dək (saat 13-dən 14-dək nahar fasiləsidir) DİM-in Bakı şəhəri, Abdulvahab Salamzadə küçəsi, 28 ünvanında (Asiya Universitetinin binasında) yerləşən ofisində yaradılan Sənəd qəbulu komissiyasına təqdim etməlidirlər. Beynəlxalq dil sertifikatının imtahan nəticələrinin keçid balına ekvivalentliyi AMEA və Təhsil Nazirliyi ilə razılaşdırılmaqla, DİM tərəfindən müəyyənləşdirilir. Təqdim edilmiş sertifikatların həqiqiliyi və qüvvədə olması yoxlanıldıqdan sonra onların sahibləri xarici dil üzrə qəbul imtahanından azad olunurlar.

Xarici dildən imtahanda keçid balını toplayan və ya DİM-ə qüvvədə olan sertifikat təqdim edən şəxslər fəlsəfədən imtahana buraxılırlar. Xarici dildən imtahanda iştirak etməyənlər və ya keçid balını toplamayanlar fəlsəfə üzrə imtahana buraxılmırlar.

Namizədlərə xatırladırıq ki, doktoranturaya və dissertanturaya xarici dillər üzrə qəbul imtahanı proqramları Azərbaycan və rus dillərində (http://dim.gov.az/news/5716/), həmçinin doktoranturaya və dissertanturaya xarici dillər üzrə qəbul imtahanının məzmunu və strukturu haqqında məlumat (http://dim.gov.az/news/5827/) DİM-in internet saytında yerləşdirilmişdir.

Doktoranturaya və dissertanturaya xarici dillər üzrə qəbul imtahanının tarixi haqqında yaxın günlərdə məlumat veriləcək.

Mənbə: dim.gov.az

07 oktyabr, 2020

Fransada təhsil alan doktorantlarımızdan Azərbaycan Ordusuna dəstək

AMEA və Fransanın Monpelye Universitetinin (MU) 2019-2022-ci tədris illəri üzrə birgə təşkil etdiyi ikili doktorantura proqramının qalibi olan və təhsilini hazırda MU-da davam etdirən akademiyanın Biofizika İnstitutunun  İnteqrativ biologiya laboratoriyasının kiçik elmi işçisi Zərifə Osmanlı və digər azərbaycanlı tələbələr ordumuza dəstəklə bağlı institutun rəhbərliyinə məktub ünvanlayıblar.

Onlar “Vətəndən uzaq olsaq da, vətənləyik”, – deyərək Azərbaycan Ordusunun cəbhədəki uğurlarına hədsiz sevindiklərini, özlərinin də ölkəmizi xaricdə uğurla təmsil etmək əzmində olduqlarını bildiriblər.

“Baxmayaraq ki, müharibənin başlanması ilə eyni zamanda Fransa mətbuatında dezinformasiya xarakterli, Ermənistan-Azərbaycan Dağlıq Qarabağ münaqişəsinə dair qərəzli və ermənipərəst mövqe tutan təxribat xarakterli məlumatlar yayılır, əhalidə reallığa uyğun olmayan təsəvvürlər yaranır, mən və digər azərbaycanlı tələbələr ölkəmizi xaricdə layiqincə təmsil etməyə çalışırıq. Məsələ ilə bağlı verilən normal və kinayəli sualları mədəni şəkildə və faktlarla cavablandırırıq, ruhdan düşmürük, özümüzü tək hiss etmirik. Yaşadığımız ərazidə ermənilərin çoxluğu və kütlənin də onları dəstəkləməyi bizi qorxutmur. Çünki haqq-ədalət bizim tərəfimizdədir. Tezliklə haqq öz yerini tapacaq və biz zəfər çalacağıq!”, – deyə Zərifə Osmanlı vurğulayıb.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

02 oktyabr, 2020

Biofizika İnstitutu Azərbaycan Silahlı Qüvvələrinə Yardım Fonduna vəsait köçürüb

Oktyabrın 2-də AMEA-nın Biofizika İnstitutunda ordumuza dəstək məqsədilə tədbir keçirilib.

Tədbiri müəssisənin direktoru, AMEA-nın müxbir üzvü Oktay Qasımov açaraq Ermənistanın hərbi təxribatına əsgərlərimizin layiqli cavab verdiyini bildirib. Qeyd edib ki, Prezident İlham Əliyevin rəhbərliyi altında ölkəmizdə məqsədyönlü şəkildə yüksək ordu quruculuğu siyasəti həyata keçirilir.

“İnanırıq ki, yaxın günlərdə torpaqlarımız işğaldan azad ediləcək, bayrağımız əzəli torpaqlarımızda dalğalanacaq. Biz böyük zəfərlər astanasındayıq”, – deyə Oktay Qasımov bildirib. Vurğulayıb ki, bu həssas və məsuliyyətli dönəmdə hər kəs öz çalışdığı sahə üzrə Azərbaycan Republikasının inkişafına öz töhfəsini verməlidir.

Tədbirin sonunda Azərbaycan Silahlı Qüvvələrinə Yardım Fonduna könüllülük əsasında vəsait köçürülüb.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

01 oktyabr, 2020

AMEA Biofizika İnstitutunun direktoru haqqında “Vikipediya”da məqalə yaradılıb

Azərbaycan Milli Elmlər Akademiyası Rəyasət Heyətinin nəzdində ictimai əsaslarla fəaliyyət göstərən “Virtual Elektron Fəaliyyət Cəmiyyəti”nin əməkdaşları tərəfindən “Vikipediya”nın Azərbaycan dili bölməsində Biofizika İnstitutunun direktoru, fizika-riyaziyyat elmləri doktoru, AMEA-nın müxbir üzvü, professor Oktay Qasımov haqqında məqalə yaradılıb.

Məqalədə alimin  həyat və fəalyyətini, elmi nailiyyətlərini əks etdirən materiallar yer alıb.

Məqalə ilə aşağıdakı linkə daxil olaraq tanış ola bilərsiz:

(https://az.wikipedia.org/wiki/Oqtay_Qas%C4%B1mov_(professor)).

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

29 sentyabr, 2020

Biofizika İnstitutunun alimləri ordumuza dəstək nümayiş etdirirlər

AMEA-nın Biofizika İnstitutunun gənc alimləri bu günlərdə Ermənistanın ölkəmizə qarşı törətdiyi hərbi təxribata layiqli cavab verən Azərbaycan Silahlı Qüvvələrinə dəstək nümayiş etdirirlər.

Belə ki, ön cəbhədə xidmət edən əsgərlərə dəstək vermək, onlar üçün tədarük edilən qan ehtiyatını artırmaq məqsədilə 29 sentyabr 2020-ci il tarixində müəssisənin gənc alimləri Səhiyyə Nazirliyinin B.Ə.Eyvazov adına ET Hematologiya və Transfuziologiya İnstitutunda könüllü olaraq qan veriblər.

Biofizika İnstitutunun əməkdaşları Prezident İlham Əliyevin “Biz birlikdə güclüyük” şüarına qoşularaq səhhəti qaydasında olan hər kəsi qanvermə aksiyasında fəal iştirak etməyə səsləyir.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25 sentyabr, 2020

AMEA Rəyasət Heyətinin növbəti iclası keçirilib

Sentyabrın 25-də Azərbaycan Milli Elmlər Akademiyası Rəyasət Heyətinin növbəti iclası keçirilib.

Tədbiri giriş sözü ilə açan AMEA-nın prezidenti, akademik Ramiz Mehdiyev iclasın gündəliyində yer alan bir sıra elmi-təşkilati və kadr məsələləri haqqında məlumat verib. Akademik Ramiz Mehdiyev bildirib ki, iclasda AMEA Rəyasət Heyətinin kadr potensialının gücləndirilməsi, müasir qloballaşma şəraitində virtual mühitdə milli kontentin inkişaf etdirilməsi, xalqımızın tarixi, ədəbi, mədəni irsinin qorunub saxlanılması və geniş təbliği, prioritet və aktual elmi istiqamətlər üzrə kompleks proqramların qəbul edilməsi, dünyanın nüfuzlu qurumları ilə qarşılıqlı elmi əməkdaşlıq kontekstində bir sıra beynəlxalq tədbirlərin keçirilməsi, AMEA-nın elmi müəssisələrinin strukturunun və elmi kadr hazırlığı sisteminin daha da təkmilləşdirilməsi, görkəmli alimlərin yubileylərinin qeyd edilməsi kimi məsələlərin müzakirəsi nəzərdə tutulur.

Gündəlikdə yer alan məsələlərin müzakirəsindən əvvəl Azərbaycan Respublikasının Prezidenti cənab İlham Əliyevin müvafiq sərəncamları ilə təltif olunmuş görkəmli alimlərə mükafatlar təqdim olunub. AMEA-nın prezidenti, akademik Ramiz Mehdiyev akademik Fəxrəddin Qədirova “Əməkdar elm xadimi” fəxri adının vəsiqəsini və döş nişanını, AMEA-nın müxbir üzvü Şahbaz  Muradova  “Azərbaycan Respublikası Prezidentinin Fəxri diplomu”nu və eləcə də AMEA-nın Fəxri fərmanını təqdim edib.

İclasda AMEA Rəyasət Heyətinin qərarı ilə tibb sahəsi üzrə görkəmli alim-onkoloq, Azərbaycan Respublikası Səhiyyə Nazirliyinin Milli Onkologiya Mərkəzinin baş direktoru, akademik Cəmil Əliyev və AMEA Şərqşünaslıq İnstitutunun direktoru, görkəmli şərqşünas alim, akademik Gövhər Baxşəliyeva AMEA Rəyasət Heyətinin üzvü vəzifəsini icra edən təyin ediliblər.

Sonra söz AMEA-nın akademik-katibi, müxbir üzv Əminağa Sadıqova verilib. O, gündəlikdə yer alan məsələlərlə iclas iştirakçılarını tanış edib. Akademik-katib bildirib ki, iclasda müzakirəsi nəzərdə tutulan məsələlər müasir şəraitdə akademiyanın strukturunun və idarəetməsinin təkmilləşdirilməsi, kadr potensialının gücləndirilməsi, beynəlxalq elmi əməkdaşlıq əlaqələrinin inkişafı, görkəmli Azərbaycan alimlərinin elmi nailiyyətlərinin və elmin təbliği baxımından mühüm əhəmiyyətə malikdir.

AMEA-nın müxbir üzvü Əminağa Sadıqov bildirib ki, iclasda müzakirəsi nəzərdə tutulan ilk elmi-təşkilati məsələ AMEA Rəyasət Heyəti aparatının strukturuna dair bəzi təkliflər haqqındadır. Məsələ ilə bağlı çıxış edən AMEA-nın vitse-prezidenti, akademik Rasim Əliquliyev bildirib ki, AMEA Rəyasət Heyətinin struktur bölmələrini özündə birləşdirən, onların cari işini təşkil edən və AMEA-nın elmi müəssisə və təşkilatlarının fəaliyyətini öz səlahiyyətləri daxilində əlaqələndirən AMEA Rəyasət Heyətinin aparatı qarşısında həm akademiya, həm də respublika miqyasında elmi və elmi-təşkilati proseslərin idarə olunması baxımından mühüm vəzifələr dayanır. Ona görə də onun təşkilati strukturunun, kadr potensialının, vəzifə və funksiyalarının müəyyənlədirilməsində akademik və kollegial idarəetmə prinsipləri, o cümlədən mütərəqqi beynəlxalq təcrübə əsas götürülməlidir. Akademik Rasim Əliquliyev qeyd olunan istiqamətdə bir sıra konkret təkliflərini iclas iştirakçılarının nəzərinə çatdırıb.

Gündəlikdə yer alan digər məsələ, “AMEA Rəyasət Heyətinin nəzdində Virtual Elektron Fəaliyyət Cəmiyyətinin təsis edilməsi” haqqında AMEA-nın birinci vitse-prezidenti, akademik İsa Həbibbəyli məlumat verib. Qeyd edib ki, Azərbaycanda cəmiyyətin modernləşdirilməsi istiqamətində uğurla həyata keçirilən dövlət siyasətinin mühüm istiqamətlərindən birini “Virtual Azərbaycan”ın formalaşdırılması təşkil edir. “Virtual Azərbaycan”ın formalaşdırılmasında AMEA-nın üzərinə mühüm vəzifələr düşür. Bu istiqamətdəki fəaliyyətin daha effektiv qurulması, pərakəndəliyin aradan qaldırılması, həyata keçirilən işlərin vahid mərkəzdən koordinasiyası və onların daha sistemli təşkili məqsədilə müstəqil qurumun yaradılmasına ehtiyac vardır. Məsələ geniş müzakirə olunduqdan sonra AMEA Rəyasət Heyətinin nəzdində ictimai əsaslarla Virtual Elektron Fəaliyyət Cəmiyyətin təsis edilməsi haqqında qərar qəbul edilib. AMEA prezidentinin köməkçisi, fəlsəfə elmləri doktoru Ələddin Məlikov ictimai əsaslarla AMEA Rəyasət Heyətinin nəzdində Virtual Elektron Fəaliyyət Cəmiyyətinin sədri təyin edilib.

“AMEA-nın Neft və Qaz İnstitutunun strukturunda qismən dəyişiklik edilməsi” və “AMEA-nın Neft və Qaz İnstitutunun Neftin goekimyası laboratoriyasının Geologiya və Geofizika İnstitutunun tərkibinə keçirilməsi” ilə bağlı məsələlər haqqında AMEA-nın birinci vitse-prezidenti, akademik İbrahim Quliyev məlumat verib. Məsələlər müzakirə olunduqdan sonra müvafiq qərarlar qəbul edilib.

İclasda müzakirə olunan digər məsələ “Hüceyrə texnologiyalarının inkişafı proqramı” barədə çıxış edən AMEA-nın vitse-prezidenti, akademik Rasim Əliquliyev bildirib ki, AMEA Rəyasət Heyətinin 17 iyul 2019-cu il tarixli qərarı ilə AMEA-nın Fizika-Riyaziyyat və Texnika Elmləri Bölməsinə daxil olan Biofizika İnstitutuna hüceyrə texnologiyalarının inkişaf proqramının hazırlanması tapşırılıb. Ötən müddət ərzində AMEA-nın Biofizika İnstitutu tərəfindən proqram hazırlanmış və nəzərdə tutulan işlərin həyata keçirilməsi üçün lazımi avadanlıq, cihaz və kimyəvi reaktivlərin siyahısı tərtib edilmişdir.

Sonra AMEA-nın Biofizika İnstitutunun direktoru, AMEA-nın müxbir üzvü Oktay Qasımov hüceyrə texnologiyalarının inkişaf proqramını təqdim edərək bildirib ki, son onillikdə təbiətdə baş verən sürətli dəyişikliklərə vaxtında cavab verilməsi üçün yeni innovativ texnologiyaların yaradılması zəruridir. Yaranan yeni şərait tibbi-biologiyanın qarşısında yeni-yeni problemlər qoyur və bunlara adekvat cavab verilməlidir. Tibbi problemlər çoxfaktorlu və mürəkkəb olduğundan onların həllində molekulyar və hüceyrə texnologiyaları, gen və zülal mühəndisliyi mühüm rol oynayır.

AMEA Rəyasət Heyətinin üzvü, akademik Cəmil Əliyev, AMEA-nın Biofizika İnstitutunun laboratoriya müdiri, AMEA-nın müxbir üzvü İlham Şahmuradov, Azərbaycan Tibb Universitetinin prorektoru, biologiya üzrə fəlsəfə doktoru Orxan İsayev, AMEA-nın Biofizika İnstitutunun elmi işlər üzrə direktor müavini, biologiya elmləri doktoru Kərim Qasımov, Milli Onkologiya Mərkəzinin laboratoriya müdiri, tibb üzrə fəlsəfə doktoru Leylaxanım Məlikova, Biofizika İnstitutunun elmi katibi, biologiya üzrə fəlsəfə doktoru Flora Mehrəliyeva proqramın müzakirəsində yaxından iştirak ediblər.

Geniş müzakirələrdən sonra AMEA-nın Biofizika İnstitutu tərəfindən hazırlanmış “Hüceyrə texnologiyalarının inkişafı proqramı” təsdiq edilib.

İclasda NATO-nun dəstəyi ilə “Sənaye idarəetmə sistemlərinin kibertəhlükəsizliyi problemləri” beynəlxalq konfransının, həmçinin Avropa Komissiyasının dəstəyi ilə “Şərq Tərəfdaşlığı ölkələri üçün E-infrastrukturlar” mövzusunda beynəlxalq konfranslarla bağlı məsələlər də geniş müzakirə edilib, hər iki beynəlxalq tədbirin keçirilməsi ilə bağlı müvafiq qərarlar qəbul edilib.

İclasda dünya şöhrətli azərbaycanlı alim, qeyri-səlis çoxluqlar nəzəriyyəsinin və qeyri-səlis məntiqin banisi, Kaliforniya Berkli Universitetinin professoruAMEA-nın fəxri üzvü Lütfi Zadənin anadan olmasının 100 illik yubileyinin qeyd edilməsi haqqında məsələ müzakirə edilib. Həmçinin görkəmli riyaziyyatçı alim, AMEA-nın müxbir üzvü Kamil Ayda-zadənin 70 illik yubileyinin qeyd edilməsi haqqında məsələyə baxılıb. Məsələlər haqqında müvafiq qərarlar qəbul olunub.

Sonra çıxış edən AMEA-nın akademik-katibi Əminağa Sadıqov iclasın gündəliyində yer alan “AMEA-nın regional elmi tədqiqat və təcrübə-sınaq bazalarına məxsus əmlakın inventarlaşdırılmasının nəticələri haqqında” məlumat verib. Məsələ müzakirə olunduqdan sonra müvafiq qərar qəbul edilib.

İclasda bir sıra məsələlərin müzakirəsində AMEA-nın vitse-prezidentləri, akademiklər – Tofiq NağıyevDilqəm Tağıyevİradə Hüseynova da rəy və təklifləri ilə yaxından iştirak ediblər.        

Sonda kadr məsələsinə baxılıb. Biologiya üzrə fəlsəfə doktoru Minarə Həsənova AMEA-nın Dendrologiya İnstitutunun elmi katibi təyin edilib.

Mənbə: www.science.az.

25 sentyabr, 2020

Biofizika İnstitutunda AMEA-nın “Elm və həyat” jurnalının redaksiya heyətinin üzvü ilə görüş keçirilib

AMEA-nın Biofizika İnstitutunun Ekoloji biofizika laboratoriyasının müdiri, biologiya elmləri doktoru, professor Tokay Hüseynov AMEA Rəyasət Heyəti İctimaiyyətlə əlaqələr və mətbuat sektorunun baş mütəxəssisi Sərvan Kərimovla görüşüb.

Söhbət zamanı T.Hüseynov qonağa rəhbərlik etdiyi laboratoriyada aparılan elmi-tədqiqat işləri, əldə edilən nəticələr barədə ətraflı məlumat verib. Professor qeyd edib ki, uğurlu tədqiqatların nəticəsi kimi institut əməkdaşlarının COVID-19 pandemiyası ilə mübarizə sahəsində araşdırmaları Tibbi Ərazi Bölmələrini İdarəetmə Birliyinin müalicə protokoluna daxil edilib.

Sonra jurnalın məsul katibi Sərvan Kərimov “Elm və həyat” jurnalının yaranma tarixindən danışıb. Bildirib ki, 1961-ci ildən başlayaraq nəşr olunan “Elm və həyat” jurnalının məqsədi Azərbaycan elminin və elmi biliklərin populyarlaşdırılmasıdır.

Sonda birgə əməkdaşlıq imkanları, elmi məqalələrin nəşri və digər məsələlər ətrafında fikir mübadiləsi aparılıb. Sərvan Kərimov, “Elm və həyat” elmi-populyar jurnalının gələcək nömrələrində institutda biofizikanın müasir istiqamətlərinə dair  aparılan elmi-tədqiqat işlərinin nəticələrini əks etdirən materialların, elmi məqalələrin dərc olunmasını arzuladığını bildirib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

23 sentyabr, 2020

Alimlər dəri xərçənginin daha dəqiq optik diaqnostikası metodunu işləyib hazırlayırlar

Rusiya və Bolqarıstan alimlərinin hazırladığı metod dəri xərçənginin optik diaqnostikasının dəqiqliyini artıracaq. Bu barədə Rusiyanın Samara Universiteti məlumat yayıb.

Tədqiqatın mahiyyəti dəri xərçənginə dair bir neçə yaxşı işlənib hazırlanmış və məlum yanaşmaları birləşdirməkdir. Alimlər bir kompleks metodda diaqnostikanın bir neçə növü, o cümlədən Raman spektroskopiyası (onkopatologiyanın 80-90 faiz dəqiqliklə müəyyənləşdirilməsi), yaxın qırmızı sahədə fluoressensiya (60 faiz dəqiqlik) və spektrin görünən sahəsində fluoressensiya (65-80 faiz dəqiqlik) analizləri birləşdirməyi planlaşdırırlar.

Qeyd olunur ki, yeni metod əsasında poliklinikalarda əhalinin kütləvi və operativ skrininq müayinəsi üçün yeni portativ cihaz yaradılacaq. Məsələn, dispanserləşdirmə zamanı şübhəli xalı və ya ləkəni lazer şüasına yönəltdikdən sonra dəqiq diaqnoz qoyulacaq. Diaqnostika cihazının ölçüsü ayaqqabı qutusu boyda olacaq və həkimlər onu ayrı-ayrı yerlərə özləri ilə apara bilərlər.

22 sentyabr, 2020

Elmi şuranın  iclası keçirildi

Sentyabrın 22-də AMEA-nın Biofizika İnstitutunun Elmi şurasının növbəti iclası keçirildi.

Karantin rejiminin tələblərinə uyğun və sosial məsafə gözlənilməklə baş tutan tədbirdə şuranın əksər üzvləri onlayn iştirak edirdilər.

İclası Biofizika İnstitutunun direktoru, Elmi şuranın sədri, AMEA-nın müxbir üzvü Oktay Qasımov açaraq iştirakçılara gündəlikdəki məsələlər barədə məlumat verdi.

İclasda əvvəlcə AMEA-nın 10 iyun 2020-ci il tarixində keçirilmiş Ümumi yığıncağının  Fizika-Riyaziyyat və Texnika Elmləri Bölməsi (FRTEB) qarşısında müəyyənləşdirdiyi vəzifələr haqqında fikir mübadiləsi aparıldı. Belə ki, “AMEA-nın 2020-2025-ci illər üçün inkişaf proqramı”nın icrası ilə bağlı Tədbirlər planı, həmçinin elmi müəssisənin koronavirus pandemiyası və onunla əlaqədar problemlərə dair təklifləri geniş müzakirə olundu. Qərara alındı ki, AR Nazirlər Kabinetinin koronavirus pandemiyası ilə əlaqədar qəbul etdiyi qərarların icrasını təmin etmək məqsədilə müəssisədə ictimai nəzarət həyata keçirilsin.

Şuranın sədri bir sıra mühüm elmi və elmi-təşkilati məsələlərdən də söz açdı. Professor, rəhbərlik etdiyi qurumda pandemiya ilə mübarizə və postpandemiya dövründə qarşıda duran vəzifələrə dair artıq müvafiq təkliflərin hazırlandığını, konkret vəzifələrin müəyyənləşdirildiyini bildirdi. Qeyd etdi ki,  institutda hüceyrə texnologiyalarının yaradılması proqramı AMEA-nın Rəyasət Heyətinə təqdim edilib.

Daha sonra müəssisə əməkdaşlarının fəaliyyətinin qiymətləndirilməsi məsələsi müzakirə edildi. Oktay Qasımov vurğuladı ki, nəzərdə tutulmuş proqram əməkdaşların il ərzində elmi fəaliyyətinin qiymətləndirilməsinə imkan verəcək. Onun sözlərinə görə, müəssisədə elmi-tədqiqatların yüksək səviyyədə yerinə yetirilməsini təmin etmək, eləcə də elmi işçilərin məsuliyyətini artırmaq lazımdır.

Sonda müəssisədə doktorantura təhsilinin yaradılması məsələsi müzakirə olundu, təkliflərin hazırlanaraq FRTEB-ə göndərilməsi qərara alındı.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

18 sentyabr, 2020

Elan 

22 sentyabr 2020-ci il tarixində saat 10:00-da Biofizika İnstitutunda Elmi Şuranın növbəti iclası keçiriləcək.

İclasda aşağıdakı məsələlərə baxılacaq:

  1. AMEA Biofizika İnstitutunda Doktorantura təhsilinin yaradılması haqqında.
  2. AMEA RH Fizika-Riyaziyyat və Texnika Elmləri Bölməsinin Elmi Şurasının 12 iyun 2020-ci il tarixli 2/1 №-li qərarından irəli gələn vəzifələrin müzakirəsi.
  3. AMEA RH Fizika-Riyaziyyat və Texnika Elmləri Bölməsinin Elmi Şurasının 12 iyun 2020-ci il tarixli 2/4 №-li qərarından irəli gələn vəzifələrin müzakirəsi.
  4. AMEA RH Fizika-Riyaziyyat və Texnika Elmləri Bölməsinin Elmi Şurasının 12 iyun 2020-ci il tarixli 2/7 №-li qərarından irəli gələn vəzifələrin müzakirəsi («Əməkdaşın iş icrasının qiymətləndirilməsi» — son variant əlavə olunur).
  5. Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

17 sentyabr, 2020

AMEA-nın magistraturasında 2020/2021-ci tədris ilinə başlanılıb

Azərbaycan Milli Elmlər Akademiyasının (AMEA) magistraturasında 2020/2021-ci tədris ili sentyabr ayının 15-dən II kurs tələbələrin fərdi tədris planlarında nəzərdə tutulmuş fənlərin tədrisi ilə başlayıb. Koronavirus pandemiyasının yayılmasının qarşısını almaq məqsədilə dərslər distant formada təşkil edilir. I kurs magistrantların tədris prosesi isə oktyabr ayının 1-dən etibarən ənənəvi formada başlayacaq.

AMEA-nın magistraturasının I kursunda 13 ixtisas, 40 ixtisaslaşma üzrə 56 magistrant, II kursunda isə 22 ixtisas, 75 ixtisaslaşma üzrə 121 magistrant təhsil alır. Beləliklə, hazırda AMEA-nın magistraturasında 23 ixtisas, 81 ixtisaslaşma üzrə 177 magistrant təhsil alır.

AMEA rəhbərliyi tərəfindən magistratura pilləsində təhsilin  müvafiq norma və qaydalara uyğun həyata keçirilməsi üçün bütün zəruri təşkilati tədbirlər görülüb.

Mənbə: www.science.az

11 sentyabr, 2020

“Horizon 2020” Green Deal Call proqramı çərçivəsində vebinar keçiriləcək

18 sentyabr 2020-ci il tarixində saat 12:00-da “Horizon 2020” Green Deal Call (Yaşıl razılaşma çağırışı) proqramı çərçivəsində Avropa İttifaqının Şərq Tərəfdaşlığı (ŞT) ölkələri üçün maliyyə imkanları üzrə vebinar keçiriləcək.

Avropa Komissiyasının Beynəlxalq Əməkdaşlıq Xidmət Təşkilatı tədqiqatçıları və digər maraqlı tərəfləri virtual təlimlərdə aktiv iştiraka dəvət edir.

Virtual Green Deal təlimləri üç sessiyadan ibarətdir və hər biri Green Deal çağırışını müxtəlif aspektlərdən əhatə edir. Birinci sessiyada ümumi icmal təqdim ediləcəyi halda, ikinci və üçüncü sessiyalar daha çox təfsilata yönəldiləcək, həmçinin şəbəkələrin yaradılması və layihə təkliflərinin yazılması kimi ümumi məqamlara toxunulacaq. İştirakçılar digər müvafiq tədbirlər, məlumat mənbələri və şəbəkə imkanları üzrə linklərlə təmin ediləcək. Sessiyaların hər birində iştirak etmək olar.

Qeyd edək ki, Avropa Komissiyası ŞT ölkələrinin Avropa İttifaqı Çərçivə Proqramlarında və Avropa Tədqiqat Sahəsində (ERA) uğurlu iştirakını dəstəkləyir. Bu səbəbdən ŞT ölkələrindən olan tədqiqatçılara və innovasiya sahəsindəki mütəxəssislərə “Horizon 2020” və “Horizon Avropa” proqramlarına müraciətlərin hazırlanmasında köməklik göstərilir.

Vebinarda iştirak üçün bu linkdən qeydiyyatdan keçmək lazımdır.

Mənbə: www.science.az.

11 sentyabr, 2020

AMEA-da 2020-ci il üçün doktoranturaya və dissertanturaya qəbul elan edilir

Azərbaycan Milli Elmlər Akademiyası Azərbaycan Respublikası Nazirlər Kabinetinin 25 avqust 2020-ci il tarixli, 493s nömrəli sərəncamı ilə təsdiq olunmuş Azərbaycan Respublikasının ali təhsil müəssisələrinin, elmi təşkilatların 2020-ci il üçün doktorant və dissertant hazırlığı üzrə qəbul planına əsasən 2020-ci il üçün fəlsəfə doktoru və elmlər doktoru hazırlığı üzrə doktoranturaya və dissertanturaya qəbul elan edir.

Fəlsəfə doktoru və elmlər doktoru hazırlığı üzrə doktoranturaya və dissertanturaya sənədlər 14 sentyabr – 7 oktyabr 2020-ci il tarixlərində hər gün (şənbə, bazar və bayram günləri istisna olmaqla) saat 10:00-dan 17:00-dək qəbul ediləcək.

Fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis) Azərbaycan Respublikasının vətəndaşları müsabiqə əsasında qəbul olunurlar.

Fəlsəfə doktoru proqramı üzrə doktoranturaya qəbul olmaq istəyən şəxslər xarici dildən ali təhsil pilləsinin magistratura səviyyəsi üçün qüvvədə olan tədris proqramları həcmində (rus dili istisna olmaqla, seçim sərbəst və ya ixtisasa uyğun olmalıdır) Azərbaycan Respublikasının Dövlət İmtahan Mərkəzində imtahan verməlidirlər.

Xarici dildən imtahanda keçid balını toplayan şəxslər fəlsəfədən imtahana buraxılırlar.

Fəlsəfədən məqbul alan şəxslər ixtisas imtahanına buraxılırlar.

Doktoranturaya qəbul üçün aşağıdakı sənədlər AMEA-nın müvafiq elmi müəssisələrinə (elmi müəssisələrin ünvanını AMEA-nın www.science.az saytından əldə etmək olar) təqdim olunmalıdır:

– elmi müəssisənin direktorunun adına ərizə;

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş stajı olanlar üçün əmək kitabçasından çıxarış;

– iş yerindən xasiyyətnamə;

– çap olunmuş elmi işlərin siyahısı və ya seçilmiş ixtisas üzrə referat;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

– xarici dil bilikləri üzrə beynəlxalq sertifikat (IELTS, TOEFL, TestDaf, DALF) əgər  varsa);

– şəxsiyyəti təsdiq edən sənədin surəti.

Xarici dil üzrə qüvvədə olan beynəlxalq dil sertifikatına (IELTS, TOEFL, TestDaf, DALF) malik olanlar xarici dil üzrə qəbul imtahanından azad olunurlar. Beynəlxalq dil sertifikatının imtahan nəticələrinin ekvivalentliyi AMEA və Təhsil Nazirliyi ilə razılaşdırılmaqla Dövlət İmtahan Mərkəzi tərəfindən müəyyənləşdiriləcək.

Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağı bacaran və fəlsəfə doktoru (elmlər namizədi) elmi dərəcəsi olan Azərbaycan Respublikasının vətəndaşları qəbul edilirlər.

Doktoranturaya qəbul üçün aşağıdakı sənədlər AMEA-nın elmi müəssisələrinə təqdim olunmalıdır:

– ərizə (doktoranturanın fəaliyyət göstərdiyi müəssisənin və yaxud təşkilatın rəhbərinin adına);

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş yerindən xasiyyətnamə;

– əmək kitabçasından çıxarış;

– çap olunmuş elmi işlərin siyahısı;

– fəlsəfə doktoru (elmlər namizədi) elmi dərəcəsi diplomunun müvafiq qaydada təsdiq edilmiş surəti;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

– şəxsiyyəti təsdiq edən sənədin surəti.

Dissertantlıq yolu ilə fəlsəfə doktoru elmi dərəcəsi almaq üçün dissertanturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis), müvafiq tədqiqat sahəsində  müəyyən müvəffəqiyyətləri olan və əsas iş yeri ali təhsil müəssisəsi, elmi müəssisə və təşkilat olan, azı iki il elmi və elmi-pedaqoji iş stajına malik elmi və elmi-pedaqoji kadrlar sənəd təqdim edə bilərlər.

Dissertantlıq yolu ilə təhsil müddətini başa vuran şəxslər eyni ixtisas üzrə təkrar dissertant ola bilməzlər.

Doktoranturada tam təhsil müddətini başa vurmuş şəxslər eyni ixtisas üzrə dissertantlıq yolu ilə təhsil ala bilməzlər.

Dissertantlıq yolu ilə fəlsəfə doktoru elmi dərəcəsi almaq istəyən şəxslər xarici dildən ali təhsil pilləsinin magistratura səviyyəsi üçün qüvvədə olan tədris proqramları həcmində (rus dili istisna olmaqla, seçim sərbəst və ya ixtisasa uyğun olmalıdır) Azərbaycan Respublikasının Dövlət İmtahan Mərkəzində imtahan verməlidirlər.

Fəlsəfə doktoru elmi dərəcəsi almaq üçün dissertanturaya qəbulla bağlı aşağıdakı sənədlər AMEA-nın müvafiq elmi müəssisəsinə təqdim olunmalıdır:

– ərizə (dissertantura təhsilini həyata keçirən müəssisənin və yaxud təşkilatın rəhbərinin adına);

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş yerindən xasiyyətnamə;

– əmək kitabçasından çıxarış;

– çap olunmuş elmi işlərin siyahısı və ya seçilmiş ixtisas üzrə referat (fəlsəfə doktoru hazırlığı üzrə);

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

–  şəxsiyyəti təsdiq edən sənədin surəti.

Dissertantlıq yolu ilə elmlər doktoru elmi dərəcəsi almaq üçün fəlsəfə doktoru elmi dərəcəsinin olması  əsas şərtdir.

Elmlər doktoru elmi dərəcəsi almaq üçün dissertanturaya qəbul üçün aşağıdakı sənədlər AMEA-nın müvafiq elmi müəssisəsinə təqdim olunmalıdır:

– ərizə (dissertantura təhsilini həyata keçirən müəssisənin və yaxud təşkilatın rəhbərinin adına);

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş yerindən xasiyyətnamə;

– əmək kitabçasından çıxarış;

– çap olunmuş elmi əsərlərin siyahısı (elmlər doktoru hazırlığı üzrə);

– fəlsəfə doktoru (elmlər namizədi) diplomunun müvafiq qaydada təsdiq edilmiş surəti;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

– şəxsiyyəti təsdiq edən sənədin surəti.

Əlavə məlumat üçün AMEA Rəyasət Heyətinin Elm və təhsil idarəsinin Doktorantura və dissertantura şöbəsinə müraciət etmək olar.

Əlaqə nömrələri: (+994 12) 539 30 60, 492 84 48

E-mail: eti@science.az

Qeyd: Fəlsəfə doktoru hazırlığı üzrə doktorantura və dissertanturaya sənəd verən iddiaçılar xarici dil imtahanında iştirak etmək üçün sənəd qəbulu bitdikdən sonra Dövlət İmtahan Mərkəzinin saytında şəxsi kabinet açaraq qeydiyyatdan keçməlidirlər.

Mənbə: www.science.az.

11 sentyabr, 2020

Doktoranturaya və dissertanturaya hazırlaşanların nəzərinə!

Azərbaycan Respublikasının qanunvericiliyinə görə, doktorantura ali təhsilin ən yüksək səviyyəsi, doktorluq elmi dərəcəsinin alınmasını həyata keçirən yüksək səviyyəli elmi kadr hazırlığı formasıdır və elmi kadrların hazırlanmasını, iхtisas və elmi dərəcələrin yüksəldilməsini təmin edir.

Nazirlər Kabinetinin 2010-cu il 1 iyul tarixli 129 nömrəli qərarı ilə təsdiq edilmiş “Doktoranturaların yaradılması və doktoranturaya qəbul Qaydaları”na və həmin qaydalarda dəyişiklik edilməsi barədə Nazirlər Kabinetinin 2019-cu il 13 noyabr tarixli 443 nömrəli qərarına əsasən, doktoranturaya qəbul olmaq istəyənlər xarici dildən (rus dili istisna olmaqla, seçim sərbəst və ya ixtisasa uyğun olmalıdır), fəlsəfədən və ixtisas fənnindən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər.

Xarici dil üzrə imtahan Dövlət İmtahan Mərkəzi (DİM) tərəfindən keçirilir. Xarici dil üzrə imtahanın məzmunu, vaxtı, imtahan nəticələrinin qiymətləndirilməsi qaydası və keçid balı Azərbaycan Milli Elmlər Akademiyası (AMEA) və Təhsil Nazirliyi ilə razılaşdırılmaqla DİM tərəfindən müəyyənləşdirilir.

Qəbul imtahanında xarici dillərə yiyələnmə səviyyəsinin müəyyənləşdirilməsi üzrə ümumavropa tövsiyə çərçivə sənədinin (CEFR) B2 səviyyəsinə və beynəlxalq dil imtahanlarının strukturuna müvafiq olaraq, namizədlərin xarici dillər üzrə oxu, dinləyib-anlama, yazı və danışıq bacarıqlarının, dildən kommunikativ məqsədlə istifadəetmə vərdişlərinin, lüğət ehtiyatına və qrammatik minimuma yiyələnmə səviyyəsinin yoxlanılıb qiymətləndirilməsi nəzərdə tutulur.

Xarici dil üzrə qüvvədə olan və CEFR-in B2 və ya daha yüksək səviyyəsinə müvafiq beynəlxalq dil sertifikatına (IELTS, TOEFL, TestDaF, DELF, DALF) malik olanlar xarici dil üzrə qəbul imtahanından azad olunurlar. Beynəlxalq dil sertifikatının imtahan nəticələrinin keçid balına ekvivalentliyi də AMEA və Təhsil Nazirliyi ilə razılaşdırılmaqla DİM tərəfindən müəyyənləşdirilir.

Dissertantlıq yolu ilə “fəlsəfə doktoru” elmi dərəcəsi almaq istəyən şəxslər də xarici dildən (rus dili istisna olmaqla, seçim sərbəst və ya ixtisasa uyğun olmalıdır) bu qaydada qəbul imtahanı verirlər.

Doktoranturaya və dissertanturaya hazırlaşanlar proqramları verilmiş linklərdən (Azərbaycanrus) yükləyib tanış ola bilərlər.

Mənbə: www.science.az.

02 sentyabr, 2020

Magistraturaların boş qalan plan yerlərinə müsabiqənin nəticələri açıqlanıb

Azərbaycan Respublikasının ali təhsil müəssisələrinin və AMEA-nın magistraturalarının boş qalan plan yerlərinə müsabiqənin nəticələri Dövlət İmtahan Mərkəzinin (DİM) internet saytında yerləşdirilib.

Bakalavrlar müsabiqənin nəticələri haqqında məlumatı, həmçinin mobil operatorlar (Azercell, Bakcell, Nar, Naxtel) vasitəsilə “iş nömrəsi”ni 7727 nömrəsinə göndərməklə öyrənə bilərlər.

Qəbul olan bakalavrların siyahısı, müsabiqə nəticəsində formalaşmış keçid balları “Magistr” jurnalının 7-ci sayında veriləcək.

Qeyd edək ki, magistraturanın boş qalan plan yerlərinin müsabiqəsində iştirak etmək üçün 2186 bakalavr müraciət edib. Müsabiqə nəticəsində onlardan 757 nəfər (o cümlədən 42 nəfər dövlət sifarişi əsasında) magistraturaya qəbul olub.

Mənbə: www.science.az.

11 avqust, 2020

Azərbaycanlı alimlər ağciyər xərçənginin müalicəsində mühüm nəticələr əldə ediblər

Azərbaycan Respublikası Səhiyyə Nazirliyinin Milli Onkologiya Mərkəzi (MOM) ilə AMEA-nın Biofizika İnstitutu ağciyər karsinoması üzrə birgə fundamental və klinik tədqiqatlar aparır. Uğurlu tədqiqatların nəticəsi kimi Biofizika İnstitutunda MOM ilə müştərək Molekulyar və Hüceyrə Onkologiyası laboratoriyası yaradılıb. Tədqiqat işləri həm ağciyər karsinomasının qeyri-invaziv diaqnostikası, həm də insanın sağlam və ağciyər karsinoması toxuma hüceyrələrini fərqləndirən mühüm faktorların aşkarlanması istiqamətində aparılır.

Diaqnostika üzrə 80-dən çox venoz qan plazması (sağlam və ağciyər karsinoması xəstələri) nümunələrinin Furye Çevirici İnfra-Qırmızı (FÇİQ) spektral analizi aparılıb. Multivariat statistikanı tətbiq etməklə iki sinfə bölünən qrupun spektrlərinin prinsipial komponentləri təyin edilərək “sağlam-ağciyər xərçəngi” modeli yaradılıb. Model yoxlanılıb və optimallaşdırıldıqdan sonra  süni intellekt maşınında verilənlər bazası kimi istifadə olunub, “sınaq” nümunələrin klassifikasiyası aparılıb. Klassifikasiyanın dəqiqliyi 80-90% (müxtəlif statistik metodları tətbiq etməklə) təşkil edir ki, bu da çox yaxşı ilkin nəticə kimi qiymətləndirilə bilər. Alınan nəticələr artıq məqalə şəklində çapa göndərilib. Ağciyər karsinoması xəstəliyinin diaqnostikasının (klassifikasiyası) geniş miqyaslı tətbiqi üçün onun dəqiqliyini artırmaq zəruridir. Bunun üçün isə verilənlər bazasını daha da genişləndirmək lazımdır və hazırda bu istiqamətdə işlər aparılır. Bu metod minimal-invaziv, tez başa gələn, ucuz olduğundan əhalinin riskli yaş qrupundan olan təbəqəsinin genişmiqyaslı skrininqi üçün olduqca əhəmiyyətlidir.

MOM və Biofizika İnstitutunun insanın ağciyər xərçəngi ilə əlaqədar iki ildən artıq bir müddətdə apardığı digər tədqiqatlar isə bu xəstəliyə qarşı istifadə edilən müalicənin effektivliyinin artırılmasına yönəldilib. Bu məqsədlə tədqiqatlar ağciyər xərçənginin müalicəsində istifadə olunan protokolların hər bir fərd üçün ən uyğun olanının seçilməsi və bu protokollarda istifadə edilən dərman preparatlarının daha effektli işləməsi üçün optimal şəraitin təyin edilməsidir. Bu zaman xəstənin sağlam və ağciyər karsinomasına məxsus toxuma hüceyrə membranlarının fiziki-kimyəvi xassələrindəki fərqli cəhətlər təyin edilir və bundan müalicə məqsədilə maksimum istifadə olunur. Hazırda bu istiqamətdə aparılan işlərin nəticəsi kimi klinikada tətbiq üçün bir neçə mühüm nailiyyət əldə olunub.

İlk növbədə, qeyd edək ki, xəstənin sağlam və ağciyər karsinoması toxumalarının hüceyrə membranlarının dinamikasındakı fərqlər, müxtəlif molekulların bu membranlara inkorporasiyasının müxtəlifliyi, eləcə də ətraf mühit faktorlarının bu sistemlərə təsiri hərtərəfli tədqiq edilib. Biz bu gün xəstələrdən götürülən ağciyər nümunələrində hazırda istifadə olunan dərmanların təsir kinetikasını izləyə və xərçəng hüceyrələrinin daha effektiv məhv olma şəraitini təyin edə bilirik. İlkin nəticələr göstərir ki, bu gün geniş istifadə olunan dərmanların bir qisminin ağciyər hüceyrələrinə daxil olması aktiv transport hesabına baş verir. Nəticə etibarilə metabolizmi daha yüksək olan hüceyrələr dərmanı daha sürətlə daxilə alır və məhv olur. Digər tərəfdən isə metabolizmi aşağı olan ağciyər karsinoma hüceyrələri dərman molekullarını hüceyrə daxilinə çox pis qəbul edir və onların təsiri zəif olur. Ona görə də, eyni dərmanın hətta eyni tip ağciyər karsinoması xəstələrinə təsiri müxtəlif ola bilər.

Aparılan birgə tədqiqatlar bir daha göstərir ki, xərçəng xəstəliklərinə qarşı effektiv mübarizə üçün onkologiyada fərdi təbabət prinsipləri tətbiq edilməlidir. Aldığımız mühüm nəticələrin kliniki tətbiqinin çox faydalı olacağına şübhə edilmir. Bunun üçün Biofizika İnstitutunun bazasında MOM və Biofizika İnstitutunun birgə istifadəsi üçün müasir hüceyrə texnologiyalarının yaradılması çox vacibdir. Artıq Biofizika İnstitutunda hüceyrə texnologiyalarının yaradılması proqramı AMEA-nın Rəyasət Heyətinə təqdim edilib.

Ümid edirik ki, AMEA-nın Rəyasət Heyəti bu işdə bizə dəstək verəcək və biz ictimaiyyət qarşısında görülən işlər üzrə hesabat verəcəyik.

AR Səhiyyə Nazirliyinin Milli Onkologiya Mərkəzinin baş direktoru, akademik Cəmil Əliyev

AMEA-nın Biofizika İnstitutunun direktoru, AMEA-nın müxbir üzvü Oktay Qasımov

Mənbə: aztibb.az

07 avqust, 2020

Gənc Alim və Tədqiqatçıların 5-ci qrant müsabiqəsi elan olunub

Azərbaycan Respublikasının Prezidenti yanında Elmin İnkişafı Fondu tərəfindən Gənc Alim və Tədqiqatçıların 5-ci qrant müsabiqəsi elan olunub.

Müsabiqə təbiət, dəqiq, texniki, humanitar və ictimai elmlər sahəsində dövlət və cəmiyyət üçün əhəmiyyət kəsb edən fundamental, tətbiqi və innovasiya xarakterli elmi-tədqiqat proqram və layihələrini və digər elmi tədbirləri dəstəkləmək məqsədilə keçirilir. Eyni zamanda, aktual və müasir elmi problemlərin həlli ilə məşğul olan, elmi tədqiqatlarla əlaqəli digər qurumlarda (nazirliklərin nəzdindəki elmi-tədqiqat institutları, dövlət qurumları və s.) çalışan gənc alim və tədqiqatçıların elmi fəaliyyətini stimullaşdırmaq və onlara əlavə yaradıcılıq imkanı yaratmaq, bir elmi mövzunun (problemin müəyyən hissəsinin) tədqiqi məqsədilə yaradılan müvəqqəti yaradıcı kollektivləri dəstəkləmək nəzərdə tutulur.

Müsabiqə üzrə iştirakçıların qeydiyyatı və layihə təkliflərinin qəbulu avqustun 7-dən sentyabrın 7-si saat 17:00-dək etibarən, elektron qaydada “e-QRANT” – “Qrant layihələrinin Elektron İdarəolunması Sistemi” rəsmi internet səhifəsində (http://e-grant.sdf.gov.az/) həyata keçiriləcək.

“Qrant layihələrinin Elektron İdarəolunması Sistemi” elektron-hökumət prinsipləri əsasında qurulub və “ASAN İmza”dan istifadəni də nəzərdə tutur. “Asan İmza”nı həm layihə rəhbəri, həm də layihədə iştirakı nəzərdə tutulan bütün iştirakçılar əldə etməli, bu şəxslərin hamısı qeydiyyatdan keçməli və “virtual şəxsi kabinet”lərini formalaşdırmalıdırlar.

Layihələrin qəbulu üçün nəzərdə tutulan müddət ərzində qrant iddiaçılarına kömək və sualların cavablandırılması məqsədilə onlayn məsləhət seminarlarının keçirilməsi planlaşdırılır. Bu barədə əlavə məlumat Fondun internet səhifəsində (http://sdf.gov.az/az) dərc olunacaq.

Müsabiqəyə təqdim olunduğu gündən etibarən, layihələrə baxılacaq və nəticələri barədə müsabiqə iştirakçılarına elektron qaydada məlumat veriləcək.

Mənbə: www.science.az.

31 iyul, 2020

Akademiyada gənc alimlər üçün onlayn seminar keçirilib

AMEA-nın akademik-katibi, AMEA-nın müxbir üzvü Əminağa Sadıqovun rəhbərliyi, eləcə də AMEA Rəyasət Heyəti aparatının Elm və təhsil idarəsinin, Gənc Alim və Mütəxəssislər Şurasının birgə təşkilatçılığı ilə “Pandemiya dövründə gənc alimlərin üzləşdiyi problemlər, onların həlli yolları və ölkənin ictimai-siyasi həyatında baş verən proseslərə gənc alimlərin baxışı” mövzusunda onlayn interaktiv seminar keçirilib.

AMEA-nın müxbir üzvü Əminağa Sadıqovun moderatorluğu ilə “Zoom” platforması üzərindən baş tutan onlayn seminara akademiyanın müxtəlif elmi müəssisələrində çalışan, habelə xarici ölkələrdə (ABŞ, Kanada, Rusiya, İngiltərə, Belçika, Fransa, Almaniya, Çin, Polşa və s.) təhsil alan və tədqiqat aparan azərbaycanlı gənc alim və mütəxəssislər, o cümlədən doktorant və dissertantlar qatılıblar.

Tədbiri giriş nitqi ilə açan Əminağa Sadıqov öncə son vaxtlar Azərbaycan-Ermənistan sərhəddində baş verən hadisələrə münasibət bildirib. O, dövlətimizin başçısı, Ali Baş Komandan cənab İlham Əliyevin düşmənin bu təxribatına qarşı sərt mövqe nümayiş etdirməsini, onun rəhbərliyi ilə ordumuzun düşmənə sarsıdıcı zərbələr endirməsini və onu susdurmasını, eləcə də xalqımızın öz dövlətinə və onun rəhbərinə sədaqət nümayiş etdirməsini yüksək qiymətləndirib.

Sonra mənfur düşmənin Azərbaycanın Tovuz rayonunda törətdiyi hərbi təxribata qarşı döyüşlərdə qəhrəmancasına şəhid olan igid oğullarımızın xatirəsi bir dəqiqəlik sükutla yad edilib.

Xəbəri tam oxumaq üçün linkə keçid edin: http://www.science.gov.az/news/open/13924

Mənbə: www.science.az.

30 iyul, 2020

AMEA və Fransanın Monpelye Universiteti arasında müştərək doktorantura proqramı uğurla həyata keçirilir

AMEA-nın birinci vitse-prezidenti, akademik İbrahim Quliyevin AMEA və Fransanın Monpelye Universiteti (MU) arasında imzalanmış əməkdaşlıq sazişi əsasında 2018-2021-ci və 2019-2022-ci tədris illəri üzrə müştərək doktorantura proqramına qəbul edilmiş və təhsillərini hazırda MU-da davam etdirən doktorantlar və onların Azərbaycan tərəfindən elmi rəhbərləri ilə onlayn formatda görüşü keçirilib.

Əvvəlcə AMEA Rəyasət Heyəti aparatının Xarici əlaqələr idarəsinin rəisi, biologiya üzrə fəlsəfə doktoru Esmira Əlirzayeva iştirakçıları tədbirin proqramı ilə tanış edib, doktorantlar və onların elm sahələri barədə məlumat verib.

Daha sonra Genetik Ehtiyatlar İnstitutunun doktorantı Səbinə Fərhadova və Molekulyar Biologiya və Biotexnologiyalar İnstitutunun doktorantı Fidan Hüseynova 2018-ci ildən, Biofizika İnstitutunun doktorantı Zərifə Osmanlı 2019-cu ildən, Fizika İnstitutunun doktorantı Səid Paşayev isə 2020-ci ilin mart ayından MU-da apardıqları tədqiqatlar, bu müddət ərzində əldə edilən nailiyyətlər və qarşılaşdıqları problemlərlə bağlı məlumat veriblər.

Görüşdə Azərbaycan tərəfindən elmi rəhbərlər  – Azərbaycan Tibb Universitetinin beynəlxalq əlaqələr üzrə prorektoru, tibb üzrə fəlsəfə doktoru Orxan İsayev, AMEA-nın Molekulyar Biologiya və Biotexnologiyalar İnstitutunun direktor müavini, biologiya üzrə fəlsəfə doktoru Ələmdar Məmmədov, Molekulyar Biologiya və Biotexnologiyalar İnstitutunun və Biofizika İnstitutunun laboratoriya müdiri, AMEA-nın müxbir üzvü İlham Şahmuradov və Fizika İnstitutunun aparıcı elmi işçisi, fizika-riyaziyyat elmləri doktoru Rasim Cabbarov doktorantlar tərəfindən aparılan tədqiqat mövzularının aktuallığı və əhəmiyyətindən, əldə edilən nəticələrdən, tədqiqat işinin daha səmərəli həyata keçirilməsi məqsədilə MU tərəfindən həmrəhbərlərlə mütəmadi olaraq aparlılan müzakirələrdən bəhs ediblər.

Tədbirdə, həmçinin bu istiqamətdə tədqiqatların Azərbaycanda davam etdirilməsi üçün lazımi şəraitin yaradılmasının vacibliyi vurğulanıb. Eyni zamanda, MU-da təhsil müddətində doktorantlarla mütəmadi görüşlərin, elmi tədqiqatların nəticələri ilə bağlı seminarların təşkil edilməsi təklif edilib.

Qeyd edək ki, əməkdaşlıq sazişinə əsasən, müştərək doktorantlar təhsil müddətinin 2 ilini Monpelye Universitetində, 1 ilini AMEA-da tamamladıqdan sonra həm Azərbaycan, həm də Fransa tərəfindən fəlsəfə doktoru diplomlarına layiq görülmək hüququ qazanırlar.

Mənbə: www.science.az.

30 iyul, 2020

“Koronavirus pandemiyası: elmi tədqiqatlardan sağlam gələcəyin təminatına doğru” adlı onlayn konfrans keçiriləcək

4-5 avqust 2020-ci il tarixlərində “Koronavirus pandemiyası: elmi tədqiqatlardan sağlam gələcəyin təminatına doğru” mövzusunda onlayn konfrans keçiriləcək.

Tədbirdə AMEA-nın prezidenti, akademik Ramiz Mehdiyevin, Azərbaycan Respublikası Milli Məclisinin Səhiyyə Komitəsinin sədri, akademik Əhliman Əmiraslanovun, AMEA-nın vitse-prezidenti, akademik İradə Hüseynovanın, AMEA-nın müşaviri, Yüksək Texnologiyalar Parkının direktoru, akademik Əli Abbasovun, eləcə də Azərbaycan Respublikasının Səhiyyə Nazirliyinin, Tibbi Ərazi Bölmələrini İdarəetmə Birliyinin (TƏBİB) və Azərbaycan Respublikasının Qida Təhlükəsizliyi Agentliyinin rəhbər şəxslərinin iştirakı nəzərdə tutulub.

“Zoom” platforması üzərindən baş tutacaq tədbirin birinci günündə AMEA-nın müxbir üzvü Nuru Bayramov, prof. İsmayıl Zülfüqarov, AMEA-nın müxbir üzvü Pənah Muradov və b.ü.f.d. Ələmdar Məmmədovun, ikinci günündə isə prof. Ulduz Həşimova, b.ü.f.d. Samirə Rüstəmova, b.e.d. Dilzarə Ağayeva, b.ü.f.d. Mehrac Abbasovun moderatorluğu ilə plenar və seksiya iclaslarında çıxışlar təqdim olunacaq.

Onlayn tədbirdə “Koronavirusların genomlarının ümumi struktur təşkili”, “Azərbaycanın antiviral bitkiləri və onların istifadə yolları”, “Uşaqlarda yeni koronavirus infeksiyası”, “COVID-19 – yeni tipli koronavirus infeksiyasının diaqnostika, müalicə və spesifik profilaktika problemləri”, “Azərbaycan Respublikası ərazisində COVID-19 infeksiyasının yayılma dinamikasının statistik analizi”, “COVID-19 pandemiyası çağırışları: immun sisteminin qiymətləndirilməsinə yeni yanaşma”, “Azərbaycanda onkoloji xəstələr arasında COVID-19 infeksiyasının yayılma xüsusiyyətləri” və digər mövzularda Azərbaycan, rus və ingilis dillərində məruzələr dinləniləcək. Həmçinin SARS-Cov-2 virusuna qarşı klinik və pre-klinik tədqiqatlar mərhələsində olan vaksin və dərman preparatları, COVID-19 infeksiyasının klinik özəllikləri və özünü doğrultmuş müalicələr, COVID-19 pnevmoniyasının diaqnostikasında döş qəfəsinin rentgenoqrafiya və kompüter tomoqrafiya müayinələrin imkanlarının öyrənilməsi, SARS-CoV-2 və digər koronavirusların membran zülallarının bioinformatik müqayisəsi ilə bağlı müzakirələr aparılacaq.

Mənbə: www.science.az.

29 iyul, 2020

AMEA-da gənc alimlər üçün onlayn seminar keçiriləcək

İyulun 30-da saat 16:00-da AMEA Rəyasət Heyəti aparatının Elm və təhsil idarəsinin, eləcə də AMEA-nın Gənc Alim və Mütəxəssislər Şurasının birgə təşkilatçılığı ilə gənc alimlər üçün onlayn seminar təşkil olunacaq.

“Pandemiya dövründə gənc alimlərin üzləşdiyi problemlər, onların həlli yolları və ölkənin ictimai-siyasi həyatında baş verən proseslərə gənc alimlərin baxışı” adlı seminar “Zoom” platforması üzərindən baş tutacaq. Tədbir AMEA-nın akademik-katibi, AMEA-nın müxbir üzvü Əminağa Sadıqovun moderatorluğu ilə keçiriləcək.

Onlayn seminara AMEA-nın müxtəlif elmi müəssisələrində çalışan, o cümlədən xaricdə (ABŞ, Rusiya, İngiltərə, Belçika, Fransa, Almaniya, Çin, Polşa) təhsil alan azərbaycanlı gənc alim və mütəxəsislər, doktorantlar qatılacaqlar.

Tədbirdə iştirak etmək istəyənlər Elm və təhsil idarəsinə müraciət edə bilərlər (anket forması əlavə olunur).

Əlaqə nömrələri: (+994 12) 492 84 48, 050 583 03 10

E-mail: amea.etbi@gmail.com

Mənbə: www.science.az.

29 iyul, 2020

Biofizika İnstitutunun əməkdaşı Baş Səhiyyə İdarəsində çıxış edib

AMEA-nın Biofizika İnstitutunun Ekoloji biofizika laboratoriyasının müdiri, biologiya elmləri doktoru, professor Tokay Hüseynov Bakı şəhər Baş Səhiyyə İdarəsində məruzə ilə çıxış edib.

Məruzə ətraf mühit amillərindən biri olan seleniumun statusunun COVID-19, Ebola və digər RNT virus infeksiyalarının genomuna daxil olan HİV/AİDS-in inkişafına və patogenliyinə təsirinə dair çoxsaylı tədqiqatlar əsasında aparılan araşdırmalara həsr olunub.

T.Hüseynov mövcud və elmi cəhətdən sübut edilmiş tədqiqatlara əsaslanaraq qeyd edib ki, kimyəvi elementlərdən biri olan Selenin (Se) insan qidasında çatışmazlığı dövrümüzün ən çox yayılmış virus xəstəliklərinin inkişafına səbəb ola bilər. O, Hantavirus, Koksaki, quş qripi, Ebola və digər təhlükəli virus xəstəliklərinin COVID-19-a bənzər simptomlara malik olduğunu deyib.

Məruzəçi vurğulayıb ki, bir çox ölkələrdə, o cümlədən Azərbaycanda artmaqda olan selenium çatışmazlığı birbaşa antropogen insan fəaliyyəti ilə əlaqəli ekoloji vəziyyətin ciddi şəkildə pisləşməsi ilə nəticələnir. Xüsusilə, qaz anhidritlərinin əhəmiyyətli dərəcədə atmosferə atılmasına, torpağın turşuluğuna, eləcə də ağır elementlərə səbəb olan enerji, sənaye, rabitə, nəqliyyat sahələrinin intensiv inkişafı nəticəsində bitkilər tərəfindən udulan və onlar vasitəsilə insan orqanizminə daxil olan seleniumun hərəkətli formalarının azalmasına səbəb olur.

Professorun sözlərinə görə, Selenin dərman kimi istifadə edilməsi (əsasən natrium selenit şəklində) xəstələrin vəziyyətinin əhəmiyyətli dərəcədə yaxşılaşmasına, hətta tam sağalmasına (Koksaki virusu – Keşan əyaləti, Çin) səbəb olub. Qeyd edib ki, Selenium Cənubi Qərbi Afrikada xəstəliyin HİV-dən QİÇS-ə yoluxmasının qarşısını alan əsas dərmanlardan biri olub. Selenium çatışmazlığından əziyyət çəkən dünyanın bir çox ölkələrində, o cümlədən inkişaf etmiş ölkələrdə və Asiyanın əksər hissəsində, Avstraliyada, Afrikada, habelə bir çox MDB ölkələrində (Rusiya, Ukrayna, Belarusiya və s.) və Baltikyanı ölkələrdə Seleniumun vəziyyətinin normallaşmasını təmin etmək istiqamətində qanunvericilik səviyyəsində dövlət proqramları qəbul edilib.

COVID-19-un tənəffüs xəstəliklərindən daha çox damar xəstəliyi olduğunu söyləyən məruzəçi virusun faciəvi nəticələrinin əsasən qanın laxtalanması ilə əlaqədar olduğunu, natrium selenitin isə antitrombotik xüsusiyyətlərə malik və tromboksanın yaranmasına mane olduğunu vurğulayıb.

Alimin sözlərinə görə, bununla yanaşı, iflicin inkişafı ilə birbaşa əlaqəli olan trombopeniyanın COVID-19 virusuna yoluxma zamanı baş verdiyi də aşkar edilib: “Bütün bunlar koronavirusa qarşı həssaslığın və onun ağırlaşmalarının seleniumun orqanizmə qəbul dərəcəsindən asılı olduğunu göstərir. Natrium selenit özü bu xəstəliyin müalicəsində təsirli ola bilər”, – deyə T.Hüseynov bildirib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

27 iyul, 2020

Pandemiya dövründə karantin qaydalarına ciddi riayət etməliyik

Artıq səkkiz aya yaxındır ki, COVID-19 pandemiyası bütün bəşəriyyət üçün təhlükə mənbəyi olaraq qalmaqda davam edir. Bu dönəmdə hökumətimizin xalqın sağlamlığı üçün tədbiq etdiyi karantin rejimi ümumxalq mənafeyinə xidmət edir və ölkəmiz üçün strateji əhəmiyyətə malikdir. Təsadüfi deyildir ki, beynəlxalq aləmdə Azərbaycanın koronavirusla bağlı mübarizə metodları təqdir edilir. Bunun ən bariz nümunəsi kimi Ümumdünya Səhiyyə Təşkilatının Azərbaycanı bir neçə dəfə bu sahədə nümunəvi ölkə adlandırmasını göstərmək olar.

Hazırda pandemiya ilə səmərəli mübarizə bilavasitə bütün vətəndaşların davranışı və məsələyə məsuliyyətlə yanaşmasından, eləcə də fəaliyyətinə icazə verilən sahələrdə karantin rejimi qaydalarına ciddi riayətdən birbaşa asılıdır. Hər bir şəxs sosial məsuliyyətdən irəli gələrək özünü, yaxınlarını və cəmiyyətin digər üzvlərini qorumaq üçün qəbul olunmuş sanitar-gigiyenik qayda və tələblərə qeyd-şərtsiz riayət etməli, başqalarını da belə davranışa dəvət etməlidir.

Xəstə və ya sağlam olmasından asılı olmayaraq, hər kəsin özünü və ətrafındakıları qoruması üçün qapalı məkanlarda, insanların çox olduğu yerlərdə maska taxması, sosial məsafə saxlaması, gigiyena qaydalarına ciddi riayət etməsi vacibdir.

Pandemiyaya qarşı mübarizə sahəsində AMEA-nın Biofizika İnstitutunun kollektivi cəmiyyət qarşısında öz məsuliyyətini dərk edərək aktiv iştirak edir, COVID-19 infeksiyası üzrə araşdırmalar aparır, məqalələr hazırlayır, eyni zamanda, telekanallarda maarifləndirici çıxışlar edirlər. Bunun nəticəsi olaraq Biofizika İnstitutunun təklifləri TƏBİB-in pandemiyaya qarşı mübarizə protokollarına salınıb.

Təsadüfi  deyildir ki, cənab Prezident çıxışlarında dəfələrlə bütün vətəndaşları məsuliyyətə və nizam-intizama çağırmış, özlərinin və  ətrafdakıların sağlamlığı naminə karantin qaydalarına ciddi şəkildə  əməl etməyə dəvət  etmişdir. Biz də vətəndaş olaraq, nizam-intizamlı davranmalı, tətbiq edilən karantin qaydalarına ciddi şəkildə riayət etməliyik. Hər bir vətəndaş öz şəxsi məsuliyyətini dərk etməli, Operativ Qərargahın tələb və tövsiyələrinə riayət etməlidir, çünki vətəndaşın məsuliyyəti həm də onun həmrəylik nümayiş etdirməsi deməkdir, xüsusilə də bu çətin dövrdə.

Oktay Qasımov, Biofizika İnstitutunun direktoru, AMEA-nın müxbir üzvü

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25 iyul, 2020

Fizika-Riyaziyyat və Texnika Elmləri Bölməsinin Elmi Şurasının növbəti onlayn iclası keçirilib

İyulun 24-də AMEA-nın Fizika-Riyaziyyat və Texnika Elmləri Bölməsinin (FRTEB) El­mi şurasının növbəti onlayn iclası keçirilib.

Tədbirdə AMEA-nın vitse-prezidenti, Elmi şuranın sədri, akademik Rasim Əliquliyev, şu­ra üzv­lə­ri, elmi-tədqiqat müəssisələrinin rəhbərləri, elmi katibləri, icti­maiy­yət­lə əlaqələr şö­bə­lə­ri­nin rəhbərləri, həmkarlar təşkilatlarının, gənc alim və mütəxəssislər, eləcə də Yeni Azərbaycan Partiyasının (YAP) özək təşkilatları, qadınlar və ve­te­ran­lar şuralarının sədr­lə­ri iştirak ediblər.

Öncə akademik Rasim Əliquliyev AMEA-nın həqiqi üzvü Təyyar Cə­fə­ro­vun Azər­bay­can Respublikasının Pre­zidenti cənab İlham Əli­yevin Sərəncamı ilə “Şöhrət” or­de­ni i­lə təltif edilməsi haqqında məlumat verib. FRTEB-in Elmi şu­ra­sı akademik T.Cəfərovu bu yüksək dövlət mükafatı münasibəti ilə təbrik edib, alimə Azərbaycan el­mi­nin inkişafı və beynəlxalq nüfuzunun yüksəldilməsi naminə fəaliyyətində yeni uğurlar arzu edib.

R.Əliquliyev daha sonra gündəlikdə yer alan məsələləri iclas iştirakçılarının diq­qə­tinə çatdırıb və qeyd edib ki, son dövrlərdə Azərbaycan Respublikasının möv­cud elmi-texniki poten­sialı­nın xalqımızın milli sərvəti kimi qorunması və möh­kəm­lən­di­ril­mə­si, eləcə də fun­da­men­tal və tətbiqi elmi tədqiqatların prioritet istiqamətlərinin ölkənin mü­dafiə qüdrətinin güc­lən­di­ril­mə­sinə, təhlükəsizliyinin təmin edilməsinə, qeyri-neft sektorunun inkişafına, respub­li­ka­nın sosial-iqtisadi və mədəni-mənəvi prob­lem­lərinin həllinə uyğun olaraq müəyyənləşdirilməsi ölkə rəhəbrliyinin daim diqqət mər­kə­zin­də­dir.

AMEA Rəyasət Heyətinin 16 iyul 2020-ci il tarixli iclasında verilmiş bəzi tapşırıqlar və töv­siyələr haqqında məlumat verən Rasim Əliquliyev AMEA-nın prezidenti akademik Ramiz Mehdiyevin AMEA alimlərinin, zi­ya­lı­la­rı­mı­zın, həmçinin gənc alim və mütəxəs­sis­lə­rin ölkəmiz­də və dünyada diqqət mərkəzində olan “COVİD-19” vi­ru­su ilə mübarizə mə­­sələlərinə, eləcə də, Prezident İlham Əliyevin apardığı məqsədyönlü, uğurlu siyasətin işı­ğın­da gedən ic­ti­mai-siyasi proseslərə daim fəal münasibət bildirmələrini, cəmiyyətin bu isti­qa­mət­də obyektiv məlumatlan­dı­rıl­ması və maarif­lən­di­ril­məsi işlərində yaxından iştirak etmələri barədə müvafiq tövsiyələrini diq­qə­tə çat­dırıb.

Elmi şuranın sədri, akademik Rasim Əliquliyev Azərbaycan Respublikasının Prezidenti İl­ham Əliyevin 15 iyul 2020-ci il tarixdə Nazirlər Kabinetinin iclasındakı çıxışı­na istinad edərək qeyd edib ki, dövlət başçısı öz nitqində ölkənin ictimai-siyasi həyatının mühüm mə­sə­lə­lə­ri­nə, Ermənistanın Azərbaycana qarşı təcavüzünə, həmçinin yaxın tariximizin hadisələrinə dair bil­dir­diyi fikirlər, ortaya qoyduğu qətiyyətli mövqe haqlı olaraq ictimaiyyətin diqqətini cəlb edib. Cə­­nab Prezidentin qeyd etdiyi kimi, “son günlər ər­zində baş vermiş toqquşmalar və qanlı dö­yüş­lər Azərbaycan dövlətinin, ordusunun gü­cü­nü, xalqla iqtidar arasındakı birliyi bir daha göstərdi”.

Alim vurğulayıb ki, dövlət başçısının bu ta­ri­xi çıxışı AMEA Rə­­ya­sət Heyətinin 16 iyul 2020-ci il tarixində ke­çi­ri­lən iclasında ətraflı müzakirə olu­nub. AMEA-nın pre­zidenti, akademik Ramiz Mehdiyev xüsusilə vurğulayıb ki, “cənab Pre­zi­den­tin nitqində öl­kə­miz qarşısında dayanan təh­didlər, dövlətin bu problemlərə olan münasibəti dəqiq şə­kildə öz ək­si­ni tapıb. Ölkəmizin tale­yi­nə laqeyd olmayan hər kəs bu nitqə diqqətlə yanaşmalı, Pre­zidentin ver­di­yi siyasi istiqaməti qav­ramağa çalışmalıdır”.

AMEA-nın Riyaziyyat və Mexanika İnstitutunun direktoru, AMEA-nın müxbir üzvü Misir Mərda­nov çıxışında qeyd edib ki, rəhbərlik etdiyi elmi müəssisənin kollektivi To­vuz rayonu ilə sərhəddə Ermənistan ordusunun təxribatının Ali Baş Komandanın çevik və düzgün qərarları ilə silahlı qüvvələrimiz tərəfindən dərhal qarşısının alınmasını yüksək qiymətləndirir. Bununla ya­naşı, hər zaman cənab Prezident İlham Əliyevin apardığı daxili və xarici siyasəti dəstəkləyir. Alim döv­lə­ti­mizin başçısına Azərbaycan elminə, alim­lə­ri­mi­zin rifah halının yaxşılaşdırılması məqsədi­lə göstərdiyi qayğıya görə də, öz adından və RMİ-nin kollektivi adından minnətdarlığını izhar edib.

M.Mərdanov son zamanlar bəzi mətbuat orqanları və sosial şəbəkələrdə Azərbaycan Milli Elm­lər Akademiyası, onun rəhbərliyi haqqında böhtan xarakterli yalan məlumatların yayılması mə­­sə­­ləsinə də öz münasibətini bildirib, ictimai rəydə çaşqınlıq yaratmaq məqsə­di güdən bu cür mən­­­fi addımları qəti şəkildə pisləyib. Həmçinin qeyd edib ki, ziyalılarımız bu cür məsələlərə həs­sas ya­naş­malı, kütləvi informasiya vasitələrinin köməyi ilə ictimaiyyəti doğru məlumat­lan­dır­ma­ğa çalışmalıdırlar.

Akademik Telman Əliyev öz növbəsində, son vaxtlarda Ermənistanın Tovuz rayo­nu isti­qa­mə­tində Azərbaycana qarşı növbəti təcavüzü barədə fikirlərini bildirib, qeyd edib ki, dünya ic­ti­maiy­yəti hər zaman Ermənistanın ölkəmizə qarşı təcavüzkar siyasətini pisləyir. Alim, həmçinin gənclərimizin yüksək və­tən­pərvərlik ruhu nümayiş etdirdiklərini də təqdirəlayiq hesab edib.

AMEA-nın müxbir üzvü Afiq Həsənov ziyalılarımızı ölkədə gedən ictimai-siyasi proses­lə­rə, ölkə başçısının qarşıya qoyduğu tələb və tapşırıqlara daha həssas yanaşmağa səsləyib, həm­çi­nin Azərbaycan Respublikasının Müdafiə Sənayesi Nazirliyi birgə əmək­daş­lıq münasibətlərinin geniş müzakirə olunması məqsədi ilə FRTEB-in Elmi şurasının xüsusi iclasının keçirilməsi barədə təklifini irəli sürüb.

Akademik Adil Qəribov Rəyasət Heyətinin 16 iyul tarixində keçirilən iclasında müzakirə olu­­nan məsələlər, o cümlədən son günlərdə ölkənin ictimai-siyasi həyatında müşahidə edilən pro­ses­­lər barədə öz münasibətini bildirərək, alimlərimizi televiziya və digər mətbu orqanların vasi­tə­si­lə fəal şəkildə cəmiyyətimizi maarifləndirməyə səsləyib.  Alim həmçinin, Prezident İlham Əli­ye­­vin ötən gün su təsərrüfatının vəziyyətinə həsr olunmuş videoformatda keçirdiyi müşavirə ba­rə­sin­də də öz fikirlərini səsləndirib, cənab Prezidentin irəli sürdüyü fikirləri, haqlı iradlarını bir­mə­na­lı şəkildə qəbul et­di­yini bildirib.

Akademik Nazim Məmmədov çıxışında diqqətə çatdırıb ki, “Fizika İnstitutunun kol­lektivinin hər bir üzvü sərhədlərimizin qorunması, eləcə də topraqlarımızın erməni işğa­lından azad edilməsi naminə hər zaman ordumuzun və onun Ali Baş Komandanı möh­tə­rəm Prezidentimiz İlham Əliyevin yanındadır”. Alim, eyni zamanda iclas iştirakçı­la­rına bildirib ki, İspaniyadan, İs­veç­­rədən və digər Avropa öl­kə­­lərindən olan alim həmkarları Ermənistanın To­vuz rayonu ilə sərhəddə apar­dığı təxribatı pisləyir və bir ziyalı kimi Azərbaycanın ərazi bötüvlüyünü, onun toxu­nul­maz­lı­ğı­nı tanıdıqlarını bildiriblər.

Akademik Arif Həşimov öz növbəsində, Prezident İlham Əliyevin apardığı daxili və xari­ci si­yasəti, ölkəmizdə ordu quruculuğu, “COVİD-19” ilə mübarizə və obyektiv ola­raq yaranmış digər problemlərin aradan qal­dı­rıl­ma­sı ilə bağlı məsələlərin həlli istiqamə­tində nümayiş etdirilən məqsədyönlü siyasəti yüksək qiymətləndirib və belə məsələlərdə ziyalılarımızın üzərinə böyük məsuliyyətin düşdüyünü iclas iştirakçılarına çatdırıb.

AMEA-nın Biofizika İnstitutunun direktoru, AMEA-nın müxbir üzvü Oktay Qa­sı­mov iclas işti­rak­çı­la­rı­nın diqqətini son günlərdə ABŞ-ın Los-Anceles şəhərində erməni­əsil­li təxribatçıların orada ya­­şa­­yan həmvətənlərimizə qarşı göstərdiyi zorakılıq əməllərinə cəlb edib. Vurğulayıb ki, düşmənin həm­­vətənlərimizə qarşı mənfur əməlləri qanunla cəzalandırılmalıdır. Alim, həm­çi­nin “COVİD-19” virusu ilə mübarizə məqsədi ilə rəh­bər­lik etdiyi elmi müəssisənin alimlərinin apar­dıqları tədqiqatlardan danışaraq qeyd edib ki, mütəxəssislərimizin əldə etdikləri mü­hüm nəticələr artıq TƏBİB-in rəsmi müalicə protokoluna daxil edilib.

Daha sonra çıxış edən Nəsrəddin Tusi adına Şamaxı Astrofizika Rəsədxanasının direktoru, AMEA-nın müxbir üzvü Namiq Cəlilov Ermənistanın Azərbaycana qarşı apardığı təcavüzkar, mən­fur siyasəti pisləyib. Qeyd edib ki, Tovuz rayonu ilə sərhəddə baş verən erməni təxribatına qı­sa zaman ərzində ölkəmizin başçısı tərəfindən göstərilən opera­tiv, layiqli münasibət ölkəmizin, elə­cə də dünya ictimaiyyətinin, xüsusilə alim və ziyalılar tərəfindən rəğbətlə qarşılanır və bir­mə­na­lı şəkildə dəstəklənir.

FRTEB-in Elmi şurasının üzvləri bir daha əminliklə vurğulayıblar ki, alimlərimiz həmişə olduğu kimi cənab Prezidentimizin ətrafında sıx birləşməyi və onun rəhbər tutduğu dövlətçilik prinsiplərini daim dəstəkləməyi vacib hesab edirlər. Qeyd olunub ki, AMEA-nın elmi kollektivləri və alimləri cənab İlham Əliyevin tarixi nitqində qarşıya qoyduğu vəzifələri öz fəaliyyətlərində daim rəhbər tutacaqlar.

Gündəlikdə yer alan növbəti məsələ AMEA-nın Fizika-Riyaziyyat və Texnika Elmləri Böl­məsinin elmi müəssisələrinin 2020-ci ilin büdcəsi çərçivəsində maliyyələş­di­ril­mə­si nəzərdə tu­tu­lan elmi-tədqiqat proqramlarının müzakirəsinə həsr olunub. Bu barədə elmi-tədqiqat müəs­si­sə­lərinin rəhbərləri onlayn iclasın iştirakçılarına müfəssəl məlumat veriblər. Elmi şuranın üzvləri təqdim olunan elmi tədqiqat layihələrini yekdilliklə dəstək­lə­yə­rək AMEA Rəyasət Heyətinə təqdim olunması barədə qərar qəbul ediblər.

Elmi-təşkilati məsələlərin müzakirəsi zamanı Elmi şuranın üzvləri dünya şöhrətli azər­bay­can­lı alim, qeyri-səlis çoxluqlar nəzəriyyəsi və qeyri-səlis məntiqin banisi, AMEA-nın fəxri üz­vü, professor Lütfi Zadənin 100 illik yubileyinin keçirilməsi üçün AMEA və ölkə rəhbərliyi qarşısında vəsatət qaldırılması haqqında qərar qəbul ediblər.

Həmçinin ölkəmizdə informasiya-kommunikasiya texnologiyalarının inkişafı sahə­sind­ə mühüm xidmətləri olan AMEA-nın İnformasiya Texnologiyaları İnstititunun 50 illik yubileyinin, eləcə də, 2021-ci ildə Avropa Komissiyasının dəstəyi ilə “Şərq Tərəfdaşlığı ölkələri üçün E-İnfrast­ruk­turlar” və NATO-nun dəstəyi ilə “Sənaye idarəetmə sis­tem­lə­ri­nin kibertəhlükəsizliyi problemləri” möv­zu­su­na həsr olunan beynəl­xalq konfransların keçirilməsi və dəstək verilməsi haqqında müvafiq qərarlar qəbul ediblər.

Müzakirə olunan məsələlər arasında AMEA-nın müxbir üzvü Kamil Ay­da­za­dənin, profes­sor­lar Kamil Mənsimovun və Knyaz Məmmədovun, eləcə də texnika elmləri doktoru Qəm­bər Quluyevin 70 illik, fizika-riyaziyyat elmləri doktoru, professor Nəriman İsmayılovun 65 illik yu­bi­leylərinin ke­çi­rilməsi, həmçinin fizika-riyaziyyat üzrə fəlsəfə doktoru Canməmməd Rüstəmovun təltif edilməsi də yer alıb.

Daha sonra Fizika-Riyaziyyat və Texnika Elmləri Bölməsinin Fəxri fərmanının layi­hə­si Elmi şura üzvlərinin diqqətinə çat­dı­rılıb. Layihə şura üzvləri tərəfindən yekdilliklə qəbul edilib.

Onlayn iclasda həmçinin bir sıra kadr məsələləri də müzakirə olunub. Qəbul edilən qə­rar­la­­ra əsasən, texnika elmləri dok­to­ru Qəmbər Quluyev AMEA-nın İdarəetmə Sistemləri İnsti­tu­tu­nun tex­nologiyalar üzrə direktor müavi­ni vəzifəsinə, həmçinin Biofizika İnstitutunun təklif etdiyi na­mizədlər – biologiya üzrə elmlər doktorları Kərim Qasımov və Tokay Hüseynov müva­fiq la­bo­­ratoriyaların müdiri, fizika-ri­ya­ziy­yat üzrə fəlsəfə doktoru Rasim Aslanov, biologiya üzrə fəlsəfə doktoru Mürsəl Dadaşov aparıcı elmi işçi vəzifələrinə təsdiq olunublar.

Sonda bir sıra həlli vacib olan məsələlər müzakirə olunub, suallar cavab­lan­dı­rılıb.

 

Mənbə: frteb.science.gov.az

17 iyul, 2020

Düşmən layiqli cavabını aldı

Bütün dünya bir düşmənə – COVID-19-a qarşı mübarizə apararkən, Ermənistan özünün təcavüzkar və terrorçu mahiyyətini növbəti dəfə nümayiş etdirməkdən çəkinməyərək, təxribatçı əməlləri ilə beynəlxalq hüququn fundamental norma və prinsiplərini kobud şəkildə pozur, Azərbaycan Respublikasının suverenliyinə və ərazi bütövlüyünə qarşı yönələn açıq qəsdlər etməyə davam edir. Belə ki, Azərbaycan Respublikası Müdafiə Nazirliyinin yaydığı məlumata əsasən, 2020-ci il iyulun 12-də günorta saatlarından başlayaraq Ermənistanın silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu istiqamətində atəşkəs rejimini kobud şəkildə pozub, gərginliyi artırmaq məqsədilə əhalinin sıx yaşadığı əraziləri artilleriya atəşinə tutaraq  hücuma keçmək cəhdi ediblər.

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin qeyd etdiyi kimi, erməni təxribatına cavab olaraq ordumuz qisas əməliyyatı həyata keçirib və işğalçıya sarsıdıcı zərbə endirib. Bu təxribatın qarşısını alarkən Azərbaycanın igid və cəsur övladları qəhrəmancasına şəhid olub.

Lakin şəhidlərimizin qanı yerdə qalmadı. Düşmən layiqli cavab alaraq çoxlu sayda canlı qüvvə və texnika itirdi.  Bu dövrdə dünyanın bir çox dövlətləri ölkəmizə dəstək nümayiş etdirdi, ən çətin zamanda belə Azərbaycanın yanında olacağını açıqladı. Bu həssas məqamda bir sıra ölkələrin dostluq və həmrəylik nümayiş etdirməsi Azərbaycan Prezidentinin düzgün xarici siyasətinin daha bir bariz nümunəsini ortaya qoymuş oldu.

Belə çətin zamanda bütün vətəndaşlarımız bir olub Ali Baş Komandanın və Silahlı Qüvvələrin yanında olduğunu nümayiş etdirib, düşmənin məkrli və hiyləgər təcavüzünə qarşı öz qəti etirazını nümayiş etdiriblər.

Bütün Azərbaycan xalqı kimi, Biofizika İnstitutunun kollektivi də Ali Baş Komandan İlham Əliyevin hər bir çağırışına və əmrinə həmişə hazırdır.

Biz birlikdə güclüyük!

Oktay Qasımov, Biofizika İnstitutunun direktoru, AMEA-nın müxbir üzvü

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

15 iyul, 2020

Biofizika İnstitutunun laboratoriya müdiri “ATV” kanalına müsahibə verib

AMEA Biofizika İnstitutunun “Ekoloji biofizika” laboratoriyasının müdiri, biologiya elmləri doktoru, professor Tokay Hüseynov “ATV Qərargah” verilişinə müsahibə verib.

Professor T.Hüseynov insanların koronavirusa yoluxmasının, həm də ekoloji problemlərin təsirindən baş verdiyini deyib. O, bu məqsədlə ətraf mühit amillərindən biri olan Selenin qəbulunu tövsiyə edib. Bildirib ki, Selenin insan qidasında çatışmazlığı dövrümüzün ən çox yayılmış virus xəstəliklərinin inkişafına səbəb ola bilər.

Alim, həmçinin bu virusa yoluxub sağalmış insanların immun sisteminin zədələnməsini bərpa etmək üçün Selendən istifadə edilməsinin zəruriliyini vurğulayıb.

Xatırladaq ki, Biofizika İnstitutunun əməkdaşlarının  təklifi ilə kimyəvi elementlərdən biri olan Selenin artıq Tibbi Ərazi Bölmələrini İdarəetmə Birliyinin müalicə protokoluna daxil edilib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

13 iyul, 2020

AMEA-nın yaradılmasının 75 ili münasibətilə kitab və buklet hazırlanacaq

Məlum olduğu kimi, 2020-ci ildə Azərbaycan Milli Elmlər Akademiyasının yaradılmasının 75 ili tamam olur. Bu dövr ərzində AMEA respublikada fundamental və tətbiqi elmin mərkəzinə çevrilərək, elmi-intellektual potensialın milli sərvət kimi formalaşdırılmasında, ölkəmizin iqtisadi, sosial və mədəni inkişafında, eləcə də elmin müxtəlif sahələri üzrə yüksəkixtisaslı kadrların hazırlanmasında mühüm rol oynayıb.

AMEA-nın 75 illik yubileyi ilə əlaqədar qurumun fəaliyyətinin geniş işıqlandırılması, bu mötəbər elm ocağının yaradılmasında və inkişafında əvəzsiz xidmətləri olan görkəmli alimlərin tanıdılması, eyni zamanda, elmin populyarlaşdırılması və cəmiyyətdə elmə marağın artırılması məqsədilə AMEA-nın prezidenti, akademik Ramiz Mehdiyev 7 iyul 2020-ci il tarixində Sərəncam imzalayıb. Sənədə əsasən, AMEA-nın üzvlərinə həsr olunan “Azərbaycan Milli Elmlər Akademiyası simalarda” kitabının və Akademiya haqqında təfsilatlı məlumat bukletinin hazırlanaraq nəşr olunması nəzərdə tutulub.

Mənbə: www.science.az.

08 iyul, 2020

Biofizika İnstitutunun əməkdaşlarının COVID-19-a dair araşdırmaları TƏBİB-in müalicə protokoluna daxil edilib

AMEA-nın Biofizika İnstitutunun əməkdaşları – prof. Tokay Hüseynov və b.ü.f.d. Ruhiyyə Quliyevanın ətraf mühit amillərindən birinin (Selenium statusu) COVID-19 genomunun bir hissəsi olan HİV/AİDS-in inkişafına və patogenliyinə təsiri barədə mövcud tədqiqatlar əsasında apardıqları araşdırmalar Tibbi Ərazi Bölmələrini İdarəetmə Birliyinin (TƏBİB) müalicə protokoluna daxil edilib.

COVID-19 virusu ilə mübarizə metodlarının axtarışına yönəldilmiş tədqiqatların nəticələri göstərib ki, kimyəvi elementlərdən biri olan Selenin (Se) insan qidasında çatışmazlığı, dövrümüzün ən çox yayılmış virus xəstəliklərinin inkişafına səbəb ola bilər.

Araşdırmalar zamanı məlum olub ki, COVID-19 virusuna qarşı həssaslıq və onun fəsadları orqanizmin Selenlə təmin olunma dərəcəsindən ciddi şəkildə asılıdır. Natrium selenitin özü isə bu xəstəliyin müalicəsi zamanı səmərəli nəticə verir.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

07 iyul, 2020

Azad Əbdürrəhimovu 60 illik yubileyi münasibətilə təbrik edirik!

Bu gün AMEA Biofizika İnstitutunun innovasiya və transfer üzrə direktor müavini, tibb üzrə fəlsəfə doktoru Azad Ramiz oğlu Əbdürrəhimovun 60 yaşı tamam olur.

Azad Ramiz oğlu Əbdürrəhimov 7 iyul 1960-cı ildə Bakı şəhərində anadan olub. 1977-ci ildə Yasamal rayonu 177 nömrəli orta məktəbi bitirərək, N.Nərimanov adına Azərbaycan Tibb İnstitutunun (indiki Azərbaycan Tibb Universiteti) Müalicə-profilaktika fakültəsinə daxil olub. O, ali məktəbi bitirdikdən sonra təyinatla M.N.Qədirli adına Mərkəzi Hövzə xəstəxanasında (MHX) işə başlayıb.

Əmək fəaliyyətinə 1980-ci ildə hələ tələbə ikən M.N.Qədirli adına Mərkəzi Hövzə xəstəxanasında (MHX) kiçik tibbi işçi vəzifəsində başlayan A.Əbdürrəhimov 1983-cü ildə burada  həkim-interna, 1984-cü ildə gəmi həkimi, 1988-ci ildə həmin xəstəxananın poliklinika şöbəsində həkim-terapevt vəzifələrində çalışıb.

O, 1988-1989-cu illərdə Zaqfederasiya adına Hövzə poliklinikasında baş həkimin ekspertiza üzrə müavini və baş həkim əvəzləyicisi, 1989-1990-cı illərdə Parkommuna adına Hövzə poliklinikasında baş həkim, 1990-2005-ci illərdə M.N.Qədirli adına Mərkəzi hövzə xəstəxanasında baş həkimin tibbi işlər üzrə müavini, 2005-2008-ci illərdə Azərbaycan Respublikası Dövlət Xəzər Dəniz Gəmiçiliyinin tibbi şöbəsində rəis, 2008-2009-cu illərdə Mərkəzi Dənizçilər xəstəxanasında icraçı direktor vəzifələrində fəaliyyət göstərib.

2009-cu ildə Azərbaycan Respublikası Səhiyyə Nazirliyi Milli Onkologiya Mərkəzində baş direktorun müavini, 2011-2015-ci illərdə baş həkim vəzifələrində işləyib.

A.Əbdürrəhimov 2015-ci ildə “Azərbaycanda qida borusu xərçənginin epidemioloji xüsusiyyətləri” mövzusunda tibb elmləri üzrə Ph.D. dissertasiyasını müdafiə edib.

İnstitutun kollektivi Azad müəllimi 60 illik yubileyi münasibətilə təbrik edir, ona möhkəm can sağlığı, uzun ömür və elmi fəaliyyətində müvəffəqiyyətlər arzulayır.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

03 iyul, 2020

2020/2021-ci tədris ilində AMEA-nın magistraturasına qəbul olan bakalavrların nəzərinə!

COVID-19 pandemiyası ilə əlaqədar olaraq 2020/2021-ci tədris ili üzrə magistraturaya sənədlərin qəbulu onlayn qaydada həyata keçiriləcək.

Magistraturaya qəbul olan bakalavrlar qeydiyyat üçün aşağıda göstərilən sənədləri skan edilmiş formada iyul ayının 6-dan 15-dək (qəbul-2020/2021 başlığı ilə) amea.magistratura@gmail.com ünvanına göndərməlidirlər.

Sənədlərin siyahısı:

– Elektron ərizəyə daxil olmaq üçün iş nömrəsi və şəxsi kabinetin istifadəçi adı;

– Telefon nömrəsi (özünün və valideynlərindən birinin);

– Şəxsiyyət vəsiqəsi;

– Bakalavr təhsilini başa vurduğunu təsdiqləyən diplom və ya arayış;

– Hərbi bilet və ya çağırış məntəqəsinə təhkim edilmə haqqında vəsiqə;

– 3×4 ölçüdə rəngli fotoşəkil;

– Tərcümeyi-hal (Aydın və səliqəli yazılmalı, əlyazma şəklində olmalıdır. Özü barədə ətraflı məlumat verib, ailə üzvlərini bir-bir sadalamaqla təvəllüd, doğulduğu şəhər, hazırda işlədikləri yer və tutduqları vəzifələri göstərməli, tarix və imza qoymalıdır).

Bakalavrlarla telefon əlaqəsi qurulduqdan sonra onlar qeydiyyata alınacaq. Qeydiyyatdan keçməyən bakalavrlar qəbul olunanların siyahısından xaric ediləcək.

Mənbə: www.science.az.

Səhifələr  1  2  3  4   5