Biofizika İnstitutunda I kurs magistrantların attestasiyası keçirilib

04 iyul 2023-cü il tarixində AR Elm və Təhsil Nazirliyinin Biofizika İnstitutunda “Biofizika” ixtisaslaşması üzrə I kurs magistrantların 2022/2023-cü tədris ili üzrə attestasiyası keçirilib.

İnstitutun baş direktoru, AMEA-nın müxbir üzvü Oktay Qasımovun 03 iyul 2023-cü il tarixli 129 nömrəli Əmri ilə yaradılmış Attestasiya Komissiyası tərəfindən hər bir magistrantın imtahan nəticələri, fərdi iş planlarında nəzərdə tutulan elmi-tədqiqat işlərinin yerinə yetirilmə vəziyyəti, elmi işlərinin dərc olunması məsələləri müzakirə edilib, komissiya üzvlərinin təklif, rəy və tövsiyələri dinlənilib.

Yekunda Attestasiya Komissiyası tərəfindən magistrantların növbəti tədris ilinə keçirilməsi barədə qərar qəbul edilib.