Biofizika İnstitutunda doktorantın attestasiyası keçirilib

26 oktyabr 2023-cü il tarixində AR Elm və Təhsil Nazirliyinin Biofizika İnstitutunda elmlər doktoru hazırlığı üzrə doktorantın attestasiyası keçirilib.

         İclası giriş sözü ilə Attestasiya Komissiyasının sədri b.e.d. Kərim Quli oğlu Qasımov açaraq, elmlər doktoru hazırlığı üzrə doktorantın hesabatını dinləmək üçün 2-ci il qiyabi doktorant Leylaxanım Məlikovaya söz verdi. İclasda gənc alimlər də iştirak edirdi.

         L. Məlikova doktorantura dövrünün 2-ci ilinin iş planında qeyd olunmuş təcrübi tədqiqatlar üzrə görülmüş işlər, tədqiqatlardan alınmış nəticələr barədə və gələcəkdə görüləcək işlər ilə bağlı geniş məlumat verdi. O qeyd etdi ki, hesabat dövründə dissertasiya işi ilə bağlı 3 məqalə çap olunub. Bildirdi ki, ümumilikdə, onun 6 məqaləsi dərc olunub və yeni məqalələr çapa hazırlanır.

  L. Məlikovanın çıxışından sonra iclas iştirakçıları ona gördüyü iş ilə bağlı suallar verdilər, xüsusən, gənc alimlər daha çox onun işi ilə maraqlandılar.

         Son olaraq, AR ETN Biofizika İnstitutunun elmlər doktoru hazırlığı üzrə doktorantı, b.ü.f.d. L.Ə. Məlikovanın 2023-cü il üzrə attestasiyasını məqbul hesab edilməsi qərara alındı.

26 Oktyabr 2023

Paylaş