20 №-li məktəbin şagirdləri Biofizika İnstitutunu ziyarət ediblər

Müasir dünyada elm və təhsilin inteqrasiyası mühüm trendlərdən biri kimi çıxış edir. Bu aspektdən çıxış edərək Elm və Təhsil Nazirliyi Biofizika İnstitutunda gələcək elmi nəslin formalaşması, elmdə gənc kadrların öz bacarıq və potensiallarını qabarıq şəkildə göstərməsi məqsədi ilə Bakı şəhəri 20 nömrəli məktəb-liseyin müəllim və şagird heyəti institutun laboratoriyalarını ziyarət etmişlər və elmi-texniki bazası ilə yaxından tanış olmuşlar.

İnstitutun "Molekulyar və hüceyrə biokimyası" laboratoriyasının elmi işçisi, GAMŞ sədri, Mətanət Baxışova şagirdlərə İnstitutun əsas prioritet istiqamətləri, laboratoriyalar və aparılan tədqiqatlar haqqında ətraflı məlumat vermişdir.

Məktəbin fizika müəllimləri Xumar Hacıyeva, Sevinc Museyibova, həmçinin məktəb-liseyin 9,10, 11-ci sinif şagirdləri keçirilən debatlarda yaxından iştirak etmişdilər. Sonda Elm və Təhsil Nazirliyinin hər il elan etdiyi "Sabahın alimləri" respublika müsabiqəsinə namizədlər seçilmişdir.

27 Oktyabr 2023

Paylaş