Biofizika İnstitutunda elmi seminar keçiriləcək
28 fevral 2025-ci il tarixində saat 15:00-da Azərbaycan Respublikası Elm və Təhsil Nazirliyinin Biofizika İnstitutunda “Fibroin zülalının neyrodegenerativ xəstəliklərdə model kimi istifadəsi və Rodamin 6G ilə qarşılıqlı təsiri” mövzusunda elmi seminar keçiriləcəkdir. Seminarda “Biomolekulların strukturu, dinamikası və funksiyası” laboratoriyasında mühəndis vəzifəsində çalışan Aytac Məmmədova çıxış edəcəkdir.
Xahiş edirəm seminarda iştirak edəsiniz.
Qısa məlumat:
Dünyada geniş yayılmış xəstəliklərdən biri neyrodegenerativ xəstəliklərdir. Neyrodegenerativ xəstəliklər sinir sistemində, sinir hüceyrələrinin (neyronların) tədricən zədələnməsi və məhvi ilə xarakterizə olunan xəstəliklər qrupudur. Bu xəstəliklərdə neyron funksiyasını itirir, nəticədə koqnitiv (idrak), hərəkət və ya sensor funksiyaları pozulur. Ən çox rast gələn neyrodegenerativ xəstəliklər: Alzeymer xəstəliyi, Parkinson xəstəliyi, prion xəstəlikləri və sairə. Alzeymer xəstəliyi üzrə elmi tədqiqatlar aparmaq olduqca vacibdir, çünki bu xəstəlik təkcə fərdlərə deyil, həm də cəmiyyətə və qlobal səhiyyə sistemlərinə inkişafı böyük təsir göstərir. Dünya Səhiyyə Təşkilatının məlumatına görə, hazırda dünyada təxminən 50 milyon insan demensiyadan əziyyət çəkir və hər il 10 milyon yeni hal qeydə alınır. Bu halların əksəriyyəti Alzeymer xəstəliyi ilə əlaqəlidir. Yaş faktoru ən əsas risklərdən biridir. Yaş artıqca Alzeymer xəstəliyin statistikası da artır. Yuxarıda qeyd olunanları nəzərə alsaq, tədqiqat obyekti kimi götürülmüş fibroin zülalını model kimi istifadə edərək laboratoriyada tədqiqatlar aparılmışdır. Nəzərə alsaq ki, model kimi istifadə etdiyimiz fibroin zülalı zülalların aqreqasiyasını və amiloid əmələ gəlməsini tədqiq etmək üçün çox yaxşı və çox ucuz modeldir. Rodamin 6G molekulu fibroin molekulu ilə spesifik assosiasiya olmaq xüsusiyyətinə malikdir və bu zaman fibroin molekullarının amiloid əmələ gəlməsinin qarşısını alır. Qarşılıqlı təsiri tədqiq etmək üçün fibroin zülalı ilə Rodamin 6G təbəqələr hazırlanmışdır. Bu təbəqələrin struktur xüsusiyyətlərini və qarşılıqlı təsir mexanizmini daha dərindən öyrənmək üçün FTİR və flüoressensiya spektroskopiyası vasitəsilə analizlər aparılmışdır.
