Biofizika İnstitutunun Elmi Şurasının növbəti iclası keçirilib

07 may 2025-ci il tarixində Azərbaycan Respublikası Elm və Təhsil Nazirliyinin Biofizika İnstitutunda Elmi Şuranın 2025-ci ildə növbəti iclası keçirilib. İclas institutun baş direktoru, AMEA-nın müxbir üzvü Oktay Qasımovun sədrliyi ilə baş tutub.

İclasda 2025-ci ildə AR Elm və Təhsil Nazirliyi Biofizika İnstitutunun elmlər doktoru hazırlığı üzrə qiyabi doktorantının attestasiya nəticələri müzakirə olunub, eləcə də doktorantların elmi fəaliyyətləri və əldə etdikləri nəticələr ətrafında fikir mübadiləsi aparılıb.

Daha sonra institutda elmlər doktoru hazırlığı üzrə qiyabi doktoranturada təhsil alan doktorantların təhsil müddətinin başa çatması ilə bağlı məsələ müzakirə edilib. Elmi Şuranın qərarına əsasən, doktoranturada təhsil müddəti başa çatmış şəxslərin 01 may 2025-ci il tarixindən etibarən doktorantura müddəti bitmiş hesab edilib.

İclasın sonunda gündəlikdə yer alan cari məsələlər müzakirə olunaraq müvafiq qərarlar qəbul edilib.