Biofizika İnstitutunda “İnsanlarda hipoksiya inkişafında laktat metabolizminin dəyişməsinin rolu” mövzusunda elmi seminar keçiriləcək
30 may 2025-ci il tarixində saat 11:00-da Azərbaycan Respublikası Elm və Təhsil Nazirliyinin Biofizika İnstitutunda “İnsanlarda hipoksiya inkişafında laktat metabolizminin dəyişməsinin rolu” mövzusunda elmi seminar keçiriləcək.
Seminarda “Fiziki-kimyəvi stress faktorlarının biofizikası” laboratoriyasının müdiri, biologiya üzrə fəlsəfə doktoru, dosent Sevinc Cəfərova məruzə ilə çıxış edəcək.
Qısa məlumat:
Hipoksiya — aerob metabolizmə əsaslanan orqanizmlər üçün fundamental bir problemdir və molekulyar səviyyədən sistem səviyyəsinə qədər bütün təşkilati mərhələlərdə adaptiv və patofizioloji reaksiyalar zəncirinə səbəb olur.
Seminarda insan orqanizmində hipoksiyanın biofiziki aspektlərinə, xüsusilə enerji mübadiləsinin əsas markerlərindən və iştirakçılarından biri olan laktat metabolizmində baş verən dəyişikliklərə toxunulacaq. Eyni zamanda oksigenin əsas daşıyıcıları olan eritrositlərin hipoksiya şəraitində adaptasiyası və disfunksiyası barədə elmi ədəbiyyat və eksperimental məlumatlar əsasında təhlil aparılacaq.
Seminarda iştirak etməyə dəvətlisiniz.
