Biofizika İnstitutunun Elmi Şurasının növbəti iclası keçirilib

16 oktyabr 2025-ci il tarixində Azərbaycan Respublikası Elm və Təhsil Nazirliyinin Biofizika İnstitutunda Elmi Şuranın növbəti iclası keçirilib. İclas institutun baş direktoru, AMEA-nın müxbir üzvü Oktay Qasımovun sədrliyi ilə baş tutub.

İclasın gündəliyinə bir sıra elmi və təşkilati məsələlər daxil edilib.

Əvvəlcə 2025-ci ildə AR Elm və Təhsil Nazirliyi Biofizika İnstitutunun əyani doktoranturasına qəbul olunmuş doktorant Əlislam Həşimov tədqiqat mövzusu barədə təqdimatla çıxış edib. Müzakirələrdən sonra onun tədqiqat mövzusu və elmi rəhbəri Elmi Şura üzvləri tərəfindən təsdiqlənib.

Daha sonra 2025-ci ildə institutun qiyabi doktoranturasına qəbul olunmuş doktorant Fidan Qüdrətova elmi işinin mövzusu üzrə təqdimatla çıxış edib. Müzakirələr nəticəsində onun tədqiqat mövzusu və elmi rəhbəri Elmi Şura tərəfindən təsdiqlənib.

İclasda həmçinin AR Elm və Təhsil Nazirliyi Biofizika İnstitutunun fəlsəfə doktoru və elmlər doktoru hazırlığı üzrə doktorant və dissertantların attestasiyasının nəticələri müzakirə olunub. Şura üzvləri tərəfindən attestasiyanın nəticələri məqbul hesab edilib və müvafiq qərarlar qəbul olunub.

Bundan əlavə, “Biofizika” və “Biokimya” ixtisasları üzrə fəlsəfə doktoru imtahanlarının sualları Elmi Şura tərəfindən müzakirə edilərək təsdiq edilib.

İclasın sonunda cari məsələlər müzakirə olunub və uyğun qərarlar qəbul edilib.