Biofizika İnstitutunda “Biokimya” ixtisası üzrə doktorluq imtahanı keçirilib

14 noyabr 2025-ci il tarixində Elm və Təhsil Nazirliyinin Biofizika İnstitutunda payız imtahan sessiyası çərçivəsində fəlsəfə doktoru hazırlığı üzrə “Biokimya” ixtisasından doktorluq imtahanı keçirilib.

İmtahanda doktorant Nərminə Cəfər iştirak edib. Namizəd ixtisas fənni üzrə elmi biliklərini təqdim edərək komissiyanın suallarını cavablandırıb və elmi fəaliyyətinə dair tədqiqat istiqamətləri barədə məlumat verib.

İmtahan komissiyasının qərarına əsasən, doktorant Nərminə Cəfər “Biokimya” ixtisası üzrə doktorluq imtahanını 50 yekun balla uğurla başa vuraraq “Əla” qiymətləndirilib.

Komissiya üzvləri doktorantın elmi hazırlıq səviyyəsini yüksək qiymətləndirərək, əldə olunan nailiyyətlərin onun gələcək tədqiqat fəaliyyətində mühüm rol oynayacağını vurğulayıblar.