“Elm və İnnovasiya” proqramının məzun günü keçirilib

Azərbaycan Respublikası Elm  və Təhsil Nazirliyinin dəstəyi, “Bir Könüllü” Tələbələrin Əməkdaşlığı İctimai Birliyin “Elm və İnnovasiya” proqramının  təşkilatçılığı ilə keçirilən  proqram tələbələr üçün 3  modul olmaqla  təşkil olunub. Təlim modulu üzrə  tələbələrə  ixtisasları istiqamətində   aktual  mövzular  üzrə seminarlar, mühazirələr  təşkil olunub. Təcrübə-praktika  modulunda  özəl müəssisələrdə  əyani laboratoriya  işlərinə cəlb  olunublar. Ümumi modulda  isə tələbələr elm metrik bazalarda axtarış və istifadə qaydaları, elmi  icmalların  yazılması, istinadların verilmə qaydaları və.s  kimi bacarıqlar aşılanıb.

Proqramda  iştirak  edən  tələbələrin bilik və bacarıqlarının  yoxlanması  məqsədi ilə imtahanlar  təşkil olunub. Proqramdan məzun olmaq  üçün iştirakçılar  buraxılış işi təqdim ediblər. Buraxılış işləri böyük  maşın  sayına  sahib olan TURNİTİN plagiat  sistemindən  keçirilərək  yoxlanılıb.

İştirakçılara  dərəcələrin verilməsi  zamanı  imtahan  nəticələri, mentorların  rəyləri, buraxılış işləri və  ümumi aktivləri nəzərə  alınaraq  verilib.

Qeyd etmək  lazımdır ki, proqrama  müraciət  edən 500-ə yaxın  tələbə arasından  30  nəfər seçilib və onlar müvafiq elmi-təqdiqat  müəssisələrində o cümlədən, AR Elm və Təhsil Nazirliyinin Biofizika İnstitutunda Mətanət Baxışovanın mentorluğu əsasında müxtəlif elmi və praktiki təlimlərə cəlb olunub, institutun müasir tələblərə uyğun olan laboratoriyaları və avadanlıqları ilə tanış olub, cihazların iş prinsipi və işləmə qaydalarını mənimsəyiblər.

Proqramın məzun günü  AR ETN  Molekulyar  Biologiya  və Biotexnologiyalar  İnstutunda  keçirilib. Tədbirdə MBBİ-nin baş direktoru, akademik İradə Hüseynova çıxış edərək, gəncləri təbrik edib, Azərbaycan elminin gələcəyinin onların bilik, bacarıq və səylərindən asılı olduğunu vurğulayıb. Tədbirin sonunda isə proqramı müvəffəqiyyətlə bitirmiş tələbələr sertifikat, proqrama öz dəstəyini verən müəssisələr isə təşəkkürnamə ilə təltif olunub.

09 İyul 2024

Paylaş