Biofizika İnstitutunda Elm günü ilə əlaqədar “Açıq qapı” günü təşkil olunub

27 mart – Elm günü ilə əlaqədar Biofizika İnstitutunda “Açıq qapı” günü təşkil olunub.

“Açıq qapı” günündə A. Hüseynzadə adına 20 saylı məktəb-liseyin təlim-tədris işləri üzrə direktor müavini Mətanət Əhmədovanın rəhbərliyi ilə məktəbin 9-10-cu sinif şagirdləri AMEA-nın Biofizika İnstitutunu ziyarət ediblər. Görüşün təşkil olunmasında əsas məqsəd şagirdlərin biofizika sahəsində dünyagörüşünün formalaşdırılması, onlarda biofizika  elminə marağın artırılması olub.

Görüş zamanı institutun gənc alim və mütəxəssisləri tərəfindən şagirdlərə elmi müəssisənin strukturu, yaranma tarixi, əsas fəaliyyət istiqamətləri barədə geniş məlumat verilib. Şagirdlər institutun laboratoriyalarını gəzib buradakı müasir avadanlıqlarla aparılan tədqiqat işləri, onların praktiki əhəmiyyəti və tətbiq perspektivləri barədə məlumatlandırılıblar.

Sonra şagirdləri maraqlandıran suallar cavablandırılıb.

14 Aprel 2022

Paylaş