AMEA-nın Biofizika İnstitutu təkzib edir

“AzPolitika.info” – onlayn siyasi-ictimai qəzetinin internet portalında 31.05.2022-ci il tarixində “Report” dövlət satınalmalarının vahid internet portalına istinadən xəbər verilib ki, “Azərbaycan Milli Elmlər Akademiyasının (AMEA) Biofizika İnstitutu laboratoriya avadanlığının alınması ilə bağlı elan etdiyi açıq tenderə yekun vurub. Qalib şirkətə 3,645 milyon manat ödəniləcək”.

Məlumat üçün bildiririk ki, verilən xəbər həqiqəti əks etdirmir. Belə ki, AMEA-nın Biofizika İnstitutu laboratoriya avadanlığının alınması ilə bağlı kotirovka sorğusu metodu ilə keçirilən müsabiqənin nəticəsinə görə qalib şirkətə 36 500 manat ödəməlidir. Bu məlumatı asanlıqla “etender.gov.az” saytına daxil olmaqla əldə etmək olar.

01 İyun 2022

Paylaş