Biofizika İnstitutunda magistrantların yay imtahan sessiyası başlayıb

AMEA-nın Biofizika İnstitutunun I kurs magistrantlarının 2021/2022 tədris ili üzrə yay imtahan sessiyası başlayıb. İmtahanlar AMEA prezidentinin 26 may 2022-ci il tarixli 177 nömrəli “AMEA-nın magistrantları üçün yay imtahan sessiyasının keçirilməsi haqqında” sərəncamına əsasən keçirilir.

İlk olaraq magistrantlar “Ali məktəb pedaqogikası” fənnindən imtahan veriblər.

Qeyd edək ki, yay imtahan sessiyası ərzində “Biofizika”, “Bioloji sistemlər fizikası” və “Genetika” ixtisasları üzrə I kursda təhsil alan magistrantlar tədris planında II semestr üçün nəzərdə tutulmuş ixtisas fənləri üzrə müəyyən olunmuş qrafikə əsasən imtahan verəcəklər. Növbəti imtahanların iyulun 5-ə qədər keçirilməsi nəzərdə tutulub.

09 İyun 2022

Paylaş