Biofizika İnstitutunda təhsil alan magistrantların qış imtahan sessiyası başa çatıb

AR Elm və Təhsil Nazirliyinin Biofizika İnstitutunda I və II kurs magistrantların qış imtahan sessiyası başa çatıb. İmtahanlar AMEA-nın prezidenti, akademik İsa Həbibbəylinin 21 dekabr 2022-ci il tarixli “AMEA-nın magistrantları üçün qış imtahan sessiyasının keçirilməsi haqqında” sərəncamına əsasən keçirilib.

Belə ki, institutda “Biofizika” ixtisası üzrə təhsil alan I kurs magistrantlar “Tətbiqi və molekulyar biofizika”, “Biofizikanın müasir problemləri”, “Biokimyanın əsasları”, “Biofizikanın tarixi və metodologiyası”, “Bioinformatika” II kurs magistrantlar isə “Hüceyrə biologiyası”, “Biologiyada spektroskopik metodlar”, “Zülal və genetik mühəndislik”, “Bioloji membranların quruluşu”, “İmmunologiyanın əsasları” fənləri üzrə imtahan verərək sessiyanı müvəffəqiyyətlə başa vurublar.

İmtahan prosesində institutun Təhsil və beynəlxalq əlaqələr şöbəsinin müdiri, a.ü.f.d., dos. Həmayil Adıgözəlzadə və baş mütəxəssis Südabə Səlimova iştirak ediblər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

01 Fevral 2023

Paylaş