AZE    RUS    ENG

10.12.2019 11:43

AMEA Biofizika İnstitutunda ümummilli lider Heydər Əliyevin xatirəsi anıldı

Dekabrın 10-da AMEA-nın Biofizika İnstitutunda ümummilli lider Heydər Əliyevin anım gününə həsr olunan tədbir keçirildi.

Tədbiri institutun direktoru, AMEA-nın müxbir üzvü, fizika-riyaziyyat üzrə elmlər doktoru, professor Oktay Qasımov açaraq, bugünkü iclasın ümummilli lider Heydər Əliyevin xatirəsinə həsr edildiyini söylədi.

Anım tədbiri İnstitutun innovasiya və transfer üzrə direktor müavini, tibb üzrə fəlsəfə doktoru Azad Əbdürəhimovun çıxışı ilə davam etdirildi. O, çıxışında Ulu öndər Heydər Əliyevin Azərbaycan dövləti və xalqı qarşısında misilsiz xidmətlərindən danışdı. Qeyd etdi ki, ümummilli lider Heydər Əliyevin 1969-cu ildə hakimiyyətə gəlməsi ilə ölkədə inkişafın təməli qoyuldu.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

09.12.2019 15:57

AMEA 2019-cu il üçün doktoranturaya və dissertanturaya qəbul elan edir

Azərbaycan Milli Elmlər Akademiyası Azərbaycan Respublikası Nazirlər Kabinetinin 4 dekabr 2019-cu il tarixli, 737s nömrəli sərəncamı ilə təsdiq olunmuş Azərbaycan Respublıkasının ali təhsil müəssisələrinin, elmi müəssisə və təşkilatların 2019-cu il üçün doktorant və dissertant hazırlığı üzrə qəbul Planına əsasən 2019-cu il üçün fəlsəfə doktoru və elmlər doktoru hazırlığı üzrə doktoranturaya və dissertanturaya qəbul elan edir.

Fəlsəfə doktoru və elmlər doktoru hazırlığı üzrə doktoranturaya və dissertanturaya sənədlər 9-28 dekabr 2019-cu il tarixlərində hər gün (şənbə, bazar və bayram günləri istisna olmaqla) saat 10:00-dan 17:00-dək qəbul ediləcək.

Fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis) Azərbaycan Respublikasının vətəndaşları müsabiqə əsasında qəbul olunurlar.

Fəlsəfə doktoru proqramı üzrə doktoranturaya qəbul olmaq istəyən şəxslər xarici dildən ali təhsil pilləsinin magistratura səviyyəsi üçün qüvvədə olan tədris proqramları həcmində (rus dili istisna olmaqla, seçim sərbəst və ya ixtisasa uyğun olmalıdır) Azərbaycan Respublikasının Dövlət İmtahan Mərkəzində imtahan verməlidirlər.

Xarici dildən imtahanda keçid balını toplayan şəxslər fəlsəfədən imtahana buraxılırlar.

Fəlsəfədən məqbul alan şəxslər ixtisas imtahanına buraxılırlar.

Doktoranturaya qəbul üçün aşağıdakı sənədlər AMEA-nın müvafiq elmi müəssisələrinə (elmi müəssisələrin ünvanını AMEA-nın www.science.az saytından əldə etmək olar) təqdim olunmalıdır:

– elmi müəssisənin direktorunun adına ərizə;

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş stajı olanlar üçün əmək kitabçasından çıxarış;

– iş yerindən xasiyyətnamə;

– çap olunmuş elmi işlərin siyahısı və ya seçilmiş ixtisas üzrə referat;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

– xarici dil bilikləri üzrə beynəlxalq sertifikat (əgər varsa);

– şəxsiyyəti təsdiq edən sənədin surəti.

Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağı bacaran və fəlsəfə doktoru (elmlər namizədi) elmi dərəcəsi olan Azərbaycan Respublikasının vətəndaşları qəbul edilirlər.

Doktoranturaya qəbul üçün aşağıdakı sənədlər AMEA-nın elmi müəssisələrinə təqdim olunmalıdır:

– ərizə (doktoranturanın fəaliyyət göstərdiyi müəssisənin və yaxud təşkilatın rəhbərinin adına);

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş yerindən xasiyyətnamə;

– əmək kitabçasından çıxarış;

– çap olunmuş elmi işlərin siyahısı;

– fəlsəfə doktoru (elmlər namizədi) elmi dərəcəsi diplomunun müvafiq qaydada təsdiq edilmiş surəti;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

– şəxsiyyəti təsdiq edən sənədin surəti.

Dissertantlıq yolu ilə fəlsəfə doktoru elmi dərəcəsi almaq üçün dissertanturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis), müvafiq tədqiqat sahəsində  müəyyən müvəffəqiyyətləri olan və əsas iş yeri ali təhsil müəssisəsi, elmi müəssisə və təşkilat olan, azı iki il elmi və elmi-pedaqoji iş stajına malik elmi və elmi-pedaqoji kadrlar sənəd təqdim edə bilərlər.

Dissertantlıq yolu ilə təhsil müddətini başa vuran şəxslər eyni ixtisas üzrə təkrar dissertant ola bilməzlər.

Doktoranturada tam təhsil müddətini başa vurmuş şəxslər eyni ixtisas üzrə dissertantlıq yolu ilə təhsil ala bilməzlər.

Dissertantlıq yolu iləfəlsəfə doktoru elmi dərəcəsi almaq istəyən şəxslər xarici dildən ali təhsil pilləsinin magistratura səviyyəsi üçün qüvvədə olan tədris proqramları həcmində (rus dili istisna olmaqla, seçim sərbəst və ya ixtisasa uyğun olmalıdır) Azərbaycan Respublikasının Dövlət İmtahan Mərkəzində imtahan verməlidirlər.

Fəlsəfə doktoru elmi dərəcəsi almaq üçün dissertanturaya qəbulla bağlı aşağıdakı sənədlər AMEA-nın müvafiq elmi müəssisəsinə təqdim olunmalıdır:

– ərizə (dissertantura təhsilini həyata keçirən müəssisənin və yaxud təşkilatın rəhbərinin adına);

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş yerindən xasiyyətnamə;

– əmək kitabçasından çıxarış;

– çap olunmuş elmi işlərin siyahısı və ya seçilmiş ixtisas üzrə referat (fəlsəfə doktoru hazırlığı üzrə);

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

–  şəxsiyyəti təsdiq edən sənədin surəti.

Dissertantlıq yolu ilə elmlər doktoru elmi dərəcəsi almaq üçün fəlsəfə doktoru elmi dərəcəsinin olması  əsas şərtdir.

Elmlər doktoru elmi dərəcəsi almaq üçün dissertanturaya qəbul üçün aşağıdakı sənədlər AMEA-nın müvafiq elmi müəssisəsinə təqdim olunmalıdır:

– ərizə (dissertantura təhsilini həyata keçirən müəssisənin və yaxud təşkilatın rəhbərinin adına);

– kadrların şəxsi-qeydiyyat vərəqi;

– tərcümeyi-hal;

– 2 ədəd fotoşəkil (3×4 sm ölçüdə);

– iş yerindən xasiyyətnamə;

– əmək kitabçasından çıxarış;

– çap olunmuş elmi əsərlərin siyahısı (elmlər doktoru hazırlığı üzrə);

– fəlsəfə doktoru (elmlər namizədi) diplomunun müvafiq qaydada təsdiq edilmiş surəti;

– ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

– şəxsiyyəti təsdiq edən sənədin surəti.

Əlavə məlumat üçün AMEA-nın Elm və Təhsil Baş İdarəsinin Doktorantura şöbəsinə müraciət etmək olar.

Əlaqə telefonları: (+994 12) 539 30 60, 492 84 48,

E-mail: etbi@science.az

Qeyd: Fəlsəfə doktoru hazırlığı üzrə doktorantura və dissertanturaya sənəd verən iddiaçılar xarici dil imtahanında iştirak etmək üçün sənəd qəbulu bitdikdən sonra Dövlət İmtahan Mərkəzinin saytında şəxsi kabinet açaraq qeydiyyatdan keçməlidirlər.

Dövlət İmtahan Mərkəzində xarici dildən imtahanların 10-15 yanvar 2020-ci il tarixlərində keçirilməsi planlaşdırılır.

Mənbə: www.science.az

09.12.2019 09:56

Magistraturaya qəbul olunacaq tələbələrin sayını Nazirlər Kabineti müəyyənləşdirəcək

Nazirlər Kabineti “Magistratura təhsilinin məzmunu, təşkili və “magistr” dərəcələrinin verilməsi Qaydaları”nda dəyişiklik edib.

Bununla bağlı Baş Nazir Əli Əsədov qərar imzalayıb.

Qərara əsasən, magistraturaya müvafiq ixtisaslar üzrə qəbul olunacaq tələbələrin sayı mövcud maddi-texniki baza və elmi-pedaqoji potensial nəzərə alınmaqla, Nazirlər Kabineti tərəfindən müəyyənləşdirilir.

Bu qərarla edilən dəyişikliyin tətbiqi ilə əlaqədar dövlət sifarişi və dövlət hesabına təhsil alan tələbələrin təhsil haqqı üçün tələb olunan xərclər Azərbaycan Respublikasının dövlət büdcəsində bu məqsəd üçün nəzərdə tutulmuş vəsait dairəsində maliyyələşdirilir.

Mənbə: www.science.az

27.11.2019 12:36

Dövlət Mükafatları Komissiyası 2020-ci il üçün dövlət mükafatlarına əsərlərin (işlərin) qəbulunu elan edir

Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyası 2020-ci il üçün dövlət mükafatlarına əsərlərin (işlərin) qəbulunu elan edir.

Müvafiq sənəd və materiallar Azərbaycan Respublikası Prezidentinin 2010-cu il 8 fevral tarixli 212 nömrəli Fərmanı ilə təsdiq edilmiş Dövlət Mükafatları Komissiyasının Əsasnaməsində göstərilən qaydalara uyğun hazırlanmalı və 2020-ci il aprelin 1-dək Komissiyaya təqdim edilməlidir.

Ünvan: AZ 1066, Bakı şəhəri, Lermontov küçəsi, 68.

Telefon: (+994 12) 492 83 29.

E-mail: nk@cabm in.gov.az

Mənbə: www.science.az

26.11.2019 14:22

AMEA Biofizika İnstitutunun əməkdaşı Fransanın Monpelye Universitetinə ezam edilmişdir

AMEA Biofizika  İnstitutunun əməkdaşı, “İnteqrativ biologiya” birgə laboratoriyasının k.e.i. Zərifə Osmanlı Azərbaycan Milli Elmlər Akademiyası və Fransanın Monpelye Universitetinin birgə təşkil etdiyi ikili doktorantura proqramının qalibi olmuşdur. Bununla bağlı gənc tədqiqatçı iki il müddətinə Fransanın Monpelye Universitetinə ezam edilmişdir.

Z.Osmanlının iki il müddətində həmin proqram çərçivəsində Monpelye Universitetinin Struktur Biologiyası Tədqiqat Mərkəzində professor Andrey V. Kajava ilə birgə “Zülallarda amiloidogen xüsusiyyətli rayonların analizi üçün bioinformatik proqramların yaradılması və tətbiqi” mövzusunda tədqiqat işi aparması nəzərdə tutulur.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

22.11.2019 15:58

AMEA Biofizika İnstitutunda YAP təşkilatının təsis iclası keçirildi

22 noyabr 2019-cu il tarixində AMEA Biofizka İstitutunda YAP-ın ilk partiya təşkilatının təsis iclası keçirildi. İclasda YAP Yasamal rayon təşkilatının sədri Tağı Əhmədov, YAP AMEA təşkilatının sədri Xədicə İsgəndərli və institut əməkdaşları iştirak edirdilər.

Tədbiri giriş sözü ilə institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, bildirdi ki, iclasda məqsəd Biofizika İnstitutunda YAP təşkilatını təsis etmək və partiya sıralarına yeni qəbul edilən əməkdaşların siyahısını təqdim etməkdir.

Sonra İnstitutun “İnnovasiya və transfer üzrə” direktor müavini, tibb üzrə fəlsəfə doktoru Azad Əbdürəhimov institut əməkdaşları arasından hazırda partiya üzvü olanları və partiya sıralarına qəbul olmaq istəyənləri təqdim etdi. İclas iştirakçılarının yekdil qərarı ilə İnsitutda YAP-ın ilk partiya təşkilatı yaradıldı, partiya təşkilatının sədri t.ü.f.d. A.Əbdürəhimov seçildi və 5 nəfərdən ibarət İdarə Heyətinin tərkibi təsdiq olundu.

İclası öz çıxışı ilə davam etdirən Yeni Azərbaycan Partiyası Yasamal rayon təşkilatının sədri Tağı Əhmədov YAP-ın yaranması və inkişafı tarixindən söz açdı, partiyanın qurucusu ulu öndər Heydər Əliyevin söylədiyi “Yeni Azərbaycan Partiyası dünənin, bu günün və gələcəyin partiyasıdır” fikri tədbir iştirakçılarının diqqətinə çatdırdı.

Sonda T.Əhmədov institutda yeni yaradılan YAP işçi heyətini təbrik etdi və gələcək fəaliyyətlərində onlara uğurlar arzuladı.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20.11.2019 12:40

2020-ci ilin yaz semestri üzrə xaricdə təhsil üçün müsabiqə elan edilib

18 noyabr 2019-cu il tarixindən 2020-ci ilin yaz semestrində Azərbaycan ali təhsil müəssisələrinin akademik imkanlarının gücləndirilməsi məqsədilə dünyanın ən reytinqli universitetlərində doktorantların hazırlığını təmin etmək üçün “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində xaricdə doktorantura təhsili elan olunub.

Proqrama əsasən Azərbaycan Respublikası vətəndaşlarının xaricdə doktorantura səviyyəsi üzrə təhsili üçün texniki və texnoloji, təbiət, kənd təsərrüfat, səhiyyə və rifah, iqtisadiyyat və idarəetmə, təhsil, humanitar və sosial ixtisas istiqamətləri müəyyən edilib. Proqram iştirakçılarının təhsilinin maliyyələşdirilməsi təhsil aldıqları xarici ali təhsil müəssisələri tərəfindən müəyyən edilən minimum normativ təhsil müddətində həyata keçirilir.

Proqram iştirakçılarının təhsilinin maliyyələşdirilməsi aşağıdakı xərcləri əhatə edir:

təhsil xərcləri;

viza və təhsil aldığı ölkədə qeydiyyat xərcləri;

aylıq yaşayış xərcləri;

tibbi sığorta xərcləri;

beynəlxalq nəqliyyat xərcləri.

Müraciət üçün son tarix 10 yanvar 2020-ci ilə təyin edilib.

İlkin seçim meyarları, müraciət üçün tələb olunan sənədlər, müraciət proseduru barədə məlumatlarla buradan tanış olmaq mümkündür.

Mənbə: www.science.az

14.11.2019 14:22

Doktoranturaya qəbul qaydalarında dəyişiklik edilib

Nazirlər Kabineti “Doktoranturaların yaradılması və doktoranturaya qəbul Qaydaları”nda dəyişiklik edib.

Bununla bağlı Baş Nazir Əli Əsədov qərar imzalayıb. Qərara əsasən, fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis) Azərbaycan Respublikasının vətəndaşları müsabiqə əsasında qəbul olunurlar. Doktoranturaya qəbul olmaq istəyənlər isə xarici dildən (rus dili istisna olmaqla, seçim sərbəst və ya ixtisasa uyğun olmalıdır), fəlsəfədən və ixtisas fənnindən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər. Xarici dildən imtahanda iştirak etməyənlər fəlsəfə üzrə imtahana, fəlsəfə üzrə imtahanda iştirak etməyənlər isə ixtisas fənnindən imtahana buraxılmırlar.

Xarici dil imtahanı Dövlət İmtahan Mərkəzi (DİM) tərəfindən keçirilir. Xarici dil üzrə imtahanın məzmunu, vaxtı, imtahan nəticələrinin qiymətləndirilməsi qaydası və keçid balı AMEA və nazirliklə razılaşdırılmaqla, DİM tərəfindən müəyyənləşdirilir. Xarici dildən imtahanda keçid balını toplayan şəxslər fəlsəfədən imtahana buraxılırlar. Xarici dil üzrə qüvvədə olan beynəlxalq dil sertifikatına (IELTS, TOEFL, TestDaF, DELF, DALF) malik olanlar xarici dil üzrə qəbul imtahanından azad olunurlar. Beynəlxalq dil sertifikatının imtahan nəticələrinin keçid balına ekvivalentliyi AMEA və nazirliklə razılaşdırılmaqla, DİM tərəfindən müəyyən edilir.

Fəlsəfə fənni üzrə imtahan doktoranturaya qəbulu həyata keçirən ali təhsil müəssisəsi, elmi müəssisə və təşkilatların tabe olduqları müvafiq qurumlar tərəfindən müəyyənləşdirilmiş ali təhsil müəssisəsi, elmi müəssisə və təşkilatlarda həyata keçirilir. İmtahanın nəticəsi “məqbul” və ya “qeyri-məqbul”la qiymətləndirilir. İmtahanın məzmunu (proqramı) AMEA və nazirlik tərəfindən birgə müəyyənləşdirilir.

İxtisas fənnindən qəbul imtahanını doktoranturanın fəaliyyət göstərdiyi ali təhsil müəssisəsinin, elmi müəssisə və təşkilatın rəhbəri tərəfindən yaradılan komissiya həyata keçirir və imtahana yalnız fəlsəfə fənnindən “məqbul” alan şəxslər buraxılırlar. Komissiyanın tərkibində müvafiq ixtisas üzrə azı iki elmlər doktoru və ya professor olmalıdır. Nəzərdə tutulan elmi rəhbərlər də komissiyanın üzvü ola bilərlər. Komissiyanın sədri ali təhsil müəssisəsinin, elmi müəssisə və təşkilatın rəhbəri, yaxud elmi işlər üzrə müavini təyin edilir. Bəzi ixtisaslar üzrə elmlər doktorları və professorlar olmadıqda, müvafiq olaraq komissiyanın tərkibinə fəlsəfə doktorları (elmlər namizədləri) və dosentlər daxil edilir.

Ali təhsil müəssisələrində, elmi müəssisə və təşkilatlarda yaradılmış qəbul komissiyaları imtahanların nəticələri əsasında müvafiq qərar qəbul edirlər. Qərar barədə məlumat şəxsin ərizəsində göstərdiyi ünvana və ya elektron poçt ünvanına göndərilir. Komissiyanın qərarından razı olmayan şəxslər qərar qəbul edildikdən və bu barədə məlumat aldıqdan sonra 3 (üç) iş günü müddətində ali təhsil müəssisəsinin, elmi müəssisə və təşkilatın rəhbərinə apelyasiya ərizəsi ilə müraciət edə bilər. Müəssisə rəhbəri 5 (beş) iş günü müddətində müraciətə baxmalı və əsaslandırılmış qərar qəbul etməlidir. Qərardan inzibati qaydada və (və ya) məhkəməyə şikayət edilə bilər.

Dissertantlıq yolu ilə “Fəlsəfə doktoru” elmi dərəcəsi almaq hüququna ali təhsil pilləsinin magistratura səviyyəsini bitirən (magistr dissertasiyasını müdafiə edən), yaxud təhsili ona bərabər tutulan (tibbi təhsildə həkim-mütəxəssis), müvafiq tədqiqat sahəsində müəyyən müvəffəqiyyətləri olan və əsas iş yeri ali təhsil müəssisəsi, elmi müəssisə və təşkilat olan elmi və elmi-pedaqoji kadrlar malikdirlər. “Elmlər doktoru” elmi dərəcəsi almaq hüququna “Fəlsəfə doktoru” (elmlər namizədi) elmi dərəcəsi olan və əsas iş yeri ali təhsil müəssisəsi, elmi müəssisə və təşkilat olan elmi və elmi-pedaqoji kadrlar malikdirlər.

Dissertantlıq yolu ilə “Fəlsəfə doktoru” elmi dərəcəsi almaq istəyən şəxslər xarici dildən (rus dili istisna olmaqla, seçim sərbəst və ya ixtisasa uyğun olmalıdır) bu Qaydaların 3.10-1-ci bəndində göstərilən qaydada keçirilən qəbul imtahanı verirlər.

“Fəlsəfə doktoru” elmi dərəcəsi üzrə dissertantlıq yolu ilə təhsil alan şəxslər müəyyən olunmuş qaydada ixtisas fənnindən və xarici dildən, həmçinin ixtisas uyğunluğu nəzərə alınmaqla, digər fəndən də fəlsəfə doktoru imtahanları verirlər.

Mənbə: www.science.az

07.11.2019 15:55

AMEA Biofizika İnstitutunun 2019-cu ildəki elmi və elmi-təşkilati fəaliyyətinin yekunlarına həsr olunmuş hesabat iclası keçirildi

7 noyabr 2019-cu il tarixində AMEA Biofizika İnstitutunun Elmi Şurasının növbəti iclası keçirildi.

İclası giriş sözü ilə açan Biofizika İnstitutunun direktoru, AMEA-nın müxbir üzvü Oktay Qasımov tədbirin elmi müəssisədə 2019-cu il üzrə aparılmış elmi tədqiqat işlərinin yekununa dair hesabata həsr olunduğunu Şura üzvlərinin diqqətinə çatdırdı.

Sonra institutun elmi işlər üzrə direktor müavini, biologiya üzrə elmlər doktoru Kərim Qasımov qurumun 2019-cu il ərzindəki elmi və elmi-təşkilati fəaliyyətinin yekunu haqqında hesabatı təqdim etdi. K. Qasımov çıxışında cari ildə elmi müəssisədə aparılmış elmi-tədqiqatlar, alınmış mühüm nəticələr, institut əməkdaşlarının nəşriyyat fəaliyyəti barədə geniş məlumat verdi. Bildirdi ki, 2019-cu ildə institutda “Bioloji sistemlərin fiziki-kimyəvi əsasları” istiqaməti üzrə 1 problem, 2 mövzu, 5 iş üzrə 5 mərhələdə elmi-tədqiqat işi aparılıb. Daha sonra, institutun nəşriyyat fəaliyyətindən söz açan məruzəçi qeyd etdi ki, cari ildə 2 məqalə və 14 tezis olmaqla 16 elmi əsər çapdan çıxıb. Onlardan 1 məqalə və 7 tezis xaricdə nəşr olunub.

Sonda hesabat ətrafında müzakirələr aparıldı, təkliflər dinlənildi, institutun 2019-cu il üçün illik hesabatı qəbul edildi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

30.10.2019 16:10

Elmi Şuranın növbəti iclası keçiriləcək

7 noyabr 2019-cu il tarixində saat 11:00-da AMEA Biofizika İnstitutunun Elmi Şurasının növbəti iclası keçiriləcək.

İclasda aşağıdakı məsələlərə baxılacaq:

  • Biofizika  İnstitutunun direktoru, AMEA-nın müxbir üzvü, professor Oktay Qasımovun  institutun 2019-cu il üzrə elmi və elmi-təşkilati fəaliyyətinin yekunu haqqında hesabatı.
  • Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

30.10.2019 15:33

Elmi şuranın iclası keçirildi

30 oktyabr 2019-cu il tarixində AMEA Biofizika İnstitutunun Elmi Şurasının növbəti iclası keçirildi.

İclası institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq Şura üzvlərini gündəlikdəki məsələlərlə tanış etdi.

Elmi müəssisənin nəzdindəki laboratoriya və şöbələrin 2019-cu ildəki elmi və elmi-təşkilati fəaliyyətinin yekunlarına həsr olunan iclasda “Biomolekulların strukturu, dinamikası və funksiyası”, “Ekoloji biofizika”, “Molekulyar və hüceyrə biokimyası”, “İnteqrativ biologiya birgə” laboratoriyaların elmi və elmi-təşkilati fəaliyyətləri haqqında illik hesabatları dinlənilərək təsdiq olundu.

Sonda bir sıra cari məsələlər müzakirə olundu.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25.10.2019 17:40

Biofizika İnstitutunda “Açıq qapı” günü keçirildi

25 oktyabr 2019-cu il tarixində Biofizika İnstitutunda AMEA-nın 75 illik yubileyi ilə əlaqədar “Açıq qapı” günü keçirildi.

“Açıq qapı” günündə institutun əməkdaşları tərəfindən instituta təşrif buyurmuş qonaqlara elmi müəssisənin strukturu, yaranma tarixi, əsas fəaliyyət istiqamətləri, beynəlxalq əlaqələri barədə geniş məlumat verildi. Bundan əlavə, qonaqlar institutun laboratoriyalarını gəzib buradakı müasir avadanlıqlarla aparılan tədqiqat işləri barədə məlumatlandırıldılar.

Daha sonra qonaqların iştirakı ilə elmi seminar keçirildi. Seminarda “Ekoloji biofizika” laboratoriyasının aparıcı elmi işçisi, b.ü.f.d., dosent Mürsəl Dadaşov “Qan plazma zülallarının məxsusi fluoresensiyası” adlı məruzə ilə çıxış etdi. M.Dadaşov məruzəsində plazma zülallarının özünəməxsus fluoresensiyası, onların fəaliyyət mexanizmləri, tədqiqat yolları və gələcək perspektivləri haqqında ətraflı  məlumat verdi.

Tədbirin sonunda qonaqların sualları cavablandırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

23.10.2019 14:19

Elmi Şuranın növbəti iclası keçiriləcək

30 oktyabr 2019-cu il tarixində saat 10:00-da AMEA Biofizika İnstitutunun Elmi Şurasının növbəti iclası keçiriləcək.

İclasda aşağıdakı məsələlərə baxılacaq:

  • İnstitutun nəzdindəki laboratoriya və şöbələrin elmi və elmi-təşkilati fəaliyyətləri haqqında illik hesabatın müzakirəsi.
  • Cari məsələlər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

21.10.2019 12:10

AMEA-nın 75 illik yubileyi ilə əlaqədar Biofizika İnstitutunda “Açıq qapı” günü keçiriləcək

2020-ci il martın 27-də AMEA-nın yaradılmasının 75 ili tamam olacaq. Bu günlə əlaqədar “AMEA-nın 75 illik yubileyinə” həsr olunan Tədbirlər Planının icrasını təmin etmək məqsədilə AMEA-nın Biofizika İnstitutunda 25 okyabr 2019-cu il tarixində saat 10:00-dan 16:00-dək “Açıq qapı” günü keçiriləcək.

“Açıq qapı” günü, icraçılar tərəfindən instituta təşrif buyurmuş qonaqlara elmi müəssisənin strukturu, yaranma tarixi, əsas fəaliyyət istiqamətləri, beynəlxalq əlaqələri barədə ətraflı məlumat veriləcək. Burada onlar əyani olaraq institutun yeni avadanlıqlarla təchiz edilmiş laboratoriyalarında aparılan elmi-tədqiqat işləri, müasir cihazların iş prinsipi ilə yaxından tanış ola biləcəklər.

Maraqlanan hər kəs dəvətlidir!

Ünvan: Bakı ş., Z.Xəlilov küç., 117.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

21.10.2019 12:04

Elan

25 oktyabr 2019-cu il tarixində AMEA-nın Biofizika İnstitutunda “Plazma zülallarının məxsusi fluoresensiyası” mövzusunda elmi seminar keçiriləcək.

Mövzu üzrə İnstitutun “Ekoloji biofizika” laboratoriyasının aparıcı elmi işçisi, b.e.n., dosent Mürsəl Dadaşov çıxış edəcək. Seminarda plazma zülallarının məxsusi fluoresensiyası (intrinsic fluorescence), fəaliyyət mexanizmləri, tədqiqat yolları, perspektivləri  müzakirə olunacaq.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

18.10.2019 17:09

Biofizika İnstitutunda iranlı alimin “CRISPR gen redaktə edilməsi və gələcək perspektivlər” mövzusunda elmi məruzəsi dinlənildi

18 oktyabr 2019-cu il tarixində AMEA-nın  Biofizika İnstitutunda “CRISPR gen redaktə edilməsi və gələcək perspektivlər” mövzusunda elmi seminar keçirildi.

Seminarı giriş sözü ilə institutun elmi işlər üzrə direktor müavini, biologiya üzrə elmlər doktoru Kərim Qasımov açaraq mövzunun əhəmiyyətindən danışdı və sözü Zəncan Tibb Universitetinin professoru Dr. Saeed Kaboliyə verdi.

Məruzəçi çıxışında CRISPR gen, biotexnologiyasının insan həyatında rolu, genomun tarixi, redaktəsi, çox yönlülüyü və təbabətdə rolu haqqında geniş məlumat verdi.

Sonda məruzə ətrafında fikir mübadiləsi aparıldı, suallar cavablandırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

18.10.2019 12:20

AMEA-nın doktoranturasına qəbul şərtləri dəyişdirilib

AMEA Rəyasət Heyətinin 4 mart 2015-ci il tarixli qərarına əsasən, akademiyada doktoranturaya qəbul və doktorluq imtahanları ingilis dilindən akademik İELTS proqramı üzrə keçirilir.

Bu imtahan AMEA-nın gənc alimlərinin ingilis dilində oxu, danışıq və yazı bacarıqlarının inkişaf etdirilməsinə, onların xarici ədəbiyyatdan sərbəst istifadəsinə, beynəlxalq elmi tədqiqat mərkəzləri ilə əlaqələrinin genişləndirilməsinə və nüfuzlu elmi bazalardan istifadə imkanlarının artırılmasına zəmin yaradıb.

Bununla yanaşı, iddiaçılar xarici dildən doktoranturaya qəbul və doktorluq imtahanlarında alman və ya fransız dilini seçmək hüququna malikdirlər.

Bu dillərdən iddiaçıların biliklərinin müvafiq tələblərə uyğun qiymətləndirilməsini təmin etmək məqsədilə AMEA-nın prezidenti, akademik Akif Əlizadə “Alman və fransız dillərindən doktorluq və qəbul imtahanlarının keyfiyyətinin yüksəldilməsi haqqında” sərəncam imzalayıb.

Sənədə əsasən, AMEA-nın doktoranturasına növbəti qəbul və cari ilin qış imtahan sessiyasından başlayaraq doktorluq imtahanlarında iddiaçılar müstəqil olaraq alman dilindən B2 səviyyəsi üzrə Höte sertifikat imtahanı, fransız dilindən isə B1 və ya B2 səviyyəsi üzrə DELF imtahanı verərək imtahanın nəticəsini təsdiq edən müvafiq sertifikatı AMEA Rəyasət Heyəti aparatının Elm və təhsil baş idarəsinə təqdim etməlidirlər.

Mənbə: www.science.az

16.10.2019 16:45

“CRISPR gen redaktə edilməsi və gələcək perspektivlər” mövzusunda elmi seminar keçiriləcək

18 oktyabr 2019-cu il tarixində saat 14:00-da AMEA-nın  Biofizika İnstitutunda “CRISPR gen redaktə edilməsi və gələcək perspektivlər” mövzusunda elmi seminar keçiriləcək.

Mövzu ilə bağlı Zəncan Tibb Universitetindən dəvət olunmuş və elmi dərəcəsini Yaponiyanın Osaka Universitetində almış Dr. Saeed Kaboli çıxış edəcək.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

09.10.2019 10:08

Fizika-Riyaziyyat və Texnika Elmləri Bölməsinin növbəti büro iclası keçirilib

Oktyabrın 8-də AMEA-nın İdarəetmə Sistemləri İnstitutunda Fizika-Riyaziyyat və Texnika Elmləri Bölməsinin (FRTEB) növbəti büro iclası keçirilib. Tədbirdə AMEA-nın vitse-prezidenti, büro üzvləri, müvafiq elmi müəssisələrin rəhbərləri, eləcə də bir sıra alim və mütəxəssislər iştirak ediblər.

Tədbiri giriş sözü ilə açan FRTEB-in akademik-katibi, akademik Nazim Məmmədov gündəlikdəki məsələləri diqqətə çatdırıb. O, bugünkü iclasda “Müşahidə olunmuş 125 QeV kütləli bozon həqiqətən Standart modelin Hiqqs bozonudur, yaxud spini 0 və 2 olan yeni neytral bozonların varlığı reallıqdır?” adlı məruzə ilə yanaşı, bir sıra elmi-təşkilati və kadr məsələlərinin müzakirə olunacağını diqqətə çatdırıb.

Məruzəni təqdim edən Azərbaycan Respublikasının Prezidenti yanında Ali Attestasiya Komissiyası sədrinin müavini, AMEA-nın müxbir üzvü Vəli Hüseynov bildirib ki, 2012-ci il iyulun 4-də Böyük Adron Kollayderinin ATLAS və CMS eksperimentlərində kütləsi 126 QeV ətrafında olan və xassələri standart modelin qabaqcadan söylədiyi Hiqqs bozonunun xassələrinə uyğun gələn yeni neytral bozon kəşf olunub. Aparılmış təhlillər nəticəsində standart modeldən bəzi kənaraçıxmaların mövcudluğu elmi problem olaraq ortaya qoyulub.

V.Hüseynov ATLAS və CMS eksperimentlərində müşahidə olunmuş Hiqqs bozonu ilə bağlı açıq qalmış çoxsaylı sualların ortaya çıxdığını deyib. O, bu sualların cavablandırılması üçün bircins maqnit sahəsində kütləyə malik olan ixtiyari neytral bozonun W-bozon cütünə parçalanmasının tədqiq edildiyini qeyd edib.

Məruzə ətrafında akademiklər Nazim Məmmədov, Telman Əliyev, AMEA-nın müxbir üzvləri Əminağa SadıqovBilal BilalovOktay Qasımov, Bakı Dövlət Universitetinin professoru Sərhəddin Abdullayev, fizika-riyaziyyat elmləri doktoru Şakir Nağıyev suallarla çıxış ediblər.

AMEA-nın vitse-prezidenti, akademik Rasim Əliquliyev məruzə ilə bağlı fikirlərini bölüşərək, mövzunun Azərbaycan elminin prioritet istiqamətlərinə daxil olduğunu söyləyib. Məruzənin AMEA-nın Rəyasət Heyətində müzakirəyə çıxarılmasının məqsədəuyğun olduğunu deyən alim bu kimi prioritet mövzularda araşdırmaların davam etdirilməsinin zəruriliyini qeyd edib.

İclasda FRTEB-in qərarına əsasən, məruzənin kainatın dərk olunması və fizikanın inkişafı nöqteyi-nəzərindən nüvə fizikasının ayrıca bölməsi olan elementar zərrəciklər fizikası, kosmologiya və astrofizika üçün mühüm elmi əhəmiyyəti nəzərə alınıb. Xarici maqnit sahəsində elementar zərrəciklərin qarşılıqlı təsirlərinin tədqiq olunması və onların astrofizika, kosmologiya və laboratoriya şəraitində tətbiq imkanlarının araşdırılması mühüm elmi məsələ kimi qeyd edilib və bu tədqiqatlara doktorant və magistrlərin cəlb edilməsi məqsədəuyğun hesab olunub.

Elmi məruzədə qeyd olunan prioritet məsələlərlə bağlı nüvə fizikasının ayrıca bölməsi olan elementar zərrəciklər fizikası, kosmologiya və astrofizika sahələrində müvafiq elmi-tədqiqatların aparılmasına hərtərəfli köməyin, o cümlədən maliyyə dəstəyinin göstərilməsi barədə AMEA Rəyasət Heyəti qarşısında vəsatət qaldırılması təklif olunub.

Daha sonra akademik R.Əliquliyev AMEA-nın Fizika-Riyaziyyat və Texnika Elmləri Bölməsinin 2019-cu il üzrə elmi və elmi-təşkilati fəaliyyəti haqqında hesabatının keçirilməsinin təşkili haqqında çıxış edib. O, gündəliyə daxil olan məsələlərin geniş şəkildə müzakirəyə çıxarılması məqsədilə bölmənin iclaslarının iki gün ərzində keçirilməsini təklif edib.

Alim bölmənin kurasiyasında olan digər elm və təhsil müəssisələrinin, həmçinin AMEA üzvlərinin hesabatlarının da dinlənilməsi üçün lazımi şəraitin yaradılacağını vurğulayıb.

“AMEA-nın 2020-2025-ci illər üçün Milli İnkişaf Proqramı”na təkliflər haqqında çıxış edən R.Əliquliyev AMEA-da növbəti 5 ildə yerinə yetiriləcək işlər, prioritet istiqamətlərdə həyata keçiriləcək tədqiqatlar, elm və təhsilin inteqrasiyası və digər aktual məsələlərlə bağlı görüləcək işlərə dair kompleks təkliflərin hazırlanaraq Rəyasət Heyətinə təqdim olunmasının vacibliyini qeyd edib.

Akademik müasir dövrdə ölkəmizdə gedən dəyişikliklərin, inkişaf tendensiyalarının ciddi elmi dəstək tələb etdiyini vurğulayaraq, bu istiqamətdə FRTEB-in qarşısında da ciddi vəzifələrin dayandığını söyləyib. Bildirib ki, əməkdaşların sosial vəziyyətinin yaxşılaşdırılması, sosial siyasətin həyata keçirilməsi, yüksəkixtisaslı kadrların hazırlanması, elektron elmin inkişafı və s. ilə bağlı dünya təcrübəsi öyrənilməli və ölkəmizdə tətbiqi ilə bağlı alimlər tərəfindən kompleks tədbirlər görülməlidir.

İclasda FRTEB-in elmi-müəssislərinin maddi-texniki bazasının gücləndirilməsinə dair təkliflər də müzakirə olunub. Bildirilib ki, bölmənin bəzi institut və təşkilatları müasir proqram təminatlı texniki avadanlıqlarla təmin olunmalıdır. Həmçinin FRTEB-nə daxil olan müəssisələrin şəbəkə infrastrukturunun təkmilləşdirilməsi, elmi təyinatlı avadanlıqların əldə olunması və s. ilə bağlı təkliflərin hazırlanaraq AMEA Rəyasət heyətinə təqdim olunması tövsiyə edilib.

Daha sonra AMEA-nın Fizika İnstitutunun əməkdaşı Asif Əsədovun Birləşmiş Nüvə Tədqiqatları İnstitutuna ezam edilməsi, AMEA-nın Biofizika İnstitutunun Elmi Şurasının tərkibində qismən dəyişiklik edilməsi, eləcə də Biofizika İnstitutunun əməkdaşı Zərifə Osmanlının Fransanın Monpelye Universitetinə ikili doktorantura təhsili almaq məqsədilə ezam olunması haqqında qərarlar müzakirə olunub.

Tədbirin sonunda bir sıra kadr məsələlərinə baxılıb, sual və təkliflər səsləndirilib.

 

Mənbə: www.science.az

07.10.2019 12:12

Biofizika İnstitutunda növbəti seminar keçirildi

4 oktyabr 2019-cu il tarixində AMEA-nın Biofizika İnstitutunda növbəti elmi seminar keçirildi. Seminarda “Rusiya Biofiziklərinin VI qurultayı”nda iştirak etmiş əməkdaşların hesabat məruzələri dinlənildi.

Seminarı institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq,  bu formatda seminarların mütəmadi olaraq keçirilməsinin əhəmiyyətini vurğuladı.

Qarşılıqlı fikir mübadiləsi əsasında keçən seminarda “Ekoloji biofizika” laboratoriyasının rəhbəri, b.e.d., prof. Tokay Hüseynov “İzolə olunmuş insan eritrotrositlərində nitritin təsiri zamanı qlutationperoksidaza və katalaza aktivliklərinin dəyişilməsinin müqaisəli qiymətləndirilməsi”, b.ü.f.d. Ruhiyyə Quliyeva “Nitrit intoksikasiyasının qiymətləndirilməsində qan zərdabının xemilüminessensiyası ekspress metod kimi”, k.e.i. Sevil Məhərrəmova “Yüksək gərginlikli elektrik sahəsinin (50Hz) təsiri altında insan eritrositlərinin hemolizə qarşı rezistentliyi”, e.i. Arzu Aydəmirova “İnsan qanı plazmasının FÇİQ spektrlərinin köməkliyi ağ ciyər xərçənginin biomarker analizi” mövzusunda hesabat məruzələri ilə çıxış etdilər və sualları cavablandırdılar.

Seminarın gedişatında həmçinin Biomolekulların strukturu, dinamikası və funksiyası  laboratoriyasının gənc alimləri Aytac Quliyeva “Serisinin hidrofob klasterlərinin ANS köməkliyi ilə xarakteristikası: Stasionar, zamanla ayırdedilmiş hallarda flüoresensiyası”, Aidə Məmmədzadə “Fibroin məhlulunda aqreqasiya kinetikasının xarakterik xüsusiyyətləri”, Ləman Suleymanova “Ultrabənövşəyi şüalanma nəticəsində tam isladılmış fibroin məhlulunda sərbəst radikalların rekombinasiyasının keçici kinetikası” mövzusunda tezis məruzələrini təqdim etdilər.

Çıxışların sonunda məruzələr ətrafında müzakirələr aparıldı, irad, rəy və təkliflər səsləndirildi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

26.09.2019 16:20

Elan

4 oktyabr 2019-cu il tarixində saat 15:00-da AMEA Biofizika İnstitutunda növbəti elmi seminar keçiriləcək.

Seminarda “Rusiya Biofiziklərinin VI qurultayı”nda iştirakları ilə bağlı “Ekoloji biofizika” laboratoriyasının əməkdaşları prof. Tokay Hüseynovun, b.ü.f.d. Ruhiyyə Quliyevanın, k.e.i. Sevil Məhərrəmovanın və “Biomolekulların strukturu, dinamikası və funksiyası” laboratoriyasının e.i. Arzu Aydəmirovanın  hesabat məruzələri dinləniləcək.

Seminarda müzakirə olunacaq mövzular:

  • “İzolə olunmuş insan eritrotrositlərində nitritin təsiri zamanı qlutationperoksidaza və katalaza aktivliklərinin dəyişilməsinin müqaisəli qiymətləndirilməsi”;
  • “Nitrit intoksikasiyasının qiymətləndirilməsində qan zərdabının xemilüminessensiyası ekspress metod kimi”;
  • “Yüksək gərginlikli elektrik sahəsinin (50Hz) təsiri altında insan eritrositlərinin hemolizə qarşı rezistentliyi”;
  • “İnsan qanı plazmasının FÇİQ spektrlərinin köməkliyi ağ ciyər xərçənginin biomarker analizi”.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25.09.2019 14:31

AMEA Biofizika İnstitutunun növbəti Elmi Şurası keçirildi

25 sentyabr 2019-cu il tarixində AMEA Biofizika İnstitutunun Elmi Şurasının növbəti iclası keçirildi.

İclasda aşağıdakı məsələlər müzakirə olundu:

  1. Biofizika İnstitutunun direktoru prof. Oktay Qasımovun 16-20 sentyabr tarixlərində Vyana şəhərində keçirilmiş Atom enerjisi üzrə Beynəlxalq Agentliyin Baş Konfransının 63-cü sessiyasında iştirakı ilə bağlı hesabatı haqqında;
  2. 16-21 sentyabr 2019-cu il tarixlərində Soçi şəhərində keçirilmiş “Rusiya Biofiziklərinin VI qurultayı” tədbirində iştirakları haqqında “Ekoloji biofizika” laboratoriyasının əməkdaşları prof. Tokay Hüseynovun, b.ü.f.d. Ruhiyyə Quliyevanın, k.e.i. Sevil Məhərrəmovanın və “Biomolekulların strukturu, dinamikası və funksiyası” laboratoriyasının e.i. Arzu Aydəmirovanın hesabatı;
  3. 2019/2020-ci tədris ilində qarşıda duran vəzifələr haqqında;
  4. İllik hesabatın keçirilməsi haqqında;
  5. Biofizika İnstitutunun 2019-cu il üçün doktoranturaya və dissertanturaya qəbul planına əsasən müvafiq yerlərə təqdim olunan dissertasiya mövzularının müzakirəsi və təsdiqi haqqında;
  6. “Molekulyar və hüceyrə biokimyası” laboratoriyasına rəhbərin təyin edilməsi haqqında;
  7. Azərbaycan Tibb Universitetinin I cərrahi xəstəliklər kafedrasının doktorantı Xatirə Novruzəli qızı Şirinovanın AMEA Biofizika İnstitutunun “Ekoloji biofizika” laboratoriyasında aparacağı elmi-tədqiqat işlərinin müzakirəsi və planlaşdırılması haqqında.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25.09.2019 14:20

AMEA Biofizika İnstitutunun əməkdaşları Soçidə keçirilən qurultayda iştirak ediblər

AMEA Biofizka İnstitutunun “Ekoloji biofizika” laboratoriyasının əməkdaşları prof. Tokay Hüseynov, b.ü.f.d. Ruhiyyə Quliyeva, k.e.i. Sevil Məhərrəmova və “Biomolekulların strukturu, dinamikası və funksiyası” laboratoriyasının e.i. Arzu Aydəmirova 16-21 sentyabr 2019-cu il tarixlərində Soçi şəhərində keçirilmiş “Rusiya Biofiziklərinin VI qurultayı” tədbirində iştirak ediblər.

Müasir biofizika elminin aktual problemlərinə həsr olunmuş qurultayda fotobiologiya, o cümlədən fotosintez, zəif elektromaqnit sahələrinin canlı hüceyrə ilə qarşılıqlı təsiri, bioinformatika, biotibbi tədqiqatdakı azot oksidi və suda molekulyar qarşılıqlı təsir, habelə kök hüceyrələrinin tibbdə tətbiqi haqqında məruzələr təqdim olunub.

Qurulatayın plenar iclasında mövzu ilə bağlı “Ekoloji biofizika” laboratoriyasının rəhbəri, b.e.d., prof. Tokay Hüseynovun “İzolə olunmuş insan eritrotrositlərində nitritin təsiri zamanı qlutationperoksidaza və katalaza aktivliklərinin dəyişilməsinin müqaisəli qiymətləndirilməsi” adlı məruzəsi dinlənilib.

Daha sonra qurultayın bölmələr üzrə keçirilən iclaslarında R.Quliyeva “Nitrit intoksikasiyasının qiymətləndirilməsində qan zərdabının xemilüminessensiyası ekspress metod kimi”, S.Məhərrəmova “Yüksək gərginlikli elektrik sahəsinin (50Hz) təsiri altında insan eritrositlərinin hemolizə qarşı rezistentliyi”, A.Aydəmirova “İnsan qanı plazmasının FÇİQ spektrlərinin köməkliyi ağ ciyər xərçənginin biomarker analizi” mövzusunda şifahi və stend təqdimatlarla çıxış edərək fəaliyyət göstərdikəri elmi müəssisəni layiqincə təmsil ediblər.

Tədbirin sonunda iştirakçılara sertifikatlar verilib.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

23.09.2019 13:20

AMEA-nın müxbir üzvü Oktay Qasımov beynəlxalq konfransda iştirak edib

AMEA Biofizika İnstitutunun direktoru v.i.e, AMEA-nın müxbir üzvü Oqtay Qasımov 16-20 sentyabr 2019-cu il tarixlərində Avstriyanın paytaxtı Vyana şəhərində keçirilən Atom enerjisi üzrə Beynəlxalq Agentliyin (AEBA) 63-cü sessiyasının baş konfransında iştirak edib.

Səfər çərçivəsində O.Qasımov “Xərçənglə mübarizədə on illik fəaliyyət və irəliyə yol” başlıqlı elmi foruma qatılaraq müzakirələrdə iştirak edib. Bu istiqamətdə əldə olunmuş nailiyyətlər və perspektivlər barədə AEBA-nin radiasiya biologiyası üzrə mütəxəssisləri Oleq Belyakov və Kamal Əkbərovla görüşərək gələcəkdə müştərək elmi-tədqiqat işlərinin aparılmasına dair səmərəli müzakirələr aparıb.

Qeyd edək ki, sessiya AEBA-nin 170-dən çox üzv ölkəsindən yüksək səviyyəli nümayəndə heyətlərini bir araya gətirərək nüvə təhlükəsizliyi, radiasiya təhlükəsizliyi və nüvə enerjisinin sülh üzrə tətbiq olunmasını təşviq edir.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20.09.2019 15:12

Elmi Şuranın növbəti iclası keçiriləcək

25 sentyabr 2019-cu il tarixində saat 09:30-da AMEA Biofizika İnstitutunun Elmi Şurasının növbəti iclası keçiriləcək.

İclasda aşağıdakı məsələlərə baxılacaq:

  • 2019/2020-ci tədris ilində qarşıda duran vəzifələrin müzakirəsi;
  • İllik hesabatın keçirilməsi haqqında 13 sentyabr 2019-cu il tarixli 127 №-li əmrin müzakirəsi və təsdiqi;
  • Biofizika İnstitutunun 2019-cu il üçün doktoranturaya və dissertanturaya qəbul planına əsasən müvafiq yerlərə təqdim olunan dissertasiya mövzularının müzakirəsi və təsdiqi;
  • “Molekulyar və hüceyrə biokimyası” laboratoriyasına rəhbərin təyin edilməsi haqqında məsələ;
  • Biofizika İnstitutunun direktoru prof. Oktay Qasımovun 16-20 sentyabr tarixlərində Vyana şəhərində keçirilmiş Atom enerjisi üzrə Beynəlxalq Agentliyin Baş Konfransının 63-cü sessiyasında iştirakı ilə bağlı hesabatı;
  • 16-21 sentyabr 2019-cu il tarixlərində Soçi şəhərində keçirilmiş “Rusiya Biofiziklərinin VI qurultayı” tədbirində iştirakları ilə bağlı “Ekoloji biofizika” laboratoriyasının əməkdaşları prof. Tokay Hüseynovun, b.ü.f.d. Ruhiyyə Quliyevanın, k.e.i. Sevil Məhərrəmovanın və “Biomolekulların strukturu, dinamikası və funksiyası” laboratoriyasının e.i. Arzu Aydəmirovanın hesabatı;
  • Azərbaycan Tibb Universitetinin I cərrahi xəstəliklər kafedrasının doktorantı Xatirə Novruzəli qızı Şirinovanın AMEA Biofizika İnstitutunun “Ekoloji biofizika” laboratoriyasında aparacağı elmi-tədqiqat işlərinin müzakirəsi və planlaşdırılması.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20.09.2019 12:04 

AMEA və CNR-in elan etdiyi müsabiqənin qiymətləndirmə mərhələsində olan layihələrin siyahısı

AMEA və İtaliya Milli Tədqiqat Şurası (CNR) arasında imzalanmış elmi əməkdaşlıq sazişi üzrə müştərək proqram çərçivəsində 2020-2021-ci illər üçün elan edilmiş müsabiqəyə hər iki tərəfdən 16 layihə təqdim olunub. Onlardan 10 layihə texniki ekspertizadan keçib və qiymətləndirmə üçün qəbul edilib.

Qiymətləndirmə mərhələsində olan layihələrin siyahısını təqdim edirik.

Mənbə: www.science.az

18.07.2019 15:10

AMEA-nın Biofizika İnstitutunda maarifləndirici seminar keçirildi

18 iyun 2019-cu il tarixində AMEA-nın Biofizika İnstitutunda “Beynəlxalq elmi jurnallarda məqalələrin yazılmasına dair tövsiyyələr, “yırtıcı” nəşrlərdən necə qorunmalı, “Web of Science” platformasının axtarış imkanları” mövzusunda maarifləndirici seminar keçirildi.

Tədbirdə İnstitutun “Biomolekulların strukturu, dinamikası və funksiyası” laboratoriyasının elmi işçisi, AMEA Fizika İnstitutunun dissertantı Arzu Aydəmirova çıxış edərək, seminar iştirakçılarına “Web of Science” sistemindən səmərəli istifadə qaydaları haqqında ətraflı məlumat verdi.  Platformaya daxil olan elmi məqalələrin axtarılması və təqdim edilmə yolları əyani şəkildə nümayiş olundu.

Sonda tədbir iştirakçılarını maraqlandıran suallara aydınlıq gətirildi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

18.07.2019  09:26

Onkoloji və neyrodegenerativ xəstəliklərin yeni tədqiqi üsulları müzakirə edilib

İyulun 17-də Azərbaycan Tibb Universitetinin Tədris Terapevtik Klinikasında keçirilən Azərbaycan Milli Elmlər Akademiyasının Rəyasət Heyətinin iclasında Biofizika İnstitutunun direktoru, AMEA-nın müxbir üzvü Oktay Qasımovun “Ağciyər xərçəngi və neyrodegenerativ amiloid xəstəliklərinin multidissiplinar tədqiqi: ilkin nəticələr və gələcək istiqamətlər” mövzusunda elmi məruzəsi dinlənilib.

Alim bildirib ki, onkoloji və neyrodegenerativ xəstəliklər müasir biotibbin ən prioritet istiqamətlərindəndir. İqtisadi cəhətdən inkişaf etmiş əksər ölkələrdə ölüm səbəblərinin strukturunda bədxassəli şişlərin 18-23 faizlə ikinci yeri tutduğunu deyən natiq, dünya əhalisinin təxminən 10 faizinin yaşla əlaqəli neyrodegenerativ xəstəliklərdən əziyyət çəkdiyini əlavə edib: “Bu xəstəliklərin hər birində genetik, stress və başqa amillər mühüm rol oynayır. Bu çoxamilli xəstəliklərin yaratdığı tibbi-sosial problemləri həll etmək üçün yeni innovativ, multidissiplinar yanaşmaların tətbiqinə böyük ehtiyac var”.

Məruzəçi xəstəliklərin başlanğıc mərhələsini aşkar edə bilən yeni skrininq metodların tətbiqinin vacib olduğunu xüsusi qeyd edib. Vurğulayıb ki, bu  yanaşma həm xəstələrin yaşama müddətinin və sağalma ehtimalının artması, həm də iqtisadi səmərəlilik nöqteyi-nəzərindən mühüm əhəmiyyət kəsb edir. O.Qasımov AMEA-nın Biofizika İnstitutu və Azərbaycan Respublikası Səhiyyə Nazirliyinin Milli Onkologiya Mərkəzi ilə birgə işlənilib hazırlanan  süni intellekt vasitəsilə ağciyər xərçənginin proqnozu üzrə aparılan işlərin uğurlu nəticələr verdiyini söyləyib: “”Maşın öyrənməsi” fazasında sağlam və xəstə insanların qan plazmaları Furye Çevirici İnfraqırmızı spektrləri multivariat statistika vasitəsi ilə təsnif olunub, onun icrası yoxlanılıb, lazım gəldikdə optimallaşdırılıb. Maşın bu biliklərdən istifadə etməklə naməlum nümunələri multivariat statistika vasitəsi ilə təsnif edib proqnoz verir. İşlənib hazırlanan sistem sağlam insanları 80 faizə, ağciyər xərçəngi olan xəstələri isə 90 faizə qədər dəqiqliklə təyin edə bilir. Bu tədqiqatları davam etdirmək və maşın biliyinin həcmini artırmaqla təsnifatı daha da təkmilləşdirmək zəruridir”.

O.Qasımov bildirib ki, sağlam və bədxassəli şiş hüceyrələrinin membranının temperaturdan asılı dinamikası bir-birindən kəskin fərqlənir. Vurğulayıb ki, sağlam hüceyrələrə nisbətən bədxassəli şiş hüceyrələrinin membranının axıcılığı temperatur yüksəldikcə daha kəskin artır. Hazırda bədxassəli şişlərin kimyəvi terapiyasının effektivliyinin, eləcə də şüa müalicəsi zamanı toxumaların radiohəssaslığının artırılması üçün süni lokal hipertermiya üsulundan istifadə olunur.

Natiq bədxassəli şiş hüceyrələrinin morfologiyasına dair çoxşaxəli tədqiqatların sürətlə genişləndiyini deyib. Vurğulayıb ki, şiş toxumasında hüceyrə ətrafı mühit zəif turş, normal hüceyrə ətrafı isə zəif qələvidir. Bu fərqdən xəstəliyin rasional müalicəsi üçün yararlanmaq olar və artıq bu istiqamətdə tədqiqatlara başlanılıb. Məruzəçi tədqiqatların Milli Onkologiya Mərkəzi ilə birlikdə aparıldığını, alınan nəticələrin mütəxəssislərlə, dünyada tanınmış onkoloq akademik Cəmil Əliyevlə müzakirə edildiyini söyləyib. Mərkəzlə rəhbərlik etdiyi institutun Molekulyar və hüceyrə onkologiyası birgə laboratoriyasının elmi tədqiqat işlərinin effektiv və yüksək dərəcədə koordinasiya olunmuş şəkildə aparıldığını əlavə edib.

Məruzəçi bildirib ki, dünyada tibb sahəsi fərdi təbabət yanaşması, yəni hər bir fərd üçün fərdi dərman seçilməsi, hətta sintezi istiqamətində inkişaf edir. Vurğulayıb ki, eyni xərçəng xəstəliyi bir və ya bir neçə mutasiyanın, yaxud müxtəlif genin zədələnməsi nəticəsində baş verə bilər. Ona görə, hər bir xərçəng xəstəsində olan mutasiyalar təyin edilməli, buna cavab verən dərmanlar seçilməlidir. Qeyd edib ki, bu gün tibbdə müasir çağırışlara cavab olaraq, fərdi təbabət istiqamətini inkişaf etdirmək üçün AMEA-nın Biofizika İnstitutunda hüceyrə texnologiyaları bazasının yaradılmasına ehtiyac var.

O.Qasımov inteqrativ bioloji yanaşma əsasında bədxassəli şiş hüceyrələrinin yaranmasına səbəb olan prinsipial genetik faktorların təyini və dəqiqləşdirilməsi, bədxassəli şişlərin gedişinin riyazi modelləşdirilməsi, proqnozlaşdırılması və müvafiq diaqnostika sistemlərinin yaradılması üzrə işlər aparıldığını söyləyib. Vurğulayıb ki, insan genomunda promotor axtarışı üzrə İnteqrativ biologiya laboratoriyasında yaradılmış yeni TSShm metodu və digər kompüter proqramları vasitəsi ilə alınmış nəticələr xərçəng xəstəliyi ilə bağlı məlum 702 gendən 650-si üçün ən azı 1 potensial 2-istiqmətli promotor (2-İP) olduğunu göstərir. Natiq bu istiqamətdə alınan mühüm nəticələrin nüfuzlu beynəlxalq jurnallarda (BBA-Proteins and Proteomics, 2018; Journal of Spectroscopy, 2018; Macromol.Chem.Phys, 2019) çap olunduğunu da əlavə edib.

Məruzə dinlənildikdən sonra mövzu ətrafında akademiklər – Rasim Əliquliyev, Dilqəm Tağıyev, İradə Hüseynova, Əhliman Əmiraslanov, Vaqif Fərzəliyev, AMEA-nın müxbir üzvü Ramiz Alıquliyev, professor Habil Muradov və digərləri çıxış edərək fikir və təkliflərini səsləndiriblər.

Məruzə Rəyasət Heyəti tərəfindən müsbət qiymətləndirib. AMEA-nın Biofizika İnstitutuna Səhiyyə Nazirliyinin Milli Onkologiya Mərkəzi ilə birlikdə verilənlər bazası həcmini artırmaqla ağciyər xərçənginin təsnifatının təkmilləşdirilməsi və ağciyər xərçəngi üçün iqtisadi cəhətdən səmərəli skrininq metodunun yaradılması və digər istiqamətlərdə tapşırıqlar verilib. İnsan genomunun transkripsiya statusunun idarə edilməsinin çoxşaxəli mürəkkəb proses olduğunu nəzərə alaraq, xərçəng xəstəliyi ilə bağlı işlərin davam etdirilməsi, onkologiya və neyrodegenerativ amiloid xəstəliklərində mutasiyaların mühüm rolunu nəzərə almaqla fərdi təbabət istiqamətini inkişaf etdirmək üçün Biofizika İnstitutunda hüceyrə texnologiyalarının maddi-texniki bazasının yaradılması üzrə işlərin aparılması qərara alınıb.

Mənbə: www.science.az

16.07.2019 17:36

Elan

18 iyul 2019-cu il tarixində saat 11:00-da Biofizika İnstitutunun seminar otağında (510-cu otaq) “Beynəlxalq elmi jurnallarda məqalələrin yazılmasına dair tövsiyyələr, “yırtıcı” nəşrlərdən necə qorunmalı, “Web of Science” platformasının axtarış imkanları” mövzusunda maarifləndirici seminar keçiriləcək.

Mövzu ilə bağlı İnstitutun “Biomolekulların strukturu, dinamikası və funksiyası” laboratoriyasının elmi işçisi, AMEA Fizika İnstitutunun dissertantı Arzu Aydəmirova çıxış edəcək.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

21.06.2019 17:40

“EBSCOhost platformasında interaktiv axtarış” mövzusunda təlim keçirildi

2019-cu il iyunun 21-də AMEA-nın Biofizika İnstitutunda Azərbaycan Kitabxana İnformasiya Konsorsiumu və AMEA Mərkəzi Elmi Kitabxanasının birgə təşkilatçılığı ilə “EBSCOhost platformasında interaktiv axtarış” mövzusunda təlim keçirildi.

Məruzə ilə çıxış edən AKİK-nun direktoru və MEK İnnovativ layihələr şöbəsinin müdiri Cəmilə Yusifova, təlim iştirakçılarına EBSCO host platformasında yerləşən elektron kitab və məlumat bazalarından səmərəli istifadə etmə üsulları haqqında ətraflı məlumat verdi. Platformanın tədqiqatçılara təklif etdiyi imkanlardan söz açan təlimçi, iş prinsipini əyani şəkildə nümayiş etdirdi.

Təlimin sonunda iştirakçıları maraqlandıran suallar cavablandırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20.06.2019 13:56

Elmi şuranın iclası keçirildi

20 iyun 2019-cu il tarixində AMEA Biofizika İnstitutunun Elmi Şurasının növbəti iclası keçirildi. AMEA-nın müxbir üzvü, fizika-riyaziyyat elmləri doktoru, professor Oktay Qasımov iclası giriş sözü ilə açaraq gündəlikdə duran məsələləri Şura üzvlərinin diqqətinə çatdırdı.

Gündəlikdə duran ilk məsələ ilə bağlı İnstitutun Elmi katibi, b.ü.f.d. Florida Mehrəliyeva çıxış edərək cari ilin yarımilliyi ərzində müəssisənin nəzdindəki laboratoriyaların elmi və elmi-təşkilati fəaliyyəti haqqında ümumi məlumat verdi. Elmi Şuranın qərarı ilə hesabat qənaətbəxş hesab olunaraq təsdiq edildi.

Daha sonra science.gov.az veb-portalında 11 iyun 2019-cu il tarixində yerləşdirilən elana əsasən AMEA Biofizika  İnstitutunun direktoru vəzifəsinə namizədin irəli sürülməsi məsələsinə baxıldı. Şura üzvlərinin yekdil qərarı ilə həmin vəzifəyə professor Oktay Qasımovun namizədliyi irəli sürüldü.

Gündəlikdə yer alan növbəti məsələ AMEA-nın Ümumi Yığıncağının 01 may 2019-cu il tarixli 1/1 №-li Qərarında qeyd olunmuş tapşırıqlar üzrə İnstitutda  həyata keçiriləcək tədbirlərin müzakirəsi ilə bağlı idi. Məsələ ilə bağlı çıxış edən İnstitutun elmi işlər üzrə direktor müavini, biologiya üzrə elmlər doktoru Kərim Qasımov, nəzərdə tutulan tədbirlərin siyahısını Elmi Şura üzvlərinin diqqətinə çatdırdı.

Sonda AMEA-nın Rəyasət Heyəti ilə Azərbaycan Respublikası Elmi Tədqiqatların Əlaqələndirilməsi Şurasının 31 may 2019-cu il tarixli “Elmi istiqamətlər üzrə elmi şuraların yaradılması haqqında”  qərar müzakirə olundu.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20.06.2019 09:00

AMEA və Fransanın Monpelye Universiteti birgə doktorantura proqramı elan edir

Azərbaycan Milli Elmlər Akademiyası və Fransanın Monpelye Universiteti arasında imzalanmış Əməkdaşlıq haqqında Çərçivə Sazişi əsasında birgə doktorantura proqramı elan olunur.

Namizədlər eyni zamanda həm AMEA, həm də Monpelye Universitetinin doktorantı kimi qeydiyyatdan keçiriləcək və hər iki təşkilatdan elmi rəhbərlə təmin ediləcək. Proqramın şərtlərinə görə, doktorantlar təhsil müddətinin 2 ilini Monpelye Universitetində və 1 ilini AMEA-da tamamladıqdan sonra həm Azərbaycan, həm də Fransa tərəfindən fəlsəfə doktoru diplomlarına layiq görüləcəklər.

Müraciətlər 24 iyun 2019-cu il tarixinə qədər AMEA Rəyasət Heyəti aparatının Beynəlxalq əlaqələr idarəsi tərəfindən qəbul edilir. Təqdim ediləcək sənədlər haqqında ətraflı məlumat və ərizə formaları üçün Beynəlxalq əlaqələr idarəsinə müraciət edilə bilər.

Müsabiqə üçün elan edilən mövzuların siyahısı:

– Development and application of bioinformatics tools for annotation of “dark” proteomes;

– Water confinement in single-wall carbon nanotubes: phase states and molecular dynamics.

Tel.: (+994 12) 492 34 46;

Email: esmira.alirzayeva@science.az

Mənbə: www.science.az

18.06.2019 12:50

Elmi Şuranın növbəti iclası keçiriləcək

20 iyun 2019-cu il tarixində saat 09:30-da AMEA Biofizika İnstitutunun direktor otağında institutun Elmi Şurasının növbəti iclası keçiriləcək.

İclasda aşağıdakı məsələlərə baxılacaq:

  • Biofizika İnstitutunun nəzdindəki laboratoriyaların elmi və elmi-təşkilati fəaliyyəti ilə bağlı 2019-cu ilin yarımillik hesabatının müzakirəsi və təsdiqi;
  • 11.06.2019 tarixində AMEA-nın elmi tədqiqat müəssisələrində direktor vəzifəsini tutmaq üçün seçkilər elanına əsasən AMEA Biofizika institutunun direktoru vəzifəsinə namizədin irəli sürülməsi haqqında;
  • AMEA-nın Ümumi Yığıncağının 01 may 2019-cu il tarixli 1/1 №-li Qərarında qeyd olunmuş tapşırıqlar üzrə AMEA-nın Biofizika İnstitutunda həyata keçiriləcək tədbirlər haqqında məlumat;
  • AMEA-nın Rəyasət Heyəti ilə AR Elmi Tədqiqatların Əlaqələndirilməsi Şurasının “Elmi istiqamətlər üzrə elmi şuraların yaradılması haqqında” 31 may 2019-cu il tarixli 10/3 №-li Qərarı haqqında məlumat.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

14.06.2019 11:00

“Elm” qəzetinin növbəti nömrəsi çapdan çıxıb

Azərbaycan Milli Elmlər Akademiyası (AMEA) Rəyasət Heyətinin mətbu orqanı olan “Elm” qəzetinin növbəti nömrəsi çapdan çıxıb.

Qəzetin birinci səhifəsindəki “Ölkələr arasında münasibətlərin dərinləşməsinə töhfə” məqaləsində AMEA prezidenti, akademik Akif Əlizadənin Çin Xalq Respublikasına səfəri, Çin Sosial Elmlər Akademiyasının prezidenti Sie Fucan ilə görüşü və Pekində keçirilən “Asiya sivilizasiyaları dialoqu” beynəlxalq konfransında dəvətli məruzəçi kimi çıxışı barədə məlumat verilib.

Sonrakı səhifələrdə “Milli maraqlara xidmət edən kitabxana”, “Ölməz sənətin elmi abidəsi”, “Nüfuzlu jurnallara elmi məqalə hazırlamağın yolları”, “Şərəfli həyat yolu keçmiş alim”, “Aristotel fəlsəfəsinin interpretasiyası”, “Elmin inkişafına dəyərli töhfələr vermiş akademik” məqalələri yer alıb.

Bundan başqa, oxucular “Faydalı, həm də kür mis”, “Əməkdaşlarımız Xərə-Zirə adasında”, “Görkəmli alimin ildönümü”, “Növbəti büro iclası” və digər məqalələrlə tanış ola bilərlər.

Mənbə: www.science.az

11.06.2019 11:52

“EBSCOhost platformasında interaktiv axtarış” mövzusunda təlim keçiriləcək

21 iyun 2019-cu il tarixində saat 15:00-da AMEA-nın Biofizika İnstitutunda “EBSCOhost platformasında interaktiv axtarış” mövzusunda təlim keçiriləcək.

AKİK-nun direktoru və MEK İnnovativ layihələr şöbəsinin müdiri Cəmilə Yusifovanın aparacağı təlimin əsas məqsədi əməkdaşların interaktiv axtarış metodları haqqında nəzəri və praktiki biliklərə yiyələnmələridir.

Qeyd edək ki, təlim Azərbaycan Kitabxana İnformasiya Konsorsiumu (AKİK) və AMEA Mərkəzi Elmi Kitabxanasının (MEK) birgə təşkilatçılığı ilə baş tutacaq.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

04.06.2019 10:40

AMEA əməkdaşlarının uşaqlarının yay tətilinin səmərəli keçirilməsi üçün düşərgə təşkil ediləcək

“Mərdəkan” istirahət düşərgəsi AMEA əməkdaşlarının uşaqlarının yay tətilinin səmərəli keçirilməsi üçün yeni mövsümə start verir.

Düşərgədə 7-14 yaş arası məktəbli uşaqların istirahəti nəzərdə tutulur. İstirahət müddəti hər biri 14 gün olmaqla 5 növbədə təşkil edilir:

– I növbə: 20 iyun – 04 iyul;

– II növbə: 7 iyul – 21 iyul;

– III növbə: 24 iyul – 8 avqust;

– IV növbə: 10 avqust – 24 avqust;

– V növbə: 27 avqust – 10 sentyabr .

Tələb olunan sənədlər:

– Doğum haqqında şəhadətnamə və ya şəxsiyyət vəsiqəsi;

– Sağlamlıq haqqında arayış.

Düşərgədə komfortlu kotteclərdə gündə 4 dəfə qidalanma, ingilis dili və rəqs məşğələləri, məntiqi-əyləncəli oyunlar, yarışmalar, diskoteka, ekskursiyalar, gündəlik idman nəzərdə tutulur. Kompleksin ərazisində hovuz, tennis, qum üzərində futbol və voleybol meydançaları var. Bundan əlavə, 24 saat həkim və kamera nəzarəti mövcuddur.

Bir növbə üçün adambaşı ödəniş haqqı 250 manatdır (100 manat valideyn tərəfindən, 150 manat isə institutun Həmkarlar Komitəsinin fondundan ödəniləcək).

Maraqlananlar AMEA Azad Həmkarlar İttifaqına müraciət edə bilərlər.

Ünvan: Bakı şəh., H.Cavid pros., 115.

Tel: (+994 12) 539 23 46, (+994 50) 282 19 80.

Mənbə: www.science.az

29.05.2019 16:30

Biofizika İnstitutunun əməkdaşı ADPU-də elmi məruzə ilə çıxış edib

29 may 2019-cu il tarixində AMEA Biofizika İnstitutun əməkdaşı, ekoloji biofizika laboratoriyasının aparıcı elmi işçisi, b.e.n., dosent Mürsəl Dadaşov Azərbaycan Dövlət Pedaqoji Universitetində “İnsan orqanizminə elektromaqnit sahəsinin təsiri” mövzusunda məruzə ilə çıxış edib.

“Fizika və texnologiya” fakültəsinin professor-müəllim və tələbə heyəti qarşısında çıxış edən məruzəçi, elektromaqnit sahəsi, onun mənbələri, bioloji təsir faktorları və effektləri haqqında ətraflı məlumat verib.

Məruzə iştirakçılar tərəfindən maraqla qarşılanıb və verilən suallar cavablandırılıb.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

24.05.2019 12:50

AMEA-nın magistraturasına 2019/2020-ci tədris ili üçün qəbul planı təsdiq edilib

Azərbaycan Respublikasının Nazirlər Kabineti tərəfindən 2019/2020-ci tədris ili üçün Azərbaycan Milli Elmlər Akademiyasının magistraturasına 24 ixtisas, 88 ixtisaslaşma üzrə 138 plan yeri təsdiq edilib. Ayrılan plan yerlərindən 103-ü dövlət sifarişli, 35-i isə ödənişli əsaslarladır. Cari ildə ilk dəfə olaraq AMEA-nın magistraturasına ödənişli əsaslarla tələbə qəbulu həyata keçiriləcək.

Bu ildən etibarən AMEA-nın magistraturasına qəbul zamanı ixtisaslaşma seçimindən əvvəl keçirilən müsahibə mərhələsi ləğv olunub. AMEA-nın magistraturasına qəbul olmaq istəyən bakalavrlar ümumi qaydada Dövlət İmtahan Mərkəzi tərəfindən keçirilən magistraturaya qəbul imtahanının hər iki mərhələsində müsabiqə şərtlərini ödədiyi halda AMEA-nın magistraturasına ayrılan plan yerlərində (əlavə olunur) göstərilən ixtisası seçmək imkanı əldə edəcəklər.

Mənbə: www.science.az

10.05.2019 15:06

Ümummilli lider Heydər Əliyevin anadan olmasının 96-cı ildönümü münasibətilə tədbir keçirildi

10 may 2019-cu il tarixində AMEA-nın Biofizika İnstitutunda Ümummilli lider Heydər Əliyevin 96-cı ildönümünə həsr olunan tədbir keçirildi.

Tədbiri institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, ictimai-siyasi xadim Heydər Əliyevin Azərbaycan dövləti və xalqı üçün göstərdiyi xidmətlərindən bəhs etdi.

Bildirdi ki, Ulu öndər Heydər Əliyev AMEA-nın inkişafına böyük töhvələr verib və  onun müdrik siyasəti nəticəsində ölkəmizdə bütün istiqamətlərdə, o cümlədən elm, təhsil və mədəniyyət sahələrində mühüm nailiyyətlər qazanılıb.

Sonra institutun innovasiya və transfer üzrə direktor müavini, tibb üzrə fəlsəfə doktoru Azad Əbdürrəhimov çıxış edərək, Heydər Əliyevin çoxşaxəli fəaliyyətindən, vətəni üçün gördüyü işlərdən söz açdı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

29.04.2019 17:13

AMEA-nın Biofizika İnstitutunda Həmkarlar Təşkilatının təşəbbüsü və təşkilatçılığı ilə idman avadanlıqları quraşdırılıb

AMEA Azad Həmkarlar İttifaqı və Biofizika İnstitutunun Həmkarlar İttifaqı Komitəsinin birgə təşkilatçılığı ilə işçilərin asudə vaxtının səmərəli təşkili məqsədilə müəssisədə idman avadanlıqları quraşdırılıb.

Bu avadanlıqlar aşağıdakılardır:

  • G series iki pozisiyonlu BODY SOLID GLGE-365/GLCE-365
  • Elektrik qaçış qurğusu VG Y40+/J40+

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

16.04.2019 13:50

Elmi şuranın növbəti iclası keçirildi

biophysics.az2019-cu il aprelin 16-da AMEA Biofizika İnstitutunun direktoru professor Oktay Qasımovun sədrliyi ilə İnstitutun Elmi Şurasının növbəti iclası keçirildi.

İclasda ilk olaraq, Rəyasət Heyətinin “AMEA-nın Biofizika İnstitutunda Azərbaycan Respublikası Səhiyyə Nazirliyinin Milli Onkologiya Mərkəzi ilə birgə Molekulyar və hüceyrə onkologiyası laboratoriyasının yaradılması haqqında” 03 aprel 2019-cu il tarixli 8/10 №-li Qərarı müzakirə olundu və yaradılacaq laboratoriyanın rəhbərinin təyin edilməsi məsələsinə baxıldı. Elmi Şuranın qərarı ilə Biofizika İnstitutundan AMEA-nın müxbir üzvü, fizika-riyaziyyat elmləri doktoru, professor Oktay Qasımov qarşı tərəfdən isə biologiya üzrə fəlsəfə doktoru Leyla Məlikova ictimai əsaslarla fəaliyyət göstərəcək birgə laboratoriyanın rəhbəri təyin edildilər.

Gündəliyə çıxarılan digər məsələ ilə bağlı İnstitutun Elmi katibi, b.ü.f.d. Florida Mehrəliyeva çıxış edərək dissertantların attestasiyasının nəticələri haqqında məlumat verdi. Müzakirələrdən sonra Elmi Şuranın qərarı ilə nəticələr qənaətbəxş hesab olunaraq təsdiq olundu.

Daha sonra Şura üzvlərinə, ölkə başçısı İlham Əliyevin 6 dekabr 2016-cı il tarixli “Milli iqtisadiyyat və iqtisadiyyatın əsas sektorları üzrə strateji yol xəritələrinin təsdiq edilməsi haqqında” Fərmanından irəli gələn vəzifələrin yerinə yetirilməsi məqsədi ilə tərtib edilən “AMEA-nın 2019-2020-ci illər üçün Azərbaycan Respublikası iqtisadiyyatının əsas sektorları üzrə Strateji yol xəritələrinə dair” tədbirlər planı haqqında məlumat verildi, bu istiqamətdə elmi müəssisənin üzərinə düşən vəzifələrlə bağlı müzakirələr aparıldı, bir sıra təkliflər səsləndirildi.

Sonda müzakirə olunan məsələlərlə bağlı fikir mübadiləsi aparılaraq iclas başa çatdı.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

16.04.2019 09:17

“Clarivate Analytics” silsilə onlayn seminarlar keçirəcək

5-25 iyun 2019-cu il tarixlərində “Clarivate Analytics” tərəfindən elmi nəşrlərlə bağlı aktual məsələlərə həsr olunan növbəti silsilə onlayn seminarlara start veriləcək.

Seminarlarda məqalə və hesabatların hazırlanmasının müxtəlif mərhələlərində informasiya resurslarının funksiyaları, müxtəlif elm sahələri üzrə ən nüfuzlu və uyğun jurnalların axtarılıb tapılması, beynəlxalq elmi jurnallarda nəşr olunma prinsipləri və tələbləri, “yırtıcı” jurnallardan qorunmaq yolları, elmi təşkilatların akademik fəaliyyətini və effektivliyini qiymətləndirmək mexanizmləri və digər bu kimi vacib və aktual məsələlərə toxunulacaq.

Ətraflı məlumatla tanış olmaq və seminarlara qeydiyyatdan keçmək üçün linkdən (https://clarivate.ru/webinars) istifadə edə bilərsiniz.

Bütün seminarlar ödənişsizdir, rus dilində aparılır və qeydiyyatdan keçmək məcburidir.

Seminarlar bitdikdən bir ay sonra iştirakçılar sertifikatla təmin olunacaqlar.

Mənbə: www.science.az

15.04.2019 10:32

Elmmetrik bazalar və akademik sosial şəbəkələrdən istifadə qaydalarına dair seminar keçirilib

Aprelin 12-də AMEA-nın Əsas binasında Rəyasət Heyəti aparatının Elm və təhsil baş idarəsinin Elmi-analitik şöbəsinin təşkilatçılığı ilə “Elmmetrik bazalar və akademik sosial şəbəkələrdən istifadə qaydaları” mövzusunda seminar keçirilib.

Tədbirdə AMEA-nın elmi müəssisə və təşkilatlarının aidiyyatı nümayəndələri iştirak ediblər.

Seminarı Elmi-analitik şöbənin müdiri Fail Kazımov açaraq “Web of Science”, “Scopus”, “Scimago Journal & Country Rank” kimi nüfuzlu bazalarda AMEA-nın elmi göstəriciləri, eyni zamanda akademik sosial şəbəkələrdən istifadə və onların əsas üstünlükləri barədə geniş məlumat verib.

F.Kazımov elmi müəssisələrin fəaliyyətinin təhlili və qiymətləndirilməsi üçün bu bazalardan istifadə qaydalarının mükəmməl mənimsənilməsinin zəruri olduğunu vurğulayıb.

Seminarda, həmçinin “Web of Science” və “Scopus”da indeksləşən jurnallarda məqalələrin düzgün axtarışı, onların müvafiq kateqoriyalar üzrə təsnifləşdirilməsi haqqında danışılıb.

Daha sonra həmin şöbənin müdir müavini Turan İsazadə elmmetrik bazalar və akademik sosial şəbəkələrdə axtarışın aparılması, alimlərin profillərinin yaradılması ilə bağlı təlimatı seminar iştirakçılarının diqqətinə çatdırıb.

Seminarın sonunda iştirakçıları maraqlandıran suallar cavablandırılıb.

Mənbə: www.science.az

12.04.2019 09:31

Elmi Şuranın növbəti iclası keçiriləcək

Aprelin 16-da saat 10:00-da AMEA Biofizika İnstitutunun Elmi Şurasının növbəti iclası keçiriləcək.

İclasın gündəliyinə aşağıdakı məsələlər daxildir:

  • AMEA-nın Biofizika İnstitutunun Milli Onkologiya Mərkəzi ilə “Molekulyar və hüceyrə onkologiyası” birgə laboratoriyasına rəhbərin təyini haqqında məsələ;
  • AMEA-nın Biofizika İnstitutunun dissertantlarının attestasiyası nəticələrinin müzakirəsi və təsdiqi;
  • AMEA-nın 2019-2020-ci illər üçün Azərbaycan Respublikası iqtisadiyyatının əsas sektorları üzrə strateji yol xəritələrində qoyulmuş vəzifələrin icrası üzrə AMEA-nın Biofizika İnstitutunda həyata keçiriləcək tədbirlər planı haqqında məlumat.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

04.04.2019 11:25

“AMEA-nın professoru” elmi adı üçün növbəti müsabiqə başlayır

“AMEA-nın professoru” elmi adını almaq üçün növbəti müsabiqə keçiriləcək. Bununla bağlı qərar AMEA Rəyasət Heyətinin bugünkü iclasında verilib.

İclasda bildirilib ki, “AMEA-nın professoru” adına namizədlər elmi tədqiqat və ali təhsil müəssisələrinin elmi şuraları tərəfindən gizli səsvermə yolu ilə irəli sürülməlidir. Qeyd olunub ki, müsabiqədə AMEA-nın üzvü olmayan, elmi müəssisələrdə və ya ali məktəblərdə elmi və ya elmi-pedaqoji fəaliyyətlə məşğul olan, elmi ictimaiyyət tərəfindən qəbul olunan milli və beynəlxalq səviyyəli elmi nailiyyətlər eldə etmiş, yüksəkixtisaslı elmi kadrların hazırlanmasında, elm və təhsilin vəhdətinin möhkəmləndirilməsində, dövlətçiliyin qorunmasında və inkişafında, habelə AMEA-nın əsas vəzifə və funksiyalarının həyata keçirilməsində xüsusi xidmətlər göstərmiş, yaşı 50-dək olan elmlər doktorları iştirak edə bilərlər.

Mənbə: www.science.az

27.03.2019 12:15

27 mart – Azərbaycanda Elm Günüdür

Martın 27-si Azərbaycanda ilk dəfə olaraq Elm Günü kimi qeyd edilir. Bu tədbir elmlə məşğul olar hər kəsin, bütövlükdə Azərbaycan elmi ictimaiyyətinin bayramıdır.

2018-ci il aprelin 9-da Prezident İlham Əliyev cəmiyyətin inkişafında elmin əhəmiyyətini nəzərə alaraq Azərbaycan Respublikasında “Elm günü”nün təsis edilməsi haqqında Sərəncam imzalayıb. Bu tarix ölkə üçün əlamətdar bir vaxta – AMEA-nın təsis olunduğu günə təsadüf etdiyi üçün xüsusi əhəmiyyət daşıyır. Respublika həyatının müxtəlif sahələrinin inkişaf etdirilməsində, ictimai fikrin formalaşdırılması və möhkəmləndirilməsində, dövlət müstəqilliyi uğrunda mübarizə yollarında AMEA-nın böyük xidmətləri var. 1945-ci ildə Azərbaycan SSR Elmlər Akademiyasının yaradılması və fəaliyyəti ilə xalqımız elm sahəsində daha böyük uğurlar əldə etməyə nail olub. Akademiyanın keçdiyi çətin və şərəfli yol elmimizin inkişafının böyük bir tarixi mərhələsi olmaqla yanaşı, ölkəmizin tərəqqisində elmin, alim sözünün, ziyalı mövqeyinin geniş imkanlara malik olduğunu nümayiş etdirən elmi-ictimai hərəkatın, mədəni-texniki proseslərin də mühüm bir göstəricisidir. Ölkəmizdə elmin sistemli inkişafında XX əsr xüsusi mərhələ təşkil edir.

Ümummilli lider Heydər Əliyevin Azərbaycanda siyasi hakimiyyətə qayıdışı ilə ölkəmizdə cəmiyyət həyatının digər sahələri kimi, elm də inkişafın yeni mərhələsinə qədəm qoyub. Azərbaycan elminin inkişaf etdirilməsinə dövlət səviyyəsində böyük qayğı göstərilib, ölkədə alimin və elmin nüfuzu yüksəlib. Ulu Öndərin 2001-ci il 15 may tarixli Fərmanı ilə Azərbaycan Elmlər Akademiyasına Azərbaycan Milli Elmlər Akademiyası adı verilib.

Ulu öndər AMEA-nın keçdiyi şərəfli yolu Azərbaycan xalqının tarixində böyük səhifə kimi dəyərləndirib: “Çoxəsrlik tariximizdə böyük elmimiz olubdur. Ancaq Azərbaycan elmi heç vaxt bu qədər mütəşəkkil və bu qədər qüvvətli, güclü, çoxsahəli olmayıb. Müstəqil Azərbaycanın Elmlər Akademiyası bütün elmi potensialı özündə cəmləyərək, xalqımızın yaradıcılıq sahəsində nəyə qadir olduğunu dünyaya göstəribdir”.

Müstəqillik illərində Azərbaycanda elmin inkişafı istiqamətində ardıcıl olaraq islahatlar həyata keçirilir. Nəticədə AMEA-nın strukturu, idarəetmə və təşkilati sistemi əsaslı olaraq təkmilləşdirilib, elmi müəssisələrin fəaliyyətinin məqsədyönlü koordinasiyası üçün mühüm işlər görülüb. Akademiyanın Rəyasət Heyəti ən aktual elmi, elmi-innovativ və elmi-təşkilati məsələlərin professional və multidissiplinar səviyyədə müzakirə olunduğu intellektual beyin mərkəzinə çevrilib. AMEA-nın strukturunda müasir dövrün tələblərindən irəli gələrək Molekulyar Biologiya və Biotexnologiyalar İnstitutu, Elm Tarixi İnstitutu, Qafqazşünaslıq İnstitutu, Neft və Qaz İnstitutu, Biofizika İnstitutu yaradılıb, bir sıra institutlar, o cümlədən Fəlsəfə İnstitutu, Hüquq və İnsan Haqları İnstitutu, Torpaqşünaslıq və Aqrokimya İnstitutu müasir elmi prioritetlər əsasında yenidən qurulub.

Azərbaycanda elmi fəaliyyət əsasən Milli Elmlər Akademiyasını, ali təhsil müəssisələrini, dövlət qurumlarının tərkibindəki elmi təşkilatları, qismən də özəl sektoru əhatə edir. Belə bir infrastrukturda qərarlaşmış elmi fəaliyyətin vahid prinsip əsasında idarə edilməsi üçün Respublika Elmi Tədqiqatların Təşkili və Əlaqələndirilməsi Şurası fəaliyyət göstərir. Respublika üzrə koordinasiya məsələlərinin geniş müzakirəsi məqsədilə Azərbaycan elminin tarixində ilk dəfə olaraq 2014-cü il dekabrın 19-da AMEA, Nəqliyyat, Rabitə və Yüksək Texnologiyalar və Təhsil nazirliklərinin birgə təşkilatçılığı ilə Azərbaycan Alimlərinin I Qurultayı keçirilib.

Müstəqillik illərində ölkəmizin beynəlxalq əlaqələrinin inkişafına, dünyada nüfuzunun artmasına adekvat olaraq beynəlxalq elmi əlaqələr sahəsində də xeyli uğurlar qazanılıb. Alimlərimiz beynəlxalq elmi qurultay, konfrans və simpoziumlarda elm və texnikanın aktual problemlərinə dair məruzələrlə çıxış edirlər. AMEA-nın təşəbbüsü və təşkilatçılığı ilə vaxtaşırı beynəlxalq elmi müşavirə və konfranslar keçirilir.

Son illər “Horizon – 2020” layihəsi üzrə fəal iş aparılıb, həmçinin NATO ilə əməkdaşlıq istiqamətində çox əhəmiyyətli irəliləyişlər əldə olunub.

Bu gün elmimiz üçün əlamətdar örnəklər kimi fiziklərin CERN-də, geoloq və geofiziklərin MIT-də, Dubnadakı elmi layihələrdə və Avropanın digər böyük layihələrində iştirakını göstərə bilərik. Beynəlxalq elmi əlaqələrin genişləndirilməsi sahəsində atılan ən mühüm addımlardan biri də elmi tədqiqat müəssisələrində xarici alimlərin iştirakı ilə birgə layihələrin həyata keçirilməsidir. Son illər AMEA-da ABŞ-ın, Almaniyanın, İtaliyanın nüfuzlu elmi mərkəzləri ilə birlikdə xeyli sayda beynəlxalq laboratoriyalar yaradılıb. Ölkədə informasiya cəmiyyətinin formalaşması və inkişaf tendensiyasına müvafiq olaraq e-Azərbaycanın tərkib hissəsi kimi e-elmin formalaşması istiqamətində də mühüm irəliləyiş əldə edilib, onun e-təhsil və digər onlayn mühitlərə inteqrasiyası təmin olunub. Mürəkkəb hesablama və böyük yaddaş resursları tələb edən elmi problemlərin həlli üçün “AzScienceNet”in bazasında böyük imkanlara malik verilənlərin emal mərkəzi yaradılıb. Bu şəbəkə Avropanın yüksək sürətli elm və təhsil üçün xüsusi internet şəbəkəsinə (GEANT) inteqrasiya olunub. Ölkə səviyyəsində elmi fəaliyyətin koordinasiyasının səmərəliyini artırmaq və informasiya təminatı bazasının formalaşması məqsədilə elmi problemlərin və dissertasiya işlərinin reyestrləri yaradılıb.

Müstəqillik illərində əldə edilən uğurlardan biri kimi Azərbaycanın kosmos dövlətinə çevrilməsini xüsusi qeyd etmək lazımdır. Bu nailiyyət ölkə rəhbərinin İKT sahəsində məqsədyönlü və uzaqgörən siyasətlərinin həyata keçirilməsi, eləcə də ölkəmizdə ən yeni texnologiyaların tətbiqinin reallaşdırılması sayəsində əldə olunub.

Elmi fəaliyyət sahəsində hüquqi islahatların ən böyük uğuru Milli Məclisin 2016-cı il iyunun 14-də qəbul etdiyi və Azərbaycan Respublikası Prezidentinin 2016-cı il 9 avqust tarixli Fərmanı ilə ölkədə tətbiq olunan “Elm haqqında” Azərbaycan Respublikası Qanunudur. Bu sənəd müstəqil dövlətimizin elm siyasətinin əsaslarını təşkil edir.

Ölkədə elmin populyarlaşdırılması istiqamətində bir sıra tədbirlər həyata keçirilir. Elmi yeniliklərə cəmiyyətin mütəmadi məlumatlandırılması üçün “Azərbaycan Milli Elmlər Akademiyasının xəbərləri məcmuəsi” və “Elm dünyası” jurnalları təsis edilib, “Elm və həyat” jurnalının işi təkmilləşdirilib. Xatırladaq ki, 2014-cü il noyabrın 10-11-də AMEA-nın təşkilatçılığı ilə ölkəmizdə, eləcə də regionda ilk dəfə olaraq Bakı Elm Festivalı keçirilib. Festivalın keçirilməsində əsas məqsəd elmimizin nailiyyətlərini, yeni innovasiyaları nümayiş etdirmək, informasiya-kommunikasiya texnologiyaları və digər müasir innovativ üsullar əsasında elmin təbliğinə nail olmaq, cəmiyyətdə elmə olan marağı artırmaq, həmçinin elm-təhsil-istehsalat arasında əlaqələri gücləndirmək olub. Elmi gəncliyin əməyinin stimullaşdırılması istiqamətində də bir sıra mühüm addımlar atılır. Azərbaycan Respublikasının Prezidentinin “Gənclər üçün Prezident Mükafatı”nın təsis edilməsi haqqında” 2013-cü il 2 iyul tarixli Fərmanına əsasən elm üzrə namizədini təqdim etmək səlahiyyəti AMEA-ya həvalə edilib.

Bu gün AMEA respublikada aparılan fundamental tədqiqatların əsas mərkəzinə çevrilib. Akademiyanın tərkibində fizika-riyaziyyat və texnika elmləri, kimya elmləri, Yer elmləri, biologiya və tibb elmləri, humanitar elmlər və ictimai elmlər bölmələri fəaliyyət göstərir. AMEA-da 10 minə yaxın əməkdaş, o cümlədən 4939 elmi işçi, 664 elmlər doktoru, 2026 fəlsəfə doktoru çalışır. Akademiyanın 72 həqiqi üzvü və 112 müxbir üzvü var.

Son dövrlərdə Akademiya alimlərinin 604 kitabı, 4208 məqaləsi çap olunub. Məqalələrin 2427-si impakt faktorlu elmi jurnallarda dərc edilib. AMEA bir çox nüfuzlu beynəlxalq elmi təşkilatların üzvüdür, onun əməkdaşları MDB ölkələri, ABŞ, Yaponiya, İsrail, İsveçrə, İngiltərə, Almaniya, Pakistan, Türkiyə, İran və başqa dövlətlərin aparıcı elm və təhsil müəssisələri ilə birgə proqram çərçivəsində tədqiqatlar aparır, kadr və informasiya mübadilələrində iştirak edirlər. Ölkəmizdə fəaliyyət göstərən elmi müəssisələrin illik elmi hesabatlarını AMEA-ya təqdim etmələri, akademiyada respublika üzrə elmi fəaliyyət sahəsinin ümumiləşmiş hesabatlarının hazırlanması və ildə bir dəfə ümumi yığıncaqda elmi ictimaiyyətin, ali məktəb elmini və sahə elmini təmsil edən alimlərin iştirakı ilə geniş müzakirə olunması Azərbaycan elmində gedən prosesləri, inkişaf meyillərini tam halda izləməyə, dərindən təhlil edib dəyərləndirməyə və istiqamətləndirməyə imkan yaradır. Bu, bütövlükdə ölkə üzrə elmi tədqiqatların ümumiləşdirilmiş geniş mənzərəsini aydın təsəvvür etməyə şərait yaratmaqla yanaşı, qarşıya çıxan problemlərin, mövcud nöqsanların da vaxtında və birlikdə aradan qaldırılmasına təminat verir.

Müstəqillik dövründə Azərbaycanda yüksəkixtisaslı elmi kadrların hazırlanması sahəsində də mühüm nailiyyətlər qazanılıb. Ölkənin elm və ali təhsil müəssisələrində demək olar ki, elmin bütün sahələri üzrə dissertasiya şuralarında elmi dərəcələrə malik yüksəkixtisaslı mütəxəssislər hazırlanır. Respublikada yüksəkixtisaslı mütəxəssislərə və elmi kadrlara artan tələbatı ödəmək məqsədilə ölkə rəhbərliyinin dəstəyi sayəsində AMEA-da magistratura yaradılıb. Həmçinin doktoranturaya qəbul imtahanları üzrə beynəlxalq standartlara uyğun yeni tələblər müəyyənləşdirilib.

Müstəqillik illərində elm və təhsilin inteqrasiyası sahəsində əldə edilən uğurlardan biri kimi doktorluq təhsilini və elmi tədqiqatların modernləşdirilməsi üzrə həyata keçirilən “Nizami” layihəsini də xüsusi qeyd etmək lazımdır. AMEA-da elmlə istehsalat arasında birbaşa əlaqənin yaradılması, təcrübə və təcrübə-sənaye miqyasında yeni texnoloji proseslərin mənimsənilməsi, eyni zamanda neft-kimya, kimya və texniki təyinatlı məhsulların istehsalı və satışı üzrə bir sıra texnoparklar, təsərrüfat hesablı müəssisə və zavodlar yaradılıb.

Azərbaycanda beynəlxalq standartlara cavab verən impakt faktorlu elmi jurnalların nəşrinə nail olunması son illərin mühüm elmi nailiyyətlərindən biridir. Bu baxımdan Bakı Dövlət Universitetində, AMEA-nın Mexanika və Riyaziyyat İnstitutunda, Xəzər Universitetində çap olunan impakt faktorlu elmi jurnalları qeyd etmək olar.

Dövlətimizin ideoloji əsaslarını təşkil edən azərbaycançılıq məfkurəsi ölkəmizdə elmi fəaliyyətin də istiqamətlərini və hədəflərini müəyyənləşdirir. Azərbaycan elmi müstəqil dövlətçiliyin yaratdığı geniş imkanların işığında irəliyə doğru inkişaf edir və ölkəmizin müasir inkişafına töhfələr verir.

Mənbə: www.science.az

15.03.2019 17:49

“Elm günü”nə həsr olunan tədbir keçirildi

14-15 mart 2019-cu il tarixlərində AMEA Biofizika İnstitutunda “Elm günü”nə həsr  olunan elmi seminar keçirildi.

Tədbiri giriş sözü ilə açan institutun direktoru, AMEA-nın müxbir üzvü, professor Oktay Qasımov “Elm günü”nün keçirilməsi ilə əlaqədar ölkə başçısı prezident İlham Əliyevın 9 aprel 2018-ci il tarixli Sərəncamı və bu gün münasibəti ilə Azərbaycan Respublikasının Elmi Tədqiqatların Əlaqələndirilməsi Şurasının 17 yanvar 2019-cu il tarixli müvafiq qərarı ilə təsdiq edilmiş Tədbirlər Planı haqqında seminar iştirakçılarına məlumat verdi.

“Molekulyar Biofizikanın və Molekulyar Biokimyanın Müasir Problemləri; Gələcək Perspektivlər” mövzusuna həsr edilmiş semimarda, ilk olaraq İnstitutun Ekoloji biofizika laboratoriyasının müdiri, b.e.d, prof. Tokay Hüseynov mövzu ilə bağlı çıxış etdi. Çıxışında professor müasir biofizika və biokimyanın Azərbaycan elmində aktual problemləri haqqında ətraflı məlumat verdi.

Daha sonra, “Biomolekulların strukturu, dinamikası və funksiyası” laboratoriyasının k.e.i., gənc alim Ramiyyə Həsənova “Hüceyrə membranlarının komponentləri və fərqləndirici xüsusiyyətləri” mövzusunda məruzəsini təqdim etdi.

Alim və mütəxəssislərin iştirak etdiyi elmi tədbirin ikinci günündə də elmi-populyar məruzələr davam etdirildi. Əvvəlcə institutun “İnteqrativ biologiya” laboratoriyasının müdiri, biologiya elmləri doktoru, AMEA-nın müxbir üzvü İlham Şahmuradov “İnteqrativ biologiya və bioinformatika” mövzusunda slaydlı təqdimatla çıxış etdi. Sonra isə gənc alimlərin: Xəzər Universitetinin Həyat Elmləri departamentinin tələbəsi Hava Adlinin “Effect of chronic periodontal therapy on microbiome of GCF (gingival crevicular fluid)”, Baki Dövlət Universitetindən Nəcəfəliyeva Şəlalənin “Mikroelektrod holderinin yeni hazırlanması üsulu”, Biofizika İnstitutundan Zərifə Osmanlının “Anti-sense transcripts” mövzusunda məruzələri dinlənildi.

Tədbirə yekun vuran institutun elmi işlər üzrə direktor müavini, biologiya üzrə elmlər doktoru Kərim Qasımov belə tədbirlərin keçirilməsinin xüsusi əhəmiyyətini qeyd etdi və seminar iştirakçılarına təşəkkürünü bildirdi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

15.03.2019 17:07

AMEA Biofizika İnstitutunda M.V.Lomonosov adına Moskva Dövlət Universitetinin Bakı filialının  Fizika fakültəsinin nümayəndə heyəti ilə görüş keçirildi

14 mart 2019-cu il tarixində Azərbaycan Milli Elmlər Akademiyasının Biofizika İnstitutunda M.V.Lomonosov adına Moskva Dövlət Universitetinin Bakı filialının Fizika fakültəsinin dekanı, fizika-riyaziyyat elmləri doktoru, akademik Ənvər Nəhmədovun başçılıq etdiyi nümayəndə heyəti ilə görüş keçirildi.

Nümayəndə heyətinin tərkibinə daxil idi: M.V.Lomonosov adına Moskva Dövlət Universitetinin ümumi fizika kafedrasının müəllimləri, fizika-riyaziyyat üzrə fəlsəfə doktorları Kalmaskaya Olesya Alekseyevna və Svyaxovski Sergey Yevgenyeviç.

İnstitutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov nümayəndə heyətini qəbul edərək qonaqlara rəhbərlik etdiyi müəssisənin strukturu, əsas fəaliyyət istiqamətləri haqqında ümumi məlumat verdi. Daha sonra qonaqlar laboratoriyaların elmi tədqiqat prosesi ilə  əyani tanış oldular, burada quraşdırılan müasir avadanlıqlar barədə məlumat aldılar, alimlərin səmərəli fəaliyyətinin təmin edilməsi üçün yaradılan şəraiti yüksək qiymətləndirdilər.

Sonda tərəflər arasında gələcək əlaqələrin qurulması və birgə elmi-tədqiqatların aparılması ilə bağlı fikir mübadiləsi aparıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

14.03.2019 12:49

“Mənim ilk təqaüdüm” adlı maarifləndirici seminar keçirildi

14 mart 2019-cu il tarixində AMEA-nın Biofizika İnstitutunda gənc mütəxəssislər üçün maarifləndirici seminar keçirildi.

İnstitutun və Mərkəzi Nəbatat Bağının Gənc Alim və Mütəxəssislər Şurasının birgə təşkilatçılığı ilə baş tutan seminarda AMEA Mərkəzi Nəbatat Bağının GAMŞ-nın sədri, doktorant Fərid Seyfullayevın “Mənim ilk təqaüdüm” mövzusunda məruzəsi dinlənildi.

Qarşılıqlı fikir mübadiləsi əsasında keçən seminarda F.Seyfullayev gənc mütəxəssislərə mövzu üzrə öz təcrübəsindən danışdı, gənclərin maraq göstərdiyi və daim araşdırmalar apardığı təqaüd proqramlarında tələb olunan sənədlərin tərtibi və onların tələbləri, qeydiyyat üsulları, xaricdə necə ödənişsiz təhsil almaq olar kimi məsələlər haqqında ətraflı məlumat verdi.

Seminarda institutda təcrübə keçən Baki Dövlət Universitetinin SABAH qrupunun tələbələri, gənc alimlər, magistrantlar və doktorantlar iştirak edirdilər.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

13.03.2019 14:20

AMEA Biofizika İnstitutunda 27 mart – Elm Gününə həsr olunan elmi seminar keçiriləcək

14-15 mart 2019-cu il tarixlərində AMEA Biofizika Institutunda “Elm günü”nə həsr  olunan elmi seminar keçiriləcək. Alim və mütəxəssislərin iştirak edəcəyi seminarda “Molekulyar Biofizikanın və Molekulyar Biokimyanın Müasir Problemləri; Gələcək Perspektivlər” mövzusunda  məruzələr dinləniləcək, müzakirələr aparılacaq. Seminarın açılışı saat 14:00-da institutun seminar otağında (6-cı mərtəbə) baş tutacaq.

Qeyd edək ki, tədbir ölkə başçısı İlham Əliyevin “Elm günü”nün təsis edilməsi haqqında 9 aprel 2018-ci il tarixli Sərəncamına əsasən keçirilir.

Maraqlanan hər bir kəs dəvətlidir.

Daha ətraflı məlumat almaq üçün link-ə daxil olun: seminarın proqramı

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

13.03.2019 12:06

AMEA-nın Biofizika İnstitutunda maarifləndirici seminar keçiriləcək

Martın 14-də saat 10:00-da AMEA Biofizika İnstitutu və Mərkəzi Nəbatat Bağının Gənc Alim və Mütəxəssislər Şurasının birgə təşkilatçılığı ilə təşkil olunan seminarda Mərkəzi Nəbatat Bağının GAMŞ-nın sədri, doktorant  Fərid Seyfullayevın “Mənim ilk təqaüdüm” mövzusunda məruzəsi dinləniləcək.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

12.03.2019 16:42

Biofizika İnstitutunun əməkdaşları  “Elm həftəsi” adlı tədbirdə iştirak ediblər

11 mart 2019-cu il tarixində AMEA Yüksək Texnologiyalar Parkında Elm Gününə həsr olunmuş “Elm həftəsi”nin açılış mərasimi keçirilib. Tədbirdə AMEA elmi-tədqiqat institutlarının alim və mütəxəssisləri, eləcə də ali təhsil müəssisələrinin tələbələri iştirak ediblər.

Tədbirdə Biofizika İnstitutunun elmi işlər üzrə direktor müavini, b.ü.e.d. Kərim Qasımov və institutun Elmi katibi, b.ü.f.d. Florida Mehrəliyeva məruzə ilə çıxış ediblər. Məruzədə qeyd olunub ki, institutun əsas məqsədi biofizika sahəsində insan sağlamlığı ilə bağlı fundamental tədqiqatların aparılmasıdır və bunun üçün ilk növbədə, Azərbaycanda Elmin inkişafı üçün vacib prioritet elmi istiqamətlər seçilir. Bundan əlavə, institutun nəzdində fəaliyyət göstərən laboratoriyalar və əldə olunan elmi nailiyyətlər  haqqında ətraflı məlumat verilib. Qeyd olunub ki, yaxın gələcəkdə institutda onkologiya, immunologiya, elektrofizyoloji  və s. kimi elmi sahələrinin inkişafı və insan orqanizmi mayelərinin diaqnostik məqsədlər üçün tədqiq edilməsi nəzərdə tutulur.

Qeyd edək ki, tədbir mart ayının 17-dək davam edəcək və “Elm həftə”sinin sonuncu günündə YT Park tərəfindən keçirilmiş “ən yaxşı innovasiyalı ideya”, “ən yaxşı innovasiyalı layihə” və “ən yaxşı innovasiya məhsulu” üzrə müsabiqənin nəticələri ictimaiyyətə elan olunacaq və qaliblər mükafatlandırılacaq.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

11.03.2019 14:20

Ölkəmizdə Elm Günü yüksək səviyyədə qeyd olunacaq

Məlum olduğu kimi, dövlət başçısı İlham Əliyevin 9 aprel 2018-ci il tarixli Sərəncamı ilə Azərbaycan Respublikasında Elm Günü təsis edilib. Həmin Sərəncamda hər il 27 mart tarixində bu əlamətdar günün qeyd edilməsi qərara alınıb.

2019-cu ildə ölkədə ilk dəfə olaraq Elm Gününün yüksək səviyyədə keçirilməsi məqsədilə Azərbaycan Respublikasının Elmi Tədqiqatların Əlaqələndirilməsi Şurası Tədbirlər Planı qəbul edib. Tədbirlər Planına əsasən, Elm Günü ilə əlaqədar olaraq AMEA-nın elmi müəssisə və təşkilatlarında, o cümlədən Lənkəran və Şəki Regional Elmi mərkəzlərində silsilə tədbirlər həyata keçiriləcək. Müasir dövrün aktual elmi problemlərinə həsr edilmiş konfrans, seminar və mühazirələr, “dəyirmi masa”, “açıq qapı” günləri, sərgilər, o cümlədən tələbə və şagirdlərin alimlərlə görüşləri təşkil olunacaq.

Bundan əlavə, elmdə fərqlənən alimlərə AMEA-nın elmi bölmələrinin, elmi müəssisə və təşkilatlarının Fəxri fərmanları təqdim olunacaq, “Gənc qadınlar elmdə”, “Ən yaxşı elmi-populyar əsər”, “Magistr-2019” və digər müxtəlif nominasiyalar üzrə müsabiqələrin qalibləri Rəyasət Heyəti tərəfindən elan olunacaq.

Mənbə: www.science.az

07.03.2019 13:27

Elmi şuranın növbəti iclası keçirildi

7 mart 2019-cu il tarixində AMEA Biofizika İnstitutunun Elmi Şurasının növbəti iclası keçirildi.

AMEA-nın müxbir üzvü, fizika-riyaziyyat elmləri doktoru, professor Oktay Qasımov iclası giriş sözü ilə açaraq, Şura üzvlərini gündəlikdəki məsələlərlə tanış etdi.

Gündəlikdəki birinci məsələ ilə bağlı İnstitutun Elmi katibi, b.ü.f.d. Florida R. Mehrəliyeva çıxış edərək Şura üzvlərinə böyük elmi işçilərin attestasiyasının nəticələri haqqında məlumat verdi. Nəticələr elmi şura üzvləri tərəfindən təsdiqləndikdən sonra, Şura üzvlərinə Biofizika İnstitutunda Azərbaycan Respublikası Səhiyyə Nazirliyi Milli Onkologiya Mərkəzi ilə birgə laboratoriya yaradılması barədə məlumat verildi. Məsələ ilə bağlı çıxış edən Şuranın sədri O.Qasımov bildirdı ki, artıq əks tərəflə söhbətlər aparılıb və razılıq əldə olunub.

Müzakirə olunan məsələlər barədə fikir mübadiləsi aparılaraq iclas başa çatdı.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

06.03.2019 11:05

AMEA-da “Elm həftəsi” keçiriləcək

11-17 mart 2019-cu il tarixlərində AMEA-nın Əsas binasında Yüksək Texnologiyalar Parkının (YT Park) təşkilatçılığı ilə “Elm həftəsi” keçiriləcək.

Tədbir çərçivəsində AMEA-nın elmi bölmələri tərəfindən hər gün konfransların və sərgilərin təşkili, eləcə də bölmələrə daxil olan institutların alim və tədqiqatçıları tərəfindən prioritet mövzulara həsr edilmiş təqdimatların, ixtira və innovasiyalı layihələrin nümayişi nəzərdə tutulur.

Bundan əlavə, YT Park tərəfindən “Ən yaxşı innovasiyalı ideya”, “Ən yaxşı innovasiyalı layihə” və “Ən yaxşı innovasiya məhsulu” üzrə müsabiqə elan olunub. İştirakçılar öz layihələrini AMEA YT Parkın Mərkəzi Elmi Kitabxanada yerləşən müsabiqə komissiyasına təqdim etməlidirlər.

Müsabiqənin nəticələri “Elm həftəsi”nin sonuncu günü ictimaiyyətə elan olunacaq və qaliblər müvafiq olaraq 500, 1000 və 1500 manat məbləğində mükafatla təltif ediləcəklər.

Ünvan: Bakı ş., H.Cavid pr., 115.

Mənbə: www.science.az

05.03.2019 16:17

Elan

Elmi Şuranın növbəti iclası keçiriləcək.

Martın 7-də saat 10:00-da Biofizika İnstitutunun Elmi Şurasının növbəti iclası keçiriləcək.

İclasın gündəliyinə aşağıdakı məsələlər daxildir:

  • Biofizika İnstitutunda böyük elmi işçilərin attestasiyası nəticələrinin müzakirəsi və təsdiqi.
  • Biofizika İnstitutunda Azərbaycan Respublikası Səhiyyə Nazirliyinin Milli Onkologiya Mərkəzinin birgə laboratoriyasının yaradılması haqqında məlumat.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

05.03.2019 15:30

Gənc alimin məruzəsi dinlənildi

2019-cu il martın 5-də Azərbaycan Milli Elmlər Akademiyasının Biofizika İnstitutunda növbəti seminar keçirildi.

Seminarı institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, mövzunun əhəmiyyətindən, bu istiqamətdə müasir tədqiqatların aparılmasının zəruriliyindən danışdı və sözü Ekoloji biofizika laboratoriyasının rəhbəri, b.e.d, prof. Tokay Hüseynova verdi. Çıxışında professor gənc alim haqqında məlumat verdi və mövzu üzrə aparılmış tədqiqatlardan söz açdı.

Sonra  “Ekoloji biofizika” laboratoriyasının kiçik elmi işçisi Zərifə Osmanlının  “Prion geninin camış populasiyalarında (Anatolian Murrah) molekulyar-bioinformatik analizi, selenoproteinlərin molekulyar səviyyədə öyrənilməsi və  xərçəng xəstəliklərində aşkar olunmuş rolu” mövzusunda məruzəsi dinlənildi.

İlk olaraq prion xəstəlikləri üzərində aparıdığı tədqiqatlar barədə məlumat verən məruzəçi, daha sonra camış populasiyalarında prion xəstəlikləri ilə bağlı olan PrP zülalını kodlaşdıran PRNP geninin ORF bölgəsinin bioinformatik metodlarla analizi, PrP zülalının post-translasiya modifikasiya ehtimallarının hesablanması və inək PRNP geni ilə müqayisəli analizindən bəhs etdi.

Hazırda laboratoriyada birgə aparılan işlərdə bioinformatik metodların tətbiq olunma ehtimallarından söz açan  gənc alim, 21 və 22-ci amin turşuların ko-translyasiya vasitəsi ilə zülallara inkorporasiyasından, selenoproteinlərin molekulyar səviyyədə öyrənilməsindən və onların son tədqiqatlara görə xərçəng xəstəliklərində müasir vəziyyəti haqqında ətraflı məlumat verdi.

Sonda mövzu ətrafında diskusiya aparıldı, suallar cavablandırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

01.03.2019 10:30

Elan

Biofizika İnstitutunda növbəti seminar keçiriləcək.

5 mart 2019-cu il tarixində saat 10:00-da Biofizika İnstitutunun seminar otağında (6-cı mərtəbə) növbəti seminar keçiriləcək.

Seminarda İnstitutun Ekoloji biofizika laboratoriyasının kiçik elmi işçisi Zərifə Osmanlı “Prion geninin camış populasiyalarında (Anatolian, Murrah) molekulyar-bioinformatik analizi, selenoproteinlərin molekulyar səviyyədə öyrənilməsi və  xərçəng xəstəliklərində aşkar olunmuş rolu” mövzusunda məruzə edəcək.

Məruzədə müzakirə olunacaq mövzular:

  • Camış orqanizmində PRNP geni ORF polimorfizmlərinin tədqiqi;
  • İnək orqanizmində PRNP geni ORF polimorfizmlərinin mövcud NCBI verilənlər bazası əsasən tədqiqi;
  • Camış və inək PRNP genlərinin müqayisəli bioinformatik analizi;
  • Tədqiq olunan orqanizmlərdə aşkar olunan polimorfizmlərin prion zülalının ehtimal olunan ikinci quruluşuna təsiri.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

28.02.2019 11:12

Bakı Dövlət UniversitetininSABAHqrupunun tələbələri AMEAnın Biofizika İnstitutunda təcrübə keçirlər

Bakı Dövlət Universitetinin “SABAH” qrupunun Fizika və biologiya fakültəsinin III və IV kurs tələbələri AMEA Biofizika İnstitutunda təcrübə keçirlər.

Məqsəd tələbələrin təhsil aldıqları müddətdə əldə etdikləri bilikləri təcrübi olaraq təkmilləşdirmələri, elmi-tədqiqat işlərinin sərbəst şəkildə yerinə yetirilmə vərdişlərinin formalaşdırılması və gənclərin elmə marağını stimullaşdırmaqdır.

Təcrübə dövründə Gənc alimlər və mütəxəssislər şurasının sədri, “Ekoloji biofizika” laboratoriyasının böyük elmi işçisi, b.ü.f.d. Ruhiyyə  Quliyeva tələbələri institutun  laboratoriyalarında aparılan elmi-tədqiqat işləri, müasir avadanlıqların iş prinsipi ilə yaxından tanış edir, onlara mühazirələr keçir və apardığı elmi-praktik təcrübələri əyani nümayiş etdirir.

Qeyd edək ki, tələbələr üçün təcrübəkeçmə planı AMEA prezidenti, akademik Akif Əlizadənin “SABAH qruplarında təhsil alan tələbələrin AMEA-nın elmi müəssisələrində təcrübə keçməsi haqqında” 24 yanvar 2019-cu il tarixli 42 №-li Sərəncamına əsasən həyata keçirilir.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

21.02.2019 09:22

21 fevral – Beynəlxalq Ana Dili Günüdür

Fevralın 21-i dünyada Beynəlxalq Ana Dili Günü kimi qeyd olunur. BMT 1999-cu ilin noyabrında Banqladeş səfirinin təşəbbüsü ilə həmin günü Beynəlxalq Ana Dili Günü elan edib.

Bu günün tarixi isə illər öncəyə gedib çıxır. Belə ki, 1952-ci il fevralın 21-22-də Pakistanda benqal dilinin qadağan edilməsinə etiraz olaraq keçirilən aksiyada polis və silahlı qüvvələrin müdaxiləsi nəticəsində 4 nəfər şəhid olmuşdu. Banqladeş nümayəndələri fevralın 21-ni məhz həmin şəhidlərin xatirəsinə ehtiram əlaməti kimi ana dili günü adlandırılması haqqında müraciət ediblər. UNESCO-nun baş konfransında 21 fevral – Beynəlxalq Ana Dili Günü elan olunub və üzv ölkələrə bildirilib ki, həmin gün məktəblərdə, universitetlərdə ana dilinin əhəmiyyəti ilə bağlı tədbirlər, konfranslar, seminarlar keçirilsin.

Dünyada məhv olmaq təhlükəsi ilə üzləşən dillərin qorunması məqsədilə hər il keçirilən Beynəlxalq Ana Dili Günü hər kəsə öz doğma dilinin varlığını hiss etmək, onunla qürur duymaq, onu qorumaq, inkişaf etdirmək hüququ olduğunu bir daha xatırladır.

AZƏRTAC xəbər verir ki, Beynəlxalq Ana Dili Gününün builki mövzusu dayanıqlı inkişafa nail olmaqda, sülh və barışıq əldə etməkdə yerli xalqların dilinin qorunmasının vacibliyinə həsr olunub. Bu əlamətdar gün münasibətilə UNESCO-nun baş direktoru Odre Azule dünya ictimaiyyətinə müraciət edib. Müraciətdə diqqətə çatdırılır ki, dünya əhalisinin təxminən 40 faizinin öz ana dilində təhsil almaq imkanı yoxdur. Bilik qazanmaq və digər dilləri öyrənmək prosesinin asanlaşmasında ana dilini yaxşı bilməyin əhəmiyyəti elmi cəhətdən əsaslandırılsa da, təəssüf ki, təhsilin ilk illərində ana dilindən çox az halda istifadə edilir. Müraciətdə Dayanıqlı İnkişafın Məqsədlərinə nail olmaq baxımından yerli xalqların öz ana dillərində təhsil almasını təmin etməyin vacibliyi vurğulanır.

Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, soydaşları ilə ünsiyyət qurmasında mühüm rol oynayır. İnsanın təkamülündə böyük rolu olan ana dilinin hər hansı bəhanə ilə qadağan olunması isə cinayətdir. Beynəlxalq Ana Dili Günü hər kəsi bu cinayətə qarşı birləşməyə səsləyir.

Millətin dilinin dövlət statusuna yüksəlməsi qürurverici tarixi hadisə, milli dövlətçilik tarixinin qızıl səhifəsi və millətin millət olaraq təsdiqidir. Bu gün Azərbaycan dilinin dövlət statuslu dillər arasında yer tutmasına görə dilimizin mənəvi dirilik atributuna çevrilməsi yolunda böyük fədakarlıqlar göstərmiş, “Dilimiz çox zəngin və ahəngdar dildir, dərin tarixi köklərə malikdir. Şəxsən mən öz ana dilimi çox sevir və bu dildə danışmağımla fəxr edirəm” deyən ümummilli liderimiz Heydər Əliyevə minnətdar olmalıyıq.

Ölkəmizdə ana dilinin hərtərəfli inkişafı, işlək dilə çevrilməsi, beynəlxalq münasibətlər sisteminə yol tapması dilimizin gözəl bilicisi, mahir natiq ulu öndər Heydər Əliyevin dilin qorunmasına yönələn düşünülmüş siyasətinin nəticəsidir. Bu siyasətin əsası hələ 1970-ci ildə qoyulub: Heydər Əliyev həmin il Azərbaycan Dövlət Universitetinin (indiki Bakı Dövlət Universiteti) 50 illik yubileyində Azərbaycan dilində çıxış edib. Az keçməmiş bu dil dövlət əhəmiyyətli tədbirlərə də yol açıb. Azərbaycan SSR-in 1978-ci il Konstitusiyasında Azərbaycan dilinin dövlət dili kimi qəbul edilməsi isə həmin dövr üçün əhəmiyyətli hadisə olub.

2002-ci il sentyabrın 30-da “Azərbaycan Respublikasında dövlət dili haqqında” Qanunun qəbul edilməsi Azərbaycan dilinin dövlət dili kimi işlədilməsi, onun tətbiqi, qorunması və inkişaf etdirilməsi, dünya azərbaycanlılarının Azərbaycan dili ilə bağlı milli-mədəni özünümüdafiə ehtiyaclarının ödənilməsi istiqamətində daha bir addım olub. Bu sənəd ümummilli lider Heydər Əliyevin xalqımıza və onun dilinə tükənməz məhəbbətinin, qayğısının parlaq nümunələrindən biridir. Hazırda bu ənənələri Prezident İlham Əliyev uğurla davam etdirməkdədir. Dövlətimizin başçısının “Azərbaycan dilində latın qrafikası ilə kütləvi nəşrlərin həyata keçirilməsi haqqında”, “Azərbaycan Milli Ensiklopediyasının nəşri haqqında”, “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı”nın təsdiq edilməsi haqqında”, “Azərbaycan Respublikasının Dövlət Dil Komissiyasının yeni tərkibinin təsdiq edilməsi haqqında”, “Azərbaycan dilinin elektron məkanda daha geniş istifadəsinin təmin edilməsi ilə bağlı bir sıra tədbirlər haqqında” sərəncamları, “Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” Fərmanı və bu istiqamətdə görülən işlər dilimizin inkişafına böyük qayğının təzahürüdür.

Mənbə: www.azertag.az

19.02.2019 17:34

“Nəm-sarınan polikaprolakton liflərin nəzarət olunan dərman buraxılması, hüceyrə adgeziyasının və proliferasiyasının yaxşılaşdırılması üçün modifikasiya olunması” mövzusunda seminar keçirildi

19 fevral 2019-cu il tarixində AMEA-nın Biofizika İnstitutunda növbəti seminar keçirildi.

Tədbiri giriş sözü ilə institutun elmi işlər üzrə direktor müavini, biologiya üzrə elmlər doktoru Kərim Qasımov açaraq seminar iştirakçılarına gənc alim haqqında məlumat verdi.

Sonra Biofizika İnstitutunun “Molekulyar və hüceyrə biokimyası” laboratoriyasının kiçik elmi işçisi Elbəy Akif oğlu Məlikməmmədovun “Nəm-sarınan polikaprolakton liflərin nəzarət olunan dərman buraxılması, hüceyrə adgeziyasının və proliferasiyasının yaxşılaşdırılması üçün modifikasiya olunması” mövzusunda məruzəsi dinlənildi.

Gənc alim məruzəsində nəm-sarınan PCL skafoldların xarakterizə olunması və səth modifikasiyası barədə məlumat verdi. Slaydlı təqdimatla apardığı İn vitro hüceyrə kulturası eksperimentlərini əyani nümayiş etdirdi. Onun sözlərinə görə bu tədqiqatlar sümük yaralanmalarının tez bərpa olunmasında və gələcəkdə süni sümük sisteminin yaradılmasında bir model olacaq.

Sonda mövzu ətrafında müzakirələr aparıldı, suallar cavablandırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

19.02.2019 15:40

Elmi şuranın növbəti iclası keçirildi

Bu gün AMEA Biofizika İnstitutunun Elmi Şurasının növbəti iclası keçirildi.

İclası giriş sözü ilə institutun elmi işlər üzrə direktor müavini, biologiya üzrə elmlər doktoru Kərim Qasımov açaraq Şura üzvlərini gündəlikdə duran məsələlərlə tanış etdi.

Gündəlikdə duran ilk məsələ institutun nəzdindəki laboratoriyaların 2019-cu il üzrə elmi-tədqiqat işlərinin mərhələləri və fərdi iş planlarının təsdiq edilməsi idi. Məsələ müzakirə edilərək təsdiq olunudu.

Sonra Şuranın sədr müavini K.Qasımov Şura üzvlərinə cari il yanvarın 24-də Biofizika İnstitutu ilə Xəzər Universiteti arasında əməkdaşlığa dair imzalanan memorandum haqqında məlumat verdi. İmzalanan sənədin iki qurum arasında əlaqələrin genişləndirilməsinə təkan verəcəyini bildirdi.

Gündəliyə çıxarılan digər məsələ İran Respublikasının Ərdəbil Universitetinin Tibb fakültəsində çalışan alimləri, Xəzər Universitetinin dissertantları Ruhullah Muradpur və Məhşid Damandanın elmi rəhbərliyi ilə bağlı məsələ idi. Məsələ ətrafında müzakirələr aparıldı və dissertantların elmi rəhbərləri təsdiqləndi.

Daha sonra Şura üzvlərinə akademik Akif Əlizadənin “Gənc qadınlar elmdə” müsabiqəsinin keçirilməsi haqqında 05 fevral 2019-cu il tarixli 63 №-li Sərəncamı ilə bağlı məlumat verildi. Müsabiqədə iştirak etmək üçün institutun “Biomolekulların strukturu, dinamikası və funksiyası” laboratoriyasının gənc alimləri Aytac Quliyevanın və Ləman Daşdəmirovanın namizədliyi irəli sürüldü.

İclasda həmçinin elmi kadrların seçilməsi ilə bağlı attestasiya komissiyasının yaradılmasına dair qərar müzakirə olundu. Məsələ ilə bağlı tövsiyələr verilərək qərar təsdiq olundu.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

18.02.2019 15:07

AMEA Biofizika İnstitutu ilə ET Hematologiya və Transfuziologiya İnstitutu arasında elmi əməkdaşlıq haqqında müqavilə imzalanıb

Fevralın 14-də Azərbaycan Milli Elmlər Akademiyası Biofizika İnstitutu ilə Azərbaycan Respublikası Səhiyyə Nazirliyinin B.Eyvazov adına ET Hematologiya və Transfuziologiya İnstitutu arasında elmi əməkdaşlıq haqqında müqavilə imzalanıb.

Sənədi institutun Ekoloji Biofizika laboratoriyasının rəhbəri, b.e.d, prof. Tokay Hüseynov və ET Hematologiya və Transfuziologiya İnstitutunun Hemopoezin patologiyası bölməsinin rəhbəri t.ü.f.d., b.e.i. Çingiz Əsədov imzalayıblar.

Sənəddə qarşılıqlı fəaliyyətin təşkili, müştərək elmi tədqiqatların aparılması, məlumat mübadiləsinin genişləndirilməsi kimi məsələlər yer alır.

Tərəflər arasında imzalanmış elmi əməkdaşlığa dair müqavilə 2021-ci ilin mart ayınadək davam edəcək.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

15.02.2019 15:52

Bakı Dövlət Universitetinin Fizika Problemləri İnstitutu ilə Biofizika İnstitutu arasında əməkdaşlıq perspektivləri müzakirə olundu

Bu gün AMEA Biofizika İnstitutunda Fizika Problemləri İnstitutunun “Nəzəri Fizika” şöbəsinin müdiri, fizika-riyaziyyat elmləri doktoru, professor Niftali Qocayev və bir qrup nümayəndə heyəti ilə görüş keçirildi.

Görüşün məqsədi İnstitutun fəaliyyəti ilə tanışlıq və iki qurum arasında əməkdaşlıq perspektivlərinin müzakirəsi idi.

İlk olaraq qonaqlar institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımovla görüşdülər. Görüşdə Biofizika İnstitutunun elmi işlər üzrə direktor müavini, biologiya üzrə elmlər doktoru Kərim Qasımov, “Biomolekulların strukturu, dinamikası və funksiyası” laboratoriyasının aparıcı elmi işçisi, fizika-riyaziyyat elmləri namizədi, dosent Rasim Aslanov, Fizika Problemləri İnstitutunun “Nəzəri Fizika” şöbəsinin baş elmi işçiləri fizika-riyaziyyat elmləri doktoru, professor Namiq Əhmədov və fizika elmləri doktoru Larisa İsmayılova və başqaları iştirak edirdilər.

Dəyirmi masa ətrafında keçən görüşdə Oktay Qasımov qonağlara rəhbərlik etdiyi müəssisə, onun fəaliyyət istiqamətləri və beynəlxalq əlaqələri barədə ətraflı məlumat verdi. Professor həmçinin, institutun laboratoriyalarında müasir avadanlıqlarla görülən tədqiqat işlərindən, əldə olunan nailiyyətlərdən söz açdı.

Sonra Fizika Problemləri İnstitutunun “Nəzəri Fizika” şöbəsinin müdiri, professor Niftali Qocayev çıxış edərək, Nəzəri fizika şöbəsinın “Molekulyar biofizika” və “Atom və molekulların kvant mexanikası” laboratoriyaları əsasında yaradıldığını və orada zülal və peptid molekullarının struktur analizi üzrə aparılan tədqiqatlardan söz açdı.

Görüşün sonunda tərəflər arasında birgə təcrübə mübadiləsinin aparılmasının zəruriliyi qeyd olundu.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

13.02.2019 10:25

Elan

Biofizika İnstitutunda növbəti seminar keçiriləcək.

19 fevral 2019-cu il tarixində saat 11:00-da Biofizika İnstitutunun seminar otağında (6-cı mərtəbə) seminar keçiriləcək.

Seminarda İnstitutun “Molekulyar və hüceyrə biokimyası” laboratoriyasının kiçik elmi işçisi Elbəy Akif oğlu Məlikməmmədov “Nəm-sarınan polikaprolakton liflərin nəzarət olunan dərman buraxılması, hüceyrə adgeziyasının və proliferasiyasının yaxşılaşdırılması üçün modifikasiya olunması” mövzusunda məruzə edəcək.

Gənc alim məruzəsində aşağıdakı məsələlərdən bəhs edəcək:

  • Nəm-sarınan PCL liflərindəki kimyəvi dəyişikliklərin edilməsi;
  • Nəm-sarınan PCL skafoldların xarakterizə olunması və səth modifikasiyası;
  • Hüceyrə adgeziyası və proliferasiyası üçün jelatin subvahidlərinin və jelatinin mikroqovucuqlarının immobilizasiyası;
  • İn vitro hüceyrə kulturası eksperimentləri;
  • 3D mikroquruluşu yüksəldən hüceyrə süspansiyasını fibrin matrisaya yerləşdirməklə hazırlanmış liflərin hüceyrə tutumunun yaxşılaşdırılması.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

12.02.2019 13:58

“Marie Sklodowska-Curie” qrant müsabiqəsi elan edilir

“Marie Sklodowska-Curie” proqramı çərçivəsində təcrübəli tədqiqatçılar üçün qrant müsabiqəsi elan edilir. Müsabiqənin qalibi olmuş şəxslər “Universite Sorbonne Paris Cite” universitetində tədqiqat aparmaq imkanı əldə edəcəklər.

“Marie Sklodowska-Curie” fərdi tədqiqatçılara onların elmi bilik və bacarıqlarını şaxələndirməyə və genişləndirməyə imkan verən qrant müsabiqələri təqdim edir. Qrantlar fərdi tədqiqatçıların iki illik əmək haqqını, tədqiqat xərclərini və tədqiqatların aparılacağı təşkilatda ümumi xərcləri əhatə edir.

Qrantlara müraciət etmək üçün forma doldurulmalı və 20 fevral 2019-cu il tarixinədək packeuropeaccess@uspc.fr ünvanına göndərilməlidir.

Ətraflı məlumatı edu-active.com saytından əldə etmək mümkündür.

Mənbə: www.science.az

12.02.2019 10:00

Elan

Elmi Şuranın növbəti iclası keçiriləcək.

Fevralın 19-da saat 10:00-da Biofizika İnstitutunun Elmi Şurasının növbəti iclası keçiriləcək.

İclasın gündəliyinə aşağıdakı məsələlər daxildir:

  • Biofizika İnstitutunun nəzdindəki laboratoriyaların iş proqramlarının, mərhələlərinin və fərdi iş planlarının müzakirəsi və təsdiqi;
  • AMEA Biofizika İnstitutu və Azərbaycan Respublikasının Xəzər Universiteti ilə əməkdaşlıq müqaviləsi haqqında məlumat;
  • İran Respublikasının Ərdəbil Universitetinin Tibb fakültəsində çalışan alimləri, Xəzər Universitetinin dissertantları Ruhullah Muradpur və Məhşid Damandanın elmi rəhbərliyi ilə bağlı məsələ;
  • AMEA prezidenti, akademik Akif Əlizadənin “Gənc qadınlar elmdə” müsabiqəsinin keçirilməsi haqqında 05 fevral 2019-cu il tarixli 63 №-li Sərəncamı ilə bağlı məlumat və bu müsabiqədə iştirak etmək üçün Biofizika İnstitutu tərəfindən irəli sürülən namizədlərin müzakirəsi.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

11.02.2019 11:17

Elan

Bakı Dövlət Universitetinin “SABAH” qrupunun tələbələri  AMEA-nın Biofizika İnstitutunda təcrübə keçəcək.

AMEA prezidenti, akademik Akif Əlizadənin “”SABAH” qruplarında təhsil alan tələbələrin AMEA-nın elmi müəssisələrində təcrübə keçməsi haqqında” 24 yanvar 2019-cu il tarixli 42 №-li Sərəncamına əsasən,18 fevral 2019-cu il tarixindən Bakı Dövlət Universitetinin “SABAH” qrupunun “Fizika müəllimliyi” ixtisası üzrə təhsil alan III kurs tələbələri, AMEA-nın Biofizika İnstitutunda təcrübə keçəcəklər.

Təcrübə dövründə tələbələr institutun laboratoriyalarında aparılan elmi-tədqiqat işləri, müasir avadanlıqların iş prinsipi ilə yaxından tanış olacaqlar və  təhsil aldıqları müddətdə əldə etdikləri bilikləri təcrübi olaraq təkminləşdirəcəklər.

Təcrübə müddəti may ayının sonunadək davam edəcək.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

11.02.2019 10:39

AMEA-da “Gənc qadınlar elmdə” müsabiqəsi elan olunur

Azərbaycan Milli Elmlər Akademiyasının prezidentinin 5 fevral 2019-cu il tarixli sərəncamına əsasən AMEA-nın gənc qadın alimləri üçün “Gənc qadınlar elmdə” müsabiqəsi elan olunur.

Müsabiqə elmin aktual və müasir problemləri üzrə Azərbaycan üçün prioritet olan istiqamətlərdə elmi tədqiqatlar aparan gənc xanımların elmi fəaliyyətini stimullaşdırmaq və qadınların elmin inkişafında rolunu daha da artırmaq məqsədilə keçirilir.

AMEA-nın həqiqi və müxbir üzvləri, habelə akademiyanın elmi müəssisələrinin elmi şuraları tərəfindən irəli sürülən, yaşı 35-dək olan AMEA-nın qadın alimləri müsabiqədə iştirak edə bilərlər.

Müsabiqədə iştirak etmək üçün aşağıdakı sənədlər 2019-cu il martın 1-dək AMEA Rəyasət Heyəti aparatının Elm və təhsil baş idarəsinə təqdim edilməlidir:

– AMEA prezidentinin adına ərizə;

– namizədin irəli sürülməsi haqqında təqdimat (təqdimatda namizəd və onun elmi nailiyyətləri haqqında ətraflı məlumat);

– elmi əsərlərin təsdiq olunmuş formada siyahısı;

– elmi tədbirlərdə, müsabiqələrdə və s. iştirakla bağlı sənədlərin surəti;

– şəxsi məlumatlar ( forma əlavə olunur).

Qaliblərin mükafatlandırılması onların hər birinə müvafiq diplom verilməklə aşağıdakı qaydada aparılacaq:

– I yer – 3000 manat;

– II yer – 2000 manat;

– III yer – 1500 manat.

Müsabiqənin nəticələri 27 mart – “Elm günü” ərəfəsində elan olunacaq.

Əlavə məlumat üçün Elm və təhsil baş idarəsinə müraciət etmək olar.

Tel.: (+994 12) 492 59 45;

E-mail: etbi@science.az

Ünvan: Bakı ş., İstiqlaliyyət küç., 30 (502-ci otaq).

Mənbə: www.science.az

07.02.2019 16:39

Biofizika İnstitutunun gənc alimləri AMEA-nın Yüksək Texnologiyalar Parkında olublar

7 fevral 2019-cu il tarixində akademiyanın elmi müəssisə və təşkilatlarının gənc alimləri, həmçinin AMEA Biofizika İnstitutunun əməkdaşları b.ü.f.d. Ruhiyyə Quliyeva, Sevil Məhərrəmova və Zərifə Osmanlı AMEA-nın Yüksək Texnologiyalar Parkını (YT Park) ziyarət ediblər.

Gənc alimlər YT Parkın yeni yaradılan Strateji Elmi Analitik Sınaq Mərkəzinə (SEASM) baş çəkib, müasir standartlara cavab verən laboratoriyalara baxış keçiriblər. Daha sonra Yüksək Texnologiyalar Parkının rəhbərliyi  gənclərlə görüş keçirib və onları mütəmadi əməkdaşlığa dəvət edib.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

05.02.2019 15:39

AMEA Biofizika İnstitutunun direktoru Xəzər Universitetində

2019-cu il yanvarın 31-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlının dəvəti ilə Azərbaycan Milli Elmlər Akademiyasının Biofizika İnstitutunun direktoru akademiyanın müxbir üzvü professor Oktay Qasımov, elmi işlər üzrə direktor müavini professor Kərim Qasımov və İnteqrativ Biologiya laboratoriyasının müdiri, akademiyanın müxbir üzvi, professor İlham Şahmuradov Xəzər Universitetinin qonağı oldular. AMEA-nın əməkdaşları ilə ilk görüş cari il yanvarın 24-də Biofizika İnstitutunda olmuşdu. Orada AMEA-nın Biofizika İnstitutu və Xəzər Universiteti ilə onun “Dünya” məktəbi arasında elm və təhsil sahəsində əməkdaşlıq memorandumu imzalanmışdı.

Xəzər Universitetində görüş zamanı professor Hamlet İsaxanlı bu əməkdaşlığın hər iki tərəf üçün çox mühüm əhəmiyyət kəsb etdiyini vurğuladı. Öz növbəsində professor Oktay Kazımov çıxış edərək, Biofizika İnstitutunda təşkil edilən tədqiqatların mühüm əhəmiyyətindən və bu tədqiqatların universitetin tələbə və gənc tədqiqatçılarına elmi texniki dəstəyinin əhəmiyyətindən danışdı.

Görüşdə Xəzər Universitetinin Elmi işlər üzrə prorektoru dosent İradə Xəlilova, Elektronika və telekommunikasiya departamentinin müdiri Dr. Nuru Səfərov, Bioloji elmlər departamentinin dosenti Cavid Ocaği, Kimya mühəndisliyi və tətbiqi kimya departamentinin koordinatoru Dr. Rəsul Muradi iştirak edirdilər.

Görüş zamanı hər iki tərəfi maraqlandıran müxtəlif məsələlər o cümlədən, laboratoriyada texniki cihazların yaranmasının tələbələrə əyani göstərilməsi, laboratoriyalarda mövcud cihazların iki qurumun tələbə və tədqiqatçıları arasında birgə mübadiləsi və istifadəsi, beynəlxalq layihələrin birgə yazılması və iştirak, elmi-pedaqoji və elmi əməkdaşlığın gücləndirilməsi məsələləri müzakirə olundu.

Sonra qonaqlar Xəzər Universitetində yeni yaradılan müasir Nanotexnologiya və Hüceyrə Patologiyası Tədqiqat Mərkəzi laboratoriyalarında oldular və aparılan tədqiqat işləri ilə tanış oldular.

 

Mənbə: www.khazar.org

04.02.2019 10:54

Azərbaycan Milli Elmlər Akademiyası “Magistr-2019” müsabiqəsini elan edir

AMEA-nın prezidenti, akademik Akif Əlizadənin müvafiq sərəncamına əsasən, akademiyada “Magistr-2019” müsabiqəsi elan olunur.

Müsabiqənin keçirilməsində əsas məqsəd AMEA-da magistratura təhsilini daha da təkmilləşdirmək, magistrantların elmi nailiyyətlərinin və yaradıcılıq potensialının artırılmasına dəstək vermək, təhsildə, elmdə yüksək nəticələr göstərən, intellekti və bacarığı ilə fərqlənən istedadlı gəncləri həvəsləndirməkdir.

Müsabiqədə AMEA-nın magistraturasında təhsil alan tələbələr iştirak edə bilərlər. Yekunda ən yüksək nəticə göstərmiş üç magistrant mükafatlandırılacaq. Qaliblərin mükafatlandırılması onların hər birinə müvafiq diplom verilməklə aşağıdakı qaydada aparılacaq:

– I yer – 1500 manat;

– II yer – 1000 manat;

– III yer – 500 manat.

Müsabiqədə iştirak etmək üçün magistrantlar Ərizə formasını (Əlavə 1) müəyyən olunmuş qaydada doldurub (ərizələr müvafiq institutun təhsil şöbəsinin rəhbəri və elmi katibi tərəfindən təsdiq olunmalıdır) təhsil aldığı institutun direktorunun müşayiət məktubu ilə birlikdə 2019-cu il fevralın 25-dək AMEA Rəyasət Heyəti aparatının Elm və təhsil baş idarəsinə təqdim etməlidirlər.

İştirakçı ərizələri 12 ölçülü Arial şrifti ilə, 1 intervalla doldurulmalıdır. Uyğun məlumat olmadığı təqdirdə müvafiq bölmə boş saxlanılır. Ərizələr elektron (yaddaş diskində) formada və kağız üzərində təqdim olunmalıdır.

Ünvan: AZ1143, Bakı ş., H.Cavid pr., 31 (Akademiya şəhərciyi).

Tel.: (+99 412) 537 23 97, (+994 12) 539 20 35.

Email: amea.magistratura@gmail.com (elektron məktubda mövzu yerində “Magistr-2019 müsabiqəsi üçün” qeyd olunmalıdır).

Mənbə: www.science.az

29.01.2019 15:22

“Eukariot genomlarının transkripsiya statusu və promotorlar: yeni faktlar – yeni təsəvvürlər” mövzusunda seminar keçirildi

2019-cu il yanvarın 29-da AMEA-nın Biofizika İnstitutunda növbəti seminar keçirildi.

Seminarı institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, mövzunun aktuallığını vurğuladı.

Sonra Biofizika İnstitutunun “İnteqrativ biologiya” laboratoriyasının müdiri, biologiya elmləri doktoru, AMEA-nın müxbir üzvü İlham Əyyub oğlu Şahmuradov “Eukariot genomlarının transkripsiya statusu və promotorlar: yeni faktlar – yeni təsəvvürlər” mövzusunda məruzəsini təqdim etdi.

İ.Şahmuradov məruzəsində genom və genlər, genomun ekspressiyası, RNT polimerazalar və promotorlar haqqında ətraflı məlumat verdi.

Sonda mövzu ətrafında müzakirələr aparıldı, suallar cavablandırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25.01.2019 10:20

Elan

29 yanvar 2019-cu il tarixində saat 11:00-da Biofizika İnstitutunun seminar otağında (6-cı mərtəbə) seminar keçiriləcək.

Seminarda Biofizika İnstitutunun  “İnteqrativ biologiya” laboratoriyasının müdiri, biologiya elmləri doktoru, AMEA-nın müxbir üzvü İlham Əyyub oğlu Şahmuradov “Eukariot genomlarının transkripsiya statusu və promotorlar: yeni faktlar – yeni təsəvvürlər” mövzusunda məruzə edəcək.

Arzu edənlər iştirak edə bilərlər!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

24.01.2019 15:48

Biofizika İnstitutu ilə Neft –Kimya Prosesləri İnstitutu arasında görüş keçirildi

Bu gün AMEA-nın Biofizika İnstitutunda Azərbaycan Milli Elmlər Akademiyasının akademik Y.H.Məmmədəliyev adına Neft –Kimya Prosesləri İnstitutunun direktoru, AMEA-nın həqiqi üzvü, kimya elmləri doktoru, professor Vaqif Abbasov və elmi işlər üzrə direktor müavini, texnika üzrə elmlər doktoru Hikmət İbrahimovla  görüş keçirildi.

Görüş zamanı qonaqlar institutun laboratoriyaları ilə tanış oldular. Orada icra olunan elmi-tədqiqat işləri  Neft –Kimya Prosesləri İnstitutunun  əməkdaşları tərəfindən yüksək qiymətləndirildi və əməkdaşlıq perspektivləri müzakirə olundu.

Qonaqları Biofizika İnstitutunun direktoru, AMEA-nın müxbir üzvü, fizika-riyaziyyat elmləri doktoru, Oktay Qasımov müşayiət edirdi.

Sonda Neft-Kimya Prosesləri İnstitutunda kimya elmləri sahəsində yüksəkixtisaslı mütəxəssislərin hazırlanması istiqamətində mühüm tədbirlər görüldüyünü söyləyən akademik Vaqif Abbasov müasir avadanlıqlarla təchiz olunan Biofizika İnstitutu ilə birgə elmi tədqiqatların aparılmasında maraqlı olduğlarını bildirdi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

24.01.2019 13:04

AMEA-nın Biofizika İnstitutu ilə Xəzər Universiteti arasında əməkdaşlıq memorandumu imzalandı

2019-cu il yanvarın 24-də Azərbaycan Milli Elmlər Akademiyasının Biofizika İnstitutunun direktoru, AMEA-nın müxbir üzvü, fizika-riyaziyyat elmləri doktoru, Oktay Qasımov Xəzər Universitetinin Elmi işlər üzrə prorektoru dosent İradə Xəlilovanı qəbul etdi.

Görüşdə Biofizika İnstitutunun elmi işlər üzrə direktor müavini, biologiya üzrə elmlər doktoru Kərim Qasımov, Neft-Kimya Prosesləri İnstitutunun direktoru, AMEA-nın  həqiqi üzvü, kimya elmləri doktoru, professor Vaqif Abbasov, Bioloji elmlər departamentindən genetika mütəxəssisi dosent, biologiya üzrə fəlsəfə doktoru Cavid Ocaqi da iştirak edirdilər.

Görüşün məqsədi iki qurum arasında əməkdaşlıq haqqında memorandumun imzalanması idi.

Görüş zamanı Xəzər Universiteti ilə AMEA-nın Biofizika İnstitutu arasında birgə elmi təcrübə mübadiləsinin  aparılması və digər müştərək layihələrin keçirilməsi məsələləri müzakirə edildi.

İnstitutun direktoru professor Oktay Qasımov imzalanacaq sənədin əhəmiyyətindən söz açaraq, bu əməkdaşlığın tərəflər arasında əlaqələrin genişləndirilməsinə təkan verəcəyini bildirdi. Əməkdaşlıq çərivəsində mühüm nəticələrin əldə olunacağına dair inamını ifadə etdi.

Daha sonra Xəzər Universitetinin Elmi işlər üzrə prorektoru dosent İradə Xəlilova çıxış edərək Biofizika İnstitutu ilə əməkdaşlıqdan məmnunluğunu bildirdi. Qeyd etdi ki, memorandum iki qurum arasında əlaqələrin genişləndirilməsi ilə yanaşı, təhsil və elmin inkişafına da təkan verəcək.

Sonda iki qurum arasında əməkdaşlığa dair memorandum imzalandı. Sənədi professor Oktay Qasımov və dosent İradə Xəlilova imzaladılar.

Memorandum tərəflər arasında ortaq təcrübə mübadiləsi aparılmasına xidmət edəcək.

Tərəflər arasındakı razılaşmaların icrası üzrə ekspertlərdən ibarət işçi qrupun yaradılması planlaşdırıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

23.01.2019 11:20

Elan

AMEA-nın Biofizika İnstitutu ilə Xəzər Universiteti arasında əməkdaşlıq memorandumu imzalanacaq.

Yanvarın 24-də saat 10:00-da Xəzər Universitetinin rektoru və administrativ işçilərdən ibarət olan heyət Biofizika İnstitutunda qonaq olacaqlar.

Görüş zamanı bir sıra məsələlər müzakirə oluncaq və tərəflər arasında əməkdaşlıq haqqında memorandum imzalanacaq.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

17.01.2019 13:20

AMEA Biofizika İnstitutunda 20 Yanvar faciəsinin 29-cu ildönümünə həsr olunmuş anım tədbiri keçirildi: Bütün Şəhidlərimizi Rəhmətlə Yad Edirik!

Yanvarın 17-də Azərbaycan Milli Elmlər Akademiyasının Biofizika İnstitutunda 20 Yanvar faciəsinin 29-cu ildönümünə həsr olunmuş anım tədbiri keçirildi.

Tədbiri institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, həmin günün siyasi mahiyyətindən söz açdı.

Sonra Azərbaycanın müstəqilliyi və ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edildi.

Anım tədbirində, institutun innovasiya və transfer üzrə direktor müavini, tibb üzrə fəlsəfə doktoru Azad Əbdürəhimov çıxış edərək, faciə ilə bağlı öz təəssüratlarını bölüşdü. Azərbaycanın müstəqilliyi uğrunda aparılan  mübarizələrdən danışdı.

A.Əbdürəhimov bildirdi ki, həmin gün xalqımızın övladları işğalçı sovet ordusu tərəfindən qətlə yetirilmiş, 146 nəfər şəhid olmuş, 800-dən artıq vətəndaşımız yaralanmışdır. 1990-cı ilin yanvar qırğını nə qədər faciəli olsa da, Azərbaycan xalqının iradəsini, onun milli azadlıq uğrunda mübarizə əzmini qıra bilmədi!

Sonda 20 yanvar faciəsindən bəhs edən slayd nümayiş olundu.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

16.01.2019 14:28

Ukrayna Elm və Texnologiya Mərkəzi 2019-cu il üçün doktorluq qrantı elan edir

Ukrayna Elm və Texnologiya Mərkəzi (UETM) 2019-cu il üçün doktorluq tədqiqat qrantı proqramı elan edir.

Tədqiqat kimyəvi, bioloji, radioloji və ya nüvə silahlarının inkişafı və istiqamətləri, strateji ticarət nəzarəti, milli və beynəlxalq ticarət nəzarəti sistemləri kimi sahələri əhatə edir.

Proqramda Azərbaycan, Ukrayna, Gürcüstan və Moldova universitetlərində magistr dərəcəsi almış tələbələr (vətəndaşlığından asılı olmayaraq) iştirak edə bilərlər. Müraciət etmək istəyənlər Avropa İttifaqı (Aİ) və ya Avropa İqtisadi Zonası (AİZ) universitetlərinin doktorluq proqramında qeydiyyatdan keçərək iki elmi rəhbər seçməlidirlər. Onlardan biri Aİ və ya AİZ tərəfdən, digəri isə Azərbaycan, Ukrayna, Gürcüstan və ya Moldova tərəfdən seçilməlidir.

Müraciətlər aprelin 15-dək qəbul olunur.

Daha ətraflı məlumatı http://www.stcu.int/news/index.php?id=488 linkində almaq mümkündür.

Mənbə: www.science.az

16.01.2019 09:20

Azərbaycan Milli Elmlər Akademiyası Rəyasət Heyətinin mükafatına müsabiqə elan olunur

AMEA prezidentinin 21 dekabr 2018-ci il tarixli sərəncamına əsasən, elmin populyarlaşdırılması sahəsində səmərəli fəaliyyətə görə Azərbaycan Milli Elmlər Akademiyası Rəyasət Heyətinin mükafatına müsabiqə elan olunur.

AMEA Rəyasət Heyətinin mükafatı elmi biliklərin populyarlaşdırılması, elmi nailiyyətlərin, görkəmli Azərbaycan alimlərinin elmə verdiyi töhfələrin, habelə yeni elmi istiqamətlərin təbliğ edilməsi, akademiyanın fəaliyyətinin geniş işıqlandırılması, gənclərdə elmi fəaliyyətə marağın oyadılması məqsədilə təsis edilib.

Mükafata iddiaçılar AMEA-nın həqiqi və müxbir üzvləri, habelə akademiyanın elmi müəssisə və təşkilatlarının elmi şuraları tərəfindən irəli sürülür. İddiaçılar yalnız AMEA-nın əməkdaşları və ya yaradıcı kollektivləri ola bilər. Namizədlərin irəli sürülməsi ilə bağlı aşağıdakı sənədlər 15 fevral 2019-cu il tarixinədək AMEA-nın Elm və təhsil baş idarəsinə təqdim edilməlidir:

– namizədin irəli sürülməsi haqqında təqdimat (təqdimatda müsabiqəyə təqdim olunan elmi-populyar əsər və onun müəllifi haqqında ətraflı məlumat);

– müəllifin şəxsiyyət vəsiqəsinin surəti;

– müsabiqəyə təqdim olunan əsərlərin hərəsindən 1 nüsxə.

AMEA Rəyasət Heyətinin mükafatına layiq görülən şəxslərə müvafiq diplom və 3 min manat məbləğində pul mükafatı verilir. Mükafata kollektiv layiq görüldükdə, diplom müəlliflərin hər birinə verilir, pul mükafatı isə müəlliflər arasında bərabər bölünür.

Müsabiqənin nəticələri 27 Mart – Elm Günü ərəfəsində elan olunacaq.

Tel.: (+994 12) 492 59 45;

E-mail: etbi@science.az

Ünvan: Bakı ş., İstiqlaliyyət küç., 30 (502-ci otaq).

Mənbə: www.science.az

15.01.2019 15:16

Yeni ilində Elmi Şuranın ilk iclası keçirildi

2019-cu il yanvarın  15-də  Azərbaycan Milli Elmlər Akademiyasının Biofizika İnstitutunun direktoru professor Oktay Qasımovun sədrliyi ilə İnstitutun Elmi Şurasının yeni iş ilində ilk iclası keçirildi.

İclası giriş sözü ilə açan AMEA-nın müxbir üzvü Oktay Qasımov Şura üzvlərini gündəlikdəki məsələlərlə tanış etdi.

İclasın gündəliyinə uyğun olaraq, Rəyasət Heyətinin “AMEA-nın mühüm elmi nailiyyətləri haqqında məlumatların beynəlxalq elmi bazalara inteqrasiyasının genişləndirilməsi” haqqında 14 dekabr 2018-ci il tarixli 17/3 №-li Qərarı, həmçinin “Gənc alimlər üçün elmi tədqiqat layihələrinin respublika müsabiqəsi” barəsində 14 dekabr tarixli 17/4 №-li qərarı müzakirə olundu.

Müzakirələrdə “Thomson Reuters”in Biofizika İnstitutu üzrə  nümayəndəsi “Biomolekulların strukturu, dinamikası və funksiyası” laboratoriyasının elmi işçisi, AMEA Fizika İnstitutunun dissertantı Arzu Aydəmirova çıxış edərək “Web of Science” platforması haqqında ətraflı məlumat verdi. Bildirdi ki, “Thomson Reuters”in təqdim etdiyi xidmətlər institutumuzda aparılan elmi araşdırmaların dünya standartlarına çatdırılması, həmçinin dünyada gedən elmi-tədqiqat işləri haqqında alimlərimizin məlumatlı olması üçün çox önəmlidir.

Sonra, 2018-ci il dekabrın 17-dən 21-dək Orta Şərq Texniki Universitetinin dəvəti ilə Türkiyənin Ankara şəhərində elmi ezamiyyətdə olan “Molekulyar və hüceyrə biokimyası” laboratoriyasının kiçik elmi işçisi Elbəy Akif oğlu Məlikməmmədov öz səfəri müddətindəki tədqiqat işləri ilə bağlı hesabat verdi. Elmi Şuranın qərarı ilə E.Məlikməmmədovun hesabatı qənaətbəxş hesab olunaraq təsdiq olundu.

Daha sonra Şura üzvləri 2019-cu il üçün Elmi Şuranın iş planının müzakirəsinə keçid etdilər. Laboratoriyaların və şöbələrin yeni iş ili üçün iş proqramlarının və elmi işçilərin fərdi iş planlarının hazırlanması barədə qərar aldılar.

İclasda Biofizika İnstitutunun Doktoranturasının yaradılması ilə bağlı məsələyə də baxıldı, müxtəlif təkliflər səsləndirildi.

Sonda dosent üzrə elmi ad almaq üçün “Ekoloji biofizika” laboratoriyasının böyük elmi işçisi, biologiya üzrə fəlsəfə doktoru Ruhiyyə Tahirağa qızı Quliyevanın və İnstitutun Elmi katibi, biologiya üzrə fəlsəfə doktoru Florida Radik qızı Mehrəliyevanın namizədliyi irəli sürüldü. Təklif səsə qoyuldu və yekdilliklə qəbul olundu.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

14.01.2019 09:56

Elan

Elmi Şuranın iclası keçiriləcək

Yanvarın 15-də saat 10:00-da Biofizika İnstitutunun seminar otağında (6-cı mərtəbə) Elmi Şuranın növbəti iclası keçiriləcək.

İclasın gündəliyinə aşağıdakı məsələlər daxildir:

  • AMEA Rəyasət Heyətinin “AMEA-nın mühüm elmi nailiyyətləri haqqında məlumatların beynəlxalq elmi bazalarda inteqrasiyanın genişləndirilməsi” haqqında 14 dekabr 2018-ci il tarixli 17/3 №-li Qərarı;
  • AMEA Rəyasət Heyətinin “Gənc alimlər üçün elmi tədqiqat layihələrinin respublika müsabiqəsi” haqqında 14 dekabr 2018-ci il tarixli, 17/4 № -li Qərarı;
  • AMEA-nın Biofizika İnstitutunda Doktoranturanın yaradılması haqqında;
  • Elmi Şuranın 2019-cu il üçün İş Planının müzakirəsi haqqında;
  • Laboratoriyaların və şöbələrin 2019-cu il üçün iş proqramlarının və elmi işçilərin fərdi iş planlarının hazırlanması haqqında;
  • “Molekulyar və hüceyrə biokimyası” laboratoriyasının kiçik elmi işçisi Elbəy Məlikməmmədovun Türkiyəyə elmi səfəri üzrə hesabatı haqqında.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

11.01.2019 16:26

İranlı alimlər Biofizika İnstitutunda məruzə ilə çıxış etdilər

11 yanvar 2019-cu il tarixində Azərbaycan Milli Elmlər Akademiyasının Biofizika İnstitutunda İran İslam Respublikasının Ərdəbil Universitetinin alimləri məruzə ilə çıxış etdilər.

Seminarı giriş sözü ilə institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, sözü Ərdəbil Universitetinin tibb fakültəsinin alimlərinə verdi.

İlk olaraq, Ruhullah Muradpur “Combination therapy with Mir-143 and doxorubicin synergistically suppressed Osteosarcoma proliferation and cell growth” mövzusunda məruzə ilə çıxış etdi. O, öz məruzəsində Mir-143 və doksirubisinin süd vəzi və osteosarkoma xərçənglərində müalicəvi rolunun gələcək perspektivləri barədə ətraflı məlumat verdi.

Daha sonra, Məhşid Damandanın “The synergism effects miR-143 and doxorubicin and evaluations of anti-cancer activity in breast cancer cells” mövzusunda məruzəsi dinlənildi. Məruzəçi müzakirə olunan məsələ ilə bağlı geniş məlumat verdi.

Sonda iranlı alimlər seminar iştirakçılarını maraqlandıran sualları cavablandırdılar və ümumi maraq kəsb edən məsələlərin birgə tədqiq olunmasının məqsədəuyğunluğu qeyd olundu.

Bundan əlavə, üç qurum  ‒ AMEA Biofizika institutu, Xəzər Universiteti və İran İslam Respublikasının Ərdəbil Universiteti arasında gələcəkdə elmi əməkdaşlıq əlaqələrinin yaradılmasına dair müzakirələr aparıldı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

10.01.2019 13:54

Elan

11 yanvar 2019-cu il saat 10:00-da Biofizika institutunun seminar otağında (6-cı mərtəbə) İran Respublikasının Ərdəbil Universitetinin Tibb fakültəsində çalışan alimləri Ruhullah Muradpur “Combination therapy with Mir-143 and doxorubicin synergistically suppressed Osteosarcoma proliferation and cell growth” mövzusunda və Məhşid Damandan “MiRNT-143 və doksirubisinin süd vəzi və osteosarkoma xərçənglərində müalicəvi rolu” mövzusunda elmi seminarda çıxış edəcəklər.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

10.01.2019 09:23

Avropa Tədqiqat Şurası elmi tədqiqatçılar üçün qrantlar elan edir

Avropa Tədqiqat Şurası (European Research Council, ERC) tədqiqatçılar üçün müxtəlif elm sahələrində yeni imkanlar və istiqamətləri müəyyənləşdirməyə imkan verən qrantlar təqdim edir.

ERC-nin məqsədi rəqabətli maliyyələşdirmə yolu ilə Avropada keyfiyyətli tədqiqatları təşviq etmək və elmi mükəmməllik əsasında bütün sahələr üzrə tədqiqatçıların apardıqları elmi araşdırmaları dəstəkləməkdir.

Qeyd edək ki, ERC Avropadakı digər milli tədqiqat maliyyə qurumlarını dəstəkləyir və Avropa Birliyinin 2014-2020-ci illər üzrə tədqiqat proqramı olan “Horizon 2020”nin əsas flaqmanıdır.

Qrantlar barədə ətraflı məlumatla https://erc.europa.eu/ linkində tanış olmaq mümkündür.

Mənbə: www.science.az

09.01.2019 11:46

Biofizika İnstitutunun alimlərinin məqaləsi nüfuzlu xarici jurnalda dərc olunub

Biofizika İnstitutunun direktoru v.i.e., AMEA-nın müxbir üzvü Oktay K. Qasımov və həmin institutun kiçik elmi işçisi , gənc alim Aytac C. Quliyevanın İtaliyadan olan həmkarlar ilə birgə AMEA-CNR beynəlxalq qrant layihəsi çərçivəsində həmmüəllifi olduqları məqalə “Thomson Reuters” beynəlxalq bazasında referatlaşdırılmış impakt faktorlu “Macromolecular Chemistry and Physics” jurnalında çap olunub.

Məqalədə göstərilib ki, fibroin zülalı əsasında hazırlanmış təbəqələr rodamin 6G lazer rənginin bərk cisim halında flüoressensiyanı artırır. Yüksək emissiyalı biyomateriallar yaratmaq üçün fibroin- rodamin 6G qarşılıqlı təsirlərinin kimyəvi-fiziki təhlili aparılmışdır.

Bu tədqiqatın işıq üzü görməsi Biofizika İnstitutunda AMEA RH-nin dəstəyi ilə təmin edilən ən müasir cihazların istifadəyə verilməsi sayəsində mümkün olmuşdur.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

07.01.2019 16:37

Azərbaycan Milli Aviasiya Akademiyasının alimləri AMEA-nın Biofizika İnstitutunda olublar

Azərbaycan Milli Aviasiya Akademiyasının alimləri başda əməkdar elm xadimi akademik Bahadır Tağıyev olmaqla Biofizika İnstitutunda olublar.

Qonaqları Biofizika İnstitutunun elmi işlər üzrə director müavini, biologiya üzrə elmlər doktoru Kərim Qasımov müşayiət edib.

Qonaqlar ilk olaraq institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımovla görüşüblər.

Görüş zamanı O.Qasımov qonaqlara rəhbərlik etdiyi müəssənin tarixi, yeni qurulmuş müasir laboratoriyalar, aparılan elmi-tədqiqat işləri və əldə olunan nailiyyətlər haqqında ətraflı məlumat verib. Bundan əlavə, Biofizika İnstitutu ilə Milli Aviasiya Akademiyası arasında elm sahəsində əmədaşlıq perspektivləri müzakirə olunub.

Daha sonra qonaqlar institutda alimlərin fəaliyyəti üçün yaradılan laboratoriyalarla yaxından  tanış olublar.  Biofizika İnstitutunun əməkdaşları tərəfindən hazırlanan və kompyuterlə idarə olunan mayenin inyeksiyası cihazı qonaqlarda böyük maraq doğurub.

Sonda, tərəflər arasında spektroskopiya, xüsusilə udulma və flüoressensiya spektroskopiyası sahəsi üzrə müştərək tədqiqatların aparılması haqqında razılıq əldə edilib.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

04.01.2019 14:37

Biofizika İnstitutunun əməkdaşı elmi ezamiyyətdə olub

2018-ci il dekabrın 17-dən 21-dək AMEA Biofizika İnstitunun əməkdaşı, “Molekulyar və hüceyrə biokimyası” laboratoriyasının kiçik elmi işçisi Elbəy Akif oğlu Məlikməmmədov  Orta Şərq Texniki Universitetinin dəvəti ilə Türkiyənin Ankara şəhərində elmi ezamiyyətdə olub.

Məqsəd “Biomaterial və toxuma mühəndisliyi mükəmməllik mərkəzi” laboratoriyasında aparılan elmi-tədqiqat işlərində iştirak etmək idi.

Ezamiyyət çərçivəsində Elbəy Məlikməmmədov Orta Şərq Texniki Universitetinin “Biomaterial və toxuma mühəndisliyi mükəmməllik mərkəzi” laboratoriyasının  rəhbəri professor  Vasif Hasırcı ilə bir sıra görüşlər keçirib, fikir mübadiləsi aparıb və laboratoriyada aparılan elmi-tədqiqat işləri ilə yaxından tanış olub.

Gənc alim, həmçinin Orta Şərq Texniki Universitetində təşkil olunan elmi seminarda “Azərbaycan MEA-nın Biofizika İnstitutunun elmi tədqiqatlarının istiqamətləri” mövzusunda çıxış edib, seminar iştirakçılarını maraqlandıran sualları cavablandırıb.

Ezamiyyət müddətində, E.Məlikməmmədov Biofizika İnstitutunu layiqıncə təbliğ etmiş, Orta Şərq Texniki Universiteti ilə qarşılıqlı elmi əməkdaşlıq imkanlarının müzakirəsinə nail olmuşdur.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

03.01.2019 12:28

Elmin İnkişafı Fondu 9-cu “Mobillik qrantı” müsabiqəsini elan edib

Azərbaycan Respublikasının Prezidenti yanında Elmin İnkişafı Fondu 9-cu “Mobillik qrantı” müsabiqəsini elan edib.

Müsabiqənin məqsədi təbiət, dəqiq, texniki, humanitar və ictimai elmlər sahəsində elmi-tədqiqat işləri ilə məşğul olan alimlərin fəaliyyətini stimullaşdırmaq, onlara xaricdə elmi tədbirlərdə və qısamüddətli təcrübəkeçmədə iştirak, Azərbaycanda alınmış elmi nəticələrin tanıdılması, təcrübə mübadiləsi və yeni əlaqələrin qurulması imkanının yaradılmasıdır.

Müsabiqədə iştirak etmək üçün layihələr 2019-cu il yanvarın 7-dən qəbul olunacaq. Layihələrin online qəbulu fevralın 28-nə, çap versiyasının qəbulu isə martın 1-i saat 17:00-a qədər aparılacaq. Müsabiqəyə yalnız 2019-cu il 1 may – 15 iyun  və 1 sentyabr – 30 noyabr tarixləri arasında xaricdə keçiriləcək beynəlxalq elmi tədbirlərdə və qısamüddətli elmi təcrübəkeçmə proqramlarında iştirak etmək istəyən şəxslər sənədlərini təqdim edə bilərlər.

Müsabiqənin nəticələri 2019-cu ilin mart-aprel aylarında açıqlanacaq.

Bu müsabiqəyə layihələr yalnız Elmin İnkişafı Fondunun yaratdığı innovativ texnologiya olan “e-QRANT”=“Qrant layihələrinin Elektron İdarəolunması Sistemi” (http://e-grant.sdf.gov.az/) vasitəsilə təqdim edilə bilər. Bu sistem elektron hökumət prinsipləri əsasında qurulub  və “ASAN imza”dan istifadəni nəzərdə tutur.

Layihələrin qəbulu üçün nəzərdə tutulmuş müddət ərzində qrant iddiaçılarına kömək məqsədilə məsləhət seminarları keçiriləcək. Bu barədə əlavə məlumat Fondun İnternet səhifəsində dərc olunacaq.

Mənbə: www.science.az

14.12.2018 12:20

“İnsan hüceyrələrində tirozinkinaza reseptorları: funksiyaları, gələcək perspektivlər” mövzusunda seminar keçirildi

Bu gün Azərbaycan Milli Elmlər Akademiyasının Biofizika İnstitutunun elmi işlər üzrə direktor müavini, “Molekulyar və hüceyrə biokimyası” laboratoriyasının müdiri, biologiya üzrə elmlər doktoru Kərim Quli oğlu Qasımovun “İnsan hüceyrələrində tirozinkinaza reseptorları: funksiyaları, gələcək perspektivlər” mövzusunda məruzəsi dinlənildi.

Tədbiri institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq, mövzunun aktuallığını vurğuladı.

Daha sonra K. Qasımov, tirozinkinaza reseptorları və siqnal yolundaki komponentlər haqqında geniş məlumat verdi.

Tədbirdə Biofizika İnstitutunun direktoru, AMEA-nın müxbir üzvü Oktay Qasımov, innovasiya və transfer üzrə direktor müavini Azad Əbdürrəhimov, Fizika İnstitutunun “Yarımkeçirici strukturlarının fotoelektrik və optik diaqnostikası” laboratoriyasının rəhbəri Oktay Ələkbərov, Radiasiya Problemləri İnstitutunun “Radioprotektorlar” laboratoriyasının rəhbəri Asim Abdullayev və digərləri çıxış edərək mövzu ilə bağlı fikir və təkliflərini bildirdilər.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

08.12.2018 11:28

AMEA-nın Biofizika İnstitutunda elmi tədqiqat işləri yeni laboratoriya avadanlıqları ilə aparılır

Azərbaycan Milli Elmlər Akademiyasının Biofizika İnstitutunda elmi tədqiqat işləri yeni laboratoriya avadanlıqları ilə aparılır.

Bir çox müasir avadanlıqlarla təchiz olunan institut, həmin avadanlıqlar vasitəsi ilə elmi təcrübə aparmaqdadır. Bu işləri görmək üçün Biofizika İnstitutunda həm biofiziki həm də biokimyəvi və molekulyar bioloji metodlar inkişaf etdirilir.

“Biomolekulların strukturu, dinamikası və funksiyası” laboratoriyasının kiçik elmi işçisi Ləman Daşdəmirova və Fizika İnstitutunun 2-ci kurs magistrantı Səid Paşayev Langmuir & Langmuir Blodgett cihazı ilə tədqiqat işi aparırlar.

Tədqiqatçıların sözlərinə görə KSV NİMA Langmuir maye-qaz fazasında monotəbəqə alınmasına, KSV NİMA Langmuir isə həm monotəbəqə alınmasına, həmdə bu təbəqənin bərk qalıqların üzərinə axıdılmasına imkan verir.

Tədqiqatçılar KSV NİMA Langmuir sisteminin maye-qaz 1 sərhəddində zülal molekullarının monotəbəqələrini alır və səht təzyiqini ölçməklə bu təbəqədə baş verən struktur dəyişikliklərini tədqiq edirlər.

Təcrübələrin keyfiyyətini yaxşılaşdırmaq üçün laboratoriya əməkdaşları magistrın iştiraki ilə kompyuterla idarə olunan şpris nasosu düzəltmişlər. Bu da zülal mayesinin istənilən miqdarda və müəyyən olunmuş sürətlə fazaya daxil edilməsinə imkan verir.

Həmçinin laboratoriyada konformasiya dəyişikliklərini müxtəlif temperaturlarda müşahidə etmək üçün termostat cihazı quraşdırılmışdır.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

06.12.2018 15:00

Elmi Şuranın cari ildə son iclası keçirildi

Azərbaycan Milli Elmlər Akademiyasının Biofizika İnstitutunda Elmi Şuranın cari ildə son iclası keçirildi.

Tədbiri institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açaraq Şura üzvlərini gündəlikdəki məsələlərlə tanış etdi.

İclasın gündəliyinə uyğun olaraq, 2018-ci il noyabrın 05-dən 12-dək Türkiyənin Ankara səhərində elmi ezamiyyətdə olan “Biomolekulların strukturu, dinamikası və funksiyası” laboratoriyasının aparıcı elmi işçisi, fizika-riyaziyyat elmləri namizədi, dosent Rasim Bəxtiyar oğlu Aslanovun hesabatı dinlənildi.

R. Aslanov çıxış edərək, öz tədqiqat işləri ilə bağlı ətraflı məlumat verdi. Sonra hesabata dair müzakirələr aparıldı, suallar cavablandırıldı. Elmi Şuranın qərarı ilə hesabat qənaətbəxş hesab olunaraq təsdiq edildi.

Daha sonra Biofizika İnstitutunun elmi işlər üzrə direktor müavini, “Molekulyar və hüceyrə biokimyası” laboratoriyasının müdiri, biologiya üzrə elmlər doktoru Kərim Qasımov çıxış edərək cari ildə institutda aparılmış elmi tədqiqatlar, həyata keçirilmiş layihələr və görüləcək işlər barədə hesabat verdi. Elmi və elmi-təşkilati fəaliyyətlər haqqında hesabat qənaətbəxş hesab edildi.

Sonda bir sıra cari məsələlər müzakirə olundu.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

30.11.2018 09:30

Kərim Qasımovu 60 illik yubileyi münasibətilə təbrik edirik!

Bu gün Azərbaycan Milli Elmlər Akademiyasının Biofizika İnstitutunun elmi işlər üzrə direktor müavini, “Molekulyar və hüceyrə biokimyası” laboratoriyasının müdiri, biologiya üzrə elmlər doktoru Kərim Quli oğlu Qasımovun 60 yaşı tamam olur.

Kərim Qasımov 1958-ci il noyabrın 30-da Saatlı rayonunun Qaracalar kəndində anadan olub. İlk təhsilini 1965-1975-ci illərdə Gömuşçu kənd orta məktəbində alıb. O, 1976-1981-ci illərdə Azərbaycan Dövlət Universitetinin (indiki Bakı Dövlət Universitetinin) biologiya fakültəsində təhsilini davam etdirib. Ali məktəbi uğurla başa vurduğdan sonra təyinatla Azərbaycan Elmlər Akademiyasının Zoologiya İnstitutunda işə başlayıb.

1982-1984-cü illərdə Moskvada A.N. Severtsova adına Təkamül Morfologiyası və Heyvan Ekologiyası İnstitutunda  tədqiqatçı kimi elmi təcrübə keçib.

1984-1987-ci illərdə Bax adına Biokimya İnstitutunun aspiranturasında təhsilini davam etdirib, və həmin institutun müdafiə şurasında “Qarğıdalı cücərtilərində 3`,5`-cAMP fosfodiesterazanın fəallığının qırmızı işıq və kalmodulinlə tənzimlənməsi” mövzusunda biokimya ixtisası üzrə biologiya elmləri üzrə  namizədlik dissertasiyanı, 2009-cu ildə isə AMEA Botanika İnstitutunun ixtisaslaşmış elmi şurasında “Eukariotlarda siqnallarin ötürülməsinin molekulyar-genetik xüsusiyyətləri: G-zülallar və jointless-1 transkripsiya faktoru” molekulyar biologiya ixtisası üzrə doktorluq dissertasiyası işini müdafiə edərək biologiya elmləri doktoru alimlik dərəcəsi alıb.

Elmi fəaliyyətinə 1987-1992-ci illərdə başlayan Kərim Qasımov, Azərbaycan Elmi Tədqiqat Əkinçilik İnstitutunda kiçik elmi işçi kimi və sonra da baş elmi işçi vəzifəsində çalışıb.

1992-ci ildən etibarən Azərbaycan Elmlər Akademiyası Botanika İnstitutunun məhsuldarlıq proseslərinin molekulyar genetik əsasları şöbəsində baş elmi işçi, 1997-1999-cu illərdə isə aparıcı elmi işçi vəzifəsində fəaliyyət göstərən K. Qasımov, 2010-cu ildə həmin institutun hüceyrənin tənzimləyici sistemləri laboratoriyasının müdiri təyin olunub.

Yaponiya Elmin inkişaf cəmiyyətinin uzunmüddətli qrantını udaraq 1996-1997-ci illərdə Yaponiyanın Kobe universitetində tsiklik-quanozinmonofosfat və tsiklik adenozinmonofosfat kimi ikinci mesencerlərin bitki fotomorfogenezində fotosiqnalların ötürülməsində rolunun öyrənilməsi istiqamətində tədqiqat işi aparıb.

Daha sonra, ABŞ-ın Ayoya Universitetinə dəvət olunan K. Qasımov 2000-2006-cı illərdə NIH və NSF qrantları üzrə bioloji siqnalların ötürülməsində G-zülalların rolu mövzusunda və sonra da transkripsiya faktorlarının nüvədaxili siqnalların ötürülməsində rolu mövzusunda kompleks tədqiqat işlərində çalışıb.

Alim elmi fəaliyyətlə yanaşı pedaqoji fəaliyyətlə də məşğul olub. O, 2011-2015-ci illərdə Bakı Dövlət Universitetinin biologiya fakültəsində, 2014-2016-cı illərdə isə  Lənkəran Dövlət Universitetində ixtisas dərsləri aparıb, gənc kadrların hazırlanmasında fəal iştirak edib.

60 illik yubileyi münasibətilə  Kərim Qasımovu səmimi qəlbdən təbrik edir, möhkəm can sağlığı və elmi fəaliyyətində böyük  nailiyyətlər arzulayırıq!

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

20.11.2018 16:05

AMEA-nın Biofizika İnstitutunda növbəti seminar keçirildi

2018-ci il noyabrın 20-də Azərbaycan Milli Elmlər Akademiyasının Biofizika İnstitutunda növbəti seminar keçirildi.

Seminarı giriş sözü ilə institutun direktoru, AMEA-nın müxbir üzvü, fizika- riyaziyyat elmləri doktoru, professor Oktay Qasımov açdı.

Seminarda Biofizika İnstitutunun əməkdaşı, Gənc alimlər və mütəxəssislər şurasının sədri, “Ekoloji biofizika” laboratoriyasının böyük elmi işçisi, biologiya üzrə fəlsəfə doktoru Ruhiyyə Tahirağa qızı Quliyevanın “Azərbaycanda yayılmış irsi hematoloji xəstəliklər və onların inkişafında təbii antioksidantların iştirakı” mövzusunda məruzəsi dinlənildi.

Hüceyrələri və bütövlükdə orqanizmi müdafiə edən antioksidant faktorların içərisində selenin xüsusi rola malik olduğunu söyləyən R. Quliyeva bu baxımdan onun təsir mexanizminin öyrənilməsinin nəyinki Azərbaycanda, həm də bütün Dünyada aktual olduğunu bildirdi.

Baş tutan tədbirdə Biofizika İnstitutunun əməkdaşları, professorları, doktorant və dissertantları iştirak etdilər.

Seminar sual-cavab sessiyası ilə yekunlaşdı.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

22.11.2018 15:27

Belarusiya MEAnın Radiobiologiya İnstitutunun əməkdaşı Azərbaycanın Biofizika İnstitutunda məruzə ilə çıxış etdi

22 noyabr 2018-ci ildə Biofizika İnstitutunda bioloji modellər üzrə gözlənilməz və induksiyalı kanserogenlərin tədqiqi üzrə Eksperimental bioloji modellər laboratoriyasının rəhbəri, Radiobiologiya İnstitutunun əməkdaşı, b.e.n. Natalya Nikoloyevna Veyalkinanın iştirakı ilə seminar keçirildi.

Əvvəlcə, İnstitutun direktoru, professor Oktay Qasımov qonağa rəhbərlik etdiyi müəssisə və burada aparılan elmi tədqiqatlar barədə qısa məlumat verdi. Danışıqlar zamanı əməkdaşlığın perspektivləri müzakirə olundu.

Seminarda Natalya Nikolayevna “Belarusiya MEA-nın Radiobiologiya İnstitutunun Dövlət Elmi Müəssisəsinin elmi tədqiqatlarının istiqamətləri” mövzusunda məruzə ilə çıxış etdi. Öz məruzəsində N.N.Veyalkina qeyd etdi ki, Radiobiologiya İnstitutu texnogen, habelə ətraf mühitin radioaktiv çirklənməsi şəraitində həyatın uzadılması və onun keyfiyyətinin yaxşılaşdırılması metodları üzərində işləyir.

N.N.Veyalkinin məruzəsi institutun gənc mütəxəssislərində və əməkdaşlarında böyük maraq doğurdu, məruzə dinlənildikdən sonra mövzu ətrafında geniş müzakirələr aparılıdı, birgə elmi tədqiqatların davam etdirilməsinin zəruriliyi qeyd olundu.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

13.11.2018 11:36

AMEA Biofizika İnstitunun əməkdaşı Türkiyədə elmi ezamiyyətdə olub

2018-ci il noyabrın 05-dən 12-dək AMEA Biofizika İnstitunun əməkdaşı, “Biomolekulların strukturu, dinamikası və funksiyası” laboratoriyasının aparıcı elmi işçisi, fizika-riyaziyyat elmləri namizədi, dosent Rasim Bəxtiyar oğlu Aslanov Türkiyənin Ankara səhərində elmi ezamiyyətdə olub.

Ezamiyyətin məqsədi Ankara Universitetinin Fizika fakültəsi ilə əlaqə yaratmaq, orada aparılan elmi işlərlə bilavasitə tanış olmaq və əməkdaşlıq əlaqələrinin daha da genişləndirilməsi idi.

Elektron Paramaqnit Rezonansı (EPR) metodonu tətbiq etməklə fibrillyar zülalların quruluşunu və onda baş verən dinamik prosesləri tədqiq edən Rasim Aslanov, ezamiyyət müddətində  Ankara Universitetinin Fizika fakültəsində EPR metodu ilə aparılan spin zond və spin nişanlar tətbiq etməklə yerinə yetirilən elmi işlərlə yaxından tanış olub, təcrübə mübadiləsi və müzakirələr aparıb.

Ezamiyyət çərçivəsində xarici həmkarlarla birgə tədqiqatlar aparmaq imkanları da müzakirə olunub.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

08.11.2018 16:40

Biofizika İnstitutunda Elmi Şuranın iclası keçirildi

Bu gün AMEA Biofizika İnstitutunda Elmi Şuranın iclası keçirildi. İclası institutun direktoru, AMEA-nın müxbir üzvü, fizika-riyaziyyat elmləri doktoru, professor Oktay Qasımov açdı.

İclasın gündəliyinə əsasən, Biofizika İnstitutunun direktoru Oktay Qasımov və institutun İnnovasiya və transfer üzrə direktor müavini Azad Əbdürəhimovun İtaliyaya elmi ezamiyyəti üzrə hesabatı, həmçinin insitutun nəzdindəki laboratoriya və şöbələrin elmi və elmi-təşkilati fəaliyyətləri haqqında illik hesabatları dinlənilərək təsdiq olundu.

Daha sonra, Bakı Dövlət Universitetinin 100 illik yubileyinin qeyd olunmasına dair tədbirlərin keçirilməsi ilə bağlı məsələyə baxıldı.

Gündəlikdəki məsələlər haqqında müvafiq qərarlar qəbul edildikdən sonra Elmi Şura üzvləri cari məsələlərin müzakirəsinə keçdilər. Bildirildi ki, Fizika-Riyaziyyat və Texnika Elmləri Bölməsinin Qərarı ilə institutun Elmi Şurasının tərkibində qismən dəyişikliklər edilib.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

02.11.2018 15:29

Biofizika İnstitutunda Qadınlar Şurası təsis edilib

Azərbaycan Milli Elmlər Akademiyası Biofizika İnstitutunda Qadınlar Şurasının təsis toplantısı keçirilib.

Tədbiri giriş sözü ilə institutun direktoru, AMEA-nın müxbir üzvü, fizika riyaziyyat elmləri doktoru, professor Oktay Qasımov açıb.

O, qadınların ictimai həyatda rolundan danışaraq Biofizika İnstitutunda Qadınlar Şurasının yaradılmasını məqsədəuyğun hesab edib.Bildirib ki, iclasda məqsəd Biofizika İnstitutunda Qadınlar şurasını təsis etmək və sədri seçməkdir.

İnstitutun Qadınlar Şurasına sədrlik üçün institutun ümumi işlər üzrə şöbə müdiri Əsmər Rövşən qızı Məmmədovanın namizədliyi irəli sürülüb.

Təklif səsə qoyulub və yekdilliklə qəbul olunub. Daha sonra Şuraya 6 nəfərdən ibarət işçi qrup seçilib.

Sonda iclasda çıxış edənlər institutda yeni yaradılan Qadınlar Şurasının işçi heyətinə uğurlar arzulayıblar.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

25.10.2018 14:19

AMEA-nın Biofizika İnstitutunda “İnsan qanının İQ-spektroskopiyası ilə ağciyər adenokarsinoması xəstəliyinin diaqnostik mümkünlüyü” mövzusunda seminar keçirilib

AMEA-nın Biofizika İnstitutunda 25.10.18-ci il saat 10:00 da seminar keçirilmişdir. “Biomolekulların strukturu, dinamikası və funksiyası” laboratoriyasının elmi işçisi, AMEA Fizika İnstitutunun dissertantı Arzu Hətəmşah qızı Aydəmirova “İnsan qanının İQ-spektroskopiyası ilə ağciyər adenokarsinoması xəstəliyinin diaqnostik mümkünlüyü” mövzusunda məruzə ilə çıxış edib.

Seminarı AMEA Biofizika İnstitutunun elmi işlər üzrə direktor müavini, biologiya üzrə elmlər doktoru  Qasımov Kərim Quli oğlu açaraq mövzunun aktuallığını vurğuladı.

Sonra A.Aydəmirovanın məruzəsi dinlənilib. O, əvvəlcə müzakirə olunan məsələ ilə bağlı geniş məlumat verdi, daha sonra seminar iştirakçılarının suallarına ətraflı cavablandırdı.

Sonda İnstitututun elmi işlər üzrə direktor müavini K.Qasımov seminarı yekunlaşdıraraq iştirakçılara təşəkkürünü bildirdi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

08.10.2018 12:06

AMEA Biofizika İnstitutunun əməkdaşları İtaliyada ezamiyyətdə olublar

Biofizka İnstitutunun direktoru, AMEA-nın müxbir üzvü,  fizika-riyaziyyat elmləri doktoru, professor Oktay Qasımov və biofizika institutunun innovasiya və transfer üzrə direktor müavini, tibb üzrə fəlsəfə doktoru Azad Əbdürrəhimov İtaliyanın Milan şəhərində ezamiyyətdə olublar.

AMEA- nın Biofizika İnstitutu AMEA- CNR (İtaliaya) əməkdaşlıq çərçivəsində “EPR, FT-IR, Confocal Raman and NMR spectroscopies aimed at elucidation of structural and photophysical properties of biomaterials”  ikitərəfli qrant lahiyəsi üzrə iş aparır. Artıq bu layihə üzrə yüksək impakt faktorlu jurnalda məqalə çap olunmuşdur (Ragona L, Gasymov O.K, Guliyeva  A.J,  Aslanov R.B,  Zanzoni S., Botta C, Molinari H., Rhodamine binds to silk fibroin and inhibits its self-aggregation, Biochim Biophys Acta (IF= 2.61, 2018, 1866(5-6) : 661-667)

Ezamiyyət çərşivəsində Biofizika İnstitutunun əməkdaşları İtaliyanın Makromolekulların Tədqiqi İnstitutuna səfər ediblər. Layihənin bir hissəsi prof. H. Molinarinin rəhbərliyi ilə aparılır.

Qrant üzrə qarşılıqlı razılaşmaya əsasən hər iki tərəfin apardığı tədqiqatların nəticələri  və gələcək planlar haqqında müzakirələr aparılmışdır. Eləcə də, üzərində işlənilən ikinci məqalə başa çatdırılmış və çap olunmaq üçün müvafiq jurnala təqdim edilmişdir.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

22.06.2018 11:46

Macarıstan alimi Professor Geza Safrany “Şişlərin gen terapiyası” mövzusunda elmi məruzə ilə çıxış edib

Ukrayna Elm və Texnologiya Mərkəzi tərəfindən 6282 nömrəli layihə üzrə verilmiş birgə qrantının Avropa birliyindəki koordinatoru Professor Geza Safrany Azərbaycana dəvət edimişdir.  O, 20-21 iyun 2018-ci il tarixlərində Biofizika institutunda olmuş və orada yeni alınmış spektroskopik cihazlarla tanış olmuşdur. Professor Geza Safrany  biofizika institutunun direktoru  Professor Oktay Qasımovla və digər əməkdaşlarla gələcək kolaborativ əlaqələr haqqında  marağlı müzakirələr aparmışdır.

22 iyun tarixində Kataliz və Qeyri-üzvi Kimya İnstitutunun akt zalında Macarıstan Milli Sağlamlıq İnstitutunun bölmə rəhbəri, Professor Geza Safrany “ Gen terapiyası” mövzusunda elmi məruzə ilə çıxış etdi. Tədbir “Triptofanın bəzi biogen metallarla komplekslərinin sintezi və radioqoruyucu xassələrinin tədqiqi” layihəsi çərçivəsində, Biofizika İnstitutu, Kataliz və Qeyri-üzvi Kimya İnstitutu və Radiasiya Problemləri İnstitutlarının birgə təşkilatçılığı ilə keçirilib.

Professor Geza Safrany məruzəsində qeyd etmişdir ki, siçanlar üzərində aparılan tədqiqatların nəticəsi olaraq, şiş xəstəliklərində, xüsusi ilə də beyin şişlərində gen terapiyası effektli nəticələrə səbəb olur. Çünki gen terapiyası immun sistemi yolu ilə orqanizmin şiş əleyhinə olan müqavimətini artırır və kimya terapiya ilə eyni zamanda tətbiq ediləndə daha effektli olur.

Seminarın sonunda Professor Geza Safrany seminar iştirakçılarının suallarına ətraflı cavab verdi.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

03.05.2018 10:28

Professor Haqverdi Cəfərovun 80 illik yubileyi qeyd olunub

02 may 2018-ci il tarixində AMEA-nın Biofizika İnstitutunda “Ekoloji biofizika” laboratoriyasının aparıcı elmi işçisi, biologiya elmləri doktoru, əməkdar elm xadimi, professor Haqverdi İsmayıl oğlu Cəfərovun anadan olmasının 80 illik yubileyi ilə bağlı tədbir keçirilmişdir. Tədbirdə Bakı Dövlət Universitetinin, Azərbaycan Tibb Universitetinin professor və müəllim heyətləri, AMEA Fiziologiya institutunun, Radiasiya Problemləri institutunun, Fizika institutunun və Molekulyar biologiya və biotexnologiyalar institutunun alimləri iştirak etmişdir.

İnstitutun direktoru, AMEA-nın müxbir üzvü, professor Oktay Qasımov Haqverdi müəllimin elmi fəaliyyəti haqqında ətraflı məlumat verdi. Sonra “Ekoloji biofizika” laboratoriyasının müdiri professor Tokay Hüseynov çıxış edərək Haqverdi müəllimin həyat və elmi yaradıcılığı haqqında geniş məruzə etdi. Dəvət olunan qonaqlar da onunla bağlı olan xatirələrini paylaşdılar.

Haqverdi İsmayil oğlu Cəfərov 1 may 1938-ci ildə Gədəbəy rayonunun Böyük Qarabulaq (Miskinli) kəndində anadan olmuşdur. 1957-ci ildə Miskinli kənd orta məktəbini gümüş medalla bitirərək Azərbaycan Dövlət Universitetinin biologiya fakültəsinə daxil olmuşdur. 1962-ci ildə həmin fakültəni fərqlənmə diplomu ilə bitirmişdir. 1963-cü ildə Moskva Dövlət Universitetinə imtahan verərək müsabiqə yolu ilə biologiya fakültəsinin Biofizika ixtisası üzrə aspiranturaya daxil olaraq 1966-cı ildə müvəffəqiyyətlə dissertasiya işini müdafiə etmişdir.

1966-cı ilin noyabr ayından Azərbaycan SSR Elmlər Akademiyasının Fiziologiya İnstitutunda “Biofizika” laboratoriyasında əvvəlcə kiçik elmi işçi, sonra böyük elmi işçi vəzifəsində çalışmışdır. 1972-ci ildə Azərbaycan SSR Elmlər Akademiyası Rəyasət Heyətinin qərarına əsasən “Resepsiyanın biofizikası” laboratoriyası açılmışdır və müsabiqə yolu ilə o, laboratoriyanın rəhbəri seçilmişdir. Həmin laboratoriyada görmə kaskadının fotofiziki və fotokimyəvi proseslərinin öyrənilməsi ilə bağlı elmi işlər aparmışdır. Həmin dövrdə laboratoriya SSRİ-nin aparıcı elmi müəssisələri ilə kooperasiyada elmi fəaliyyətlə məşğul olmuş, eləcə də təsərrüfat hesabı əsasında Balıq sənayesi, Müdafiə sənayesi, Mülki Aviasiya nazirlikləri və digər təşkilatlarla elmi işlər aparmışdır.

1972-ci ildən başlayaraq fotoreseptorların funksional fəaliyyətində selenin rolunun olduğunu kəşf etməsinə görə “Elm və texnika” sahəsində Azərbaycan Dövlət mükafatı almışdır. 1976-cı və 1978-ci illərdə elmi nailiyyətlərinə görə “Əməklə fərqlənmə” və “Şərəfli əmək” medalları ilə təltif edilmişdir. Həmin illərdə Ümumittifaq Xalq Təsərrüfatı Nailiyyətləri Sərgisinin “mayalanmış kürünün saxlama rejiminin təyin olunmasına” görə gızıl medalına layiq görülmüşdür.

1969-cu ildə Biofizika ixtisası üzrə dosent attestatı almışdır. 1983-cü ildə Minsk şəhərində tanınmış Biofizika mərkəzində (indiki Biofizika və Biomühəndislik institutu) Biofizika ixtisası üzrə elmlər doktoru dərəcəsi almaq üçün dissertasiya müdafiə etmişdir. 1987-ci ildə SSRİ-in Ali Attestasiya Komissiyası tərəfindən Biofizika ixtisası üzrə professor elmi rütbəsinə layiq görülmüşdür. 1991-ci ildə M.Ə. Rəsulzadə adına Bakı Dövlət Universitetinin biologiya fakültəsində əvvəlcə “Biostimulyatorlar” laboratoriyasına müdir və “Fiziologiya” kafedrasına professor vəzifəsinə keçmişdir. 1992-ci ildə müsabiqə yolu ilə həmin kafedraya müdir seçilmişdir. 1996-cı ildən 2002-ci ilə qədər Türkiyə Respublikasında Niqdə və Çanakkala Universitetində professor, “Molekulyar biologiya” kafedrasının müdiri vəzifəsində çalışmışdır. Azərbaycana qayıtdıqdan sonra 2003-cü ildən Səhiyyə Nazirliyinin Oftalmologiya İnstitutunda “Eksperimental oftalmologiya” laboratoriyasının müdiri vəzifəsində çalışmışdır. 2003-cü ildən “Odlar Yurdu” Universitetində “Biofizika və Biokimya” kafedrasının müdiri, 2002-2008 illər ərzində Beynəlxalq Universitetdə professor, “Biokimya və Biofizika” kafedrasının müdiri, 2008-ci il noyabr ayından AMEA-nın Fizika İnstitutunda “Ekoloji biofizika” laboratoriyasında aparıcı elmi işçi vəzifəsində işləmişdir. Azərbaycan Biofizika Cəmiyyətinin və Rusiya Biofizika Cəmiyyətinin üzvüdür. 2016-cı ildən AMEA-nın Fizika Institutunda magistrlərə mühazirə oxuyur və hal-hazırda AMEA-nın Biofzika Institutunda “Ekoloji biofizika” laboratoriyasında aparıcı elmi işçi vəzifəsində çalışır.

Elmi fəaliyyət dövründə respublikada və xaricdə 200-ə qədər elmi işləri nəşr olunub, 6 monoqrafiya, 10 patentin müəllifidir, 32 fəlsəfə doktoru və 6 elmlər doktoru hazırlamışdır. Əsas elmi nailiyyətləri bunlardır: mitoxondrilərın xarici membranlarının hüceyrələrin ölümündə rolunun müəyyən edilməsi; lipidlərin sərbəst-radikallı oksidləşməsinin fotoreseptorların fəaliyyətində rolunun müəyyən edilməsi; bioloji obyektlərin konservasiyası üçün optimal metodların hazırlanması və onların canlılığının qiymətləndirməsi; ətraf mühitin çirklənməsi problemləri və s.

 

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

12