Biofizika İnstitutunda “SCOPUS elmmetrik bazasından effektiv istifadə” mövzusunda maarifləndiri seminar keçiriləcəkdir

15 dekabr 2023-ci il tarixində saat 11⁰⁰-da AR ETN Biofizika İnstitutunda “SCOPUS elmmetrik bazasından effektiv istifadə” mövzusunda maarifləndiri seminar keçiriləcəkdir (602-ci otaq).

Seminar Elsevier şirkəti tərəfindən Elm və Təhsil Nazirliyinin nəzdində olan elm və ali təhsil müəssisələri üçün Scopus elmmetrik bazasının imkanlarından efektiv istifadənin təmin olunması məqsədilə təşkil olunan sertifikasiya proqramı (“Scopus Certification Program”)  əsasında formalaşdırılmışdır.

Seminarda Scopus elmmetrik bazasından istifadə, bazada qeydiyyatdan keçmək qaydası və qeydiyyatdan keçməyin üstünlüklər izah olunacaqdır.

O cümlədən, Scopus axtarış bazasında məqalə, müəllif, mənbə və ya tədqiqat müəssisələr üzrə ilkin və təkmilləşdirilmiş axtarış, axtarışın redaktə olunması və dəqiqləşdirilməsi, axtarış tarixçəsinin saxlanılması və axtarış xəbərdarlıqlarının qurulması, axtarış nəticələrinin müxtəlif formalarda saxlanılması şərh ediləcəkdir. Axtarış nəticələrinin  müxtəlif əsaslara əsasən analizi, axtarılan məqaləyə olunan istinadlar və məqalədə istinad olunan mənbələri görmək qaydası, jurnalların reytinqinin aşkarlanması və müqayisəsi, müəllif, mənbə və ya tədqiqat müəssisələri üzrə statistik məlumatların əldə olunması əyani olaraq göstəriləcəkdir.

Məruzəçi: Aynurə Həsənova

AR ETN N.Tusi adına Şamaxı Astrofizika Rəsədxanası (ŞAR), elmi işçi və beynəlxalq əlaqələr üzrə mütəxəssis, ŞAR GAMŞ-ın Sədri.

14 Dekabr 2023

Paylaş