Biofizika İnstitutu 2025-ci il üçün doktoranturaya qəbul elan edir
Azərbaycan Respublikası Elm və Təhsil Nazirliyi Biofizika İnstitutu 2025-ci il üçün doktoranturaya qəbul elan edir
Biofizika İnstitutu Nazirlər Kabinetinin 02 may 2025-ci il tarixli 275s nömrəli Sərəncamı ilə təsdiq olunmuş “Azərbaycan Respublikasının ali təhsil müəssisələrinin, elmi müəssisə və təşkilatların 2025-ci il üçün doktorant hazırlığı üzrə qəbul planları”na əsasən 2025-ci il üçün fəlsəfə doktoru proqramı üzrə doktoranturaya qəbul elan edir.
Doktoranturaya sənəd qəbulu “Təhsil Mərkəzləşdirilmiş İnformasiya Sistemi” vasitəsilə elektron qaydada (portal.edu.az vasitəsilə 13.05.2025-02.06.2025-ci il tarixlərində) həyata keçirilir.
Fəlsəfə doktoru proqramı üzrə doktoranturaya qəbul olmaq istəyən şəxslər əvvəlcə Azərbaycan Respublikasının Dövlət İmtahan Mərkəzi tərəfindən iyun ayında keçiriləcək “Xarici dil” imtahanını verməlidirlər. “Xarici dil” imtahanını müvəffəqiyyətlə vermiş şəxslər “Fəlsəfə” fənnindən imtahana buraxılacaqlar. “Fəlsəfə” fənnindən “məqbul” alan şəxslər “İxtisas” fənnindən qəbul imtahana buraxılacaqlar.
Fəlsəfə doktoru proqramı üzrə doktoranturaya qəbul üçün aşağıdakı sənədlər Biofizika İnstitutuna təqdim olunmalıdır:
- ərizə (doktoranturanın fəaliyyət göstərdiyi müəssisənin və yaxud təşkilatın rəhbərinin adına);
- kadrların şəxsi-qeydiyyat vərəqi;
- tərcümeyi-hal;
- 2 ədəd fotoşəkil (3x4 sm ölçüdə);
- iş yerindən xasiyyətnamə;
- iş stajı olanlar üçün əmək kitabçasından çıxarış;
- çap olunmuş elmi işlərin siyahısı və ya seçilmiş ixtisas üzrə referat;
- ali təhsil müəssisəsini bitirmək haqqında diplomun müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);
- şəxsiyyəti təsdiq edən sənədin surəti.
Əlaqə nömrəsi: (+994 12) 4348336
Qeyd: Sənədlərin qəbulu prosesində doktoranturaya qəbul olmaq istəyən şəxs elmi müəssisəyə dəvət olunur, nəzərdə tutulan elmi rəhbər onunla müsahibə keçirir və rəhbərliyi həyata keçirmək barədə razılıq qərarını yazılı surətdə təqdim edir. Bundan sonra sənədlərin qəbulu tamamlanır.
