Biofizika İnstitutunun Elmi Şurasının növbəti iclası keçirilib

25 yanvar 2024-cü il tarixində saat 10:00-da AR ETN Biofizika İnstitutunda Elmi Şuranın növbəti iclası keçirilib.

İnstitutun baş direktoru, AMEA-nın müxbir üzvü Oktay Qasımovun sədrliyi ilə keçirilən iclasda 2024-cü ildə AR ETN Biofizika İnstitutunun qarşısında duran vəzifələr müzakirə olunub. Sonra AR ETN Biofizika İnstitutunun Elmi Şurasının 2024-cü il üçün iş planı təsdiqlənib.

Daha sonra AR ETN Biofizika İnstitutunun nəzdindəki laboratoriyaların 2024-cü il üçün İş proqramlarının, elmi işçilərin “Fərdi iş planları”nın və Biofizika İnstitutunun 2024-cü il üçün elmi-tədqiqat işlərinin “Fəaliyyət planı” müzakirə edilərək, ilkin variant olaraq təsdiqlənib.

Sonda, 2024-cü ildə AR ETN Biofizika İnstitutunda keçirilməsi planlaşdırılan elmi seminarlar haqqında fikir mübadiləsi aparılıb. Keçiriləcək elmi seminarlarda elmi-tədqiqat işləri aparan hər bir kəsin, o cümlədən, gənc alimlərin də iştirakının zəruriliyi vurğulanıb.

25 Yanvar 2024

Paylaş