2025-ci il üçün doktorant hazırlığı üzrə “İxtisas” fənlərindən qəbul imtahanları keçirilib

Azərbaycan Respublikası Elm və Təhsil Nazirliyinin Biofizika İnstitutunda fəlsəfə doktoru proqramı üzrə “Biofizika” və “Biokimya” fənlərindən doktoranturaya qəbul imtahanları təşkil olunub.

11 sentyabr 2025-ci il tarixində saat 10:00-da “Biofizika” fənni üzrə keçirilən imtahanda 1 nəfər iddiaçı – Fidan Qüdrətova iştirak edib.

Eyni gün saat 14:30-da isə “Biokimya” fənni üzrə imtahan keçirilib və imtahanda 1 nəfər iddiaçı – Əlislam Həşimov iştirak edib.

İmtahan komissiyasının təqdim etdiyi nəticələrə əsasən:

Fidan Qüdrətova “Biofizika” fənni üzrə qəbul imtahanından 49 bal toplayaraq “Əla” qiymətləndirilib.

Əlislam Həşimov “Biokimya” fənni üzrə qəbul imtahanından 50 bal toplayaraq “Əla” qiymətləndirilib.

Qeyd edək ki, imtahanlar şəffaflıq və obyektivlik prinsiplərinə uyğun şəkildə, mövcud qaydalar əsasında təşkil olunub. İmtahanların gedişinə komissiya üzvləri nəzarət edib, iştirakçıların bilik və hazırlıq səviyyəsi ədalətli qiymətləndirilib.

Beləliklə, hər iki iddiaçı uğurla imtahandan keçərək doktoranturaya qəbul üçün tələb olunan nəticələri göstərmişdir.