Biofizika İnstitutunda “Hemlə idarə olunan bioelektrik siqnallarının ötürülməsi mexanizmi” mövzusunda elmi seminar keçiriləcək
24 oktyabr 2025-ci il tarixində saat 11:00-da Azərbaycan Respublikası Elm və Təhsil Nazirliyi Biofizika İnstitutunda “AMEA-nın 80 illiyinə” həsr olunmuş “Hemlə idarə olunan bioelektrik siqnallarının ötürülməsi mexanizmi” (“Mechanism of heme-controlled bioelectric signal transduction”) mövzusunda elmi seminar keçiriləcək.
Seminarda “Hüceyrə siqnalının ötürülməsi” laboratoriyasının kiçik elmi işçisi Aysel Ə. Əliyeva çıxış edəcək.
Xahiş edirəm seminarda iştirak edəsiniz.
Qısa məlumat:
“Hemlə idarə olunan bioelektrik siqnallarının ötürülməsi mexanizmi”
Tədqiqatlar göstərir ki, hem ion kanallarına birləşərək onların fəaliyyətini idarə edir. Hemin müxtəlif ion kanallarına təsir mexanizmləri oxşar olsa da, hemə həssas olan spesifik birləşmə yerləri müxtəlifdir. Bu da hemin ion kanallarının tənzimlənməsində rolunun unikal olduğunu göstərir. Son araşdırmalar göstərir ki, hemin ion kanallarının aktivliyini idarə etməsi hüceyrədə vacib funksiyalar daşıdığı ehtimal olunur, halbuki bu fəaliyyətin fizioloji əhəmiyyəti tam öyrənilməmişdir. Ona görə də bu sahədə əlavə tədqiqatlara ehtiyac var. Biz hesab edirik ki, əldə etdiyimiz nəticələr gələcəkdə ion kanalları sahəsində aparılan tədqiqatlar üçün əhəməmiyyətli ola bilər.
