Biofizika ixtisası üzrə fəlsəfə doktoru imtahanı keçirilib

06 noyabr 2025-ci il tarixində Elm və Təhsil Nazirliyinin Biofizika İnstitutunda payız imtahan sessiyası çərçivəsində fəlsəfə doktoru hazırlığı üzrə “Biofizika” ixtisasından doktorluq imtahanı keçirilib.

İmtahanda dissertantlar Ləman Süleymanova, Aidə Məmmədzadə və Vəfa Atayeva iştirak ediblər. Namizədlər ixtisas fənni üzrə elmi biliklərini nümayiş etdirərək, müvafiq suallara cavab veriblər və elmi fəaliyyətləri ilə bağlı tədqiqat istiqamətlərini təqdim ediblər.

İmtahan komissiyasının qərarına əsasən, dissertant Ləman Süleymanova və Aidə Məmmədzadə 48 yekun balla, dissertant Vəfa Atayeva isə 47 yekun balla “Əla” qiymətləndiriliblər.

Komissiya üzvləri iştirakçıların elmi hazırlıq səviyyəsini yüksək qiymətləndirib, onların əldə etdikləri nəticələrin gələcək tədqiqat fəaliyyətlərində mühüm rol oynayacağını qeyd ediblər.