Şəkidə “Gənc alimlərin innovativ ideya” düşərgəsi təşkil olunmuşdur

26 iyun-1 iyul tarixlərində Şəki şəhərində Azərbaycan Respublikası Gənclər və İdman Nazirliyi və Azərbaycan Milli Elmlər Akademiyasının Gənc Alim və Mütəxəssislər Şurasının təşkilatçılığı ilə “Gənc alimlərin innovativ ideya ” düşərgəsi təşkil olunmuşdur. Düşərgədə “Biomolekulların strukturu, dinamikası və funksiyası” laboratoriyasının elmi işçisi Arzu Aydəmirova  və “Molekulyar və hüceyrə biokimyası” laboratoriyasının elmi işçisi və institutun Gənc Alim və Mütəxəssislər Şurasının sədri Mətanət Baxışova iştirak ediblər. Onlar düşərgə haqqında öz müsbət fikirlərini bölüşərək  razı qaldıqlarını və yüksək səviyyədə təşkil olunduğunu qeyd ediblər. Düşərgənin açılış mərasiminə AMEA-nın prezidendi İsa Həbibbəyli iştirak etmiş və gənclərə öz töhfəsini verərək, gələcək işlərində uğurlar arzu edib.

İnstitutun hər iki əməkdaşı, Arzu Aydəmirova “Ağciyər karsinomasının klassifikasiyası üçün süni intellektin iş prinsipi”, Mətanət Baxışova isə “Kationik anti-xərçəng Glu-Gln-Arg-Pro-Arg pentapeptidi və onun farmakoloji perspektivləri” mövzusunda təlim vermişlər. Təlimlər böyük maraqla qarşılanmışdır və mövzu ətrafında geniş müzakirələr aparılmışdır. Eyni zamanda özləri də digər alimlərin təlimlərində iştirak etmişlər və bunların onlar üçün çox faydalı olduğunu, yeni məlumatlar və əlaqələr əldə olunduğunu qeyd etmişlər.

Gənc alimlər öz asudə vaxtlarını səmərəli istifadə etmək məqsədilə müxtəlif yarışlara qoşulmuşlar və “ Brain ring intellektual” bilik yarışmasında komanda olaraq 1-ci yeri əldə etmişlər.

Bundan əlavə gənclər müəyyən qruplar yaradaraq innovativ layihələr düşünmüş və onları təqdim etmişlər.

Düşərgə boyunca həm öyrəndikləri, həm əldə etdikləri naliyyətləri bölüşdüklərini , həm də yeni əlaqələrin yaranmasını qeyd etmişlər və bunun üçün Azərbaycan Respublikası Gənclər və İdman Nazirliyi və Azərbaycan Milli Elmlər Akademiyasının Gənc Ailim və Mütəxəssislər Şurasına yüksək təşkilatçılıq üçün təşəkkür etmişlər.

07 İyul 2023

Paylaş