Biofizika İnstitutunda Yıldız Tekniki Universitetinin professoru ilə görüş keçirilib

AR ETN Biofizika İnstitutunun icraçı direktoru b.e.d. Kərim Qasımov Türkiyənin Yıldız Tekniki Universitetinin Kimya-Metallurgiya fakultəsi, “Biomühəndislik” ixtisasının əməkdaşı prof. Dr. Cem Bülent Üstündağ ilə görüşüb.

İnstitutda keçən görüşdə, həmçinin Biofizika İnstitutunun Biomolekulların strukturu, dinamikası və funksiyası laboratoriyasının aparıcı elmi işçisi, f.r.ü.f.d. Rasim Aslanov, Hüceyrə siqnalının ötürülməsi laboratoriyasının laboratoriya rəhbəri,  b.ü.f.d. Taleh Yusifov, Gənc Alim və Mütəxəssislər Şurasının sədri Mətanət Baxışova və digərləri iştirak ediblər.

Görüş zamanı həm biofizika institutunun həm də Yıldız Tekniki Universiteti əməkdaşlarının apardığı elmi tədqiqatlar üzrə geniş müzakirələr edilib və gələcəkdə ikitərəfli əməkdaşlığın perspektivləri ətrafında fikir mübadiləsi aparılıb, bu əməkdaşlığın uğurla yaradılıb inkişaf edəcəyinə əminlik ifadə olunub.

Daha sonra qonaqlar institutun laboratoriyalarını gəzib, burada olan maddi texniki təchizat, iş şəraiti və prioritet istiqamətlərdə aparılan elmi tədqiqat işləri, əldə olunan nailiyyətlər barədə məlumatlandırılıblar.

26 İyul 2023

Paylaş