Biofizika İnstitutunun Elmi Şurasının növbəti iclası keçirilib

Sentyabr ayının 21-də  AR ETN Biofizika İnstitutunun Elmi Şurasının növbəti iclası keçirilib.

İnstitutun baş direktoru, AMEA-nın müxbir üzvü Oktay Qasımovun sədrliyi ilə keçirilən iclasda AR ETN Biofizika İnstitutunun elmi işçiləri, Arzu Aydəmirovanın və Mətanət Baxışovanın 26 iyun - 1 iyul 2023-cü il tarixlərində Şəki şəhərində “Gənc alimlərin innovativ ideya” düşərgəsində iştirakı ilə bağlı hesabatı və institutun elmi işçisi Mətanət Baxışovanın 2-8 sentyabr 2023-cü il tarixlərində Tovuz şəhərində “Gənc alimlərin yay düşərgəsi"ndə iştirakı ilə bağlı hesabatları dinlənilib.

Sonra Biofizika İnstitutunun 2023-cü il üçün elmlər doktoru hazırlığı üzrə doktoranturaya qəbulu müzakirə olunub. Qeyd olunub ki, elmlər doktoru hazırlığı üzrə qiyabi doktoranturaya 1 nəfər, institutun böyük elmi işçisi, b.ü.f.d., dosent Ruhiyyə Quliyevanın qəbulu təsdiq edilib. R. Quliyevanın həm elmi məsləhətçisi, həm də dissertasiyanın mövzusu da təsdiq edilib.

Gündəlikdə yer alan növbəti məsələ, AR ETN-nin 11 sentyabr 2023-cü il tarixli 3-29/2-5653/2023 nömrəli məktubunun müzakirəsi haqqında olub. Məsələ müzakirə olunduqdan sonra 2023-cü il üzrə, institutun elmi işçilərinin mühüm nəticələrinin hazırlanması ilə bağlı müvafiq qərar qəbul olunub.

          Sonda AR ETN-nin 11 sentyabr 2023-cu il tarixli 3-29/2-5682/2023 nömrəli məktubu müzakirə olunaraq müvafiq qərar qəbul olunub.

21 Sentyabr 2023

Paylaş