Biofizika İnstitutunun Elmi Şurasının növbəti iclası keçirilib

Oktyabr ayının 9-da  AR ETN Biofizika İnstitutunun Elmi Şurasının növbəti iclası keçirilib.

İnstitutun baş direktoru, AMEA-nın müxbir üzvü Oktay Qasımovun sədrliyi ilə keçirilən iclasda Azərbaycan Respublikasının Prezidenti Yanında Ali Attestasiya Komissiyasının 28.09.2023-cü il tarixli 3-50/2-477/2023 nömrəli məktubu müzakirə edilərək, tapşırıqlar verilib.

Gündəlikdə yer alan ikinci məsələ, Biofizika İnstitutunun 2024-cü il üçün elmlər doktoru və fəlsəfə doktoru hazırlığı üzrə doktoranturaya və dissertanturaya qəbul planı müzakirə olunub. Qeyd olunub ki, 2024-cü ilin tədris ili üçün elmlər doktoru hazırlığı üzrə qiyabi doktoranturaya “Biofizika” ixtisası üzrə 1 yer, fəlsəfə doktoru hazırlığı üzrə dissertanturaya “Genetika” ixtisası üzrə 1 yer, fəlsəfə doktoru hazırlığı üzrə “Biofizika” və “Biokimya” ixtisasları üzrə qiyabi doktoranturaya 2 yer sifariş olunması nəzərdə tutulur.

09 Oktyabr 2023

Paylaş