20 nömrəli məktəb-liseyin müəllim və şagirdləri Biofizika İnstitutunun qonağı olublar

Azərbaycan Respublikasında elm və təhsil sahəsində təhsilin və elmin təkmilləşdirilməsi ilə bağlı tədbirlər haqqında fərmana əsasən, məktəblərdə və ETN tabeliyinə daxil olan institutlarda böyük islahatlar və mühüm addımlar atılmışdır.

“Elmə yiyələnməyin ilk addımları məktəbdən başlamalıdır” şüarı altında bu gün ETN Biofizika İnstitutunda elm və təhsilin inteqrasiyası istiqamətində institutun baş direktoru AMEA-nın müxbir üzvü O.K.Qasımov A.Hüseynzadə adına 20 nömrəli məktəb-liseyin direktoru, əməkdar müəllim E.A.Ağayevanı və məktəbin bir qrup müəllim və şagird heyətini qəbul etmişdir. Görüşdə ölkəmizdə elm və təhsilin inteqrasiyası istiqamətində atılan mühüm addımlar müzakirə olunmuş, istedadlı gənclərin elmə marağının artırılması istiqamətində görülən işlər barədə fikir mübadiləsi aparılmışdır. Bu il 20 nömrəli məktəb-liseyin bir qrup şagirdinin institutun laboratoriyalarında aparılan təcrübələrdə yaxından iştirakı, həmçinin onların ölkədaxili və beynəlxalq müsabiqələrdə iştirakının təmin edilməsi məsələsi də görüşdə öz əksini tapmışdır. O, xüsusilə vurğulanmışdır ki, bu il məktəbin şagirdləri hər il respubikada elm və təhsilin inteqrasiyası istiqamətində ənənəvi olaraq təşkil olunmuş “Sabahın alimləri” respublika müsabiqəsinə üç layihə təqdim etmişdirlər. O.K.Qasımov bu müsabiqəyə təqdim olunmuş layihələr, onların aktuallığı, işlənmə dərəcəsi, müasir laboratoriyalar və mütəxəssis alimlər haqqında geniş məlumat vermişdir.

Sonra məktəbin əməkdaşları ilə birgə laboratoriyalara baxış keçirilmiş, şagirdlərin gördüyü işlər barədə diskusiyalar aparılmışdır.

Sonda sizə 20 saylı məktəb-liseyin direktoru Esmira Ağayevanın "Azərbaycan müəllimi" qəzetində çap etdiyi məqaləni təqdim edirik, burada O, AR Təhsil Nazirliyinin Biofizika İnstitututu ilə rəhbərlik etdiyi məktəb arasındakı əməkdaşlığı, həmçinin elm və təhsilin inteqrasiyası üçün belə əməkdaşlığın qurulmasının vacibliyini vurğulayıb.