Biofizika İnstitutunun laboratoriya rəhbəri Kaliforniya Universitetində “Dəvətli Professor” qismində ezamiyyətdədir

        AR ETN-nin Biofizika İnstitutunun “Hüceyrə Siqnalının Ötürülməsi” laboratoriyasının rəhbəri b.ü.f.d, Taleh Yusifov Los Anceles şəhərindəki Kaliforniya Universitetinin dəvəti ilə “Dəvətli Professor” qismində birgə tədqiqatlar aparmaq üçün 3 ay müddətinə prof. Riccardo Olcese-in rəhbəri olduğu “molekulyar tibb” bölməsinə ezam olunub.  Taleh Yusifov artıq “İnsan BK (big potassium) kanalında  “Heme”-dən asılı modulyasiya mexanizmi: Citoxrom C modeli” başlıqlı məruzə ilə çıxış edib. Məruzədə  hüceyrə kalium kanalının “Heme” ilə modulyasiya mexanizmini təqdim edib və Biofizika İnstitutu ilə birgə tədqiqat perspektivlərini müzakirə edib. Diskussiya şəraitində gedən təqdimat çox maraqla qarşılanıb və bu istiqamətin əhəmiyyətli oluduğu qeyd olunub. Hal-hazırda Taleh Yusifov prof. Riccardo Olcese-in laboratoriyasında tədqiqat işlərini davam edir.

20 Dekabr 2023

Paylaş