Biofizika ixtisası üzrə fəlsəfə doktoru imtahanı keçirilib

Biofizika İnstitutunda 2025-ci il üçün yay imtahan sessiyası çərçivəsində fəlsəfə doktoru hazırlığı üzrə doktorluq imtahanı keçirilib. 5 may 2025-ci il tarixində təşkil olunan imtahan “Biofizika” ixtisası üzrə baş tutub. İmtahanda bir dissertant – Aytac Məmmədova iştirak edib.

İmtahan Komissiyasının təqdim etdiyi nəticələrə əsasən, dissertant Aytac Məmmədova suallara əhatəli və dolğun cavablar verərək 50 bal toplayıb və imtahanı “əla” qiymətlərlə uğurla başa vurub. Komissiya üzvləri tərəfindən onun elmi hazırlığı, ixtisas üzrə nəzəri bilikləri və tədqiqat qabiliyyəti yüksək dəyərləndirilib.

Qeyd edək ki, fəlsəfə doktoru imtahanı elmi fəaliyyətlə məşğul olan doktorant və dissertantların müvafiq sahə üzrə bilik və bacarıqlarını qiymətləndirmək, onların gələcək tədqiqat fəaliyyətlərinə elmi əsaslar vermək baxımından mühüm əhəmiyyət daşıyır.