Biofizika İnstitutunda Elmi Şuranın növbəti iclası keçirilib

Azərbaycan Respublikası Elm və Təhsil Nazirliyinin 

Biofizika İnstitutunda Elmi Şuranın növbəti iclası keçirilib

31 oktyabr 2025-ci il tarixində Azərbaycan Respublikası Elm və Təhsil Nazirliyinin Biofizika İnstitutunda Elmi Şuranın növbəti iclası keçirilib. İclas institutun baş direktoru, AMEA-nın müxbir üzvü Oktay Qasımovun sədrliyi ilə baş tutub.

Gündəlikdə duran ilk məsələ – 2025-ci ildə AR Elm və Təhsil Nazirliyinin Biofizika İnstitutunun doktoranturasına fəlsəfə doktoru hazırlığı üzrə qəbul olunmuş doktorantların fərdi iş planlarının təsdiqi haqqında məsələ olub. Məsələ ətrafında müzakirələr aparılıb, doktorantların təqdim etdiyi fərdi iş planları Elmi Şuranın üzvləri tərəfindən diqqətlə nəzərdən keçirilib və müvafiq qərarla təsdiq edilib.

Daha sonra AR Elm və Təhsil Nazirliyinin 23 oktyabr 2025-ci il tarixli 3-29/2-4136/2025 nömrəli məktubuna əsasən, Biofizika İnstitutunun doktoranturasına fəlsəfə doktoru proqramı üzrə 2026/2027-ci tədris ili üçün qəbul planının layihəsi müzakirə olunub. Layihə ətrafında geniş fikir mübadiləsi aparılıb, təkliflər səsləndirilib və Elmi Şura tərəfindən müvafiq qərarlar qəbul olunub.

İclasın sonunda cari məsələlər müzakirə edilib, institutun elmi-tədqiqat fəaliyyətinin səmərəliliyinin artırılması, gənc tədqiqatçıların elmi potensialının gücləndirilməsi, eləcə də qarşıdakı dövr üçün nəzərdə tutulan tədbirlərin həyata keçirilməsi ilə bağlı fikir mübadiləsi aparılıb.