Biofizika İnstitutunun əməkdaşları Prezident İlham Əliyev tərəfindən təltif olunublar
Azərbaycan Respublikasının Prezidenti cənab İlham Əliyevin 5 noyabr 2025-ci il tarixli sərəncamına əsasən, Azərbaycan elminin inkişafında xidmətləri olan bir qrup alim dövlət mükafatına layiq görülüb. Təltif olunanlar arasında Elm və Təhsil Nazirliyinin Biofizika İnstitutunun əməkdaşları da yer alıb.
Sərəncama əsasən, Biofizika İnstitutunun baş direktoru, AMEA-nın müxbir üzvü, fizika-riyaziyyat elmləri doktoru, professor Oktay Kazım oğlu Qasımov, eləcə də Biofizika İnstitutunun İnteqrativ Biologiya laboratoriyasının müdiri, AMEA-nın müxbir üzvü, biologiya elmləri doktoru İlham Əyyub oğlu Şahmuradov Azərbaycan elminin inkişafındakı xidmətlərinə görə “Əmək” ordeninin III dərəcəsi ilə təltif ediliblər.
Bu yüksək dövlət mükafatı institut əməkdaşlarının elmi fəaliyyətlərinin, fundamental tədqiqatlarının və ölkə elminin inkişafına verdikləri töhfələrin dövlət səviyyəsində yüksək qiymətləndirilməsinin bariz göstəricisidir.
Biofizika İnstitutunun kollektivi AMEA-nın müxbir üzvləri Oktay Qasımov və İlham Şahmuradovu bu yüksək təltif münasibətilə ürəkdən təbrik edir, onlara yeni elmi nailiyyətlər və uğurlar arzulayır.
Qeyd edək ki, Prezident İlham Əliyevin “Azərbaycan elminin inkişafında xidmətləri olan şəxslərin təltif edilməsi haqqında” 05 noyabr 2025-ci il tarixli sərəncamı president.az saytında dərc olunub.
