Biofizika İnstitutunun Elmi Şurasının növbəti iclası keçirilib

AR ETN Biofizika İnstitutunun Elmi Şurasının növbəti iclası keçirilib.

İnstitutun baş direktoru AMEA-nın müxbir üzvü Oktay Qasımovun sədrliyi ilə keçirilən iclasda AR ETN Biofizika İnstitutunun ştatında olan vakant yerləri tutmaq üçün (30 yanvar 2024-cü il, “Respublika” qəzeti) müsabiqənin qalibləri gizli səsvermənin sonunda açıqlanıb. İnteqrativ biologiya laboratoriyası üzrə, laboratoriya müdiri vəzifəsinə AMEA-nın müxbir üzvü, prof. İlham Əyyub oğlu Şahmuradov, kiçik elmi işçi vəzifəsinə Aysel Çingiz qızı Əliyeva, Molekulyar və hüceyrə biokimyası laboratoriyası üzrə, kiçik elmi işçi vəzifəsinə Günay İmran qızı Əliyeva təyin edilib.

Sonra AR ETN Elm və Ali Təhsil üzrə Dövlət Agentliyinin 28 fevral 2024-cü il tarixli 3-29-68/2-176/24 №-li məktubu müzakirə olunaraq, müvafiq qərarlar qəbul olunub.

Daha sonra AR ETN Biofizika İnstitutunun nəzdindəki laboratoriyaların 2024-cü il üçün İş proqramlarının və elmi işçilərin Fərdi iş planları dəqiqləşdirilib, yekun variantda təsdiq olunub.

Sonda “AR ETN Yüksək Texnologiyalar Parkı” Məhdud Məsuliyyətli Cəmiyyətinin 28 fevral 2024-cü il tarixli YTP-76-04/27 №-li məktubu müzakirə olunub.

14 Mart 2024

Paylaş