Oktyabrın 11-də Biofizika İnstitutunun I və II kurs magistrantları ilə növbəti görüş keçirilib.
Görüşün keçirilməsində məqsəd cari ilin təlim-tədris prosesinin keyfiyyətinin, magistrantlar tərəfindən biliklərin mənimsənilmə səviyyəsinin, eləcə də dərslərə dəvamiyyətin yoxlanılması olub.
Görüşdə institutun baş direktoru, AMEA-nın müxbir üzvü Oktay Qasımov, icraçı direktoru, b.ü.e.d. Kərim Qasımov, İctimaiyyətlə əlaqələr şöbəsinin müdiri Xəyalə Həsənova, Təhsil şöbəsinin müdiri, a.ü.f.d. Həmayil Adıgözəlzadə, həmin şöbənin mütəxəssisi Südabə Səlimova və qurumun magistrantları iştirak ediblər.
İclasda magistrantlarla keçdikləri mövzular üzrə müzakirələr aparılıb, təqdim edilən suallar cavablandırılıb. Professor Oktay Qasımov, magistrantlarla bundan sonra da bu formatda müntəzəm görüşlərin keçiriləcəyini qeyd edərək, tələbələri dərslərdə daha fəal və intizamlı olmağa çağırıb.