Biofizika İnstitutunun Elmi şurasının iclası keçirilib

Noyabrın 3-də Biofizika İnstitutunun Elmi şurasının növbəti iclası keçirilib.

İclası institutun baş direktoru, AMEA-nın müxbir üzvü Oktay Qasımov açaraq gündəlikdə yer alan məsələləri şura üzvlərinin diqqətinə çatdırıb.

İclasda ilk olaraq oktyabr ayının 25-dən 28-dək Türkiyənin İstanbul Universitetində elmi ezamiyyətdə olan Biomolekulların strukturu, dinamikası və funksiyası laboratoriyasının aparıcı elmi işçisi, fizika-riyaziyyat üzrə fəlsəfə doktoru, dosent Rasim Aslanovun və Molekulyar və hüceyrə biokimyası laboratoriyasının elmi işçisi Mətanət Baxışovanın hesabatı dinlənilib. Qeyd olunub ki, türkiyəli alimlərlə görüş zamanı TÜBİTAK layihəsi çərçivəsində birgə görülən işlərin son nəticələri geniş müzakirə edilib və yeni layihə üzrə əməkdaşlığın perspektivləri ətrafında fikir mübadiləsi aparılıb. Elmi Şuranın qərarı ilə hesabat qənaətbəxş hesab olunaraq təsdiq olunub.

Daha sonra Biofizika İnstitutunun magistraturasına 2022/2023-cü tədris ilində qəbul olunmuş magistrantların fərdi iş planları müzakirə olunaraq təsdiqlənib.

Sonda Biofizika İnstitutundan 2023-cü il üzrə Gənclər üçün Prezident mükafatına namizədin təyin edilməsi  barədə məsələ müzakirə olunub. Şura üzvlərinin qərarı ilə institutun “Biomolekulların strukturu, dinamikası və funksiyası” laboratoriyasının mühəndisi Aytac Cavanşir qızı Məmmədovanın namizədliyi irəli sürülüb və yekdilliklə qəbul olunub.

03 Noyabr 2022

Paylaş