Biofizika İnstitutunda magistrantların elmi məruzələri dinlənilib

AR Elm və Təhsil Nazirliyinin Biofizika İnstitutunda institutun Təhsil şöbəsinin və Gənc Alim və Mütəxəssislər Şurasının (GAMŞ) birgə təşkilatçılığı ilə “Biofizika” ixtisası üzrə təhsil alan I və II kurs magistrantların distant elmi seminarları keçirilib.

Magistrantların elmi seminarlarının təşkilində məqsəd onlarda elmi məruzələrlə auditoriya qarşısında çıxış etmək bacarığını formalaşdırmaq, elmi araşdırma qabiliyyətlərini inkişaf etdirmək, həmçinin tədris prosesinin səmərəliliyini və dərslərin mənimsənilmə bacarığını müəyyənləşdirməkdir.

Dekabrın 1-dən 26-dək “Zoom” platforması üzərindən təsdiq olunmuş qrafik üzrə keçirilən elmi seminarlarda Aytac Orucova “Virus xəstəliklərində ferritin səviyyəsinin oksidləşdirici proseslərlə əlaqəsi”, Məhəmməd Mirzəyev “EPR metodu və onun tətbiq sahələri”, Ümmü Ümüdli “Virus xəstəliklərində orqanizmdə antioksidant sisteminin rolu”, Aytən Poluxova “Oksidativ stressin kimyəvi lüminessensiya üsulu ilə öyrənilməsinin perspektivləri”, Rəhimə Dadaşova “Bioenergetikanın əsasları” mövzuları üzrə məruzələrlə çıxış edərək tədbir iştirakçılarını məlumatlandırıblar.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

26 Dekabr 2022

Paylaş