Biofizika İnstitutunda qarşıda duran vəzifələr müzakirə olunub

Biofizika İnstitutunun Elmi şurasının növbəti iclası keçirilib.

İclası institutun baş direktoru, Elmi şuranın sədri, AMEA-nın müxbir üzvü Oktay Qasımov açaraq gündəlikdəki məsələləri şura üzvlərinin diqqətinə çatdırıb.

Əvvəlcə 2023-cü ildə elmi müəssisənin qarşısında duran vəzifələrə dair fikir mübadiləsi aparılıb. Məsələ ilə bağlı çıxış edən O.Qasımov görüləcək işləri və qarşıdakı hədəfləri açıqlayıb, elmi-tədqiqat işlərinin prioritet istiqamətlər üzrə həyata keçirilməsini davam etdirmək üçün laboratoriya rəhbərlərinə müvafiq tövsiyələrini çatdırıb.

Sonra Biofizika İnstitutunun 2023-cü il üçün tədqiqat işlərinin əhatəli planı, nəzdindəki laboratoriyaların iş proqramları, eləcə də institutun Gənc Alim və Mütəxəssislər Şurasının (GAMŞ) illik fəaliyyət planı müzakirə olunaraq təsdiq edilib.

Bundan başqa, iclasda şura üzvlərinə institutda “Biofizika” ixtisası üzrə təhsil alan magistrantların 2022/23-cü tədris ilinin qış imtahan sessiyasının təşkili və gedişatı barədə məlumat verilib.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

16 Yanvar 2023

Paylaş