İnstitutda magistr dissertasiya işinin ilkin müzakirəsi keçirilib

09.06.2023-cü il tarixində Azərbaycan Respublikası Elm və Təhsil Nazirliyinin Biofizika İnstitutunun 2-ci kurs magistrantlarının dissertasiya işlərinin ilkin müzakirəsi keçirilib.

İlkin müzakirədə tədris planlarında nəzərdə tutulan nəzəri və təcrübi hazırlığı tam yerinə yetirmiş və elmi-tədqiqat işini uğurla başa çatdırmış magistrantlar  – Orucova Aytac Yaşar qızı “Biofizika” ixtisası üzrə “SARS-CoV-2 qarşı “Sinovac”la peyvənd olunmuş dəmir defisitli anemiyalı pasiyentlərin qan zərdabında ferritinin dinamikası” və Ümidli Ümmi Nizami qızı “Biofizika” ixtisası üzrə “Kovid infeksiyası keçirmiş şəxslərin antioksidant sisteminin vəziyyəti”  mövzusunda dissertasiya işlərinin  əsas müddəalarını təqdim ediblər.

Müzakirə zamanı komissiyanın üzvləri və Təhsil şöbəsinin rəhbəri: b.e.d. K.Q. Qasımov, b.e.d. İ.Ə. Şahmuradov, f.ü.f.d. R.B.Aslanov, b.ü.f.d. S.H.Cəfərova, b.ü.f.d. R.T. Quliyeva, a.ü.f.d. H.N.Adıgözəlzadə mövzu ilə bağlı irad və təkliflərini bildirib.

Magistrantların dissertasiya işlərinin Azərbaycan Respublikası Elm və Təhsil Nazirliyi tərəfindən magistr dissertasiyalarına qoyulan tələblərə tam cavab verdiyini nəzərə alaraq qiymətləndirilib və yekun müdafiə üçün magistr dissertasiyalarının müdafiəsi üzrə İxtisaslaşdırılmış Şuraya təqdim edilməsi tövsiyə olunub.

09 İyun 2023

Paylaş