Biofizika İnstitutunda dissertasiya işinin müzakirəsi keçiriləcək

07 oktyabr 2024-cü il tarixində saat 11:00-da  Azərbaycan Respublikası Elm və Təhsil Nazirliyinin Biofizika İnstitutunda 2406.01 – Biofizika ixtisası üzrə “İnsan qanının infraqırmızı və Raman spektrləri əsasında xərçəng xəstəliyinin diaqnostik sisteminin işlənməsi” mövzusunda dissertasiya işinin müzakirəsi keçiriləcəkdir.

Çıxış edəcək: Biomolekulların strukturu, dinamikası və funksiyası laboratoriyasının elmi işçisi, sabiq dissertant Arzu Hətəmşah qızı Aydəmirova.

Sizi Arzu Aydəmirovanın dissertasiya işinin müzakirəsinə dəvət edirik.

Qısa məlumat:

Dissertasiya işində nano-quruluşlu müxtəlif metal səthləri fabrikasiya etməklə onların səthində zülal modeli kimi götürülmüş fibroin zülalının və qan nümunələrinin SERS metodu ilə tədqiqinə, həm sağlam həm də ağciyər karsinoması xəstələrinin qan plazmasının infraqırmızı spektrləri əsasında  süni intellektin tətbiqi ilə aparılan klassifikasiyasına və bununla əlaqədar olaraq lipid fraksiyaları əsasında aşkar olunan dəyişikliyin ağciyər adenokarsinoması xəstəliyinin təyini üçün qiymətləndirilməsinə baxılmışdır.

Ünvan: Bakı ş., Zahid Xəlilov küç., 117, AR ETN Biofizika İnstitutu, 602-ci otaq.

03 Oktyabr 2024

Paylaş