Biofizika İnstitutunda “HER2-HER3 pozitiv süd vəzi  və ağciyər xərçəngi, beyin metastazlarının terapiyası” mövzusunda elmi seminar keçiriləcək

06 noyabr 2024-cü il tarixində saat 11:00-da  Azərbaycan Respublikası Elm və Təhsil Nazirliyinin Biofizika İnstitutunda “HER2-HER3 pozitiv süd vəzi  və ağciyər xərçəngi, beyin metastazlarının terapiyası” mövzusunda elmi seminar keçiriləcək. Seminarda Molekulyar və hüceyrə biokimyası laboratoriyasının kiçik elmi işçisi Sevda Mahmudova çıxış edəcək.

Xahiş edirəm seminarda iştirak edəsiniz.

Qısa məlumat:

17-ci xromosomun qısa qolu q22-də yerləşən və bir gen tərəfindən kodlaşdırılan, HER2 insanın epidermal boy faktoru reseptorları ailəsinin bir nümayəndəsidir. HER2 siqnal ötürmə yolunu hədəfləyən dərmanların inkişafı və dərman müqavimətinin öhdəsindən gəlmək HER2+ süd vəzi xərçənginin (həmçinin ağciyər karsinoması) müalicəsi üçün əhəmiyyətlidir. Süd vəzi xərçəngi xəstələrinin sağ qalma nisbəti bir sıra kliniki faktorlarla müəyyən olunur. Bunlara şişin mərhələsi, dərəcəsi, estrogen və progesteron reseptorların vəziyyəti, eləcə də HER2 statusu daxildir. Bu faktorlardan biri olan HER2 zülalının həddindən artıq ekspressiyası xəstələrdə mənfi proqnoza işarə edir.  30%-50%-ə qədər süd vəzi xərçəngi xəstələrində beyin metastazı inkişaf etdir, bu da onların sağ qalmasına və həyat keyfiyyətinə əhəmiyyətli dərəcədə təsir göstərir. Beyin metastazlarının və süd vəzi xərçənginin müalicəsində monoklonal anticisimlərdən və tirozin kinaza ingibitorlarından geniş şəkildə istifadə edilir.

01 Noyabr 2024

Paylaş