Biofizika İnstitutunda yeni qəbul olunan magistrantlarla görüş keçirilib

Sentyabrın 6-da AMEA-nın Biofizika İnstitutunda 2022/2023-cü tədris ilində “Biofizika” ixtisası üzrə ali təhsilin magistratura pilləsinə qəbul olmuş magistrantlarla görüş keçirilib.

Görüşdə çıxış edən institutun baş direktoru, AMEA-nın müxbir üzvü Oktay Qasımov instituta yeni qəbul olunmuş magistrantları təbrik edib, onlara təhsildə uğurlar arzulayıb. Tələbələri institutun rəhbər və müəllim heyəti ilə fəal əməkdaşlığa dəvət edən O.Qasımov gəncləri elmi müəssisədə yaradılan əlverişli təhsil mühitinin imkanlarından maksimum yararlanmağa, elmi fəaliyyətlə məşğul olmağa, nizam-intizam qaydalarına ciddi əməl etməyə səsləyib.

Görüşdən sonra magistrantlar institutun laboratoriyalarını gəzib, buradakı müasir avadanlıqlarla aparılan elmi-tədqiqat işləri barədə məlumatlandırılıblar.

06 Sentyabr 2022

Paylaş