Biofizika İnstitutunda Ümummilli Lider Heydər Əliyevin xatirəsi anılıb

AR Elm və Təhsil Nazirliyinin Biofizika İnstitutunun Yeni Azərbaycan Partiyası (YAP) özək təşkilatının və Qadınlar şurasının təşkilatçılığı ilə Ümummilli Lider Heydər Əliyevin vəfatının 19-cu ildönümü ilə əlaqədar tədbir keçirilib.

Əvvəlcə Ulu Öndər Heydər Əliyevin və ölkəmizin ərazi bütövlüyü uğrunda gedən döyüşlərdə şəhid olanların əziz xatirəsi bir dəqiqəlik sükutla yad olunub.

İclası giriş sözü ilə açan institutun baş direktoru, AMEA-nın müxbir üzvü Oktay Qasımov vurğulayıb ki, görkəmli dövlət xadimi Heydər Əliyevin irsini daim öyrənmək, qorumaq, təbliğ və tətbiq etmək hər bir azərbaycanlının şərəfli borcudur.

Sonra çıxış edən institutun Sənədlərlə iş şöbəsinin müdiri, Qadınlar şurasının sədri Əsmər Məmmədova dahi şəxsiyyət Heydər Əliyevin Azərbaycanın müstəqilliyinin möhkəmlənməsinə, ordu quruculuğuna xidmət edən şərəfli ömür yolundan, həyat və siyasi fəaliyyətindən ətraflı şəkildə bəhs edib. Bildirib ki, məhz Heydər Əliyevin əsasını qoyduğu və Müzəffər Ali Baş Komandan İlham Əliyevin uğurla davam etdirdiyi uzaqgörən siyasət nəticəsində  44 günlük Vətən müharibəsində Azərbaycanın ərazi bötövlüyü bərpa edildi.

İnstitutun YAP özək təşkilatının sədri, tibb üzrə fəlsəfə doktoru Azad Əbdürəhimov qeyd edib ki, Ulu Öndər Heydər Əliyevin gərgin əməyi və qətiyyəti sayəsində Azərbaycan dünya məkanında öz layiqli yerini tutmuşdur və hazırda onun siyasi kursunu Azərbaycan Prezidenti cənab İlham Əliyev ləyaqətlə davam etdirir.

© Bütün hüquqlar qorunur. Xəbərlərdən istifadə edərkən www.biophysics.az saytına istinad zəruridir.

12 Dekabr 2022

Paylaş