Biofizika İnstitutunda 294 №-li tam orta məktəbin şagirdi təcrübə keçməyə başlamışdır

Bakı şəhəri Qaradağ rayonunun 294 №-li tam orta məktəbinin 10-cu sinif şagirdi Rəsul Hamlet oğlu Əsədzadə Elm və Təhsil Nazirliyinin Biofizika İnstitutunun Molekulyar və hüceyrə biokimyası laboratoriyasında təcrübə keçməyə və laboratoriyanın elmi araşdırmalarında iştirak etməyə başlayıb.

İlk tanışlıq günündə şagirdə elmi müəssisənin laboratoriyaları, əsas fəaliyyət istiqamətləri, laboratoriyaların elmi fəaliyyəti barədə geniş məlumat verilib.

Təcrübə zamanı Rəsul Əsədzadə klonlaşdırmanın ilkin mərhələlərinə - genlərin ayrılması və plazmid DNT-nin ayrılması mərhələlərinə qoşulmuşdur. Molekulyar biologiyanın klassik və müasir metodlarından istifadə edərək plazmid DNT-nin E. coli-də artırılmasında və kulturadan ayrılmasında və ayrılmış plazmidin restriksiya fermentləri ilə kəsilməsində yaxından iştirak etmişdir.

08 Dekabr 2023

Paylaş